احمد آباد شہر 8-7 جولائی، 2023 کو اربن 20 (یو 20) میئر کے اجلاس کی میزبانی کے لیے بالکل تیار ہے۔ میئر کی اس کانفرنس میں جی 20 ممالک کے کئی شہروں کے رہنماؤں اور میئرز کے جمع ہونے کی امید ہے۔ اس کانفرنس میں مختلف شہروں کی نمائندگی کرنے والے مندوبین، علمی شراکت دار، ہندوستانی اور بین الاقوامی تنظیمیں، تعلیمی ادارے اور حکومت ہند اور ریاستی حکومت کے معززین بھی شرکت کریں گے۔

یو 20 ہندوستان کی جی 20 صدارت کے تحت ایک انگیجمنٹ گروپ ہے۔ یہ جی 20 ممالک کے شہروں پر مشتمل سٹی ڈپلومیسی کی ایک پہل ہے،  جو شہروں کے درمیان تعاون کے ذریعے پائیدار ترقی کے عالمی ایجنڈے کو آگے بڑھانے میں شہروں کے کردار پر زور دیتا ہے۔ احمد آباد موجودہ چھٹے دور کے لیے یو 20 چیئر ہے اور اسے نیشنل انسٹی ٹیوٹ آف اربن افیئرز (این آئی یو اے) بطور ٹیکنیکل سیکریٹریٹ اور وزارت مکان اور شہری امور (ایم او ایچ یو اے) نوڈل وزارت کے طور پر سپورٹ کرتی ہے۔

فروری 2023 میں منعقد یو 20 سٹی شیرپا میٹنگ ایک کامیاب تقریب تھی جس میں اب تک کی یو 20 شہروں کی سب سے زیادہ ذاتی طور پر حاضری دیکھنے میں آئی۔ یو 20 اعلامیہ میں شامل کرنے کے لیے چھ ترجیحی شعبوں پر غور کیا گیا اور انہیں حتمی شکل دی گئی۔ یہ چھ ترجیحات ان اہم شہری مسائل اور چیلنجوں کی عکاسی کرتی ہیں جن کا دنیا بھر میں شہروں کو سامنا ہے۔ ان میں ماحولیاتی ذمہ دارانہ رویوں کی حوصلہ افزائی کرنا، موسمیاتی مالیات کو تیز کرنا، پانی کی حفاظت کو یقینی بنانا، ڈیجیٹل شہری مستقبل کو متحرک کرنا، شہری حکمرانی اور منصوبہ بندی کے لیے فریم ورک کو از سر نو ایجاد کرنا، اور مقامی ثقافت اور معیشت کو فروغ دینا شامل ہیں۔

میئرز کے درمیان بات چیت کے علاوہ، میئر کی آئندہ ہونے والی کانفرنس کی ایک خاص بات یو 20 کی ترجیحات پر توجہ مرکوز کرنے والے چار موضوعاتی اجلاس کا اہتمام ہے۔ دنیا بھر سے 20 سے زیادہ میئرز اور ہندوستانی شہروں کے تقریباً 25 میئرز اسٹیج کا اشتراک کریں گے اور اپنے متعلقہ شہر کی سطح کے اقدامات کے بارے میں اپنے تجربات کا اشتراک کریں گے۔ ان اجلاس میں معززین کے ذریعہ چھ یو 20 ترجیحات پر توجہ مرکوز کرنے والے چھ وائٹ پیپرز بھی جاری کیے جائیں گے۔ میئرز کے لیے ایک اور خصوصی اجلاس یو 20 کنوینر، یو سی ایل جی اور سی 40 اور بیونس آئرس، ساؤ پالو اور احمد آباد کے شہروں کی قیادت میں کلائمیٹ فنانس پر ایک گول میز ہوگا۔

کانفرنس کے دوران اسپاٹ لائٹ اجلاس طے کیے گئے ہیں تاکہ شہری لچک، سرمایہ کاری کے لیے شہر کی تیاری، شمولیت، سرکلر اکانومی اور ڈیٹا پر مبنی گورننس کے پہلوؤں پر توجہ مرکوز کی جائے، جس میں ہندوستان اور دنیا کے مختلف شہروں میں تنظیموں کے ذریعے کی جانے والی تحقیق اور کاموں کی نمائش کی جائے گی۔

کسی بھی یو 20 میئر کی کانفرنس کا کلیدی نتیجہ یو 20 اعلامیہ کو شرکت کرنے والے میئرز کی طرف سے جی 20 رہنماؤں کے حوالے کرنا ہے۔ یو 20 اعلامیہ ایک کارروائی پر مبنی باہمی تعاون کے ساتھ تیار کردہ دستاویز ہے جو جی 20 ایجنڈے کو آگے بڑھانے میں شہر کے کردار کو سامنے لاتی ہے اور اس میں متعدد شہروں کی سفارشات اور توثیق شامل ہیں۔

یہ تقریب ایک نمائش کی میزبانی بھی کرے گی جس میں ہندوستان کی شہری کہانی، خاص طور پر شہر کی سطح کی کامیابیوں، قابل ذکر پروجیکٹوں اور اختراعی اقدامات کو دکھایا جائے گا۔ شہری علاقوں اور اس کے برعکس موسمیاتی تبدیلی کے کثیر جہتی اثرات کے بارے میں بیداری بڑھانے میں مدد کے لیے منتخب فلموں کی نمائش بھی ہوگی۔

میئر کی کانفرنس کے ایک حصے کے طور پر، شرکت کرنے والے میئرز اور مندوبین کو احمد آباد کی تاریخی سڑکوں اور یادگاروں کی سیر کے لیے بھی لے جایا جائے گا اور شہر کی متحرک ثقافت سے متعارف کرایا جائے گا۔ میئرز یو 20 ادیانوں میں درخت بھی لگائیں گے اور سابرمتی آشرم کا دورہ کریں گے۔ مہمانوں کے لیے متعدد ثقافتی پروگراموں اور تجربات کی منصوبہ بندی کی گئی ہے، جس میں گجرات اور ہندوستان کے مجموعی ثقافتی ورثے کی نمائش کی جائے گی۔

*****

ش ح – ق ت – ت ع

U: 6510