কেন্দ্রগী রাজ্য মন্ত্রী (ইন্দিপেন্দেন্ত চার্জ) সাইন্স অমসুং তেক্নোলোজী; এম.ও.এস. পি.এম.ও., পর্সনেল, পব্লিক গ্রিভান্সেস, পেন্সন, এতোমিক ইনর্জী অমসুং স্পেস, দা. জিতেন্দ্র সিংহনা হায়খি মদুদি প্রধান মন্ত্রী নরেন্দ্র মোদীগী লুচিং মখাদা সরকারনা মিসন কর্ময়োগী অমসুং মিদ-কেরীয়র ত্রেনিং প্রোগ্রাম হৌদোকখ্রে, মদুনা ওফিসরশিংবু অমৃত কালগী প্রায়োরিতীশিংগীদমক ত্রেন তৌনবা অমসুং অনৌবা তেক্নোলোজী শিজিন্নবগা লোয়ননা আত্মনির্ভর ভারত শেমগৎপদা থৌদাং য়ানবা মখোয়বু থৌরাং তৌনবা পান্দম থম্লি।

ঙসি ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)দা ৪৯শুবা এদভান্স প্রোফেস্নেল প্রোগ্রাম ইন পব্লিক এদমিনিস্ত্রেসন (এ.পি.পি.পি.এ.)গী হৌদোকপগী থৌরমদা ৱা ঙাংলদুনা মন্ত্রীনা হায়খি মদুদি সরকারনা মীচম প্রজাগী য়াইফনবগীদমক সিতিজন সেন্ত্রিক সর্বিসশিং ফংহন্নবা ইজ ওফ দুয়িং বিজিনেস (ই.ও.দি.বি.) অমসুং ইজ ওফ গবর্নান্স হৌদোক্লে।

দা. জিতেন্দ্র সিংহনা হায়খি মদুদি মায়কৈ অসিদা প্রধান মন্ত্রী শ্রী নরেন্দ্র মোদীনা লুচিংবা সরকারনা শেল পীজরীবা মীওইসু পনিশমেন্ত পীবা য়াহন্নবা চহি ৩০গী মতুংদা ২০১৮দা প্রিভেন্সন ওফ করপসন এক্ত এমেন্দ তৌখি।

মহাক্না হায়খি, “সরকার অসিগী ৱাখল্লোনদি মসিনি মদুদি নাকল অমরোমদা প্রধান মন্ত্রীনা হায়রি ‘শেঞ্জা-থুমজাগী মায়কৈদা জীরো তোলরেন্স ওই’, (অমসুং) মতমদুমক্তদা এমপ্লোইশিং পরফোর্ম তৌবদা মতিকচাবা ইনভাইরনমেন্ত ফংহনবসুনি, মদুনা অদোমগী পোতেন্সিএল অমসুং কেপাসিতীদা মেক্সিমম আউতলেত পীবা ঙমহল্লি, অমসুং সরকার অসি মদুগী মতাংদা য়াম্না সপোর্তিব ওই।”

মিসন কর্ময়োগীগী পান্দমদি সরকারগী ওফিসিএল পুম্নমকপু “রুল-বেজ” অমসুং “কম্পিতেন্সী বেজ” লর্নিংগী মহুৎ “রোল-বেজ”গী মরুওইবা প্রিন্সিপলদা য়ুমফম ওইবা ৱার্ল্দ ক্লাস কেপাসিতী বিলদিংগী খুদোংচাবা অমা শেমগৎতুনা সরকারগী কর্মচারিশিংবু মখোয়গী থৌদাংশিং ইফিয়েন্তলি, স্মার্তলি অমসুং ইফেক্তিবলি তৌবা ঙমহনবনি।

দা. জিতেন্দ্র সিংহনা হায়খি, সরকারনা পি.এম. এক্সিলেন্স এৱার্দসকী ফোর্মেতসু চেঞ্জ তৌরে, মদু হৌজিক সরকারগী ফ্লেগশিপ প্রোগ্রামশিং ইমপ্লিমেন্ত তৌবগী আউতকমস অমসুং তার্গেতশিং এচিব তৌবা অদুদা য়ুমফম ওইরে। ওফিসর ত্রেনীশিংনা মখোয়গী ত্রেনিংগী শরুক ওইনা ফ্লেগশিপ প্রোগ্রামশিংদা দিস্সরতেসন সমিত তৌবা মথৌ তাই।

এ.পি.পি.পি.এ. অসি দিফেন্স সর্বিসেস অমসুং স্তেত সিভিল সর্বিসেস য়াওনা ওল ইন্দিয়া, সেন্ত্রেল সর্বিসেসকী সেনিয়র ওফিসরশিংগীদমক অপুনবা থা তরাগী কোর্স অমনি। মসি সরকারগী প্রায়োরিতীশিং অমসুং নেস্নেল দিবলপমেন্ত এজেন্দাদা মীৎয়েং থমদুনা দিজাইন তৌবনি।

ইন্দিয়ন ইন্সতিত্যুত ওফ পব্লিক এদমিনিস্ত্রেসন (আই.আই.পি.এ.)না অসিগুম্বা মখলগী প্রোগ্রাম ৪৮ মায় পাক্না পাংথোকখ্রে অমদি আর্ম ফোর্সেস অমসুং অতোপ্পা লৈবাক খরা, ইন্দিয়ন য়ুনিবর্সিতীশিংগী ওজাশিং অমসুং স্তেত সিভিল সর্বিসেসকী ওফিসরশিং য়াওনা ওল-ইন্দিয়া অমসুং সেন্ত্রেল সর্বিসেসকী এদমিনিস্ত্রেতর/ওফিসর ১৬২০ ত্রেন তৌখ্রে।

*******