জি২০ ইন্দিয়ন প্রেসিদেন্সীগী মখাদা অহুমশুবা জি২০ ইনফ্রাস্ত্রকচর ৱর্কিং গ্রুপ (আই.দব্লিউ.জি.) উত্তরাখন্দগী রিসিকেসতা জুন ২৬ তগী ২৮, ২০২৩ ফাওবদা পাঙথোক্নবা লেপ্লে‍। জি২০ মেম্বর লৈবাকশিং, ইনভাইতী লৈবাকশিং, অমদি মালেমগী লুপশিংদগী দেলিগেৎ ৬৩না ইন্দিয়ন জি২০ প্রেসিদেন্সীগী মখাদা ২০২৩ ইনফ্রাস্ত্রকচর এজেন্দাগী মতাঙদা মখা তানা খন্ননবগীদমক মীফমদুদা শরুক য়াগনি অমদি বিসাখপত্নমদা মার্চ ২০২৩দা পাঙথোকখিবা অনিশুবা আই.দব্লিউ.জি. মীফমদা খন্নখিবা অদুগী মখা চত্থগনি‍।

জি২০ ইনফ্রাস্ত্রকচর ৱর্কিং গ্রুপনা এসেত ক্লাস ওইনা ইনফ্রাস্ত্রকচর শেমগৎপা, ক্বালিতী ইনফ্রাস্ত্রকচর ইনভেস্তমেন্ত য়োকখৎপা অমদি ইনফ্রাস্ত্রকচর ইনভেস্তমেন্তকী ফাইনেন্সিএল রিসোর্সশিং মোবিলাইজ তৌননবা য়াওনা ইনফ্রাস্ত্রকচর ইনভেস্তমেন্তকী তোঙান তোঙানবা মায়ওনশিংগী মতাঙদা খন্নবনি‍। ইনফ্রাস্ত্রকচর ৱর্কিং গ্রুপকী পুরকপা মহৈশিং জি২০ ফাইনেন্স ত্রেক প্রাইওরিতীশিংদা হাপচিন্দুনা ইনফ্রাস্ত্রকচর শেমগৎপগী থৌওং য়োকখৎলি‍।

অহুমশুবা আই.দব্লিউ.জি. মীফমদা ২০২৩ ইনফ্রাস্ত্রকচর এজেন্দাগী তোঙান তোঙানবা ৱর্কস্ত্রীমগী মতাঙদা লৈরিবা শিংথানিংঙাই ওইবা খোঙজেলশিং খন্নগনি‍। মীফম অসিদা অতৈ প্রাইওরিতীশিংগী লোয়ননা খন্নগদবা ফ্লেগসিপ প্রাইওরিতীদি "ফাইনেন্সিং সিতিজ ওফ তুমোরো: ইনক্লুজিব, রেজিলিএন্ত এন্দ সস্তেনেবল" হায়বসিনি‍।

নুমিৎ হুম্নি চত্থগদবা মীফমসিদা দেলিগেৎশিংগীদমক তোঙান তোঙানবা ওফিসিএল মীফমশিং অমদি কল্চরেল প্রোগ্রামশিং পাঙথোক্নবা থৌরাং তৌরি‍। ফোর্মেল ওইনা খন্ন-নৈনবগী মথক্তা, দেলিগেৎশিংনা রিসিকেসকী ইনাক খুল্লবা নাৎ অমদি মহৌশাগী ফজরবা শক্তমশিংসু উবা ফংগনি‍। প্রেসিদেন্সী অসিনা দেলিগেৎশিংগীদমক্তা জুন ২৮দা এক্সকর্সন অমসু থৌরাং তৌরি‍।

আই.দব্লিউ.জি. মীফমগী নাকলদা, সাইদ ইভেন্ত অনিসু থৌরাং তৌরি‍। জুন ২৬তা এসিয়ন ইনফ্রাস্ত্রকচর ইনভেস্তমেন্ত বেঙ্ককা খুৎশম্নদুনা “হায় লেবেল সেমিনার ওন রোদমেপ তু সস্তেনেবল সিতিজ” পাঙথোক্কনি‍। সেসন অহুমসিদা খন্নগদৌরিবা অসিনা জি২০গী ফিরেপ লৌরিবশিংবু অইং অশাগী খল কায়থরকপদগী হৌরগা ইনফ্রাস্ত্রকচর রেজিলিএন্সী ফাওবা, খোঙলৈ থুনা অর্বানাইজেসন লাক্লিবা অমদি ইনক্লুজিবনেসকী মরুওইবা শিংনবশিং তাহনবগা লোয়ননা তেক্নোলোজী, ইনফ্রাতেক অমদি দিজিতাইজেসনগী থৌদাংশিং নৈনবা ঙমহনগনি‍। দেলিগেৎশিংনা মালেমগী খ্বায়দগী এম্বিসিয়স ওইবা অনৌবা সিতী দিভেলপমেন্ত অমা ওইরিবা ইন্দোনেসিয়াগী নুসনতরা লোঞ্চ তৌবগী তোপ তোপ্পা মীৎয়েঙদগীসু কয়া অমা তমশিনহৌগনি‍।

জুন ২৭তা, “মেকিং ইন্দিয়া এন এম.আর.ও. হব” হায়বসিদা রাউন্দতেবল অমা পাঙথোক্তুনা এম.আর.ও. স্পেসতা ভারতনা পীবা য়াবা খুদোংচাবশিংগী মতাঙদা খন্ননবা থৌরাং তৌরি‍।

দেলিগেৎশিংগীদমক উত্তরাখন্দগী ইনাক খুল্লবা নাৎকী লনশিং মীৎয়েঙ তাহন্দুনা অমদি হাউরবা মথেলশিং পীজনবগী তাঞ্জা অমা লৌনবগীদমক ‘রাত্রী ভোজ পর সম্বাদ’ (নুমিদাংগী চাক্লেন্দা ৱারী ৱাতায় শানবগী থৌরম অমসু পাঙথোক্কদৌরি‍। প্রেসিদেন্সী অসিনা দেলিগেৎশিংগীদমক “য়োগ রিত্রীত” অমা জুন ২৬, ২০২৩ দা পাঙথোক্নবা থৌরাংসু তৌরি‍।

****