ఆర్ధిక మంత్రిత్వ శాఖలోని ఆర్ధిక వ్యవహారాల శాఖ ఇందుకు సంబందించిన ఈ-గెజిట్ ను 2023 జూన్ 27వ తేదీన జారీచేసింది.  మహిళా సమ్మాన్ సేవింగ్స్ సర్టిఫికెట్,  2023 అమలు, నిర్వహణ బాధ్యతలు ప్రభుత్వరంగ బ్యాంకులకు మరియు అర్హులైన ప్రైవేటు బ్యాంకులకు అప్పగిస్తున్నట్లు గెజిట్ నోటిఫికేషన్ లో పేర్కొన్నారు. బాలికలు /  మహిళలకు ఈ స్కీములో ప్రవేశ సౌలభ్యం కల్పించడం దాని లక్ష్యం.  ఈ ఉత్తర్వుతో మహిళా సమ్మాన్ సేవింగ్స్ సర్టిఫికెట్ లో చేరదలచినవారికి పోస్టాఫీసులలో,  అర్హమైన షెడ్యూలు బ్యాంకులలో సర్టిఫికెట్ విలువ చెల్లింపు ద్వారా లభిస్తుంది.

ఈ స్కీము 2023 ఏప్రిల్ 1వ తేదీ నుంచి తపాలా శాఖ ద్వారా నిర్వహణలో ఉంది.  

              వివిధ రకాల ప్రణాళికాబద్ధమైన  ఉపక్రమణల ద్వారా మహిళల రాజకీయ, సామాజిక మరియు ఆర్హిక అభ్యున్నతికి కేంద్ర ప్రభుత్వం అనేక ప్రయత్నాలు చేసింది.   ఆ ప్రయత్నాల కొనసాగింపుగా 2023-24 ఆర్ధిక సంవత్సర కేంద్ర వార్షిక బడ్జెట్ లో దేశంలో ప్రతి బాలిక, మహిళ ఆర్ధిక భద్రత కోసం మహిళా సమ్మాన్ సేవింగ్స్ సర్టిఫికెట్  (ఎంఎస్ఎస్ సి), 2023 స్కీమును కేంద్ర ప్రభుత్వం  ప్రకటించింది.  

స్కీము ముఖ్యాంశాలు :  

      * అందరు బాలికలు, మహిళలకు ఆకర్షణీయమైన , సురక్షితమైన పెట్టుబడి ఎంపిక అవకాశం

      * ఈ స్కీము కింద 2025 మార్చి 31 లోపల రెండేళ్ల కాలానికి ఖాతాను తెరవవచ్చు.  

      * ఎంఎస్ఎస్ సి లో చేసే డిపాజిట్లపై 7.5% వార్షిక వడ్డీ లభిస్తుంది.  ప్రతి మూడు నెలలకు చక్రవడ్డీ లభిస్తుంది.  అంటే మొత్తం మీద
  సర్టిఫికెట్ పైన లభించే వార్షిక వడ్డీ కొంచెం ఇంచుమించుగా 7.7% ఉంటుంది.  
     
      *  ఈ ఖాతాలో గరిష్టంగా రూ.2,00,000 ఉంచవచ్చు.  కనీస డిపాజిట్ రూ. 1000,  రూ.100 గుణకాలలో డిపాజిట్ చేయవచ్చు.  

      *  ఈ స్కీము కింద జరిపే పెట్టుబడి కాలవ్యవధి (మెచ్యూరిటీ)  ఖాతా తెరిచిన తేదీ నుంచి రెండేళ్లు ఉంటుంది.  

      *  పెట్టుబడిలోనే కాక  స్కీము కాలంలో పాక్షిక విత్ డ్రాయల్ సౌకర్యం కూడా ఉంది.   స్కీము ఖాతా నుంచి విత్ డ్రా చేయడానికి అర్హమైన నిల్వలో  గరిష్టంగా 40% శాతం సొమ్మును విత్ డ్రా చేయడానికి ఖాతాదారు అర్హులు.

 

****