প্রধানমন্ত্রীগী লোইশঙ
প্রধান মন্ত্রীনা উত্তর প্রদেসকী গোরাখপুরদা গীতা প্রেস চহি ১০০ শুবগী কুমওন থৌরমশিং লোইশিনবা থৌরমদা ৱা ঙাংখ্রে
চিত্রাময়া সিব পুরানা গ্রান্থ ফোঙখ্রে
লীলা চিত্রা লাইশঙদা চৎখ্রে
“ভসুদেবা সর্ভম হায়বদি খুদিংমক ভসুদেবতগী হৌরকপনি”
“১৯২৩দা গীতা প্রেসকী শক্তম ওইনা চুখৎখিবা থৱায়গী মঙাল অদুনা ঙসিদি মীওইবা খুন্নাই পুম্নমক্কী লমজিং মৈরা ওইরে”
“গীতা প্রেসনা ভারত শম্নহল্লে, ভারতকী অপুনবগী শক্তম মপাঙ্গল কনখৎহল্লে’
“এক ভারত, শ্রেস্থা ভারতকী ৱাখল্লোন মহুৎশীনবা লম্বী অমদা গীতা প্রেস লৈরি”
“ অরানবা অমসুং কিহনবনা মপাঙ্গল কনখৎলকপা অমসুং খুদোংথিবনা অচুম্বা কুপশিনখিবা মতমদা, ভগবদ গীতানা মতম পুম্নমক্তা থৌনাগী হৌরকফম ওইরি”
“মীওইবগী গুনশিং অমসুং ফিদমশিং অমুক হিঙ্গৎনবা গীতা প্রেসগুম্বা লুপশিং থোরকখি”
“ঐখোয়না অনৌবা ভারত অমা শেমগৎকনি, অমসুং নুংঙাইবা মালেম অমা শেম্নবা ঐখোয়গী পান্দম মাইপাকহল্লসি”
Posted On:
07 JUL 2023 5:36PM by PIB Imphal
ঙসি প্রধান মন্ত্রী শ্রী নরেন্দ্র মোদীনা উত্তর প্রদেসকী গোরাখপুরদা পুৱারি ওইরবা গীতা প্রেস চহি ১০০ শুবগী কুমওন থৌরমশিং লোইশিনবা থৌরমদা ৱা ঙাংখ্রে অমসুং চিত্রাময়া সিব পুরানা গ্রান্থ ফোঙখ্রে। প্রধান মন্ত্রীনা গীতা প্রেসতা লীলা চিত্রাগী লাইশঙদসু চৎখি অমসুং ভাগবন রামগী শক্তমদা লৈ-শু কৎতুনা ইকায়খুম্নবা উৎখি।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি শেংলবা শ্রাবন থা অমসুং ইন্দ্রদেবগী থৌজালগা লোয়ননা, সিব অবতার গুরু গোরানাথকী লাই নিংফম অমসুং সাধু কয়াগী মফম ওইরিবা গোরাখপুরগী গীতা প্রেসতা লাক্নবগী খুদোংচাবা অমা মহাক্না ফংলে। মফম অসি চাউখৎপা অমসুং নাৎকী লনগৈ-পুক্কৈ অনিমক পুন্না চৎমিন্নবা মফম অমনি। গীতা প্রেসকী থৌরম অসি লোইরবা মতুংদা গোরাখপুর রেলৱে স্তেসন অমুক হন্না শেমগৎনবা উরেপ-উয়ুং তম্নবা অমসুং বন্দে ভারত এক্সপ্রেস ত্রেন অনি লমথানবা মহাক গোরাখপুর রেলৱে স্তেসন্দা চৎকনি।
শেমগৎকদৌরিবা রেলৱে স্তেসন অসিগী ফোতোশিং উবদা মীয়াম মরক্তা হরাওবা ফাওনরে। বন্দে ভারত এক্সপ্রেস ত্রেনশিংনা মিদল ক্লাসশিং খুদোংচাবা হেনগৎহল্লে। মতম অমদা মখোয়গী লমদা ত্রেনশিং খাম্নবা মিনিস্তরশিংনা চিথি ইবা মতম অমা লৈরমখি, ঙসিদি মিনিস্তরশিংনা বন্দে ভারত এক্সপ্রেস ত্রেনশিং চেনবা হৌনবা চিথিশিং ইরে। বন্দে ভারত ত্রেনশিং মীয়াম্না ঙাওনবা অমা ওইরে। ঙসিগী প্রোজেকশিং অসিগীদমক প্রধান মন্ত্রীনা গোরাখপুর অমসুং ভারতকী মীয়ামদা নুংঙাইবা ফোঙদোকখি।
