ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଆନ୍ଧ୍ର ପ୍ରଦେଶର ପୁଟପର୍ତ୍ତୀରେ ସାଇ ହୀରା ଗ୍ଲୋବାଲ କନଭେନସନ ସେଣ୍ଟରର ଉଦଘାଟନୀ ଉତ୍ସବରେ ପ୍ରଧାନମନ୍ତ୍ରୀଙ୍କ ଅଭିଭାଷଣର ମୂଳ ପାଠ
Posted On:
04 JUL 2023 1:39PM by PIB Bhubaneshwar
ସାଇରାମ, ଆନ୍ଧ୍ର ପ୍ରଦେଶର ରାଜ୍ୟପାଳ ଶ୍ରୀମାନ ଅବଦୁଲ ନଜିର, ଶ୍ରୀ ସତ୍ୟସାଇ ସେଣ୍ଟ୍ରାଲ ଟ୍ରଷ୍ଟର ମ୍ୟାନେଜିଂ ଟ୍ରଷ୍ଟୀ ଶ୍ରୀ ଆର. ଜେ. ରତ୍ନାକର ଜୀ, ଶ୍ରୀ କେ. ଚକ୍ରବର୍ତ୍ତୀ ଜୀ, ମୋର ବହୁତ ପୁରୁଣା ବନ୍ଧୁ ଶ୍ରୀ ୟୁକୋ ହୀରା ଜୀ, ଡ. ମୋହନ ଜୀ, ଶ୍ରୀ ଏମ ଏମ ନାଗାନନ୍ଦ ଜୀ, ଶ୍ରୀ ନିମିଷ ପାଣ୍ଡ୍ୟା ଜୀ, ଅନ୍ୟ ସମସ୍ତ ମାନ୍ୟଗଣ୍ୟ ବ୍ୟକ୍ତି, ମହିଳା ଏବଂ ଭଦ୍ର ଲୋକମାନେ, ଆପଣ ସମସ୍ତଙ୍କୁ ପୁଣିଥରେ ସାଇରାମ ।
ମୋତେ ଅନେକ ଥର ପୁଟପର୍ତ୍ତୀ ଆସିବାର ସୌଭାଗ୍ୟ ମିଳିଛି । ମୋର ବହୁତ ଇଚ୍ଛା ଥିଲା ଯେ ଏଥର ମଧ୍ୟ ମୁଁ ଆପଣ ସମସ୍ତଙ୍କ ମଧ୍ୟକୁ ଆସିବି, ଆପଣମାନଙ୍କୁ ଭେଟିବି, ସେଠାରେ ଉପସ୍ଥିତ ରହିବି ଏବଂ ଏହି କାର୍ଯ୍ୟକ୍ରମର ଅଂଶ ହେବି । କିନ୍ତୁ ସେଠିକାର ବ୍ୟସ୍ତବହୁଳ କାର୍ଯ୍ୟସୂଚୀ ହେତୁ ମୁଁ ଉପସ୍ଥିତ ହୋଇ ପାରିଲି ନାହିଁ । ବର୍ତ୍ତମାନ ଭାଇ ରତ୍ନାକର ଜୀ ମୋତେ ନିମନ୍ତ୍ରଣ ଦେବା ସମୟରେ କହିଲେ ଯେ ଆପଣ ଥରେ ଆସନ୍ତୁ ଏବଂ ଆଶୀର୍ବାଦ ଦିଅନ୍ତୁ । ମୋତେ ଲାଗିଲା ଯେ ରତ୍ନାକର ଜୀଙ୍କର କଥାକୁ ସଂଶୋଧନ କରାଯିବା ଉଚିତ । ମୁଁ ନିଶ୍ଚିତ ଭାବରେ ସେଠାକୁ ଆସିବି କିନ୍ତୁ ଆଶୀର୍ବାଦ ଦେବାକୁ ନୁହେଁ, ଆଶୀର୍ବାଦ ନେବାକୁ ଆସିବି । ଟେକ୍ନୋଲୋଜୀ ମାଧ୍ୟମରେ ମୁଁ ଆପଣ ସମସ୍ତଙ୍କ ମଧ୍ୟରେ ଅଛି । ଆଜି ଏହି କାର୍ଯ୍ୟକ୍ରମର ଆୟୋଜନ କରିଥିବାରୁ ମୁଁ ଶ୍ରୀ ସତ୍ୟସାଇ ସେଣ୍ଟ୍ରାଲ ଟ୍ରଷ୍ଟ ସହିତ ଜଡ଼ିତ ସମସ୍ତ ସଦସ୍ୟମାନଙ୍କୁ, ଏବଂ ସତ୍ୟସାଇ ବାବାଙ୍କ ସମସ୍ତ ଭକ୍ତମାନଙ୍କୁ ଆଜିର ଏହି ଆୟୋଜନ ପାଇଁ ଶୁଭେଚ୍ଛା ଜଣାଉଛି । ଏହି ସମସ୍ତ ଆୟୋଜନରେ ଶ୍ରୀ ସତ୍ୟସାଇଙ୍କ ପ୍ରେରଣା, ତାଙ୍କର ଆଶୀର୍ବାଦ ଆମ ସହିତ ଅଛି । ମୋତେ ଖୁସି ଲାଗୁଛି ଯେ ଏହି ଶୁଭ ଅବସରରେ ଶ୍ରୀ ସତ୍ୟସାଇ ବାବାଙ୍କ ମିଶନର ବିସ୍ତାର ହେଉଛି । ଶ୍ରୀ ହୀରା ଗ୍ଲୋବଲ କନଭେନସନ ସେଣ୍ଟର ଆକାରରେ ଏକ ପ୍ରମୁଖ ବିଚାର କେନ୍ଦ୍ର ମିଳୁଛି । ମୁଁ ଏହି କନଭେନସନ ସେଣ୍ଟରର ଚିତ୍ର ଦେଖିଛି ଏବଂ ବର୍ତ୍ତମାନ ଆପଣଙ୍କର ଏହି କ୍ଷୁଦ୍ର ଚଳଚ୍ଚିତ୍ରରେ ମଧ୍ୟ ଏହାର ଝଲକ ଦେଖିବାକୁ ମିଳିଛି । ଏହି କେନ୍ଦ୍ରରେ ଆଧ୍ୟାତ୍ମିକତାର ଏକ ଭାବନା ରହିବା ଉଚିତ, ଏବଂ ଆଧୁନିକତାର ଏକ ଆଭା ମଧ୍ୟ ଅଛି । ଏଥିରେ ସାଂସ୍କୃତିକ ଦିବ୍ୟତା ମଧ୍ୟ ଅଛି । ଏବଂ ଆଦର୍ଶଗତ ମହାନତା ମଧ୍ୟ ଅଛି । ଏହି କେନ୍ଦ୍ର ଆଧ୍ୟାତ୍ମିକ ସମ୍ମିଳନୀ ଏବଂ ଏକାଡେମୀକ୍ କାର୍ଯ୍ୟକ୍ରମ ପାଇଁ ଏକ କେନ୍ଦ୍ର ହେବ । ଏଠାରେ ଭିନ୍ନ ଭିନ୍ନ କ୍ଷେତ୍ର ସହିତ ଜଡ଼ିତ ସମଗ୍ର ଦୁନିଆର ବିଦ୍ୱାନ ଏବଂ ବିଶେଷଜ୍ଞମାନେ ଏଠାରେ ଏକତ୍ରିତ ହେବେ । ମୁଁ ଆଶା କରୁଛି ଯେ, ଏହି କେନ୍ଦ୍ରରୁ ଯୁବଗୋଷ୍ଠୀଙ୍କୁ ବହୁତ ସାହାଯ୍ୟ ମିଳିବ ।
ସାଥୀମାନେ,
ଯେକୌଣସି ବିଚାରଧାରା ସେତେବେଳେ ଅଧିକ ପ୍ରଭାବଶାଳୀ ହୋଇଥାଏ ଯେତେବେଳେ ତାହାର ବିଚାର ଆଗକୁ ବଢ଼ିଥାଏ । ଛୋଟ ଛୋଟ ଶବ୍ଦଗୁଡ଼ିକ ପ୍ରଭାବ ସୃଷ୍ଟି କରେ ନାହିଁ । ଯେତିକି ଏକ ସତକ୍ରମ ସୃଷ୍ଟି କରିଥାଏ । ଆଜି କନଭେନସନ ସେଣ୍ଟରର ଲୋକାର୍ପଣ ସହିତ ହିଁ ଏଠାରେ ଶ୍ରୀ ସତ୍ୟସାଇ ଗ୍ଲୋବାଲ କାଉନସିଲର ନେତାଙ୍କ ସମ୍ମିଳନୀ ମଧ୍ୟ ଏଠାରେ ଆରମ୍ଭ ହେଉଛି । ଏହି ସମ୍ମିଳନୀରେ ଦେଶ ତଥା ବିଶ୍ୱର ଅନେକ ଦେଶରୁ ପ୍ରତିନିଧିମାନେ ଉପସ୍ଥିତ ଅଛନ୍ତି । ବିଶେଷ କରି, ଆପଣ ଏହି ଆୟୋଜନ ପାଇଁ ବାଛିଥିବା ଥିମ- “ଅଭ୍ୟାସ ଏବଂ ପ୍ରେରଣା”, ଏହି ଥିମ୍ ଉଭୟ ପ୍ରଭାବଶାଳୀ ଏବଂ ପ୍ରାସଙ୍ଗିକ ଅଟେ । ଆମ ଏଠାରେ କୁହା ମଧ୍ୟ ଯାଇଥାଏ ଯେ- ୟତ୍ ୟତ୍ ଆଚରିତ ଶ୍ରେଷ୍ଠଃ, ତତ୍ - ତତ୍ ଏବଂ ଇତରଃ ଜନଃ । ଅର୍ଥାତ, ଶ୍ରେଷ୍ଠ ଲୋକମାନେ ଯେମିତି ଯେମିତି ଆଚରଣ କରିଥାନ୍ତି, ସମାଜ ସେହିଭଳି ଅନୁସରଣ କରିଥାଏ ।
