শেল-থুম মন্ত্রালয়
পব্লিক সেক্তর বেঙ্কশিং অমসুং অয়াবা পীরবা লনাই বেঙ্কশিং মহিলা সম্মান সেভিং সর্তিফিগেদ, ২০২৩ থবক ওইনা পাংথোক্নবগী অয়াবা পীরে
Posted On:
30 JUN 2023 4:14PM by PIB Imphal
ফাইনান্স মিনিস্ত্রিগী ইকোনোমিক এফেয়ার্স দিপার্তমেন্তনা জুন ২৭, ২০২৩দা থোকপা ই-গেজেত্ত নোতিফিকেসন অমগী খুৎথাংদা, পব্লিক সেক্তর বেঙ্ক পুম্নমক অমসুং অয়াবা পীরবা লনাই বেঙ্কশিং মহিলা সম্মান সেভিং সর্তিফিগেদ, ২০২৩ থবক ওইনা পাংথোক্নবগী অয়াবা পীরে। মসিনা নুপীমচাশিং/নুপীশিংগী স্কিম অসিগী কান্নবা লৌবা হেনগৎহন্নবা পান্দম থম্লি। মসিগা লোয়ননা, মহিলা সম্মান সেভিং সর্তিফিগেদ স্কিম অসি হৌজিক পোস্ত ওফিসশিং অমসুং অয়াবা পীরবা সেদুল বেঙ্কশিংদা ফংলগনি।
স্কিম অসি পোস্ত দিপার্তমেন্তগী খুৎথাংদা এপ্রিল ১, ২০২৩ দগী থবক হৌরক্লে। তোঙান-তোঙানবা থবকশিংগী খুৎথাংদা নুপীশিং রাজনিতি, খুন্নাই অমসুং শেন-থুমগী চাউখৎপা পুরক্নবা কেন্দ্র সরকারনা থবক কয়া পায়খৎলে। হায়রিবা থবকশিং অদু মখা তারকপা ওইনা, ভারতকী নু্পীমচা অমসুং নুপী খুদিংমক শেন-থুমগী ঙাক্লৌ পীনবা কেন্দ্র সরকারনা কেন্দ্রগী বজেত ২০২৩-২৪তা মহিলা সম্মান সেভিং সর্তিফিগেদ, ২০২৩ লাউথোকখিবনি।
স্কিমগী মরুওইবা শক্তমশিং :
- নুপীমচাশিং অমসুং নুপীশিংদা অশোই-অঙাম লৈতবা শেন থাদবগী খুদোংচাব পীবা
- স্কিম অসিগী মখাদা চহি অনিগী ওইনা মার্চ ৩১,২০২৫গী মমাঙদা একাউন্ত অমা হাংদোকপা য়াগনি।
- মহিলা সম্মান সেভিং সর্তিফিগেদগী মখাদা থমখিবা শেনফম চহি অমদা চাদা৭.৫গী চাংদা শেন্দোয় পীগনি অমসুং মসিনা থা অহুম খুদিংগী কম্পাউন্দ ওইগনি। মরম অদুনা শেন্দোয়গী চাং চাউরক্না চাদা ৭.৭ ওইগনি।
- খ্বাইদগী য়ামদনা লুপা ১০০০ অমসুং খ্বাইদগী য়াম্না লুপা ২০০,০০ ফাওবা থম্বা য়াগনি।
- স্কিম অসিগী মখাদা একাউন্ত হাংদোকখিবা নুমিত্তগী চহি অনিগী মতুংদা লৌথোকপা য়াগনি।
- স্কিম মনুংদা শেন হাপচিনবা খক কোমথোকপা নত্তনা, শরুক খর লৌথোকপগী অয়াবা লৈগনি। স্কিম একাউন্তগী বেলেন্সকী চাদা ৪০ ফাওবা একাউন্ত হাংদোক্লিবা মীওই অমনা লৌথোকপা য়াগনি।
****
(Release ID: 1936848)
Visitor Counter : 120