কেন্দ্র হকশেল অমসুং য়াইফ-য়ুম্বাল মন্ত্রীনা পার্তনরশিপ ফোর মেতর্নেল, ন্যুবোর্ন, চাইল্দ হেল্থ (পি.এম.এন.সি.এচ.), জেনেভাগা খুৎশম্নদুনা নই দিল্লীদা ২০২৩গী জুন ২০দা ‘হেল্থ ওফ য়ুথ –ৱেল্থ ওফ নেশন’ হায়না মিংথোনবা জি.২০ কো-ব্রান্দেদ ওইবা থৌরম অমা শিল্লগনি। মালেমগী ওইবা মীতিন অসিনা মালেম শিনবা থুংনা লৈরিবা ইনখৎলক্লিবা নহাশিং অমসুং নহারোল বিলিয়ন ১.৮কী হেল্থ অমসুং ৱেল-বিংগী তঙাইফদবা অদুবু উৎনবগী পান্দম থম্লি, অমসুং ইনখৎলক্লিবা নহাশিং অমসুং নহারোলশিংগী হেল্থতা জি.২০ লৈবাকশিংগী পুক্নিং চিংশিন্নবা অমসুং ইনভেস্তমেন্ত তৌহন্নবগী পান্দম থম্লি।

কেন্দ্রগী হকশেল অমসুং য়াইফ-য়ুম্বাল মন্ত্রী, দা. মন্সুখ মান্দৱিয়ানাধৌরম অদুবু হৌদোক্লগনি অমসুং কী-নোত এদ্রেস পীরগনি। এজুকেশন, স্কিল দেবেলপমেন্ত অমসুং এন্ত্রপ্রেনরশিপকী মন্ত্রী, শ্রী ধর্মেন্দ্র প্রধান, ইনফোর্মেশন অমসুং ব্রোদকাস্তিং অমসুং স্পোর্তস অমসুং য়ুথ এফিয়র্স মন্ত্রী, শ্রী অনুরাগ থাকুর, হকশেল অমসুং য়াইফ-য়ুম্বালগী রাজ্য মন্ত্রী, প্রোফেসর এস.পি. সিং বাঘেল অমসুং হকশেল অমসুং য়াইফ-য়ুম্বালগী রাজ্য মন্ত্রী, দা. ভার্তি প্রবিন পাৱরনা থৌরম অসিদা শরুক য়ারগনি অমসুং নহাশিংনা মায়োক্নরিবা শিংনবশিং অদুবু করম্না মায়োক্নগনি হায়বগী মতাংদা অমসুং নহাশিং অসিগী হেল্থ অমসুং ৱেল-বিং ফগৎহন্নবা সরকার অসিনা লৌখৎলিবা থবক-থৌরমশিং অদুগী মতাংদা মকোয়না খঙজবা–হৈজবশিং অদুগী মতাংদা ময়ামদা শিয়র তৌরগনি অমসুং হায়রিবা শিংনবশিং অসিবু করম্না মায়োক্নগনি হায়বগী মতাংদা তুংগী ওইবা স্ত্রেতেজীশিং মতাংদা উৎলগনি। সাউথ অফ্রিকাগী হকশেল মন্ত্রী, দা. মাথুমে জোসেপ ‘জো’ ফাহলানা ওদিয়েন্সশিং অদুগী মরক্তা লৈরিবা তোঙান-তোঙানবা ৱাখল্লোনশিং অমসুং এক্পর্তিসশিং অদুগী শরুক অমা ওইনা অহৌবগী সেসন অদুদা ৱা ঙাংলগনি।