ତେଣୁ, ଆମର ଆଚରଣ ଅନ୍ୟମାନଙ୍କ ପାଇଁ ସବୁଠାରୁ ବଡ଼ ପ୍ରେରଣା ହୋଇଥାଏ । ସତ୍ୟସାଇ ବାବାଙ୍କ ଜୀବନ ନିଜେ ଏହାର ଏକ ଜୀବନ ଉଦାହରଣ । ଆଜି ଭାରତ ମଧ୍ୟ କର୍ତ୍ତବ୍ୟକୁ ପ୍ରଥମ ପ୍ରାଥମିକତା ଦେଇ ଆଗକୁ ବଢୁଛି । ସ୍ୱାଧୀନତାର ୧୦୦ ବର୍ଷର ଲକ୍ଷ୍ୟ ଆଡ଼କୁ ଅଗ୍ରସର ହୋଇ ଆମେ ଆମର ଅମୃତ କାଳକୁ କର୍ତ୍ତବ୍ୟର ସମୟ ଭାବରେ ନାମିତ କରିଛୁ । ଆମର ଏହି କର୍ତ୍ତବ୍ୟରେ ଆଧ୍ୟାତ୍ମିକ ମୂଲ୍ୟବୋଧର ମାର୍ଗଦର୍ଶନ ଅଛି, ଏବଂ ଭବିଷ୍ୟତ ପାଇଁ ସଂକଳ୍ପ ମଧ୍ୟ ଅଛି । ଏଥିରେ ବିକାଶ ମଧ୍ୟ ଅଛି ଏବଂ ଐତିହ୍ୟ ମଧ୍ୟ ଅଛି । ଆଜି ଆଉ ଏକ ଦେଶରେ ଆଧ୍ୟାତ୍ମିକ କେନ୍ଦ୍ରଗୁଡ଼ିକର ପୁନଃରୁଦ୍ଧାର ହେଉଛି ତା’ ସହିତ ଭାରତର ଅର୍ଥନୀତି ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ମଧ୍ୟ ଭାରତ ଅଗ୍ରଣୀ ରହିଛି । ଆଜି ଭାରତ ବିଶ୍ୱର ଶୀର୍ଷ ୫ ଅର୍ଥନୀତିରେ ସାମିଲ ହୋଇପାରିଛି । ଆଜି ଭାରତରେ ବିଶ୍ୱରେ ତୃତୀୟ ବୃହତ୍ତମ ଷ୍ଟାର୍ଟଅପ ଇକୋସିଷ୍ଟମ ଅଛି । ଡିଜିଟାଲ ଟେକ୍ନୋଲୋଜି ଏବଂ ୫-ଜି ପରି କ୍ଷେତ୍ରରେ ଆମେ ବଡ଼ ବଡ଼ ଦେଶ ସହିତ ପ୍ରତିଦ୍ୱନ୍ଦ୍ୱିତା କରୁଛୁ । ବିଶ୍ୱରେ ଆଜି ଯେତେ ମଧ୍ୟ ରିଅଲ ଟାଇମ ଅନଲାଇନ ନେଣଦେଣ ହେଉଛି, ତାହାର ୪୦ ପ୍ରତିଶତ କେବଳ ଭାରତରେ ହେଉଛି । ଏବଂ ମୁଁ ଆଜି ରତ୍ନାକର ଜୀଙ୍କୁ ଅନୁଗ୍ରହ କରିବି ଏବଂ ସମସ୍ତ ଆମର ସାଇ ଭକ୍ତମାନଙ୍କୁ ମଧ୍ୟ ନିବେଦନ କରିବି, ଏହା ଆମର ନୂତନ ଗଠିତ ଜିଲ୍ଲା ଯାହା ସାଇ ବାବାଙ୍କ ନାମ ସହିତ ଯୋଡ଼ି ହୋଇଛି କି? ଏହି ପୂରା ପୁଟପର୍ତ୍ତୀ ଜିଲ୍ଲା କ’ଣ ଆପଣ ଏହାକୁ ଶତ ପ୍ରତିଶତ ଡିଜିଟାଲ କରିପାରିବେ । ପ୍ରତ୍ୟେକ ନେଣଦେଣ ଡିଜିଟାଲ ହେଉ, ଆପଣ ଦେଖନ୍ତୁ ବିଶ୍ୱରେ ଏହି ଜିଲ୍ଲାର ଭିନ୍ନ ଏକ ପରିଚୟ ହୋଇଯିବ ଏବଂ ବାବାଙ୍କ ଆଶୀର୍ବାଦରେ ରତ୍ନାକର ଜୀ ଯେଭଳି ମୋର ମିତ୍ର ଯଦି ଏହି କର୍ତ୍ତବ୍ୟକୁ ନିଜର ଦାୟିତ୍ୱ ମାନିନେବେ ତେବେ ହୋଇପାରେ ଯେ ବାବାଙ୍କର ଆଗାମୀ ଜନ୍ମଦିନ ପର୍ଯ୍ୟନ୍ତ ସମଗ୍ର ଜିଲ୍ଲାକୁ ଡିଜିଟାଲ କରିପାରିବା । ଯେଉଁଠାରେ କୌଣସି ନଗଦ ଅର୍ଥ ଆବଶ୍ୟକ ହେବ ନାହିଁ ଏହା କରାଯାଇ ପାରିବ ।
ସାଥୀମାନେ,