প্রধান মন্ত্রীনা হায়খি গীতা প্রেস অসি শুপ্নগী প্রিন্তিং প্রেস অমা নত্তে, অহিংবা থাজবা অমনি। গীতা প্রেসকী ওফিস অসি মীওই করোর কয়াগী লাইশঙ অমদগী তাবা নত্তে। গীতাদগী কৃষ্ণ লাকপনি, কৃষ্ণগা লোয়ননা, মীনুংশি অমসুং ‘কর্মা’ লাকই অমসুং মসিদা লৌশিং অমসুং সাইন্তিফিক ওইনা থিজিনবগী ৱাখল্লোন অমা য়াওরি। গীতাগী শ্লোক অমা লৌখৎলদুনা প্রধান মন্ত্রীনা হায়খি “ভসুদেবা সর্ভম হায়বদি খুদিংমক ভসুদেবতগী হৌরকপনি”
প্রধান মন্ত্রীনা হায়খি ১৯২৩দা গীতা প্রেসকী শক্তম ওইনা চুখৎখিবা থৱায়গী মঙাল অদুনা ঙসিদি মীওইবা খুন্নাই পুম্নমক্কী লমজিং মৈরা ওইরে। মীওইবা খুন্নাইগী য়াইফনবা পায়খৎপা মিসন অসি চহি ১০০ মপুংফারকপগী থৌরম শরুক য়াবা অসি লাইবক ফবনি। গীতা প্রেসতা গান্ধী পিছ প্রাইজ পীখ্রে। মতম অমদা গান্ধীজিনা কলয়ান পত্রিকাগী খুৎথাংদা গীতা প্রেসতা ইখি। কলয়ান পত্রিকাদা এদভরতাইজমেন্তশিং ফোঙদনবা গান্ধীজিনা পাউতাক পীখি অমসুং পাউতাক অদু হৌজিক ফাওবা ইল্লি।
প্রেস অসিনা পাংথোকখিবা থবকশিং ইকায়খুম্নবা উৎপা ওইনা অমসুং চহি ১০০ শুরকপদা গীতা প্রেসতা গান্ধী পিছ প্রাইজ পীদুনা লৈবাক অসিনা গীতা প্রেসনা ইকায়খুম্নবা উৎখিবদা অপেনবা ফোঙদোক্লদুনা প্রধান মন্ত্রীনা হায়খি চহি ১০০ অসিদা গীতা প্রেসনা লাইরিক করোর কয়া ফোঙদুনা অচঙবা মমলদগী তানা য়োনখি অমসুং য়ুমথোং য়ুমথোংশিংদা ফংহনখি। লৌশিং ফংহনবা অসিদা অপাবশিংদা অপেনবা পোকহনবগা লোয়ননা খুন্নাইদা কৎথোকপা ঙম্বা মীওই কয়া শেমখি।
প্রধান মন্ত্রীনা হায়খি গীতা প্রেসগুম্বা লুপ অমা লাইনিংগা মরী লৈনবা খক নত্তনা মখোয়গী থবক অসিদা লৈবাক্কী ওইবা অমা য়াওরি। গীতা প্রেসনা ভারত শম্নহল্লে, ভারতকী অপুনবগী শক্তম মপাঙ্গল কনখৎহল্লে। লৈবাক শীনবা থুংনা প্রেস অসিগী মশা ২০ লৈরে। লৈবাক অসিদা রেলৱে স্তেসন খুদিংমক্তা মীওই অমনা গীতা প্রেস স্তোলশিং থেংনগনি। গীতা প্রেসনা লোল ১৫দা লাইরিক ১৬০০ ফোঙখ্রে অমসুং তোঙান-তোঙানবা লোলশিংদা ভারতকী মরুওইবা ৱাখল্লোনশিং শন্দোক্লি। এক ভারত, শ্রেস্থা ভারতকী ৱাখল্লোন মহুৎশীনবা লম্বী অমদা গীতা প্রেস লৈরি।
