ఆవిష్కరణ మరియు వ్యవస్థాపకతను ప్రోత్సహించడమే లక్ష్యంగా "స్టార్టప్‌ల మేధో సంపత్తి హక్కుల పరిరక్షణ"ను చేపట్టామని కేంద్ర సైన్స్ అండ్ టెక్నాలజీ సహాయ మంత్రి (స్వతంత్ర బాధ్యత), ఎంఓఎస్ పిఎంఓ, అణుశక్తి శాఖ మరియు అంతరిక్ష శాఖ మరియు సిబ్బంది, ప్రజా ఫిర్యాదులు మరియు పెన్షన్ల శాఖ మంత్రి డాక్టర్ జితేంద్ర సింగ్ అన్నారు.

న్యూఢిల్లీలోని నేషనల్ ఫిజికల్ లాబొరేటరీలో సిఎస్‌ఐఆర్‌ నిర్వహించిన 'నేషనల్ ఇంటెలెక్చువల్ ప్రాపర్టీ ఫెస్టివల్'లో తన ప్రారంభ ప్రసంగంలో డాక్టర్ జితేంద్ర సింగ్ మాట్లాడుతూ "పరిశ్రమలతో పాటు స్టార్టప్‌ల ద్వారా పేటెంట్లు మరియు ట్రేడ్‌మార్క్‌తో సహా మేధో సంపత్తి హక్కుల (ఐపీఆర్‌) దాఖలు అనుసంధానాలు భారతదేశంలో ఆవిష్కరణలను ప్రోత్సహిస్తాయి మరియు సంస్థను ప్రేరేపిస్తాయి. ప్రధాన మంత్రి శ్రీ నరేంద్ర మోదీ నాయకత్వంలో ప్రభుత్వం 2016లో ఐపిఆర్‌ చట్టాన్ని తీసుకువచ్చిన తర్వాత, ట్రేడ్‌మార్క్ నమోదు ప్రక్రియ ఒక నెలకు తగ్గిందని, అది గతంలో ఒక సంవత్సరం కంటే ఎక్కువ" అని అన్నారు.

"దీని తర్వాత, 'స్టార్టప్‌ల మేధో సంపత్తి హక్కుల పరిరక్షణ' పథకం తీసుకురాబడింది, ఇది పేటెంట్ ఫైలింగ్‌లో 80% రాయితీని మరియు పరిశ్రమ మరియు కంపెనీలకు సంబంధించి 40%-50% రాయితీని అందిస్తుంది" అని మంత్రి చెప్పారు.

డాక్టర్ జితేంద్ర సింగ్ మాట్లాడుతూ " స్టార్టప్ పర్యావరణ వ్యవస్థను మరియు వాటి సామర్థ్యాన్ని పెంపొందించడానికి ఒకదానికొకటి అనుబంధంగా ఉండే అనేక పథకాలను ప్రధాన మంత్రి శ్రీ నరేంద్ర మోదీ ప్రారంభించారు. తద్వారా మీరు స్టార్టప్‌లను ప్రారంభించవద్దు. అందుకు మీకు ముద్రా పథకం ఉంది అది మీకు ఎలాంటి గ్రాట్యుటీ, తనఖా, దాదాపు వడ్డీ లేకుండా 10 నుండి 20 లక్షల రుణాన్ని అందిస్తుంది" అని ఆయన చెప్పారు.

స్టార్టప్‌ల కోసం ఐపీఆర్‌లను రక్షించే దృష్టితో స్టార్టప్‌ల ఆవిష్కరణ మరియు సృజనాత్మకతను ప్రోత్సహించడానికి స్టార్టప్‌ల మేధో సంపత్తి రక్షణ (ఎస్‌ఐపిపి) అనే పథకాన్ని ప్రభుత్వం ప్రారంభించింది. స్టార్టప్‌లకు పేటెంట్ దాఖలు రుసుముపై 80% రాయితీ మరియు పేటెంట్ దరఖాస్తులను త్వరితగతిన పరిశీలించే సదుపాయం ఈ పథకం అందిస్తుంది. కొత్త ట్రేడ్‌మార్క్ నిబంధనల ప్రకారం స్టార్టప్‌లకు ఇతర కంపెనీలకు సంబంధించి ఫీజులను దాఖలు చేయడంలో 50% రాయితీ ఇవ్వబడింది.

కొత్త డిజైన్ సవరణ నియమాలు 2021 ప్రకారం స్టార్టప్‌ల ద్వారా పారిశ్రామిక డిజైన్‌ల రిజిస్ట్రేషన్‌ను ప్రోత్సహించడానికి కూడా ప్రభుత్వం చిన్న సంస్థల కోసం ఫైలింగ్ మరియు ప్రాసిక్యూషన్ ఫీజులను తగ్గించింది.
 

