এক্সতর্নেল এফের্য়া মিনিস্ত্রিগী মতেংগা লোয়ননা মালদিবসকী সিবিল সর্ভেন্তশিংগী চয়োল অনিগী কেপাসিতি বিল্দিং প্রোগ্রাম( সি বি পি) জুন ২৩, ২০২৩দা লোইশিনখ্রে। লৈবাক ঙাকপগী থবক তৌরিবা সিবিল সর্ভেন্ত ১০০০ গী হৈশিংবা অমসুং থবক তৌবা ঙম্বগী শক্তি হেনগৎহন্নবা এন.সি.জি.জিনা ২০০৪ দা মালদিবস সরকারগা লোয়ন্না এম.ও.য়ু অমা খুৎয়েক পীনখি। এ্রগ্রিমেন্ত অদুগী মতুংইন্না, এন.সি.জি.জিনা মালদিবসকী ওফিসার ৬৮৫ ত্রেনিং পীখ্রে। মালদিবসকী সিবিল সর্ভেন্তশিং মাইপাক্না ত্রেনিং পীখিবা অসিনা প্রধান মন্ত্রী শ্রী নরেন্দ্র মোদীগী ‘য়ুম্লোন্নবনা হান্না’ হায়বা পান্দম অদু থবক ওইনা পাংথোকখিবগী খুদম অমনি।

নেসনেল সেন্তর ফোর গুদ গভর্নান্স (এন.সি.জি.জিনা)গী দিরেক্তর জেনেরেল, শ্রী ভারত লালনা প্রসিদেন্ত ওইদুনা ত্রেনিং লোইশিনবগী থৌরম অদু পাংথোকখি। শ্রী লালনা হায়খি মীয়ামগী পুন্সি মহিং ফগৎনবা মীৎয়েং থমদুনা, অফবা অহোংবা অমসুং চাউখৎপা পুরক্নবা ওফিসারশিংনা মখোয়না তমখিবশিং অদু থবক ওইনা পাংথোক্কদবনি। অনৌবা থবকশিং পাংথোক্তুনা অমসুং থৌরম অসিদগী তমখিবশিং থবক ওইনা পায়খৎতুনা ওফিসারশিংনা মীয়ামগী য়াইফনবা থবক তৌবা হেনগৎহনগদবনি। মীয়ামদা য়ুম, চাক থোংনবা গ্যাস, লাইরিক-লাইশু তম্বা, অনা-লায়য়েংগী থবক, শেন-থুমগী থবকশিং, স্কিল হেনগৎহনবা য়াওনা খুদোংচাবা কয়া ফংহন্নবা প্রধান মন্ত্রী শ্রী নরেন্দ্র মোদীনা থবক কয়া পায়খৎলে। ওফিসারশিংনা পায়খৎলিবা থবকশিং অসিদগী ইথিল ফংদুনা মীয়াম হিংবদা লাইহন্নবা শিংথাবা য়াবা থবকশিং পায়খৎকদবনি। মীয়ামগী থবক তৌবদা য়াংনা অমসুং পাক-চাউনা পাংথোকপা দরকার ওই অমসুং তঙাইফদবা খুদোংচাবশিং ফংহন্নবা হোৎনবা য়াবা খুদিংমক হোৎনগদবনি।

লাইরিক-লাইশু ফজনা হৈরবা অমসুং হৈথোই-শিংথোইরবা থবক শুবা মীওইশিংনা অফবা ইকোনোমি অমা, অনৌবা থবক পায়খৎপা হেনগৎহনবা, পোৎথোক পুথোকপা অমসুং মালেমগী থাক্তা চাংদম্নবগী য়াংলেন শরুনি। লাইরিক-লাইশু তম্বগী লমদা অওনবা পুরক্নবা থৌশিল শেম্বা অমসুং থবক ওইনা পাংথোকপদা সিবিল সর্ভেন্তশিংনা মরুওইবা মফম অমা কল্লি। লাইরিক তম্বগী খুদোংচাবা ফংবা ৱাৎলিবশিং মেনখৎনবা অমসুং মীওই খুদিংমক লাইরিক তম্বা ফংহন্নবা অমসুং স্কিল হেনগৎহন্নবা মখোয়না থবক তৌগদবনি হায়না মহাক্না তকশিনখি।

