নুপী সেল্ফ-হেল্প গ্রুপশিংগী পোৎথোকশিং য়োনবদা মতেং পাংবা হেনগৎহন্নবা অতোপ্পা খোঙথাং অমদা, দিনদয়াল অন্তয়োদয়া য়োজনা-নেসনেল রুরেল লাইভলিহুদস মিসন( দি এ ৱাই-এন আর এল এম)না ই-সারাস মোবাইল এপ্প হৌদোক্লে অমসুং মসিনা নুপী সেল্ফ-হেল্প গ্রুপশিংগী পোৎথোকশিং য়োনবদা ই-কম্মর্সকী থবকশিং হাপচিল্লগনি। নিউ দিল্লিদা ভারত সরকারগী রুরেল দিবলপমেন্ত মিনিস্ত্রিগী সেক্রেতরি, শ্রী সাইলেস কুমার সিংহনা এপ্প অসি হৌদোকখি। থৌরম অসিদা শ্রী সাইলেসনা নিউ দিল্লিদা লৈবা মিনিস্ত্রিগী জনকপুরি ওফিসতা ই-সারাস ফুলফিলমেন্ত সেন্তরশু হাংদোকখি।

ফাউন্দেসন ফোর দিবলপমেন্ত ওফ রুরেল ভেলু চেন্সনা ই-সারাস ফুলফিলমেন্ত সেন্তরগী থবক তৌগনি অমসুং  ই-সারাস পোর্তেল অমসুং ই-সারাস মোবাইল এপ্পকী খুৎথাংদা মীয়াম্না লৈবা পোৎলমশিং য়োম্বা, থাদোক-থাজিন তৌবগী থবকশিং পাংথোক্কনি। ওনলাইন্দা লৈরকপা পোৎলম অমা কস্তমরশিংগী থোংজিল ফাওবা য়ৌহনবা দরকার ওইবা থবকশিং সেন্তর অসিনা পাংথোক্কনি।

ই-সারাস হায়রিবা ই-কম্মর্স মোবাইল এপ্প অসি নুপী সেল্ফ-হেল্প গ্রুপশিংগী পোৎথোকশিং য়োন্নবা অফবা মফম অমা ওইনা শীজিন্নগনি।  মসি খ্বাইদগী ফবা অশেংবা হেন্দিক্রাফশিং অমসুং ইয়োংগী পোৎথোকশিং য়োন্নবা রুরেল দিবলপমেন্ত মিনিস্ত্রিগী দিনদয়াল অন্তয়োদয়া য়োজনা-নেসনেল রুরেল লাইভলিহুদস মিসন্না পায়খৎপা থৌরাং অমনি।

এপ্প হৌদোক্লদুনা, সেক্রেতরি শ্রী সাইলেস কুমার সিংহনা হায়খি মসি লমদম অসিগী পোৎথোক শীজিন্নবা হেনগৎহন্নবা ৱাখল্লোন য়োকখৎনবা থৌরাং অমনি অমসুং য়াম্না লাইন নুপী সেল্ফ-হেল্প গ্রুপশিংগী পোৎথোকশিং য়োনবা ঙমহনগনি। এস.ঐচ.জি য়ুমথোং অমমমদা য়ামদ্রবদা হিংনবগী লম্বী ২-৩ লৈহন্নবা মিনিস্ত্রিনা পান্দম থম্লি। লায়রবশিং হিংনবা লম্বীশিংগী মনুংদা লৌউ-শিংউগী থবক নত্তবা থবক অসি লম্বী অমনি। লৌউ-শিংউ নত্তবা হিংনবা লম্বীশিং অসিনা এস.ঐচ.জিগী পোৎথোকশিং য়োন্নবা লম্বী পীরি। ই-সারাস মোবাইল এপ্পকী খুৎথাংদা নুপী সেল্ফ-হেল্প গ্রুপশিংগী  খুৎনা শাবা পোৎথোকশিং হৌজিক মীওই খুদিংমক্কী খুৎবী নমদুনা য়াম্না লাইনা ফংলে।

থৌরম অদুদা তিনখিবা মীয়াম তরাম্না ওক্লদুনা, এদিসনেল সেক্রেতরি শ্রী চরনজিৎ সিংহনা হায়খি লৈবাক শীনবা থুংনা পাংথোক্লিবা সারাস মেলাশিং অমসুং সারাস ফুদ ফেস্তিবেলশিংগুম ই-সারাস এপ্প অমসুং পোর্তেলগী খুৎথাংদা ওলাইন্দা য়োন্নবা ৩৬০ দিগ্রিগী থৌরাং অমা পায়খৎপা অসি দিনদয়াল অন্তয়োদয়া য়োজনা-নেসনেল রুরেল লাইভলিহুদস মিসনগী লাল্লোং অমনি অমসুং মসিনা ওনলাই অমসুং ওন-গ্রাউন্দ প্লেতফোর্মশিংদা পোৎথোকশিং য়োকখৎনবা থবকশিং পাংথোক্লে।

রুরেল লাইফলিহুদসকী দিরেক্তর রাঘভেন্দ্র প্রতাপ সিংহনা হায়খি দিনদয়াল অন্তয়োদয়া য়োজনা-নেসনেল রুরেল লাইভলিহুদস মিসন্না পীরিবা মতেংশিং অসি লৈবাক অসিগী এস.ঐচ.জিশিংনা তরাম্না ওক্লে অমসুং হায়রিবা থবকশিং অসি মখোয় শরুক য়ারে।

শরুক য়াখিবা দেলিগেদশিং তরাম্না ওক্লদুনা, এফ.দি.আর.ভি.সিগী কো-লিদ শ্রী বিপিন বিহারিনা হায়খি মসিগী ই-কম্মর্সকী থবক অসিগী খুদোংচাবা লৌনবা এফ.দি.আর.ভি.সিনা অতোপ্পা চৎমিন্নরিবশিংগা থবক তৌমিন্নগনি। থৌরম অদুদা মিনিস্ত্রিগী সেনিয়ার ওফিসারশিং অমসুং চৎমিন্নরিবা লুপশিংগী মীহুৎশিং শরুক য়াখি।

*****