ఇన్నోవేటివ్ మరియు ఎంటర్‌ప్రెన్యూర్స్ పరంగా స్టార్టప్‌లకు భారీ స్థాయిలో ప్రోత్సాహం మరియు ప్రమోషన్ ఉందని మంత్రి అన్నారు.

"గత తొమ్మిదేళ్లలో ప్రధాని మోదీ సైన్స్ మరియు శాస్త్రవేత్తలకు గౌరవం ఇచ్చారు మరియు అంతర్జాతీయ చర్చల అంశంగా కూడా పెంచారు. ఇటీవలే ముగిసిన యూఎస్‌ పర్యటనలో కూడా ప్రధాని జాయింట్ స్టేట్‌మెంట్‌లోని ప్రధాన అంశం సైన్స్ సంబంధిత అంశాలు, సెమీకండక్టర్ల నుండి అంతరిక్షం వరకు అంతర్జాతీయ అంతరిక్ష కేంద్రం, ఆర్టెమిస్ అకార్డ్స్ వరకు అనేక అంశాలు ఉన్నాయని" డాక్టర్ జితేంద్ర సింగ్ అన్నారు.

గ్లోబల్ ఇన్నోవేషన్ ఇండెక్స్‌లో మనం 31 స్థానాలు ఎగబాకి  81 నుండి 40కి చేరుకున్నామని మంత్రి చెప్పారు.  స్టార్టప్ పర్యావరణ వ్యవస్థను మనం చాలా ఆలస్యంగా ప్రారంభించామని 2016లో ప్రధాని మోదీ తన స్వాతంత్ర్య దినోత్సవ ప్రసంగంలో ఎర్రకోట నుండి పిలుపునిచ్చిన కేవలం రెండు సంవత్సరాలలోనే మనం ప్రపంచంలోని స్టార్టప్ పర్యావరణ వ్యవస్థలో నం.3 ర్యాంకింగ్‌కు చేరుకున్నాము అని తెలిపారు.

సాంప్రదాయ విజ్ఞానం మరియు వారసత్వ డిజిటల్ రిపోజిటరీని ఆధునిక శాస్త్రీయ ఆవిష్కరణలతో కలపాలని మరియు ఈ యంత్రాంగాన్ని సంస్థాగతీకరించడం ద్వారా ఖాదీ, అరోమా మిషన్ మరియు లావెండర్ సాగు వంటి రంగాలలో మనం అత్యాధునికతను పొందగలమని డాక్టర్ జితేంద్ర సింగ్ పిలుపునిచ్చారు.

" ప్రస్తుతం అత్యత్తమ సమయం నడుస్తోంది. మనం ఈ స్టార్టప్ ఐపీఆర్‌ రక్షణలో ఉన్నట్లయితే స్టార్ట్‌అప్ వెంచర్‌లను మన సాంప్రదాయ జ్ఞానంతో అనుబంధించడం వల్ల మనకు ప్రయోజనం ఉంటుంది, ఇది తరచుగా జరగడం లేదు. ఇక్కడ జరుగుతుంది. మరియు మనం అలా చేస్తే, వాస్తవానికి ఇతర దేశాలపై మనకు ఎడ్జ్ ఉంటుంది" అని  చెప్పారు.

ప్రధాని మోదీ నేతృత్వంలోని తొమ్మిదేళ్ల పాలనలో అలాంటి దృక్పథాన్ని కలిగి ఉన్నందున నేడు మనం అభివృద్ధి చెందిన దేశాలతో సమాన వేగంతో మరియు సమాన స్థాయిలో ఉన్నామని మంత్రి అన్నారు.

"నేడు మనం టెక్నాలజీ అప్లికేషన్‌లో ఇతర దేశాలతో సమాన భాగస్వాములం. ఉదాహరణకు క్వాంటమ్ కంప్యూటింగ్‌లో మనం అభివృద్ధి చెందిన దేశాలతో సమానమైన లీగ్‌లో ఉన్నాము" అని మంత్రి తెలిపారు.

ఈ సందర్భంగా డీఎస్‌ఐఆర్‌ సెక్రటరీ, సీఎస్‌ఐఆర్‌ డీజీ డాక్టర్‌ (శ్రీమతి) ఎన్‌ కళైసెల్వి మాట్లాడుతూ..ఈ జులై 1 నుంచి 31 వరకూ జాతీయ మేధో సంపత్తి ఉత్సవాలను నిర్వహిస్తున్నట్లు తెలిపారు.

ఈ కార్యక్రమంలో డిపిఐఐటి సెక్రటరీ శ్రీ రాజేష్ కుమార్ సింగ్ మరియు సిఎస్‌ఐఆర్ మరియు డిఎస్‌టి సీనియర్ శాస్త్రవేత్తలు మరియు అధికారులు పాల్గొన్నారు.

*******