সাইন্স অমসুং তেক্নোলোজী মন্ত্রালয়

ইন্নোবেসন অমসুং ওন্ত্রেপ্রেনিউয়রশিপ য়োকখৎনবা “স্তার্দঅপস ইন্তেলেকচুএল প্রোপর্তি রাইতস ঙাক-শেন্নবা’ পান্দম থম্লি হায়না সাইন্স অমসুং তেক্নোলোজি মিনিস্তর শ্রী দোক্তর জিতেন্দ্র সিংহনা ফোঙদোকখ্রে


দোক্তর জিতেন্দ্র সিংহনা হায়খি উদোগকা লোয়ন্না থবক তৌমিন্নদুনা, স্তার্দঅপশিংগী পেতেন্তশিং অসিনা ইন্নোবেসন অমসুং ইন্তরপ্রাইজ পুক্নিং থৌগৎলে

“ স্তার্দঅপকী থবকশিং অমগা অমগা মতেং পীন্নবা অমসুং মখোয়গী কেপাসিতি বিল্দিং হেনগৎনবা প্রধান মন্ত্রী শ্রী নরেন্দ্র মোদীনা স্কিম কয়া হৌদোক্লে

প্রধান মন্ত্রী মোদীনা লুচিংবা সরকারগী চহি ৯গী মতম অসিদা, ঙসিদি ঐখোয় চাউখৎলবা লৈবাকশিংগা মান্নবা থাক অমদা লৈরে: দোক্তর জিতেন্দ্র সিংহ

Posted On: 02 JUL 2023 2:17PM by PIB Imphal

সাইন্স অমসুং তেক্নোলোজিগী রাজ্য মন্ত্রী(মনিংতম্বা), পি.এম.ও, এতোমিক ইনর্জি দিপার্তমেন্ত, স্পেস দিপার্তমেন্ত, পর্সোনেল অমসুং পব্লিক গ্রিভান্সেস অমসুং পেন্সন্সকী রাজ্য মন্ত্রী দোক্তর জিতেন্দ্র সিংহনা হায়খি ইন্নোবেসন অমসুং ওন্ত্রেপ্রেনিউয়রশিপ য়োকখৎনবা “স্তার্দঅপস ইন্তেলেকচুএল প্রোপর্তি রাইতস ঙাক-শেন্নবা’ পান্দম থম্লি।

নিউ দিল্লিদা নেসনেল ফিজিকেল লেবোরেতোরিদা সি.এ.আই.আরনা শীনবা ‘নেসনেল ইন্তেলেকচুএল প্রোপর্তি ফেস্তিবেল’ হৌদোকপদা ৱা ঙাংবদা দোক্তর জিতেন্দ্র সিংহনা হায়খি স্তার্দঅপশিংনা পেতেন্তশিং অমসুং ত্রেদমার্কশিং য়াওনা ইন্তেলেকচুএল প্রোপর্তি রাইতস (আই পি আর) ফাইল তৌবা অসিনা ভারত্তা ইন্নোবেসনঅমসুং ইন্তরপ্রাইজ পুক্নিং থৌগৎকনি। পি.এম নরেন্দ্র মোদীগী লমজিং মখাদা সরকারনা অসিনা ২০১৬দা আই.পি.আর এক্ত চৎনহল্লে অমসুং মমাঙদা চহি অমগী মতম লৌরম্বা ত্রেদমার্ক রেজিস্তার তৌবগী থবক অদু থা অমগী মনুংদা লোইশিল্লে।

মিনিস্তরনা হায়খি মসিগী মতুংদা, ‘স্তার্দঅপ ইন্তেলেকচুএল প্রোপর্তি রাইতস প্রোতেক্সন’ স্কিম চৎনরে, মসিদা পেতেন্ত ফাইল তৌবা অমসুং রিবেত চাদা ৮০ পীরে অমসুং ইন্দস্ত্রি অমসুং কম্পেনিশিংদা রিবেত চাদা ৪০-৫০ পীরে।

মহাক্না হায়খি স্তার্দঅপকী থবকশিং অমগা অমগা মতেং পীন্নবা অমসুং মখোয়গী কেপাসিতি বিল্দিং হেনগৎনবা প্রধান মন্ত্রী শ্রী নরেন্দ্র মোদীনা স্কিম কয়া হৌদোক্লে। নহাক্না স্তার্দঅপ হেনগৎহনবা ঙমগনি, খুদম ওইনা গ্রেচুইতি, মোর্তগেজ য়াওদনা, শেন্দোয় য়াওদনা লুপা লাখ ১০-২০ ফাওবা লোন লৌবা য়াবা অদোমগী মুদ্রা স্কিম লৈরে।

স্তার্দঅপশিংগী আই.পি.আরশিং ঙাক-শেন্নবা পান্দম অমগা লোয়ননা, স্তার্দঅপশিংগী ইন্নোবেসন অমসুং অফবা থবকশিং পুক্নিং থৌগৎনবা স্তার্দঅপস ইন্তলেকচুএল প্রোপর্তি প্রোতেক্সন(সিপ) স্কিম সরকারনা হৌদোক্লে।  পেতেন্ত ফাইল তৌবদা চঙবা শেনফমগী চাদা ৮০ স্তার্দঅপশিংদা হন্দোক্লে অমসুং পেতেন্ত এপ্লিকেসনশিং য়াংনা য়েংশিন্নবা খুদোংচাবা লৈরে। অনৌবা ত্রেদমার্ক নিয়মশিংগী মখাদা, স্তার্দঅপশিং আমসুং অতোপ্পা কম্পেনিশিংনা ফাইল তৌবদা চাদা ৫০ রিবেত পীরে। 

