“লৈবাক অমগী চাউখৎনবগীদমক্তা তৌবা ঙম্বা শক্তি অমসুং মতিক অদু নহারোলশিংগী মীশিংগী চাউবা পিকপগী চাং অমসুং মপাঙ্গল অদুনা লেপ্পী। নহারোলশিংদা মখোয়না মাইপাকপদা তঙাইফদনা মথৌ তাবা নোলেজ অমসুং খুদোংচাবশিং পীবা মতমদা চাউখৎ-থৌরাংগীদমক্তা মখোয়না য়াম্না মরু ওইবা শক্তি অমা ওইগনি।“ হায়রিবা ৱাফম অসি কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী, দা. মন্সুখ মান্দৱিয়ানা ঙসি মফম অসিদা পার্তনরশিপ ফোর মেতর্নেল, ন্যুবোর্ন, চাইল্দ হেল্থ (পি.এম.এন.সি.ঐচ.)গা খুৎশম্নদুনা কেন্দ্রগী হকশেল অমসুং য়াইফ-য়ুম্বাল মন্ত্রালয়না শীনখিবা জি.২০ কো-ব্রান্দেদ ইভেন্ত ‘হেল্থ ওফ য়ুথ – ৱেল্থ ওফ নেশন’দা মহাক্কী অহৌবগী ৱারোলদা হায়খি। মালেমগী ওইবা মীতিন অসিনা মালেম শিনবা থুংনা লৈরিবা ইনখৎলক্লিবা নহা অমসুং নহারোল বিলিয়ন ১.৮কী হেল্থ অমসুং ৱেল-বিংগী তঙাইফদবশিং অদুগী মরু ওইবশিং অদুবু খঙহন্নবা  অমসুং ইনখৎলক্লিবা নহাশিং অমসুং নহারোলশিংগী হেল্থতা জি.২০ লৈবাকশিংগি পুক্নিং চিংশিন্নবা অমসুং ইনভেস্তমেন্ত তৌহন্নবগী পান্দম থম্লি।”

হকশেল অমসুং য়াইফ-য়ুম্বালগী রাজ্য মন্ত্রী, দা. ভার্তি প্রবিন পৱার, সাউথ অফ্রিকাগী উপ হকশেল মন্ত্রী, শ্রী সিবোঙ্গিসেনি ধলোমো, পি.এম.এন.সি.ঐচ. বোর্দ চিয়র, সুকুমারি হেলেন ক্লার্ক, য়ু.এন. রেসিদেন্ত কোওর্দিনেতর (ভারত), শ্রী শোম্বি শার্প, য়ু.এন.এফ.পি.এ. হেদক্বার্তরগী তেক্নিকেল দিবিজনগী দাইরেক্তর, দা. জুলিত্তা ওনাবাঞ্জোনা থৌরম অদুদা শরুক য়াখি।

মীতিন অদুদা ৱা ঙাংলদুনা , দা. মান্দৱিয়ানা হায়খি মদুদি “ভারতকী জি.২০ প্রেসিদেন্সী অসিনা মালেম অসিগী নহারোল বিলিয়ন ১.৮কী তঙাইফদনা মথৌ তাবশিং অমসুং হকশিং অদুবু ফংহন্নবগী, মখোয়গী খোঞ্জেলশিং অদুবু তাবীবা, অমসুং মখোয়বু খ্বাইদগী হেন্না ফবা মওংদা চাউখৎনবগীদমক্তা তঙাইফদবা রিসোর্সশিং অমসুং খুদোংচাবশিং অদুবু ফংহন্নবগী মাইকৈদা য়াম্না চাউবা খোংথাং অমা ওইরগনি।” “নহারোলশিংনা ভারতকী জি.২০ প্রেসিদেন্সী অসিবু ‘ইনক্লুসিব, এম্বিসিয়স, দিসাইসিব অমসুং এক্সন ওরিয়েন্তেত’ ওইহন্নবগী প্রধান মন্ত্রীগী ভিজন অদুনা ভারত অমসুং মালেম অসিগীদমক্তা আশাগা লোইন-লোইননা খুদোংচাবশিংশু পীরগনি। প্রধান মন্ত্রীগী ভিজন অদুবু মঙফাওনহনবদা লৈবাক অসিগী নহারোলশিংনা য়াম্না মরু ওইবা থৌদাং লৌরগনি।”

নহারোলশিংবু এমপাৱর তৌনবগী মাইকৈদা ভারত সরকারনা লেপ্লিবা ফিরেপ অদুগী মতাংদা পল্লদুনা, মহাক্না হায়খি মদুদি “ ‘হেল্থ ওফ য়ুথ ৱেল্থ ওফ নেসন’ হায়রিবা থীম অসিগা লোইননা ইনখৎলক্লিবা নহাশিং অমসংউ নহারোলশিংগী হেল্থ আমসুং ৱেল-বিংদা অকন্নবা মিৎয়েং থম্বা কো-ব্রান্দেদ অসিনা ইনখৎলক্লিবা নহাশিং অমসুং নহা ওইরিবা মীওইশিংগী হ্যুমেন কেপিতলদা ইনভেস্ত তৌববু প্রোমোত তৌবদা ভারত সরকারগী লুচিং অদুবু মরু ওইনা উৎলি অমসুং ঐখোয়না অতোপ্পা জি.২০ লৈবাকশিংদা হেন্না কনবা, হেন্না শংবা ইকোনোমীশিং অমসুং ভাইব্রেন্ত ওইবা সোসাইতীশিং শেমগৎনবা মথংগী মীরোলশিংবু খোংজেল য়াংনা শেমগৎনবা পুক্নিং থৌগৎলি।” মালেম অসিগী অহুমশুবা খ্বাইদগী চাউবা ইকোনোমী ওইহন্নবগী অপাম্বা অদুদা লৈবাক অসিবু লুচিংদুনা পুবা ঙম্বা মালেম অসিগী য়ুথ দেমোগ্রাফিক্কী শরুক মরিগী মনুংদা অমা ওইবনা, “মসিগী দেমোগ্রেফিক দিবিদেন্দ অসিগী মহৈ অসি ভারতনা লোকপা হায়বসি য়াম্না তঙাইফদে অমসুং এজুকেশনদা, স্কিল দেবেলপমেন্ত অমসুং নহারোলশিংগী হেল্থতা ইনভেস্ত তৌগদবনি।”

দা. মান্দৱিয়ানা পনখি মদুদি ইকাইখুম্নরবা প্রধান মন্ত্রীগী লুচিং মখাদা, ভারতনা নহাশিংগা চুননবা অমসুং মখোয়গী হেল্থ অমসুং দেবেলপমেন্তকী তঙাইফদবশিং অদুবু বেংশিন্নবা পোলিসী অমসুং প্রোগ্রামশিং লেপ্তনা শেমখি অমসুং রিএনফোর্স তৌখি। মহাক্না পল্লকখি মদুদি “অখন্নবা তেলি-মেন্তেল হেল্থ প্রোগ্রাম, তেলি-মানস অসিনা ঐখোয়গী লৈবাক অসিগী নহারোলশিংগী মেন্তেল হেল্থকা মরি লৈনবা অৱাবশিং অদুবু এক্সপর্ত অমসুং প্রোফেস্নেলশিংগী তীমনা শেল অমত্তা তিংদনা তাহন্নবা, এক্সেপ তৌনবা অমসুং য়েংশিনহন্নবনি।” মহাক্না খঙহল্লকখি মদুদি “য়াম্না পাক-শন্না স্কুলশিং অমসুং কম্যুনিতীশিংগী মনুংদাহেল্থ অমসুং ৱেলনেসগী মেসেঞ্জর, এদভোকেত অমসুং রোল মোদেলশিং ওইনা স্কুলগী মহৈরোইশিংবু শেমগৎনবগীদমক্তা শাগৎলম্বা, পি.এম.না কমপ্রেহেন্সিব স্কুল হেল্থ এন্দ ৱেলনেস প্রোগ্রাম হৌদোখি”।