ସମାଜର ପ୍ରତ୍ୟେକ ବର୍ଗର ଅଂଶଗ୍ରହଣ ସହିତ ପରିବର୍ତ୍ତନ ଆସୁଛି । ତେଣୁ, ଗ୍ଲୋବାଲ କାଉନସିଲ ପରି ଆୟୋଜନ ଭାରତ ବିଷୟରେ ଜାଣିବାର ଏକ ବିଶ୍ୱର ଅନ୍ୟମାନଙ୍କ ସହିତ ସଂଯୋଗ କରିବାର ଏକ ପ୍ରଭାବଶାଳୀ ଉପାୟ ଅଟେ।
ସାଥୀମାନେ,
ସନ୍ଥମାନେ ଆମର ଏଠାରେ ପ୍ରାୟତଃ ପ୍ରବାହିତ ଜଳ ବୋଲି ବର୍ଣ୍ଣନା କରାଯାଏ । କାରଣ ସନ୍ଥମାନେ କାଦାପି ବିଚାରଧାରା ସହିତ ଅଟକି ଯାଆନ୍ତି ନାହିଁ କିମ୍ବା ଆଚରଣ ସହିତ କେବେ ମଧ୍ୟ ଅଟକି ଯାଆନ୍ତି ନାହିଁ । ନିରନ୍ତର ପ୍ରବାହ ଏବଂ ନିରନ୍ତର ପ୍ରୟାସ ହେଉଛି ସାଧୁମାନଙ୍କ ଜୀବନ । ଜଣେ ସାଧାରଣ ଭାରତୀୟଙ୍କ ପାଇଁ ଏହି ସାଧୁମାନଙ୍କ ଜନ୍ମସ୍ଥାନ କ’ଣ ଗୁରୁତ୍ୱପୂର୍ଣ୍ଣ ନୁହେଁ । ତାଙ୍କ ପାଇଁ କୌଣସି ପ୍ରକୃତ ସାଧୁ ତାଙ୍କର ହୋଇଥାଏ, ତାଙ୍କର ବିଶ୍ୱାସ ଏବଂ ସଂସ୍କୃତିର ପ୍ରତିନିଧି ହୋଇଥାଏ । ସେଥିପାଇଁ ଆମର ସାଧୁମାନେ ହଜାର ହଜାର ବର୍ଷ ଧରି ‘ଏକ ଭାରତ ଶ୍ରେଷ୍ଠ ଭାରତ’ର ଭାବନାକୁ ପୋଷଣ କରିଛନ୍ତି । ସତ୍ୟସାଇ ବାବା ମଧ୍ୟ ଆନ୍ଧ୍ର ପ୍ରଦେଶର ପୁଟପର୍ତ୍ତୀରେ ଜନ୍ମଗ୍ରହଣ କରିଥିଲେ । କିନ୍ତୁ ତାଙ୍କର ଅନୁଗାମୀ, ତାଙ୍କର ପ୍ରଶଂସକମାନେ ବିଶ୍ୱର ପ୍ରତ୍ୟେକ କୋଣରେ ଅଛନ୍ତି । ଆଜି ଦେଶର ପ୍ରତ୍ୟେକ ଅଞ୍ଚଳରେ ସତ୍ୟସାଇଙ୍କ ସହିତ ଜଡ଼ିତ ସ୍ଥାନ ଏବଂ ଆଶ୍ରମ ମଧ୍ୟ ଅଛି । ପ୍ରତ୍ୟେକ ଭାଷା, ପ୍ରତ୍ୟେକ ରୀତିନୀତିରେ ଏକ ମିଶନ ଅଧିନରେ ପ୍ରଶାନ୍ତି ନିଳୟମ ସହିତ ଯୋଡ଼ି ହୋଇଛନ୍ତି । ଏହା ହେଉଛି ଭାରତର ଚେତନା, ଯାହା ଭାରତକୁ ଗୋଟିଏ ସୂତ୍ରରେ ବାନ୍ଧିଥାଏ, ଏହାକୁ ଅମର କରିଥାଏ ।
ସାଥୀମାନେ,
ଶ୍ରୀ ସତ୍ୟସାଇ କହୁଥିଲେ- ସେବା ଅନେ, ରେଡ୍ଡୁ ଅକ୍ଷରାଲ-ଲାନେ, ଅନନ୍ତ-ମଇନ ଶକ୍ତି ଇମିଡି ଉଦୀ । ଅର୍ଥାତ, ସେବାର ଦୁଇଟି ଅକ୍ଷରରେ ହିଁ ନିହତ ରହିଛି ଅସୀମ ଶକ୍ତି । ସତ୍ୟସାଇଙ୍କ ଜୀବନ ଏହି ଭାବନାର ଜୀବନ୍ତ ସ୍ୱରୂପ ଥିଲା। ଏହା ମୋର ସୌଭାଗ୍ୟ ରହିଛି ଯେ ମୋତେ ସତ୍ୟସାଇ ବାବାଙ୍କ ଜୀବନକୁ ଅତି ନିକଟରୁ ଦେଖିବାର, ତାଙ୍କ ଠାରୁ ଶିଖିବାର ଏବଂ ଅବିରତ ତାଙ୍କର