প্রধান মন্ত্রীনা হায়খি লৈবাক অসিনা নিংতম্বা চহি ৭৫ মপুংফারকপদা গীতা প্রেসনা চহি ১০০ শুরকপা অসি মপা চানবা অমা নত্তে। ১৯৪৭গী মমাঙদা ভারতনা তোঙান-তোঙানবা হিরমশিংদা লৈবাক অসিগী অওনবা পুরক্নবা লেপ্তনা হোৎনবা মতমদা, তোঙান-তোঙানবা লোয়শঙশিংনা ভারত মিকপ থোকহন্নবা থৌদাং অমা লৌখি। মদুগী ফল ওইনা, ১৯৪৭দা মীনাই ওইবগী ৱাখল্লোন্দগী নান্থোক্নবা ভারতনা থৱায়-হকচাং য়াওনা থৌরাং তৌখি। মসিদা য়ুম্ফম ওইদুনা গীতা প্রেস লিংখৎখিবনি।
প্রধান মন্ত্রীনা হায়খি চহিচা কয়া মীনাই ওইরকপদগী চহি ১০০গী মমাঙদা ভারতকী অচুম্বা ৱাখল্লোন মাঙহনখি অমসুং মপান্দগী লান্দারকপশিংনা ভারতকী লাইব্রেরিশিং মৈ থাখি। বৃতিসকী মতমদা গুরুকুল অমসুং গুরুগী চৎনবী মপুংফানা মাঙহনখি। শেন য়াম্না চঙবা মরম্না মতম অমদা প্রিন্তিং প্রেসশিং মীচম মীয়াম্না শীজিন্নবা ঙম্বগী ৱাংমদা লৈখি অমসুং ভারতকী অশেংবা লাইরিকশিং মাঙবা হৌরকখি। গীতা অমসুং রমায়ন য়াওদনা ঐখোয়গী খুন্নাই হিংগনি? গুনশিং অমসুং ফিদমশিং কংশিনবা হৌরকপদা, খুন্নাইগী ইচেল মশা মথন্থা লেপচখিগনি।
প্রধান মন্ত্রীনা হায়খি অরানবা অমসুং কিহনবনা মপাঙ্গল কনখৎলকপা অমসুং খুদোংথিবনা অচুম্বা কুপশিনখিবা মতমদা, ভগবদ গীতানা মতম পুম্নমক্তা থৌনাগী হৌরকফম ওইরি। গীতা পল্লদুনা প্রধান মন্ত্রীনা শন্দোক্না হায়খি লাইনিং অমসুং অচুম্বা খুদোংথিবা তারকপা মতমদা, মদু কন্নবা মালেমদা ঈশ্বর লাকই। গীতাগী ১০শুবা তাঙ্কক পল্লদুনা প্রধান মন্ত্রীনা হায়খি মওং অমদা হেক্তা ঈশ্বর থোরকই। মীওইবগী গুনশিং অমসুং ফিদমশিং অমুক হিঙ্গৎনবা গীতা প্রেসগুম্বা লুপশিং থোরকখি।
মহাক্না হায়খি ১০২৩দা প্রেস অসি হেক লিংখৎপদগী গীতা প্রেসনা ভারতকী ৱাখল্লোন খোঙজেল য়াংখৎহনখি। গীতা য়াওনা ঐখোয়গী লাইরিকশিং অমুক হন্না ভারতকী য়ুমথোং খুদিংদা খোন্থাং য়ৈবা হৌরকখি অমসুং ঐখোয়গী ৱাখলগা ভারতকী ৱাখলগা পুনশিন্নখি। ইমুংগী চৎনবীশিং অমসুং অনৌবা মীরোলশিং হায়রিবা লাইরিকশিং অসিগা শম্নবা হৌরকখি অমসুং ঐখোয়গী শেংলবা লাইরিকশিং তুংগী মীরোলশিংগী য়ুম্ফম ওইরকখি। অদোমগী পান্দমশিং নাখৈ শেংলবা, অদোমগী গুনশিং শেংলবা মতম অদুদা মাইপাকপা ঙম্মী হায়বা গীতা প্রেসনা খুদম্নি। মহৈলোয়শঙ অমা ওইনা গীতা প্রেসনা মতম পুম্নমক্তা খুন্নাগী গুনশিং য়োকখৎখি অমসুং মীয়ামদা থৌদাংগী লম্বী তাকখি। হায়রিবা থবকশিং অসিগী তুংদা, লৈবাক্কী থবক তৌনবা ইথিল পীরি অমসুং লৈবাক শেমগৎনবা ৱারেপ অমা লৌখি।
