জুলাই ৫, ২০২৩দা নিউ দিল্লিদা কঞ্জুমর এফেয়ার্স, ফুদ অমসুং পব্লিক দিস্ত্রিবিউসন মিনিস্ত্রিগী ফুদ অমসুং পব্লিক দিস্ত্রিবিউসন দিপার্তমেন্তনা শীন্দুনা রাজ্যশিং অমসুং য়ু.তিশিংগী ফুদ মিনিস্তরশিংগী নেসনেল কনফরেন্স অমা পাংথোক্কনি। কালেন লৌরোক ২০২৩-২৪ মনুংদা মহৈ-মরোং লৈশিন্নবা থৌরাং তৌনবা, পি.এম.জি.কে.এ.ৱাই মপুংফানা পায়খৎনবা সরকারনা পায়খৎলিবা থবকশিং খন্নবা, রাজ্যশিং/য়ু.তিশিংগী খ্বাইদগী ফবা থবকশিং অতোপ্পশিংদা খঙহনবা অমসুং লৈবাক্কী ওইনা চীঞ্জাক ৱাহন্দবগী মতাংদা মীফম অদুদা খন্নগনি।

মীফম অদু কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী য়ুনিয়ন মিনিস্তর শ্রী পিয়ুস গোয়ালনা মীফম অদু লুচিংগনি। কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী রাজ্য মন্ত্রী সাধবী নিরঞ্জন জয়তি অমসুং শ্রী অশ্বিনি কুমার চৌবে অমসুং রাজ্যশিং অমসুং য়ু.তিশিংগী ফুদ অমসুং সিবিল সপ্লাই মিনিস্তরশিং মীফম অদুদা শরুক য়াগনি।

মীফম অদুদা  মিনিস্তর শ্রী পিয়ুস গোয়ালনা সুগর-ইথানোল পোর্তেল হৌদোক্কনি। স্মার্দ-পি.দি.এস, সপ্লাই চেন ফগৎহনবা, মহৈ-মরোং লৈশিনফমশিং ফগৎহনবা অমসুং ফিয়ার প্রাইজ সোপশিং অওনবা পুরকপগী মতাংদা খন্নগনি।

লৈবাক অসিদা চীঞ্জাক ৱাৎহন্দনবা হোৎনবদা থেংনরিবা খুদোংচাদবশিং খন্নবা অমসুং ২০২৩-২৪গী লম্বী অমা শেম্নবা ৱা খন্ননবা মীফম অসিনা মফম অমা পীগনি। 

হৌখিবা চহি ৯ অসিদা, খুন্নাইগী লায়রবশিংদা মতম চানা চীঞ্জাক ফংহন্নবা ফুদ অমসুং পব্লিক দিস্ত্রিবিউসন দিপার্তমেন্তনা থবক কয়া পায়খৎতুনা লাক্লি। জনুৱারি ১,২০২৩দগী প্রধান মন্ত্রী গরিব কলয়ান অন্ন য়োজনা পায়খৎপদগী, মীওই করোর ৮০ হেনবদা লেম্না চেঙ য়েন্থোকপা ঙমহল্লে।

হায়রিবা থবকশিং অসিগী মখাদা ফুদ অমসুং পব্লিক দিস্ত্রিবিউসন দিপার্তমেন্তনা মসিগী থবক তৌবগী শক্তি হেনগৎহল্লে। থবক তৌবা ফগৎহন্নবা ফুদ অমসুং পব্লিক দিস্ত্রিবিউসন দিপার্তমেন্তনা অনৌবা থবক কয়া পায়খৎলে অমসুং মসি চীঞ্জাক ফংহনবগী থবকশিং ফগৎহন্নবা পান্দম থম্লি।

মীফম অসিদা রাজ্যশিং/য়ু.তিশিংগী ফুদ মিনিস্তরশিং অমসুং ফুদ সেক্রেতরিশিং শরুক য়াগনি অমসুং ফুদ অমসুং সিবিল সপ্লাইগী থবকশিং চাউখৎহন্নবা লৌশিং পীথোক-পীশিন তৌন্নবা অমসুং মতেং পীন্নবা খন্নগনি।

মীফম অদুদা মহৈ-মরোং লৈশিন্নবা থৌরাং তৌনবা, পি.এম.জি.কে.এ.ৱাই মপুংফানা পায়খৎনবা সরকারনা পায়খৎলিবা থবকশিং খন্নবা, রাজ্যশিং/য়ু.তিশিংগী খ্বাইদগী ফবা থবকশিং অতোপ্পশিংদা খঙহনবা অমসুং লৈবাক্কী ওইনা চীঞ্জাক ৱাহন্দবা খন্নবা , স্মার্দ-পি.দি.এস থবক ওইনা পায়খৎপা, সুগর-ইথানোল পোর্তেল হৌদোকপা অমসুং চহি ৯গী মাইপাকপশিংগী লাইরিক অমা ফোঙবা য়াওরি।

মীফম অদুদা শরুক য়াগদবশিংনা ফুদ অমসুং সিবিল সপ্লাইগী থবকশিং ফগৎনবা অনৌবা ৱাফমশিং খন্নবগী খুদোংচাবা অমা পীগনি।

****