মালেম অসি চহি ১০-২৪গী মনুংদা লৈবা মীওই বিলিয়ন ১.৮কী ময়ুম্নি, মসিদা ভারতনা নহাশিংগী মীশিং খ্বাইদগী হেন্না য়াম্মি। হায়রিবা নহা ওইরিবা মীওইশিং অসিনা লৈবাক অমগী য়াম্না মমল য়াম্লবা এসেতশিং অমসুং মখোয়গী হেল্থ অমসুং ৱেল-বিংদা ইনভেস্ত তৌবনা ইকোনোমিক গ্রোথ অমসুং চাউখৎ-থৌরাংগী ওইবা তার্গেতশিং অদুবু ফংনবা হোৎনবদা য়াম্না মরু ওইবা থৌদাং লৈ। নহা ওইরিবা মীশিংগী য়াম্না চাউবা খুদোংচাবা অসি মশক খঙদুনা, জি.২০ কোব্রান্দেদ ওইবা থৌরম অসিনা ইনখৎলক্লিবা নহাশিং অমসুং নহারোলশিংগী হেল্থ অমসুং ৱেলবিংদা ইনভেস্ত তৌবগী তঙাইফদবা অদুগী মতাংদা মরু ওইবা পীরগনি। নহারোলশিংগী শক্তিদা থাজবা থমদুনা অমসুং মীপুম খুদিংমক্কী ফিজিকেল, মেন্তেল অমসুং সোসিয়েল ৱেল-বিংদা ভিজন থমদুনা, থৌরম অসি ইকোনোমিক গ্রোথ অমসুং দেবেলপমেন্ত পুরক্নবগীদমক্তা ভারতকী নহারোলশিংগী মতিক অদু শিজিন্ননবা প্রধান মন্ত্রীগী ভিজন অমসুং কমিতমেন্ত অদুগা মানৈ।

খুনাই অসিদা অহোংবা পুরক্কদবা অমা ওইনা নহাশিংবু এমপাৱর তৌবা, লোইন-লোইননা পোলিশি মেকরশিং, সরকারগী ওফিসিয়েলশিং, এক্সপর্তশিং, পার্তনর এজেন্সীশিং অমসুং জি.২০ লৈবাকশিংদগী য়ুথ আইকোনশিংগী মরক্তা দাইলোগ অমসুং এনগেজমেন্ত লৈহনবা হায়বসিনা জি.২০ কো-ব্রান্দেদ ওইবা থৌরম অসিগী পান্দমশংইগী মনুংদা অমনি। থৌরম অসিদা শরুক বারিবা দেলিগেতশিংগী শরুক অহুম থোকপগী মনুংদা অমদি ভারত অমসুং জি.২০ লৈবাকশিংদগী নহা ওইরিবা পার্তিসিপেন্তশিং ওইগনি। মসিদা হকথেংননা শরুক য়াবনা মখোয়গী হেল্থ অমসুং ৱেল-বিংগা মরি লৈনবা অৱাবশিং অদুবু তাহনগনি অমসুং মখোয়গী ইনপুতশিং অমসুং দিমান্দশিং অদুবু তুংদা পোলিসী শেম্বদা অমসুং প্রোগ্রাম ইমপ্লিমেন্ত তৌবদা ফম অমা কনবা ঙম্লগনি।

থৌরম অসিদা ইনখৎলক্লিবা নহাশিংগী হেল্থ অমসুং ৱেল-বিং অমসুং য়ুথ এনগেজমেন্তকীদমক্তা মল্তি-সেক্তোরেল পার্তনরশিপকী মতাংদা মিৎয়েং থমদুনা তেক্নিকেল সেসন অনি পাংথোক্লগনি। মসিগী মথক্তা, তাউন হোল সেসন অমনা পোলিসী মেকিংদা নহারোলশিংনা শরুক য়াননবা পুক্নিং থৌগৎলগনি। নোলেজ, খ্বাইদগী হেন্না ফবা প্রক্তিসশিং, অমসুং জি.২০ লৈবাকশিংদা ইনখৎলক্লিবা নহাশিং অমসুং নহারোলশিংগী হেল্থ অমসুং ৱেল-বিংবু খুমাং চাউশিনহনখিবা ইনোভেতিব ওইবা পোলিসী অমসুং প্রোগ্রামশিং শিয়র তৌনবা মার্কেতপ্লেস অমা পাংথোক্লগনি। থৌরম অসিগী য়াম্না মরু ওইবা ফীচর অমনা মসিদা জি.২০ শের্পা, শ্রী অমিতাব কন্ত, কেন্দ্রগী হকশে সেক্রেতরী, শ্রী রাজেশ ভুশন, পি.এম.এন.সি.ঐচ. বোর্দকী চিয়রপর্সন, হেলেন ক্লার্ক, অমসুং য়ু.এন.এফ.পি.এ. হেদক্বার্তরদগী দাইরেক্তর, দা. জুলিত্তা অনাবাঞ্জো য়াওনা, জি.২০ লৈবাকশিংদগী য়াম্না মরু ওইবা মীওইশিংনা লুচিংবা অখন্নবা খন্ন-নৈনবগী থৌরম অমা য়াওরগনি।

******