অপুনবা অমসুং হকচাং ফবগী ৱাখল্লোন অসিবু ঙাক্লদুনা ঙাকশেল মন্ত্রী, শ্রী রাজনাথ সিংহনা জুন ২১, ২০২৩দা ৯শুবা ইন্তর্নেস্নেল দে ওফ য়োগী থৌরমদা ভারতকী ইন্দিজিনস এয়রক্রাফ কেরিয়র আই.এন.এস. বিক্রান্ত তোংদুনা আর্মদ ফোর্সেস অমসুং ইন্দিয়ন কোস্ত গার্দকী পর্নেলগা লোয়ননা য়োগ তৌখ্রে। চীফ ওফ দি নেবেল স্তাফ এদমিরেল আর হরি কুমার, নেবেল ৱেল্ফিয়র এন্দ ৱেলনেস এসোসিএসনগী প্রসিদেন্ত ওইরিবা মহাক্কী লোইনবী শ্রীমতি কালা হরি কুমার, ভারত সরকারগী চীফ হাইদ্রোগ্রাফর ভাইস এদমিরেল অধির এরোরা, কন্ত্রোলর ওফ পর্সনেল সর্ভিসেস ভাইস এদমিরেল কৃষ্ণ স্বামিনাথন অমসুং চীফ ওফ স্তাফ, সাউদর্ন নেবেল কম্মান্দ রিয়র এদমিরেল জে সিংহনা অগনিবীর ১২০ য়াওনা পর্সনেল ৮০০ হেনবগা লোয়ননা শরুক য়াখি।

ফজরবা হিংগোক মচুগী অতিয়া অমসুং লিরি শিৎপা নুংশিৎ মরক্তা আই.এন.এস. বিক্রান্তগী দেক্না অরিবা ভারতকী চৎনবী অসিবু পালন তৌবগী ফজরবা শক্তম  অমা উহনখি, মসিনা ফিজিকেল, মেন্তেল অমসুং স্পিরিচুএল ৱেল-বিংগী মাইকৈদা কান্নবা কয়ামরুম পীবনা মরম ওইনা মালেম শিনবা থুংবদা মসিগী মরু ওইবা অদু হেন্না চেৎশিনহনখি। এক্সপর্ত য়োগ ইনস্ত্রক্তরশিংনা হকচাং ফনা থম্নবা, পুক্নিং ৱাখল ইংথনবা অমসুং স্পিরিচুএল হিলিং প্রমোৎ তৌনবা পান্দমগা লোয়ননা তোঙান-তোঙানবা আসনাশিং তৌবা অমসুং শ্বর হোনবগী শাজেল তৌবদা শরুক য়ারিবশিংবু লমজিংখি।

সেসনশিং অসিগী মতুংদা ঙাকশেল মন্ত্রীনা য়োগ ইনস্ত্রক্তরশিংবু ওকখি অমসুং শরুক য়ারিবশিংগা লোয়ননা ৱারী শাখি। মহাক্না থৌওং অসি মালেম শিনবা থুংবদা পালন তৌরিবা অসি লৈবাক্কী ওইনা য়াম্না চাউথোকচনীংঙাই ওইবা ৱাফম অমনি লোয়ননা মালেমনা ভারতকী চৎনবী অসিবু শক খঙবীরি অমসুং তরাম্না ওকপীরি। মহাক্না মালেম শিনবা থুংবদা য়োগ শন্দোক্নবা সরকারগী খোঙথাংশিংগী মতাংদা পল্লদুনা হায় ভারতনা মালেমদা থৌওং অসিনা অপুনবা মীওইবা খুন্নাইগীদমক কান্নবা কয়ামরুম পীরি হায়বা পাউজেল পীবদা মাইপাকপা ঙমখি।

শ্রী রাজনাথ সিংহনা মীয়ামদা মখোয়গী নোংমগী থবক-থৌরমদা য়োগ য়াওহন্নবা আপীল তৌখি মরমদি মসিনা মীওইবা জাতিবু মহৌশা অমসুং ঈশ্বরগা নকশিন্নহনবগী মথক্তা হকচাং অমসুং ৱাখল অসি পুনশিনহনখি অমরোমদা মসিনা স্পিরিচুএল কন্সিয়সনেস ফংনবা স্তেপ্পিং স্তোন অমা ওইরি। মহাক্না য়োগ অসি ফিজিকেল, মেন্তেল অমসুং স্পিরিচুএল ৱেল-বিংগীদমক লম্বী য়াৎলিবা ‘অমৃত’কা পাঙ্খক ওই অমসুং মসিনা ৱাখল, হকচাং অমসুং থৱায় অসি ঙাকশেন্নবা ওইথোকপা য়াবা কয়া পীরি অমরোমদা মীয়ামগী নোংমগী পুন্সিদা মসিনা হেন্না লুবা থাক্তা হোলিস্তিস হিলিং ফংহল্লি।

ঙাকশেল মন্ত্রীনা হকচাংবু কম্প্যুতরগী হর্দৱেয়র অমসুং ৱাখলনা সোফৱেয়রনি হায়না ফোঙদোক্লদুনা য়োগনা অপুনবগী মথৌ তৌবা অসি ফগৎহন্নবা হীরম অনিমক মপাঙ্গল কনখৎহল্লি হায়খি। মহাক্না হায় “য়োগ অসি ফিজিকেল, মেন্তেল অমসুং স্পিরিচুএলগী অকাইবশিং কোকহনবা ঙম্বা জিরো বজেৎ মিদিয়ম অমনি। মসিদা জিরো ইনভেস্তমেন্ত চংই অমসুং চাউনা কান্নবশিং পীরি। য়োগগী কান্নবা অসি কোবিদ-১৯ লাইচ৭ মনুংদা উবা ফংখি, মীয়াম্না মসিবু মখোয়গী নোংমগী থবক-থৌরমগী মরু ওইবা শরুক অমা ওইহনবনা ভাইরস অসিনা শোকহনবদা চাউনা হন্থহনবা ঙমখি। তোঙান-তোঙানবা রিসর্চশিংগী মতুং ইন্না য়োগনা লাইচৎ মনুংদা মীয়ামগী ইম্ম্যুনিতী হেনগৎহনবদা মরু ওইবা থৌদাং লৌখি”।

****