শ্রী পিয়ুশ গোয়লনা বেঙ্করশিংদা ত্রিলিয়ন দোলর ১গী মর্চেন্দাইজ এক্সপোর্ত তৌবগী তার্গেত অদুবু ফংবা ঙম্নবা এম.এস.এম.ই.শিংদা হেন্না য়াম্বা অমসুং অহোংবা ক্রেদিত ফংহন্নবা হায়খ্রে। হায়রিবআ ৱাফম অসি এম.এস.এম.ই. এক্সপোর্তরশিংদা  এক্সপোর্ত ক্রেদিত ফংহল্লিবা অদু হেনগৎহন্নবগী মতাংদা খন্ননবা খোখিবা মীফম অদুদা হায়খি। মীফম অসি ঙরাং নই দিল্লীদা এক্সপোর্ত ক্রেদিত গেরেন্তী কোর্পোরেশন লিমিতেদ, (ই.সি.জি.সি.)গা খুৎশম্নদুনা দিপার্তমেন্ত ওফ কমর্সনা পাংথোকখি। মীফম অসিদা স্তেত বেঙ্ক ওফ ইন্দিয়া য়াওনা, বেঙ্ক ওফ বারোদা, পঞ্জাব নেস্নেল বেঙ্ক, কেনরা বেঙ্ক, য়ুনিয়ন বেঙ্ক ওফ ইন্দিয়া, বেঙ্ক ওফ ইন্দিয়া অমসুং সেন্ত্রেল বেঙ্ক ওফ ইন্দিয়ানা মসিদা শরুক য়াখি।

ই.সি.জি.সি.গী সি.এম.দি., শ্রী এম. সেন্থিলনাথন্না ‘‌এক্সপোর্ত ক্রেদিত এন্দ এক্সপোর্ত ক্রেদিত ইন্সুরেন্স ফোর বেঙ্কস (ই.সি.আই.বি.)’গী মতাংদা প্রেজেন্তেশন অমা তৌখি। স্কীম ওফ এনহান্স কোভরগী মখাদা ই.সি.জি.সি.গী এক্সপরিবেন্সতা য়ুমফম ওইরগা, ই.সি.জি.সি.না হৌজিক্তি এম.এস.এম.ই. এক্সপোর্তরগী সেক্সন অয়াম্বদা মরাং কাইনা অমসুং অহোংবা ক্রেদিত ফংহন্নবা মখাতানা শেমদোক্নবগী ৱাফম থাংগৎলকখ্রে। প্রোদক্তনা এক্সপোর্তরশিংদা এক্সপোর্ত ক্রেদিতকী হন্থবা মমলগা লোইননা বোরোৱর একাউন্তশিং অদুবু ‘এ.এ.’ রেতেদ একাউন্তগা মান্ননা লৌহনবদা মতেং পাংঙি।

মীফম অদুদা, শ্রী পিয়ুশ গোয়লনা হায়খি মদুদি এম.এস.এম.ই. এক্সপোর্তরশিংগীদমক্তা এক্সপোর্ত ক্রেদিত ওফতেক অদু হেনগৎহনবা য়ানবা, ই.সি.জি.সি.না বেঙ্ক খুদিংমক্তা বেঙ্ক মাপলগীদমক্তা প্রোপোজ তৌখিবা স্কীম অদুগী এক্সতেন্সন য়েংশিনবা য়াগনি।

ই.সি.জি.সি.না ক্রেদিত গেরেন্তী ফন্দ ত্রস্ত ফোর মাইক্রো এন্দ স্মোল এন্তরপ্রাইজেস (সি.জি.তি.এম.এস.ই.)গা মান্নবা ক্লেম প্রোসেসিং মেথদ অমা শিজিন্নগদবনি হায়না বেঙ্করশিংনা সজেস্ত তৌরকখি, মসিগীদমক্তা কমর্স অমসুং ইন্দ্স্ত্রী মন্ত্রীনা ই.সি.জি.সি.দা মখোয়গী অমাংবা  অদুবু কমপেন্সেত তৌনবা অসিগা মান্নবা মওংগী পেতর্নগী মতুং ইন্নবা হায়খি।

মন্ত্রী অসিনা বেঙ্কশিংদা প্রোপোজ তৌরবা স্কীম অসিগী খুদোংচাব লৌনবা অমসুং এম.এস.এম.ই. এক্সপোর্তরশিংদা এক্সপোর্ত ক্রেদিত মরাং কাইনা অমসুং হোংনা পীনবা হায়খি। মসিনা লৈবাক অসিবু ২০৩০ ফাওবদা য়ু.এস. দোলর ত্রিলিয়ন ১গী মর্চেন্দাইজ এক্সপোর্তশিংগী তার্গেত অদুবু ফংবা ঙমহনগনি। মন্ত্রী অসিনা ই.সি.আই.বি. স্কীমগী মখাদা বেঙ্কশিংদা পীখিবা ৭৫%গী ক্লেম পেমেন্তশিং অদুবু ক্লেম অদু ফংলবা মতুং নুমিৎ ৪৫গী মনুংদা য়েংশিন্নবা খঙহনখ্রে। মন্ত্রী অসিনা মখাতানা খঙহল্লকখি মদুদি লাক্কদবা থা মরি অসিদা ই.সি.জি.সি. সর্বিস পুম্নমক দিজিতাইজ তৌরগনি, মসিনা ফিজিকেল ইন্তরেক্সন হন্থহল্লগনি।

***