কেনদ্রগী কমর্স অমসুং ইন্দস্ত্রী অমসুং কঞ্জুমর এফিয়র্স, ফুদ  অমসুং পব্লিক দিস্ত্রিব্যুশন অমসুং তেক্সতাইলসকী মন্ত্রী, শ্রী পিয়ুশ গোয়লনা হায়খি মদুদি সরকার অসিনা অফবা মখলগী বিজনেস এনভাইরনমেন্ত অমা শেমগৎনবা অমসুং প্রোদক্সন লিঙ্কদ ইন্সেন্তিব (পি.এল.আই.) সেক্তরশিংদা খোংজেল য়াংনা শাহৌ পুরক্নবা অচেৎপা ফিরেপ লৌরি। ঙরাং কমর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রোমোশন ওফ ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.)না শিনখিবা “পি.এল.আই. স্কীমশিং”গী মতাংদা পাংথোকখিবা ৱার্কশোপ অমদা কীনোত এদ্রেস পীরদুনা, মন্ত্রী অসিনা পি.এল.আই. স্কীমগী পোলিসীশিং, প্রোসিজরশীং অমসুং মসিবু খ্বাইদগী হেন্না ফবা মওংদা পাংথোক্নবা ইন্দস্ত্রীগী ফীদবেক অমসুং খুৎশম্নদুনা মসিদা শরুক য়ানবা পুক্নিং থৌগৎলি।

শ্রী গোয়লনা ইন্দস্ত্রীগী মথৌতাবশিং অমসুং কঞ্জুমরশিংগী তঙিফদবশিং অদুবু মপুং ফানা পীবা ঙম্বা অৱাংবা থাক্কী প্রোদক্তশিং পুথোকপগী মতাংদা মরু ওইবা থমখি। মহাক্না অফবা মখলগী অহোংবশিং পুরক্নবা অমসুং পি.এল.আই. স্কীম অসিবু হেন্না ইফিসিয়েন্ত অমসুং ইফেক্তিব ওইহন্নবা মরি লৈনবা ইমপ্লিমেন্ত তৌরিবা মন্ত্রালয়/দিপার্তমেন্তগা প্রোজিজরগী ওইবা শিংনবশিং/ইশুশিং লৌখৎনবা পি.এল.আই. বেনিফিসরিশিংদা হায়খ্রে। মন্ত্রালয় অসিনা মখাতানা হায়খি মদুদি ইমপ্লিমেন্ত তৌরিবা মন্ত্রালয়/দিপার্তমেন্তগী সরকারগী ওফিসিয়েলশিংনা ইশুশিং য়াম্না য়াংনা ৱারোইশিন পুরক্নবা মশা-মশাগী পি.এল.আই. পি.এল.আই. বেনিফিসরীগা চাং নাইনা তাথোক-তাশিন অমসুং রাউন্দতেবলশিং তৌগদবনি।

শ্রী পিয়ুশ গোয়লনা ঐখোয়গী ইন্দস্ত্রীশিংদা শাহৌ পুরকপা, ইনোভেশন অমসুং কম্পিতিব লৈহনবা এনভাইরনমেন্ত অমা শেম্নবা পুন্না থবক তৌমিন্নবা স্তেকহোল্দরশিংদা তকশিখি। ৱার্কশোপ অদুগী পান্দমদি প্লেতফোর্ম অমদা মরু ওইবা স্তেকহোল্দরশিং পুরক্নবা অমসুং মরু ওইবা সেক্তর ১৪গী মখাদা লৈবা পি.এল.আই. স্কীমশিং মাইপাক্না চৎনহন্নবগীদমক্তা মখোয়গী নোলেজ অমসুং এক্সপরিয়েন্স অদু তাথোক-তাশিন তৌবা ঙম্নবা ওনরশিপকী ৱাখল্লোন পোকহনবনি। মসিগী  ৱার্কশোপ অসি ভারতপু মেন্যুফেকচরিংগী গ্লোবল হব অমা ওইহন্নবা প্রধান মন্ত্রী, শ্রী নরেন্দ্র মোদীগী ভিজন অদুগী মতুং ইন্না শিনখিবনি।   