শ্রী মোদীনা মখা তানা হায়খি সাধুশিংগী অৱাবা খাংবা অমসুং মখোয়গী ৱাশকশিং কৈদৌঙৈদা লেম্না মাঙদে। মীনাই ওইবগী ৱাখল্লোন্দগী মনিং তম্নবা অমসুং ঐখোয়গী হেরিতেচকী চাউথোকচবা পোক্নবা মহাক্না লাল কিলাদা ৱা ঙাংবদা পনখিবা অদু নিংশিংলদুনা প্রধান মন্ত্রীনা হায়খি চাউখৎ-থৌরাং অমসুং হেরিতেচ অনিমক্কা লোয়ননা লৈবাক অসি মাঙলোমদা চঙশিল্লি। অমরোমদা ভারত দিজিতেল তেক্নোলোজিদা অনৌবা রেকোর্দশিং থম্লে অমসুং অমরোমদা, কাসি কোরিদোর অমুক হন্না শেমগৎলবা মতুংদা, কাসিদা ঈশ্বরগী মশক ওইরবা বিশ্বানাথ ধাম উবা ফংলে।
প্রধান মন্ত্রীনা হায়খি ভারত্তা মালেম থাক্কী ইনফ্রাস্ত্রকচর শেমগৎপগা লোয়ননা, চিংলেম্লবা কেদরনাথ অমসুং মহাকাল মহালোকগুম্বা লাইফমশিংসু উবা ফংলে। চহিচা কয়াগী মতুংদা অয়োধ্যদা অচৌবা রাম লাইশঙ উবা ফংলগনি। অনৌবা নেভি ইন্সাইন্দা ছত্রপতি সিবজী মহারাজা ইকায়খুম্নবা উৎলে। মশাগী থৌদাং মশক খঙবগী ইথিল পীনবা রাজপথ অসি কর্তভ্যা হায়না নৌনা মমিং থোল্লে অমসুং ত্রাইবেলশিংগী চৎনবীশিং অমসুং ত্রাইবেল নিংতম লান্মীশিং ইকায়খুম্নবা উৎনবা লৈবাক শীনবা থুংনা মিউজমশিং শেমগৎলে অমসুং হুরানখিবা অমসুং মপান্দা পুখিবা মমাংঙৈগী অরিবা মীতমশিং অমুক পুরক্লে।
লোইশিল্লকপদা, প্রধান মন্ত্রীনা হায়খি চাউখৎলবা অমসুং স্পিরিচুএল ওইবা ভারত অমা শেমগৎনবা ৱাখল ঐখোয়দা ঐখোয়গী সাধুশিংনা পীরমখি অমসুং ঙসিদি কনাগুম্বা অমনা মসিগী ৱাহন্থোক উবা ফংলে। ঐখোয়গী সাধুশিংগী থৱায়গী ওইবা থবকশিং অদুনা ভারত হিরম খুদিংমক্তা চাউখৎনবা মখা তানা ঐখোয়দা থৌনা পীগনি। ঐখোয়না অনৌবা ভারত অমা শেমগৎকনি, অমসুং নুংঙাইবা মালেম অমা শেম্নবা ঐখোয়গী পান্দম মাইপাকহল্লসি।
থৌরম অদুদা শরুক য়াখিবশিংগী মনুংদা উত্তর প্রদেসকী রাজ্যপাল অনন্দিবেন পতেল, উত্তর প্রদেসকী চীফ মিনিস্তর শ্রী য়োগি অদিত্যনাথ, গোরাখপুরগী এম.পি শ্রী রবি কিষন, গীতা প্রেসকী ত্রস্ত বোর্দকী জেনেরেল সেক্রেতরি শ্রী বিষ্ণু প্রসাদ চান্দগোথিয়া অমসুং চিয়ার্মেন কেসোরাম অর্গৱাল য়াওখি।
****
(Release ID: 1938240)
Visitor Counter : 82
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam