కేంద్ర వాణిజ్యం మరియు పరిశ్రమలు మరియు వినియోగదారుల వ్యవహారాలు, ఆహారం & పబ్లిక్ డిస్ట్రిబ్యూషన్ మరియు టెక్స్‌టైల్స్ మంత్రి శ్రీ పీయూష్ గోయల్ మాట్లాడుతూ, అనుకూలమైన వ్యాపార వాతావరణాన్ని పెంపొందించడానికి మరియు ఉత్పత్తి అనుబంధిత ప్రోత్సాహక  (PLI) పథకం వృద్ధిని వేగవంతం చేయడానికి ప్రభుత్వం కట్టుబడి ఉందని అన్నారు. పరిశ్రమ మరియు అంతర్గత వాణిజ్యం, వాణిజ్య మరియు పరిశ్రమల మంత్రిత్వ శాఖ ప్రమోషన్ విభాగం (DPIIT) నిర్వహించిన “పీ ఎల్ ఐ పథకాలు” అనే అంశంపై నిన్న నిర్వహించిన వర్క్‌షాప్‌లో మంత్రి కీలకోపన్యాసం చేస్తూ, పీ ఎల్ ఐ పథకం యొక్క ప్రభావం  పెంచే విధి విధానాలను రూపొందించడానికి పరిశ్రమల అభిప్రాయాన్ని మరియు సహకార సంప్రదింపులను  ప్రోత్సహించారు.

పరిశ్రమ అవసరాలు మరియు వినియోగదారుల అవసరాలు రెండింటినీ తీర్చే అధిక-నాణ్యత ఉత్పత్తులను ఉత్పత్తి చేయడంపై పరిశ్రమ ఏకాగ్రత యొక్క ప్రాముఖ్యతను శ్రీ గోయల్ నొక్కిచెప్పారు. పీ ఎల్ ఐ లబ్ధిదారులు ఏవైనా విధానపరమైన సవాళ్లు/సమస్యలను సంబంధిత అమలు మంత్రిత్వ శాఖ/డిపార్ట్‌మెంట్‌తో సంప్రదించాలని , తద్వారా సానుకూల సంస్కరణలు తీసుకురావడానికి మరియు పీ ఎల్ ఐ పథకాన్ని మరింత సమర్థవంతంగా మరియు ప్రభావవంతంగా చేయడానికి వీలుగా లబ్దిదారుల అభిప్రాయాలను స్వీకరించాలని ఆయన కోరారు. అమలు చేస్తున్న మంత్రిత్వ శాఖ/విభాగంలోని ప్రభుత్వ అధికారులు తప్పనిసరిగా వారి సంబంధిత పీ ఎల్ ఐ లబ్ధిదారులతో క్రమం తప్పకుండా సంప్రదింపులు మరియు రౌండ్‌టేబుల్‌లను నిర్వహించాలని, తద్వారా సమస్యలను వెంటనే పరిష్కరించవచ్చని మంత్రి తెలిపారు.

శ్రీ పీయూష్ గోయల్ మన పరిశ్రమలలో వృద్ధి, ఆవిష్కరణ మరియు పోటీతత్వాన్ని పెంపొందించే వాతావరణాన్ని సృష్టించేందుకు లబ్దిదారులు కలిసి పని చేయాలని కోరారు. వర్క్‌షాప్  లక్ష్యం కీలక వాటాదారులను ఒకే వేదికపైకి తీసుకురావడం మరియు యాజమాన్య భావాన్ని సృష్టించడం, తద్వారా 14 కీలక రంగాల క్రింద పీ ఎల్ ఐ పథకాలను సమర్థవంతంగా అమలు చేయడానికి వారి జ్ఞానం మరియు అనుభవాలను పరస్పరం పంచుకోగలరు. భారతదేశాన్ని తయారీకి ప్రపంచ కేంద్రంగా మార్చాలనే ప్రధాన మంత్రి శ్రీ నరేంద్ర మోదీ దృష్టికి అనుగుణంగా ఈ వర్క్‌షాప్ నిర్వహించబడింది.

ఈ వర్క్‌షాప్‌లో అమలు చేస్తున్న 10 కేంద్ర విభాగాలు, 14 కీలక రంగాల కింద కంపెనీలు/ పీ ఎల్ ఐ లబ్ధిదారులు, వివిధ ప్రాజెక్ట్ మేనేజ్‌మెంట్ ఏజెన్సీలు పాల్గొన్నారు. ఐ ఎస్ సీ ఐ, సిడ్బి, మెకాన్, ఇరెడ, ఎస్ ఈ సీ ఐ పరిశ్రమల సంఘాలు (సీ ఐ ఐ, ఫిక్కీ, అషోచం &  పీ హెచ్ డీ సీ సీ ఐ, సంబంధిత ఎగుమతి ప్రమోషన్ కౌన్సిల్‌లు (ఎఫ్  ఈ ఓ, ఈ ఈ పీ సీ & టీ ఈ పీ సీ) పాల్గొన్నారు.

హాజరైన వారిలో విస్ట్రోన్, ఫాక్స్‌కాన్, శాంసంగ్, డెల్, విప్రో జీ ఈ, డాక్టర్ రెడ్డీస్, టాటా మోటార్స్, మహీంద్రా & మహీంద్రా, నోకియా సొల్యూషన్స్, ఐ టీ సీ, & డాబర్, జే ఎస్ డబ్ల్యు మరియు రిలయన్స్ వంటి ప్రముఖ కంపెనీలు కూడా ఉన్నాయి. వారి ప్రాతినిధ్యం విభిన్న దృక్కోణాలను నిర్ధారిస్తుంది మరియు జ్ఞాన భాగస్వామ్యం మరియు నెట్‌వర్కింగ్ వాతావరణాన్ని పెంపొందించింది. ఈ కంపెనీలకు చెందిన ముఖ్య కార్యనిర్వాహకులు, ప్రభుత్వ అధికారులతో పాటు, వర్క్‌షాప్ లో సహకార  చర్చ, ఇంటరాక్టివ్ సెషన్ మరియు ప్రెజెంటేషన్‌లలో చురుకుగా పాల్గొన్నారు.

ఈ వర్క్‌షాప్ పరిశ్రమ నాయకులు, నిపుణులు మరియు ప్రభుత్వ అధికారులకు పీ ఎల్ ఐ స్కీమ్‌ల ప్రభావంపై అంతర్దృష్టితో కూడిన చర్చలో పాల్గొనడానికి మరియు విలువైన అంతర్దృష్టులను ఇచ్చిపుచ్చుకోవడానికి ఒక ప్రత్యేక వేదికను అందించింది. స్కీమ్‌లు, వాటి లక్ష్యాలు మరియు ఉత్పాదక రంగంలో విప్లవాత్మకమైన వాటి సామర్థ్యాన్ని సమగ్రంగా అర్థం చేసుకునేందుకు ఈ కార్యక్రమం లక్ష్యంగా పెట్టుకుంది.

వర్క్‌షాప్ ఎజెండా పీ ఎల్ ఐ పథకాలకు సంబంధించిన వివిధ అంశాలను కవర్ చేసింది, వాటి పరిధి, అర్హత ప్రమాణాలు, ప్రోత్సాహకాలు మరియు సంబంధిత కేంద్ర శాఖలు, పీ ఎం ఎ లు అందించిన ఫిర్యాదుల పరిష్కార విధానంతో సహా విజయవంతమైన అమలు కోసం రోడ్‌మ్యాప్‌తో సహా పోటీతత్వాన్ని పెంపొందించడానికి, ఉత్పత్తిని పెంచడానికి మరియు ఆవిష్కరణలను ప్రోత్సహించడానికి ఈ పథకాలను ఉపయోగించుకోవడంపై దృష్టి సారించటం పై ఉత్పాదక చర్చలలో పాల్గొనేవారు నిమగ్నమయ్యారు. స్కీమ్‌ల విజయానికి దోహదపడే అంశాలు/విధానపరమైన సూక్ష్మ నైపుణ్యాలు, దేశీయ విలువ జోడింపును మెరుగుపరచడం మరియు అభివృద్ధి చెందుతున్న సాంకేతికతలను పెట్టుబడిగా పెట్టడం వంటి ముఖ్య అంశాలు ఉన్నాయి.

వర్క్‌షాప్ పీ ఎల్ ఐ స్కీమ్‌లలో చురుగ్గా పాల్గొనడానికి మరియు అందుబాటులో ఉన్న ప్రోత్సాహకాలను వారి పూర్తి సామర్థ్యానికి ఉపయోగించుకోవడానికి హాజరైన వారందరి నుండి సామూహిక నిబద్ధతతో ముగిసింది.

వర్క్‌షాప్‌లో మొత్తంగా పీ ఎల్ ఐ పథకాల సాధన గురించి చర్చించారు.దీని ఫలితంగా పెట్టుబడి రూ. 62,500 కోట్లు (మార్చి'23 వరకు),  దాదాపు 3,25,000 మందికి ఉపాధి కల్పన రూ.6.75 లక్షల కోట్లు పైగా ఉత్పత్తి/అమ్మకాలు, 2022-23 ఆర్థిక సంవత్సరం వరకు ఎగుమతులు రూ. 2.56 లక్షల కోట్లు పెరిగాయి.   పథకాల కింద 2022-23 ఆర్థిక సంవత్సరంలో ప్రోత్సాహక మొత్తం సుమారు రూ. 2,900 కోట్లు పంపిణీ చేయబడ్డాయి.

****