ৱার্কশোপ অদুদা ইমপ্লিমেন্ত তৌরিবা সেন্ত্রেল দিপার্তমেন্ত ১০, মরু ওইবা সেক্তর ১৪গী মখাদা লৈবা কমপনীশিং/পি.এল.আই., পরওজেক্ত মেনেজমেন্ত এজেন্সীশিং (পি.এম.এ.শিং) খুদম ওইনা আই.এফ.সি.আই., এস.আই.দি.বি.আই. এম.ই.সি.ও.এন., আই.আর.ই.দি.এ. অমসুং এস.ই.সি.আই., সেলেক্ত ইন্দস্ত্রী এসোসিয়েশনশিং (সি.আই.আই., এফ.আই.সি.সি.আই. এ.এস.এস.ও.সি.ঐচ.এ.এম. অমসুং পি.ঐচ.দি.সি.সি.আই.) অমসুং মরি লৈনবা এক্সপোর্ত প্রোমোশন কাউন্সিলশিং মিং ওইনা পল্লবদা এফ.আই.ই.ও., ই.ই.পি.সি. অমসুং তি.ই.পি.সি.না শরুক য়াখি।

মসিদা শরুক য়ারিবশিং অদুদা মশক নাইবা কমপনীশিংগী কাংলুপ খুদম ওইনা ৱিস্ত্রোন, ফোক্সকোম, সেমসং, দেল, ৱিপ্রো জি.ই., দা. রেদ্দীস, তাতা মোতরস, মহিন্দ্র অমসুং মহিন্দ্র, নোকিয়া সোল্যুশন্স, আই.তি.সি. অমসুং দাবর, জ.এস.দবল্যু, অমসুং অতোপ্পা কয়া অমগী মনুংদা রিলাইন্সশু য়াওখি। মখোয়না শরুক য়াবা অদুনা তোঙান-তোঙান মখলগী পর্সপেক্তিবশিং লৈহনখি অমসুং নোলেজ শিয়রিং অমসুং নেতৱার্কিংগী এনভাইরনমেন্ত অমা লৈহনখি। কমপনীশিং অদুদগী মরু ওইবা একজিক্যুতিবশিংগা লোইন-লোইননা সরকারগী ওফিসিয়েলশিংনা ৱার্কশোপ অদুদা পাংথোকখিবা কোলাবোরেতিব ওপন দিস্কসন, ইন্তরেক্তিব সেসন অমসুং প্রেজেন্তেশনদা হকথেংননা শরুক য়াখি।

ৱার্কশোপ অসিনা পি.এল.আই. স্কীমশিং অসিগী শাফু অদুগী মতাংদা ৱাখল থোক্কদবা মওংদা খন্ন-নৈনবা অমসুং মমল য়াম্লবা ৱাখল্লোনশিং তাথোক-তাশিন তৌনবা ইন্দস্ত্রীগী লুচিংবশিং, এক্সপর্তশিং অমসুং সরকারগী ওফিসিয়েলশিংগীমদক্তা তোপ-তোপ্পা ফোরম অমা পীররে। থৌরম অসিগী পান্দমদি স্কীমশিং, মখোয়গী পান্দমশিং, অমসুং মেন্যুফেকচরিং সেক্তর রিভোল্যুসনাইজ তৌবা ঙম্বগী মতিক অদুগী মতাংদা কমপ্রেহেন্সিব ওইবা অন্দরস্তেন্দিং পীনবা হোৎনবনি।