নিউ দিজাইন এমেন্দমেন্ত রুলস,২০২১গী মতুংইন্না, ইন্দস্ত্রিগী দিজাইনশিং রেজিস্তার তৌবা পুক্নিং থৌগৎনবা, অপীকপা য়ুনিতশিংনা ফাইল তৌবগী ফিস সরকারনা হন্থহল্লে।

মিনিস্তরনা হায়খি স্তার্দঅপশিংগী থবকশিং পুক্নিং থৌগৎনবা অমসুং য়োকখৎনবা অচৌবা থৌরাং কয়া পায়খৎলে। হৌখিবা চহি ৯দা মোদী সরকারনা সাইন্স অমসুং সাইন্তিস্তশিংদা পুক্নিং চঙলে অমসুং মসি মালেমগী থাক্তা খন্নবা হিরম অমা ওইনা পুখৎলে। হন্দক্কী মহাক্কী য়ু.এস খোঙচৎ অদুদা  অপুনবা ৱারোলদা মরুওইবা হিরম অসি সাইন্সকা মরী লৈনবা ৱাফমশিং-সেমিকন্দক্তরশিং, স্পেস, ইন্তরনেসনেল স্পেস স্তেসন, অর্তেমিস একোর্দসনা ওইখি।

মিনিস্তরনা হায়খি গ্লোবেল ইন্নোবেসন ইন্দেক্সতা ঐখোয় মফম ৩১ হাইগৎলক্তুনা- ৮১দগী ৪০দা লৈরে; ২০১৬গী মহাক্কী নিংতম্বা নুমিৎকী ৱারোলদা প্রধান মন্ত্রী মোদীনা ফোঙদোকখিবা মতুংইন্না ঐখোয়না য়াম্না থেংনা স্তার্দঅপকী থবকশিং হৌখি; অদুবু শুপ্নগী চহি ২দা ঐখোয় মালেমদা স্তার্দঅপ ইকোসিস্তেমদা অহুমসুবা রেঙ্কতা লৈরে।

দোক্তর জিতেন্দ্রনা হায়খি থায়নগী লৌশিং অমসুং চৎনবীশিংগা অনৌবা মতমগী সাইন্তিফিক ওইবা থবকশিংগা পুনশিন্দুনা ঐখোয়না খাদি, এরোমা মিসন অমসুং লাভেন্দর থাবদা মাংজিল থাবা থবকশিং পায়খৎলে। করিগুম্বা ঐখোয়না স্তার্দঅপ আই.পি.আর ঙাক-শেনবগী থবক অসি পায়খৎলবদি, ঐখোয়গী স্তার্দঅপ ভেঞ্জরশিং ঐখোয়গী মমাংঙৈগী লৌশিং শীজিন্নবগী খুদোংচাবা ঐখোয়না ফংগনি। করিগুম্বা মসি ঐখোয়না থবক ওইনা পাংথোক্লবদি, ঐখোয়না চহিচা কয়া হেনবগী খুদোংচাবা ফংগনি।

মিনিস্তরনা হায়খি চহি ৯ অসিদা প্রধান মন্ত্রী শ্রী নরেন্দ্র মোদীনা লুচিংবা সরকারনা অসিগুম্বা মখলগী পান্দম থম্বদগী, ঙসি ঐখোয় চাউখৎলবা লৈবাকশিংগা মান্নবা খোঙথাং অমদা থাংমিন্নরে অমসুং মান্নবা থাক অমদা লৈরে। ঙসি ঐখোয় তেক্নোলোজি শীজিন্নবদা অতোপ্পা লৈবাকশিংগা ঐখোয়গা মান্নরে। খুদম ওইনা, ক্বান্তম কম্পুতিংদা ঐখোয় মালেমগী চাউখৎলবা লৈবাকশিংগী মরক্তা য়াওরে।

থৌরম অদুদা ৱা ঙাংবদা, দি.এস.আই.আরগী সেক্রেতরি অমসুং সি.এস.আই.আরগী দি.জি দোক্তর(শ্রীমতি) এন কলাইসেলভিনা হায়খি থা অসিগী ১ দগী জুলাই ৩১, ২০২৩ ফাওবা নেসনেল ইন্তেলেকচুএল প্রোপর্তি ফেস্তিবেল পাংথোক্কনি।

থৌরম অদুদা সেক্রেতরি, দি.পি.আই.আই.তি , শ্রী রাজেস কুমার সিংহ অমসুং সেনিয়র সাইন্তিস্তশিং অমসুং সি.এস.আই.আর অমসুং দি.এস.তিগী ওফিসিএলশিং শরুক য়াখি।

*******



(Release ID: 1937233) Visitor Counter : 65