ଆଶୀର୍ବାଦର ଛତ୍ରଛାୟାରେ ବଂଚିବାର ସୁଯୋଗ ପାଇଛି । ତାଙ୍କର ସବୁବେଳେ ମୋ ପାଇଁ ଏକ ବିଶେଷ ଭଲ ପାଇବା ଥିଲା, ସବୁବେଳେ ତାଙ୍କର ଆଶୀର୍ବାଦ ମୋତେ ମିଳୁଥିଲା । ଯେତେବେଳେ ମଧ୍ୟ ତାଙ୍କ ସହିତ କଥାବାର୍ତ୍ତା ହେଉଥିଲା, ସେ ଗଭୀରରୁ ଗଭୀର କଥା ମଧ୍ୟ ବହୁତ ସରଳତାର ସହିତ କହି ଦେଉଥିଲେ। ମୋତେ ଏବଂ ତାଙ୍କର ଭକ୍ତମାନଙ୍କୁ ଶ୍ରୀ ସତ୍ୟସାଇଙ୍କର ଅନେକ ଏମିତି ମନ ଆଜି ମଧ୍ୟ ମନରେ ଅଛି । “ସମସ୍ତଙ୍କୁ ଭଲପାଅ, ସମସ୍ତଙ୍କ ସେବା କର”, “ସାହାଯ୍ୟ କର, କେବେ ବି କାହାକୁ ଆଘାତ ଦିଅନାହିଁ”, “କମ କଥା ବେଶୀ କାମ, ପ୍ରତ୍ୟେକ ଅଭିଜ୍ଞତା ଏକ ଶିକ୍ଷା- ପ୍ରତ୍ୟେକ କ୍ଷତି ଏକ ଲାଭ”- ଏମିତି ଅନେକ ଜୀବନର ସୂତ୍ର ଶ୍ରୀ ସତ୍ୟସାଇ ଆମକୁ ଶିକ୍ଷା ଦେଇଛନ୍ତି । ସେମାନଙ୍କ ମଧ୍ୟରେ ସମ୍ବେଦନଶୀଳତା ଅଛି, ଜୀବନର ଏକ ଗମ୍ଭୀର ଦର୍ଶନ ମଧ୍ୟ ଅଛି । ମୋର ମନେ ଅଛି, ଗୁଜରାଟରେ ଭୂକମ୍ପ ଆସିଥିଲା । ସେତେବେଳେ ସେ ମୋତେ ବିଶେଷ ଭାବରେ ଫୋନ କରିଥିଲେ । ସବୁ ପ୍ରକାରରେ ସେ ରିଲିଫ୍ ଏବଂ ଉଦ୍ଧାର କାର୍ଯ୍ୟରେ ନିୟୋଜିତ ଥିଲେ । ସଂଗଠନର ହଜାର ହଜାର ଲୋକ ତାଙ୍କ ନିର୍ଦେଶରେ ଭୁଜ୍ ପ୍ରଭାବିତ ଅଞ୍ଚଳରେ ଦିନରାତି କାମ କରୁଥିଲେ । ସେ ଯେକୌଣସି ବ୍ୟକ୍ତି ହୁଅନ୍ତୁ, ସେ ତାଙ୍କ ବିଷୟରେ ଚିନ୍ତା କରୁଥିଲେ, ଯେପରି କେହି ଜଣେ ତାଙ୍କ ନିକଟତର । ସତ୍ୟସାଇଙ୍କ ପାଇଁ ‘ମାନବ ସେବା ହିଁ ମାଧବ ସେବା’ ଥିଲା, ‘ପ୍ରତ୍ୟେକ ମଣିଷଙ୍କ ମଧ୍ୟରେ ନାରାୟଣ’, ପ୍ରତ୍ୟେକ ଜୀବନରେ ଶିବ’ ଦେଖିବାର ଏହି ଅନୁଭବ ଜନସାଧାରଣ ଜନାର୍ଦନ କରିଥାଏ ।
ସାଥୀମାନେ,
ଭାରତ ପରି ଦେଶରେ ଧାର୍ମିକ ଏବଂ ଆଧ୍ୟାତ୍ମିକ ଅନୁଷ୍ଠାନଗୁଡ଼ିକ, ସର୍ବଦା ସାମାଜିକ ଉନ୍ନତିର କେନ୍ଦ୍ରରେ ରହି ଆସିଛନ୍ତି। ଆଜି ଦେଶ ସ୍ୱାଧୀନତାର ୭୫ ବର୍ଷ ପୂରଣ କରିଛି ଏବଂ ପରବର୍ତ୍ତୀ ୨୫ ବର୍ଷ ପାଇଁ ଏକ ସଂକଳ୍ପ ନେଇ ଆମେ ଅମୃତ କାଳରେ ପ୍ରବେଶ କରିଛୁ । ଆଜି, ଯେତେବେଳେ ଆମେ ଐତିହ୍ୟର ବିକାଶ ପାଇଁ ଜୋର ଦେଉଛୁ, ସତ୍ୟସାଇ ଟ୍ରଷ୍ଟ ପରି ସଂଗଠନ ଗୁଡ଼ିକ ଏଥିରେ ଏକ ପ୍ରମୁଖ ଭୂମିକା ଗ୍ରହଣ କରିବେ । ମୁଁ ଖୁସି ଯେ ଆପଣଙ୍କର ଆଧ୍ୟାତ୍ମିକ ଦିଗ ବାଲବିକାଶ କାର୍ଯ୍ୟକ୍ରମ ମାଧ୍ୟମରେ ନୂତନ ପିଢ଼ି ମଧ୍ୟରେ ସାଂସ୍କୃତିକ ଭାରତ ସୃଷ୍ଟି କରୁଛି । ସତ୍ୟ ସାଇବାବା ମାନବ ସେବା ପାଇଁ ଡାକ୍ତରଖାନା ନିର୍ମାଣ କରିଥିଲେ । ପ୍ରଶାନ୍ତି ନିଳୟମରେ ଏକ ହାଇଟେକ ହସ୍ପିଟାଲ ନିର୍ମାଣ କରାଯାଇଥିଲା । ସତ୍ୟସାଇ ଟ୍ରଷ୍ଟ ବର୍ଷ ବର୍ଷ ଧରି ମାଗଣା ଶିକ୍ଷା ପାଇଁ ଭଲ ବିଦ୍ୟାଳୟ ଏବଂ କଲେଜ ମଧ୍ୟ ଚଳାଉଛି । ରାଷ୍ଟ୍ର ନିର୍ମାଣରେ ତଥା ସମାଜର ସଶକ୍ତୀକରଣରେ ଆପଣଙ୍କ ସଂଗଠନର ପ୍ରୟାସ ଅତ୍ୟନ୍ତ ପ୍ରଶଂସନୀୟ ଅଟେ ।
ସତ୍ୟସାଇ ସହ ଜଡ଼ିତ ସଂଗଠନଗୁଡ଼ିକ ମଧ୍ୟ ଦେଶରେ ନେଇଥିବା ପଦକ୍ଷେପ ଗୁଡ଼ିକରେ ଉତ୍ସର୍ଗୀକୃତ ଭାବେ କାର୍ଯ୍ୟ କରୁଛନ୍ତି । ଆଜି ଦେଶ ପ୍ରତ୍ୟେକ ଗାଁକୁ ‘ଜଳ ଜୀବନ ମିଶନ’ଅଧିନରେ ବିଶୁଦ୍ଧ ଜଳ ଯୋଗାଣ ସହିତ ସଂଯୋଗ କରୁଛି । ସତ୍ୟସାଇ ସେଣ୍ଟ୍ରାଲ ଟ୍ରଷ୍ଟ ମଧ୍ୟ ଦୂରଦୂରାନ୍ତରେ ଥିବା ଗ୍ରାମାଞ୍ଚଳକୁ ମାଗଣା ଜଳ ଯୋଗାଇ ଏହି ମାନବୀୟ କାର୍ଯ୍ୟରେ ଅଂଶୀଦାର ହେବାକୁ ଯାଉଛି ।
ସାଥୀମାନେ,
ଏକବିଂଶ ଶତାବ୍ଦୀର ଆହ୍ୱାନକୁ ଦେଖିଲେ ଜଳବାୟୁ ପରିବର୍ତ୍ତନ ମଧ୍ୟ ସମଗ୍ର ବିଶ୍ୱ ସମ୍ମୁଖିନ ହେଉଥିବା ଏକ ପ୍ରମୁଖ ସମସ୍ୟା ଅଟେ । ମିଶନ ଲାଇଫ ପରି ବିଶ୍ୱ ପ୍ଲାଟଫର୍ମରେ ଭାରତ ଅନେକ ପଦକ୍ଷେପ ନେଇଛି । ଭାରତର ନେତୃତ୍ୱ ଉପରେ ବିଶ୍ୱ ବିଶ୍ୱାସ କରୁଛି । ଆପଣ ସମସ୍ତେ ଜାଣନ୍ତି, ଚଳିତ ବର୍ଷ ଜି-୨୦ ପରି ଏକ ଗୁରୁତ୍ୱପୂର୍ଣ୍ଣ ଗୋଷ୍ଠୀର ଅଧ୍ୟକ୍ଷତା ମଧ୍ୟ ଭାରତ ସହିତ ଅଛି । ଏହି ଆୟୋଜନ ମଧ୍ୟ ଚଳିତ ଥର ‘ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ’ ବିଷୟବସ୍ତୁ ଉପରେ ଆଧାରିତ । ଆଜି ଭାରତର ଏହି ଦର୍ଶନ ଦ୍ୱାରା ବିଶ୍ୱ ପ୍ରଭାବିତ ହେଉଛି ଏବଂ ବିଶ୍ୱରେ ଭାରତ ପ୍ରତି ଆକର୍ଷଣ ମଧ୍ୟ ବୃଦ୍ଧି ପାଉଛି । ଆପଣ ଦେଖିଥିବେ, ଗତ ମାସରେ ୨୧ ଜୁନ, ଅନ୍ତର୍ଜାତୀୟ ଯୋଗ ଦିବସରେ ମିଳିତ ଜାତିସଂଘ ମୁଖ୍ୟାଳୟରେ କିପରି ଏକ ବିଶ୍ୱ ରେକର୍ଡ ସୃଷ୍ଟି ହୋଇଥିଲା । ବିଶ୍ୱର ବହୁ ସଂଖ୍ୟକ ଦେଶର ପ୍ରତିନିଧିମାନେ ଏକ ସମୟରେ ଯୋଗ ପାଇଁ ଏକାଠି ହୋଇଥିଲେ । ଯୋଗ ଆଜି ସମଗ୍ର ବିଶ୍ୱରେ ଲୋକଙ୍କ ଜୀବନର ଏକ ଅଂଶ ପାଲଟିଛି ।