দি.জিনা হায়খি নুপীশিংদা তঙাইফদবা খুদোংচাবশিং হায়বদি পুং ২৪ ঈশিং  অমসুং মৈ ফংহনবা, সেনিতেসনগী খুদোংচাবা মরাংকাইনা পীবা য়াওনা নুপীশিংগী অফবা ফিবম অমা ফংহনবা মরুওই। তঙাইফদবা খুদোংচাবশিং পীদুনা নু্পীশিং থৌনা হাপ্পা অসিনা শেন-থুম চাউখৎহনবা খক নত্তনা নুপী-নুপা থোং মান্নবশু হেনগৎহল্লি। শেন-থুম তানবগী থবকশিংদা নুপীশিং চপ মাননা শরুক য়াহনবা অসিনা খুন্নাইনা নুপীশিংগী তৌবা ঙম্বশিং মপুংফানা শীজিন্নবা য়াগনি অমসুং চাউখৎপা য়াংশিনহনগনি।

মহাক্না হায়খি সিবিল সর্ভেন্তশিংনা দিজিতেলগী অওনবশিংগী খুদোংচাবশিং লৌগদবনি অমসুং দিজিতেল গভর্নানান্স চাউখৎনবা খ্বাইদগী নৌবা আই.তিগী থবকশিং শীজিন্নগদবনি। দিজিতেল তুলশিং অমসুং প্লেতফোর্মশিং শীজিন্নবনা য়াংনা ৱারেপ লৌবা, দেতা ফজনা শীজিন্নবা অমসুং সরকারগী থবকশিং লাইনা ফংহনবা হেনগৎহনগনি অমসুং লৈবাক ঙাকপগী থবকশিং মপুংফানা হেনগৎহনগনি। সিবিল সর্ভেন্তশিং অসি অওনবা পুরক্নবা মীওইশিংনি অমসুং মখোয়না মফম অমগী মরমদা ফজনা খঙবা ঙম্মী অমসুং থৌশিলশিং থবক ওইনা মপুংফানা পাংথোকপা ঙম্মী।

কোর্স কোওর্দিনেতর দোক্তর বি.এস. বিস্তনা হায়খি ২৪শুবা কেপাসিতি বিল্দিং প্রোগ্রাম অসিদা, এন.সি.জি.জিনা লৈবাক অসিদা পায়খৎলিবা থবকশিং খঙহল্লে। লৈবাক ঙাকপদা লাক্লিবা অহোংবশিং, মীয়ামগী খুদোংচাদবা কোকহন্নবা পায়খৎলিবা থবকশিং, ভারত-মালদিবসকী মরীশিং, আধার, সরকারগী থৌশিলশিং থবক ওইনা পাংথোকপা, নুপীশিং য়াওহনবা লৈঙাক,  লৈবাক ঙাকপদা অনৌবা থবকশিং, দিজিতেলগী থবকশিং, স্মার্দ সিতি শেমগৎপা, মীওই খুদিংমক য়ুম ফংহনবা, দিজিতেল তেক্নোলোজি শীজিন্নবা, চাউখৎ-থৌরাংগী স্কিমশিংগী খ্বাইদগী ফবা থবকশিং, সহরগী লৈঙাক, শেন য়াম্না চঙহন্দনা থক্নবা ঈশিং ফংনবা দেসেলিনেসন তৌবা, অইং-অশাগী ফিবম হোংলকপা, তুরিজম, জল জিবন মিসন, ই-গভর্নান্স, দিজিতেল ইন্দিয়া উমং, লুচিংবগী থবক, কম্মুনিকেসন, মুদ্রা য়োজনা, লায়রবা মুৎথৎনবা থবকশিং, অনা-লায়য়েংগী থবকশিং, সেনিতেসন, সর্কলার ইকোনোমি, স্কিল ইন্দিয়া, শেঞ্জা-থুমজা মুৎথৎনবা থবকশিং, ভারত মহাসাগর লমদমদা ভারতকী থৌশিলগী মতাংদা শন্দোক্না খঙহনখি। 

ত্রেনি শরুক য়াখিবশিং মফম কয়াদা পুদুনা ফজনা তাকপী তম্বীখি অমসুং চাউখৎ-থৌরাংগী তোঙান-তোঙানবা প্রোজেকশিং অমসুং ইন্সতিতুসনশিং মপুংফানা খঙহনখি। খোঙচৎশিং অদুগী মনুংদা দেরাদুনগী স্মার্দ সিতি, সেন্ত্রেল ইনফোর্মেসন কম্মিসন, প্রধান মন্ত্রী সংগ্রহলয় য়াওখি।

২৪ শুবা কেপাসিতি বিল্দিং প্রোগ্রাম অসি কোর্স কোওর্দিনেতর দোক্তর বি.এস. বিস্তনা য়েংশিনি। এন.সি.জি.জিগী কাংবুনা করিকুলম শেম্বা, সেসন পাংথোকপা, তাকপী-তম্বীবাগী থবকশিং পাংথোকখি। ত্রেনিং শরুক য়াখিবশিংনা মখোয়না ফংবা কান্নবশিংগী মতাংদা পাউদমখি।

****