কেন্দ্রগী হকশেল মন্ত্রীনা দিগ্নিতরীশিংদামেন্তেল হেল্থ সপোর্ত অমসুং এসিস্তেন্স,  ন্যুত্রিশন প্রোগ্রামশিং, কমপ্রেহেন্সিব ওইবা সেকচুৱল অমসুং রিপ্রোদক্তিব হেল্থ কিয়র য়াওনা এদোলেসেন্ত-ফ্রেনলী হেল্থ কিয়রগী লমদা খন্ন-নৈনবা পুক্নিং থৌগৎখি। মহাক্না হায়খি, “ঐখোয়না মসিদা নহারোলশিংবু মখোয়গী পুন্সিদা অহোংবা অমা পুরক্কদবা দিসিজন-মেকিং প্রোসেসতা  ৱাহন্থোক লৈবা মওংদা, শরুক য়ানবগীদমক্তা ঐখোয়না মখোয়বু মমল লৈনা লৌগদবনি অমসুং মখোয়গীদমক্তা মফম খাক্কদবনি।” “ইনখৎলক্লিবা নহাশিংনা মায়োক্নরিবা ত্রান্স-নেস্নেলগী ওইবা অৱাবশিং অদুবু য়েংশিন্নবা, ঐখোয়না ইনখৎলক্লইবা নহাশিংগী হেল্থ অমসুং ৱেল-বিংগী তঙাইফদবশিং মফুংফানা পীনবগী কেপাসিতি লৈতবা লৈবাকশিংবু সপোর্ত তৌনবা ইফেক্তিব মোদেলশিং, এলাইনিং পোলিশিশিং, অমসুং রিসোর্সশিং মোবিলাইজ তৌদুনা ইন্তর্নেস্নেল কোওপরেশন অমসুং কোলাবোরেশন প্রোমোত তৌগদবনি”, হায়না মহাক্না মখা তারকখি।

ভারত অসি মালেম অসিগী নহারোলশিংগী মীশিং খ্বাইদগী হেন্না য়াম্না লৈবা, ইনখৎলক্লিবা নহাশিং অমসুং নহারোলশিংগী য়াম্লবা মিলিয়ন ৩৭৮গী মীশিং  অমসুং লৈবাক অসিগী মীশিংগী ৬৫%না চহি ৩৫গী মখাদা লৈবা  লৈবাক্নি হায়া পল্লদুনা, দা. ভার্তি প্রবীন পৱারনা হায়খি মদুদি “ঐখোয়গী সরকারনা নহারোলশিংগী ত্রান্সফোরমেতিব পাৱর অমসুং মপাল নাইদ্রবা পোতেন্সিয়েল অদুদা য়াম্না চেৎনা থাজৈ। মখোয়গী ইনর্জী, আইদিয়াশিং অমসুং অচেৎপা ফিরেপ অদুনা ঐখোয়গী লৈবাক অসিগী তুংলমচৎ শেম্নবগী পাম্বৈ আদু মখোয়দা লৈ”। মহাক্না মখা তারকখি মদুদি “নহারোলশিংগী ৱেল-বিংদা ইনভেস্ত তৌবা অসি তৌদা য়াদবা মথৌ অমা ওইবদা নত্তনা ঐখোয়গী লৈবাক অসিগী মাইপাকপা অমসুং নুংঙাই-য়াইফবা লেপ্কদৌরিবা অদুগুম্বা স্ত্রেতেজিক ওইবা ফিরেপ অমশুনি।”