ଆଜି ଲୋକମାନେ ଆୟୁର୍ବେଦକୁ ଆପଣାଉଛନ୍ତି, ଭାରତର ସ୍ଥାୟୀ ଜୀବନ ଶୈଳୀରୁ ଶିଖିବାର କଥାବାର୍ତ୍ତା କରୁଛନ୍ତି, ଆମର ସଂସ୍କୃତି, ଆମର ଐତିହ୍ୟ, ଆମର ଅତୀତ, ଆମର ପରମ୍ପରା ବିଷୟରେ ମଧ୍ୟ କୌତୂହଳ କ୍ରମାଗତ ଭାବେ ବୃଦ୍ଧି ପାଉଛି ଏବଂ କେବଳ କୌତୂହଳ ନୁହେଁ, ବିଶ୍ୱାସ ମଧ୍ୟ ବଢୁଛି । ଗତ କିଛି ଦିନ ମଧ୍ୟରେ ବିଶ୍ୱକୁ ବିଭିନ୍ନ ଦେଶରୁ କେତେ ଏମିତି ମୂର୍ତ୍ତିମାନ ଭାରତ ଆସିଛି, ଯେଉଁ ମୂର୍ତ୍ତି ଶହ ଶହ ବର୍ଷ ପୂର୍ବରୁ ୫୦ ବର୍ଷ ପୂର୍ବରୁ ଆମ ଦେଶରୁ ଚୋରି ହୋଇ ବାହାରକୁ ଚାଲି ଯାଉଥିଲା । ଭାରତର ଏହି ପ୍ରୟାସ ପଛରେ, ଏହି ନେତୃତ୍ୱ ପଛରେ ଆମର ସାଂସ୍କୃତିକ ଚିନ୍ତାଧାରା ହେଉଛି ଆମର ସବୁଠାରୁ ବଡ଼ ଶକ୍ତି । ତେଣୁ ସତ୍ୟସାଇ ଟ୍ରଷ୍ଟ ପରି ସାଂସ୍କୃତିକ ଏବଂ ଆଧ୍ୟାତ୍ମିକ ଅନୁଷ୍ଠାନ ଗୁଡ଼ିକର ଏହି ସବୁ ପ୍ରୟାସର ଏକ ପ୍ରମୁଖ ଭୂମିକା ରହିଛି । ଆପଣ ଆଗାମୀ ୨ ବର୍ଷରେ ‘ପ୍ରେମ ତରୁ’ ନାମରେ ଏକ କୋଟି ଗଛ ଲଗାଇବାକୁ ପ୍ରତିଶ୍ରୁତି ଦେଇଛନ୍ତି । ମୁଁ ଚାହିଁବି ଯେ ବୃକ୍ଷରୋପ ହେଉ ଏବଂ ମୁଁ ଚାହିଁବି ଯେ ଯେତେବେଳେ ମୋର ମିତ୍ର ଭାଇ ହୀରା ଜୀ ଏଠାରେ ବସିଛନ୍ତି ତେବେ ଜାପାନର ଯେଉଁ ଛୋଟ ଛୋଟ ଜଙ୍ଗଲ ତିଆରି କରିବାର କୌଶଳ ଅଛି, ମିୟାୱାକୀ, ମୁଁ ଚାହେଁ ଟ୍ରଷ୍ଟୀର ଲୋକମାନେ ଏହାକୁ ଏଠାରେ ବ୍ୟବହାର କରନ୍ତୁ ଏବଂ ଆମେ କେବଳ ଗଛ ନୁହଁ, ଆମେ ବିଭିନ୍ନ ଦେଶର ବିଭିନ୍ନ ସ୍ଥାନରେ ଛୋଟ ଜଙ୍ଗଲ ତିଆରି କରିବାର ଏକ ନମୁନା ଦେଶ ସମ୍ମୁଖରେ ଉପସ୍ଥାପନ କରୁଛୁ । ତେଣୁ ବହୁତ ପରିମାଣରେ କାରଣ ପରସ୍ପରକୁ ଜୀବନ୍ତ ରଖିବାର ଶକ୍ତି ଅଛି । ଅନ୍ୟ ଏକ ଉଦ୍ଭିଦକୁ ଜୀବନ୍ତ ରଖିବାର ଶକ୍ତି ଅଛି । ମୁଁ ବୁଝିପାରୁଛି ଯେ ହୀରା ଜୀ ଏହାକୁ ଏଠାରେ ଅଧ୍ୟୟନ କରୁଛନ୍ତି ଏବଂ ମୁଁ ହୀରା ଜୀଙ୍କୁ କୌଣସି କାମ କହିପାରିବି । ଏବଂ ସେଥିପାଇଁ ଆଜି ମୁଁ ହୀରା ଜୀଙ୍କୁ ମଧ୍ୟ କହିଲି- ଦେଖନ୍ତୁ, ପ୍ଲାଷ୍ଟିକ ମୁକ୍ତ ଭାରତର ଏକ ସଂକଳ୍ପ ହେଉ, ଆପଣ ଏହା ସହିତ ଅଧିକରୁ ଅଧିକ ଲୋକଙ୍କୁ ଯୋଡ଼ନ୍ତୁ ।
