ভারত সরকারগী কলচর মিনিস্ত্রিগী মখাদা, ইন্তরনেসনেল বুদ্বিস্ত কনফিদেরেসন (আই বি সি)না শীন্দুনা জুলাই ৩, ২০২৩দা নিউ দিল্লিগী জনপথতা লৈবা নেসনেল মিউজমদা আসার পুর্নিমা অসি ধর্মা চক্র প্রাভরতানা দিবস হায়না থৌরম পাংথোক্কনি। মসি আই.বি.সিনা চহিগী ওইনা পাংথোকপা মরুওইবা থৌরম্নি অমসু বুদ্ধ পুর্নিমাগী হেক মথংদা বুদ্ধিস্তশিংগী খ্বাইদগী শেংলবা নুমিৎ অমনি।

থৌরম অদুদা ভারতকী রাস্ত্রপতি শ্রীমতি দ্রৌপতি মুর্মুনা ভিদিও মেসেজগী খুৎথাংদা ৱা ঙাংগনি। থৌরম অদুদা আই.বি.সিগী লুম্বীনি(নেপাল)দা পায়খৎপা অখন্নবা প্রোজেক “ ইন্দিয়া ইন্তরনেসনেল সেন্তর ফোর বুদ্ধিস্ত কলচর অমসুং হেরিতেচ”গী ফিল্ম অমা উৎকনি। হৌখিবা চহিগী বুদ্ধ পুর্নিমা নুমিত্তা নেপালগী লুম্বীনিদা সেন্তর অসি শানবা প্রধান মন্ত্রী শ্রী নরেন্দ্র মোদীনা উরেপ উয়ুং তমখিবনি।

থৌরম অদুদা ১২শুবা চামগোন কেন্তিং তাই সিতুপানা আসার পুর্নিমাগী মরুওইবগী মতাংদা ৱা ঙাংগনি অমসুং কলচর অমসুং মপান থৌরমগী মিনিস্তর শ্রীমতি মিনাক্সি লেখিনা অখন্নবা ৱারোল পীগনি। থৌরম অদুদা বুদ্ধিস্ত সংঘশিংগী শক্নাইরবশিং, শক্নাইরবা মাস্তরশিং, পন্দিৎশিং অমসুং নিউ দিল্লিদা লৈবা দিপ্লেমেতকী মীহুৎশিং শরুক য়াগনি।

বুদ্ধনা মঙাল ফংখিবা লমদম, মহাক্কী ধর্মগী চাকা লৈখিবা মফম অমসুং মহাক মহাপরিনর্ভনা ফংখিবা লমদম ভারতকী পুৱারিগী মরুওইবা অদু খঙদুনা, নিউ দিল্লিগী নেসনেল মিউজমদা আই.বি.সিনা শীন্দুনা আসার পুর্নিমা পাংথোক্কদবনি অমসুং মিউজম অসিদা শক্যামুনিগী শেংলবা শরুক লৈরি।

সরনথাতা বুদ্ধনা অহানবা ওইনা মহাক্কী পাউজেল শন্দোকপা হৌখি অমসুং ধর্মগী চাকা উংবা হৌখি। ভারতকী থাবানগী খোঙচৎ মতুংইন্না আসার থাগী পুর্নিমাদা শেংলবা আসার পুর্নিমাগী নুমিৎ থোক্লে। নুমিৎ অসি শ্রী লঙ্কাদা ইসালা পোয়া অমসুং থাইলেন্দদা অসানহা বুচা হায়না খঙনৈ। নুমিৎ অসিদা ভারতকী বরানসী ময়ামদা লৈবা হৌজিক মতমগী সরনাথতা আসারগী পুর্নিমা নুমিত্তা দিয়ার পার্কতা অহানবা সেবক মঙাদা মঙাল ফংলবা মতুংদা অহানবা ওইনা বুদ্ধনা ধর্ম শন্দোকপা হৌখিবা নুমিৎ অদু থৌরম পাংথোকপনি।

থা অহুম হায়বদি জুলাইদগী ওক্তোবর ফাওবা নুমিৎ অসিদগী লম্বোইবা অমসুং লম্বোইবীশিং নোংজু থাগী পোথাবা হৌখি অমসুং হায়রিবা মতম অসিদা মখোয় মখোয়গী লাইশঙদা লেংদনা লৈগনি অমসুং অমসুং ধ্যান তৌগনি। নুমিৎ অসি বুদ্ধিস্ত অমসুং হিন্দু অনিমক্না গুরু পুর্নিমা হায়না মখোয়গী ওজাশিংদা ইকায়খুম্নবা উৎপগী নুমিৎ অমা ওইনসু থৌরম পাংথোক্লি।

****