পি.এম.এন.সি.ঐচ. বোর্দ চিয়র, সুমুমারি হেলেন ক্লার্কনা পনখি মদুদি হৌজিক কানগী নহারোলশিংনা মখোয়না থোকহনবা নত্তবা শিংনবা কয়া অমা মায়োক্নরি। মহাক্না হায়খি মদুদি চহি ১৫দগীনা ১৯ ফাওবগী নৌরিবা নুপীমচাশিংনা অঙাং পোকপা মতমদা লৈখিদবা কয়া অমা য়াওরি অদুগা মালেম শিনবা থুংনা মী কয়া অমনা মেন্তেল হেল্থকী মতাংদা শিংনবা কয়া অমা মায়োক্নরি। ঙসিগী নহারোলশিংনা মায়োক্নরিবা শিংনবশিং অদুবু য়েংশিন্নবা লৈবাকশিংদা তকশিনখ্রে, মহাক্না হায়খি, “য়াম্না থুনমক থবক পাইখৎপগী তঙাইফদবা লৈ অমসুং থবক তৌবগী মতমদি হৌজিক্নি”।

সাউথ অফ্রিকাগী উপ হকশেল মন্ত্রী, শ্রি সিবোঙ্গিসেনি ধলোমোনা ভারত সরকারবু মখোয়গী জি.২০ প্রেসিদেন্সীগীদমক্তা থাগৎপা ফোংদোকখি অমসুং ভারতকী প্রেসিদেন্সীগী মখাদা জি.২০গী প্রায়োরিতীশিং অদু নিংথিনা শেমগৎলক্লি হায়না মহাক্না হায়খি। মহাক্না নহারোলশিংনা মায়োক্নিরবা শিংনবশিং অদুগী মতাংদা মহাক্কী খঙজবা অদু শিয়র তৌরকখি অমসুং হায়রিবা শিংনবশিং অমসুং মখোয়গী হেল্থ অমসুং ৱেল-বিং ফগৎহন্নবগীদমক্তা মহাক্কী সরকারনা লৌখৎলিবা থবক-থৌরমশিং। মহাক্না হায়খি মদুদি, অফ্রিকাগী মীশিংগী অয়াম্বা শরুক অসি নহারোলশিংনি  অমসুং মরম অদুনা তুংদা মখোয়বু মথৌদাং মশক কঙবা স্তেকহোল্দরশিং ওইহন্নবা মখোয়দা মতিক চাবা তুলশিং, ইনফোর্মেশন, এজুকেশন অমসুং খুদোংচাবশিং ফংহনবা হায়বসি য়াম্না মরু ওই।

কেন্দ্রগী হকশেলগী সেক্রেতরী, শ্রী রাজেশ ভুশননা হায়খি মদুদি মশা-মশাগী লৈবাকশিংদা ইনখৎলক্লিবা নহাশিং অমসুং নহারোলশিংগী হেল্থ অমসুং ৱেল-বিংবু লৈবাক অদুদা খুমাং চাউশিনহনবা ঙমহল্লিবা পোলিশিশীং অমসুং প্রোগ্রামশিং অদুনা হৌজিক্কী অমসুং তুংদা মতেং পাংবা ঙম্নবা মখোয়গী সোসিয়ো-দেমোগ্রাফিক পিকচর অদুবু ফগৎহনবদা তুংকোইনা মতেং পাংলগনি।

য়ু.এন রেসিদেন্ত কোওর্দিনেতর (ইন্দিয়া), শ্রী শোম্বি শার্পনা নহারোলশিংগী শক্তি, মল্তি লেতরেলিজম, জি.২০ অমসুং ভারতনা গ্লোবল সাউথকী লুচিংবা অমা ওইনা নহারোলশিংগদমক্তা খুদোংচাবশিং অমসুং ওইথোকপা য়াবা কয়া অমা তৌবা ঙম্লগনি হায়না মরু ওইনা পনখি। মহাক্না ইনখৎলক্লিবা নহাশিংগী হেল্থকীদমক্তা পোলিশীশিং পুরকপগীদমক্তা ভারত্তা ক্রেদিৎ পীখি অদুবু গ্লোবল এস.দি.জি.গী পপান্দমশিং অদুবু মংফাওনহন্নবা মালেম শিনবা থুংনা লৈরিবা লৈবাকশিংদগী থবক হেন্না তৌবগী তঙাইফদবা লৈ হায়না হায়খি। “ভারতনা সস্তেনেবল গোলশিংবু মংফাওনহনবা ঙমগনি। সাথ হে তো সমভৱ হে”, হায়না মহাক্না হায়খি।