ଲୋକମାନଙ୍କୁ ସୌର ଶକ୍ତି ନିର୍ମଳ ଶକ୍ତିର ବିକଳ୍ପ ପାଇଁ ମଧ୍ୟ ଉତ୍ସାହିତ କରିବାର ଆବଶ୍ୟକତା ରହିଛି । ମୋତେ କୁହାଯାଇଛି ଏବଂ ବର୍ତ୍ତମାନ ଆପଣଙ୍କର ଛୋଟିଆ ଭିଡିଓରେ ଦେଖା ଯାଇଛି ସତ୍ୟସାଇ ସେଣ୍ଟ୍ରାଲ ଟ୍ରଷ୍ଟ, ଆନ୍ଧ୍ରର ପ୍ରାୟ ୪୦ ଲକ୍ଷ ଛାତ୍ରଙ୍କୁ ଶ୍ରୀ ଅନ୍ନ ରାଗୀ-ଜବା ଦ୍ୱାରା ଭୋଜନ ଦେଉଛନ୍ତି । ଏହା ମଧ୍ୟ ଏକ ପ୍ରଶଂସନୀୟ ପଦକ୍ଷେପ । ଏହିପରି ଭାବରେ ପଦକ୍ଷେପ ସହିତ ଯଦି ଅନ୍ୟ ରାଜ୍ୟଗୁଡ଼ିକ ମଧ୍ୟ ସଂଯୁକ୍ତ କରାଯିବ ତେବେ ଦେଶକୁ ଏଥିରୁ ବହୁତ ବଡ଼ ଲାଭ ମିଳିବ । ଶ୍ରୀ ଅନ୍ନରେ ସ୍ୱାସ୍ଥ୍ୟ ମଧ୍ୟ ଅଛି, ଏବଂ ସମ୍ଭାବନା ମଧ୍ୟ ଅଛି । ଆମର ଏଭଳି ସମସ୍ତ ଉଦ୍ୟମ ବିଶ୍ୱସ୍ତରରେ ଭାରତର ସାମର୍ଥ୍ୟକୁ ବୃଦ୍ଧି କରିବ, ଭାରତର ପରିଚୟକୁ ଦୃଢ଼ କରିବ ।
ସତ୍ୟସାଇଙ୍କ ଆଶୀର୍ବାଦ ଆମ ସମସ୍ତଙ୍କ ସହିତ ଅଛି । ଏହି ଶକ୍ତିର ସହିତ ଆମେ ଏକ ବିକଶିତ ଭାରତ ଗଠନ କରିବୁ ଏବଂ ସମଗ୍ର ବିଶ୍ୱକୁ ସେବା କରିବା ପାଇଁ ଆମର ସଂକଳ୍ପ ପୂରଣ କରିବୁ । ମୁଁ ପୁଣିଥରେ ମୁହାଁମୁହିଁ ହେବାକୁ ଆସିପାରି ନାହିଁ; କିନ୍ତୁ ଭବିଷ୍ୟତରେ ନିଶ୍ଚିତ ଆସିବି, ଆପଣ ସମସ୍ତଙ୍କ ମଧ୍ୟ ପୁରୁଣା ଦିନଗୁଡ଼ିକୁ ମନେ ପକାଇ ବହୁତ ଗୌରବର ମୁହୂର୍ତ୍ତଗୁଡ଼ିକ ବିତାଇବି । ହୀରା ଜୀ, ସମୟ ସମୟରେ ସାକ୍ଷାତ ହୋଇଥାଏ; କିନ୍ତୁ ମୁଁ ଆଜି ବିଶ୍ୱାସ ଦେଉଛି ଯେ ଆଜି ହୁଏତ ମୁଁ ଆସିପାରିଲି ନାହିଁ କିନ୍ତୁ ଆଗାମୀ ଦିନରେ ନିଶ୍ଚିତ ଆସିବି ଏବଂ ଏହି ବିଶ୍ୱାସର ସହିତ, ମୁଁ ସମସ୍ତଙ୍କୁ ପୁଣିଥରେ ହୃଦୟରୁ ବହୁତ ବହୁତ ଶୁଭକାମନା ଜଣାଉଛି । ଆପଣ ସମସ୍ତଙ୍କୁ ବହୁତ ବହୁତ ଧନ୍ୟବାଦ । ଓମ୍ ସାଇରାମ!
NS/MB
(Release ID: 1937405)
Visitor Counter : 84
Read this release in:
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Kannada
,
Malayalam