ৱার্কশোপ অদুগী এজেন্দা অদুনা পি.এল.আই.স্কীমগা মরি লৈনবা হিরম কয়া অমা য়াওখি, মসিদা মখোয়গী স্কোপ, এলিজিবিলিতী ক্রাইতরিয়া, ইন্সেন্তিবশিং অমসুং মরি লৈনাবা সেন্ত্রেল দিপার্তমেন্তশিং অমসুং পি.এম.এ.শিং.না পীবা গ্রীভান্স রিদ্রেসল মেকানিজম য়াওনা মাইপাক্না চৎনহন্নবগী রোদমেপ  য়াওরি। পার্তিসিপেন্তশিং অদুনা কমপ্পিতিতিবনেস হনেগৎহন্নবা, প্রোদক্সন হেগৎহন্নবা অমসুং ইনোভেশন য়োকখৎনবা মসিগী স্কীমশিং অসুবু শিজিন্নবগী মতাংদা অখন্নবা মিৎয়েং থম্বা প্রদক্তিব দিস্কসনদা শরুক য়াখি। মরু ওইবা তোপিকশিং অদুদা স্কীম অসিগী মাইপাকপদা শরুক য়ারিবা ফেক্তরশিং/পোলিসী ন্যুৱেন্সশিং, দোমেস্তিক ভেল্যু অদিসন হেনগৎহনবা, অমসুং নৌনা ফাওগৎলক্লিবা তেক্নলোজীশিং কেপিতল থাধবা।

ৱার্কশোপ অসিনাপি.এল.আই. স্কীমশিংদা হকথেংননা শরুক য়ানবা অমসুং হৌজিক-হৌজিক লৈরিবা ইন্সেন্তিবশিং অদুবু অঙম্বা মখৈ শিজিন্ননবা এতেন্দী পুম্নমক্তগী ময়াম অপুনবগী ওইবা ফিরেপ অমা পুরকপা ঙমখি।

পি.এল.আই. স্কীমশিংগী অপুনবা এচীবমেন্ত অদু ৱার্কশোপ অদুগী মনুংদা খন্নখি। লুপা করোর ৬২,৫০০গী ইনভেস্তমেন্ত (২০২৩গী মার্চ ফাওবগী ) ফংবা ঙমখি, মসিনা লুপা করোর লাখ ৬.৭৫কী মথক্তা প্রোদক্সন/সেলসতা হেনগৎলকখি অমসুং ৩,২৫,০০০ ময়া নক্না থবক ফংহনখি। এফ.ৱাই. ২০২২-২৩ ফাওবদা লুপা লাখ ২.৫৬ ফাওবা এক্সপোর্তশিং হেনগৎলকখি। পি.এল.আই. স্কীমশিং অসিগী মখাদা চাউরাক্না লুপা করোর ২,৯০০ ফাওবগী ইন্সেন্তিব থাদোকখ্রে।

পি.এল.আই. স্কীমশিংনা সেক্তর কয়া অমদা দোমেস্তিক ভেল্যু এদিশন (দি.ভি.এ.) প্রোমোত তৌবদা মরু ওইবা থৌদাং লৌখি। মসিনা ইলেক্ত্রোনিক্স সেক্তর অমসুং স্মার্তফোন মেন্যুফেকচরিংদা  ২০১৪-১৫দা নেগ্লিজিবল ওইরম্বদগী, মথং শিৎনা ২৩% অমসুং ২০% ভেল্যু এদিশন হেনগৎহনখি। ফার্মস্যুতিকেল্সকী মখাদা প্রোদক্ত কয়া অমদা দি.ভি.এ. ৮০% ফাওবা হেনগৎলকপা থেংনখি।  তেলিকোম সেক্তরদা ৬০%গী ইমপোর্ত স্বস্তিত্যুশন ফংবা ঙমখি অমসুং ভারতনা নেতৱার্কিং প্রোদক্তশিংদা মরোমদোম লেপচবা ঙম্লগুম্বনি। ওতোমোবাইল অমসুং ওতো কম্পোনেন্ত সক্তরশিংগি মখাদা ৫০% ফাওবগী দি.ভি.এ. আশা তৌখি।  

***