য়ু.এন.এফ.পি.এ. হেদক্বার্তরগী তেক্নিকেল দিবিজন দাইরেক্তর, দা. জুলিত্তা ওনাবাঞ্জোনা হায়খি মদুদি “নহারোলশিংঈ পোতেন্সিয়েল মশক খঙবীবা অমসুং মসিদা কেপিতেলাইজ তৌবা হায়বসি ঐখোয়গী থৌদাংনি, মসিনা নহারোলশংইবু অফবা অহোংবা অমা পুরক্নবগী এজেন্তশিং ওইহন্দুনা অমসুং মখোয়বু য়াম্না কোম্না অহল অমা ওইরকপা ঙমহনবা।” মহাক্না ভারত সরকারবু জি.২০দা ময়ামদগী থোইদোক হেন্দোক্না জি.২০দা মশক তাকপা ঙম্বা অসিগীদমক্তা থাগৎপা ফোংদোকখি অমসুং ভারতকী প্রেসিদেন্সী অসিগী মখাদা ‘ৱান অর্থ, ৱান ফেমিলী, ৱান ফ্যুচর’ হায়বা য়াম্না মগুন লৈরবা জি.২০গী থীম অসিগীদমক্তশু থাগৎপা ফোংদোকখি।

ইরাক্কী য়ুথ রিপ্রেজেন্তেতিব, সুকুমারি তুকা অলবাক্রিনা মরু ওইনা উৎখি মদুদি নহাশিংনা মালেম অসিদা অহোংবা পুরক্কদবশিংনি মরমদি মখোয় অসি সাইন্স অমসুং তেক্নোলোজীগী মীওইশিংগী, এক্তিবিজমগী, ক্রিয়েতিবিতী অমসুং ইনর্জীগী মীরোলশিংনি। মহাক্না ভারত সরকারবু য়ুথ ইভেন্ত অসিবু শিনবগীদমক্তা থাগৎপা ফোংদোকখি অমসুং পোলিশিমেকরশিংদা নহারোলশিংনা থৱাই য়াওরিবা অসিবু সপোর্ত তৌনবাঅমসুং মখোয়বু খুনাই অসিগী য়াম্না মথৌদাং খঙবা চেঞ্জমেকরশিং োইবা ঙমহন্নবা হায়খি।

কেন্দ্রগী হকশেল মন্ত্রীনা অতোপ্পা দিগ্নিতরীশিং অদুগা লোইননা ইনখৎলক্লিবা নহাশিংগী ৱেল বিংগী মতাংদা ব্রিতিশ মেদিকেল জর্নেল (বি.এম.জে.) পেপরশিংগী কমপাইলেশন- এনালিতিকেল আর্তিকলশিংগী সিরীজ অমগা লোইন-লোইননা ইনখৎলক্লিবা নহাশিংগী হেল্থ অমসুং মল্তি সেক্তোরেল পার্তনরশিপতা য়ুমফম ওইবা থীমদা মিৎয়েং থম্বা কেন্দ্রগী হকশেল মন্ত্রালয়গী ‘হেল্থ ওফ য়ুথ- ৱেল্থ ওফ নেশন’গী মতাংদা ওইবা থীমেতিক পেপরশু ফোংখি।

জোইন্ত সেক্রেতরী, শ্রী অশোক বাবু অমসুং হকশেল মন্ত্রালয়দগী অতোপ্পা সেনিয়র ওফিসিয়েলশিং, পার্তনর এজেন্সীশিং খুদম ওইনা গেতস ফাউন্দেশন, য়ু.এন.এফ.পি.এ., য়ু.এস.এ.আই.দি., দবল্যু.ঐচ.ও., য়ু.এন.আই.সি.ই.এফ.তগী ওফিসিয়েলশিং অমসুং জি.২০ লৈবাকশিংদগী য়ুথ আইকোনশিংনা থৌরম অদুদা শরুক য়াখি।

******