সাইন্স অমসুং তেক্নোলোজী মন্ত্রালয়
পি.এম. নরেন্দ্র মোদীনা অচান-মীরান, অৱাং-অনেম অমত্তা খাইদে, ভোত পোলিতিক্সকী ৱাংমদা, পুম্নক্কী ‘এক্বিতেবল দেবেলপমেন্ত’কী মন্ত্রদা থাজৈ
ক্যুগী খ্বাইদগী অরোইবা মী ফাওবা চাউখৎ-থৌরাং য়ৌহনবা ঙম্লিবা অসি সরকার অসিগী মখাদা খক্তমক ওইথোকপা ঙম্লিবনি: দা. জিতেন্দ্র সিং
‘উধমপুর-কাথুৱা-দোদা’ কনস্তিত্যুএন্সী অসি মেদিকেল কোলেজ অহুম অমসুং মতম অসিগী খ্বাইদগী নৌবা হেল্থ ইনফ্রাস্ত্রকচরগা লোইননা এ.আই.আই.এম.এস. লৈবা অমত্তা ঙাইরবা কনস্তিত্যুএন্সীনি: দা জিতেন্দ্র সিং
‘উধমপুর-কাথুৱা-দোদা কনস্তিত্যুএন্সী অসি ইনফ্রাস্ত্রকচর মার্ভেল অমনি অমসুং লৈবাক অসিদা খ্বাইদগী হেন্না ফজনা কনেক্ত তৌবা কনস্তিত্যুএন্সীনি, মফম অসিদা হৌখিবা চহি মাপলদা য়াম্না হেন্না চাউখৎলকপা থেংনখি: দা. জিতেন্দ্র সিং
কনস্তিত্যুএন্সী অসি ভারত্তা পর্পল রিভোল্যুশন হৌরকখিবা মফম্নি, মসিনা এগ্রি-তেক স্তার্ত-অপ ৩০০০গী মথক্তা লিংখৎহনখি: দা. জিতেন্দ্র সিং
আইফেল তাৱরদগী হেন্না ৱাংবা মালেম অসিগী খ্বাইদগী ৱাংবা রেলৱে ব্রিজ, দা. শ্যামা প্রসাদ মুখর্জী তনেল, খ্বাইদগী শাংবা রোদ তনেল কনস্তিত্যুএন্সী আসিদা লৈ: দা. জিতেন্দ্র সিং
Posted On:
18 JUN 2023 5:53PM by PIB Imphal
কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); পি.এম.ও., পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেসকী এম.ও.এস., দা. জিতেন্দ্র সিংনা ঙসি হায়খি মদুদি ভোত পোলিতিক্সকী ৱাংমদা, প্রধান মন্ত্রী, নরেন্দ্র মোদীনা হৌখিবা চহি ৯দা রিজন খুদিংমক্তা এক্বিতেবল দেবেলপমেন্ত লৈহনখি অমসুং পুম্নমক্তআ চপ মান্নবা মিৎয়েংদা য়েংখি।
মফম অসিদা য়াম্না চাউবা মীয়ামগী রেলীদা ৱা ঙাংলদুনা, দা. জিতেন্দ্র সিংনা হায়খি, মহাক্না চপ মান্নবা ৱাখল্লোন অসিগী মতুং ইনখি অমসুং মহাক্কী উধমপুর-কাথুৱা-দোদাগী পার্লিয়ামেন্তরী কনস্তিত্যুএন্সীদা চপ মান্নবা কলচর লৈহনবা পাম্লি অমসুং মসিগী খ্বাইদগী হেন্না ফবা খুদমদি কীদিয়ান-গরৱাল ব্রিজনি, হায়রিবা অসি দেকেদ কয়াদগী দিমেন্দ তৌরক্লিবা পঞ্চায়ত অমগা মখাইগী চৎথোক-চৎশিন তৌবদা মতেং পাংনবা লুপা করোর ১৫০ চংনা শাখি। মন্ত্রী অসিনা হায়খি মদুদি মফ অসি দা. স্যামা প্রসাদ মুখর্জীবু য়াম্না ঙক্নিংঙাই ওইবা মওংদা লৈখিদ্রিঙৈগী মমাংদা ফাখিবা মফম অদুনি, অসুম্না মহাক্না কাথুৱা তোউন অমসুং কনস্তিত্যুএন্সী অসিবু অসিগুম্বা অফাওবা লুচিংবশিং অসিগা চানগদবা মওংদা কত্থোকপগা লোইননা মফম অসিবু চাউখৎহন্নবা ঐখোয়গুম্বা কার্যকর্তাশিংগী মথৌদাং অমা ওইনা মশাগী পুন্সি কত্থোকখি।
থৌরম অদুদা, হৌখিবা চহি ৯ অসিদা দা. জিতেন্দ্র সিংনা এম.পি. অমা ওইনা মহাক্না পুরকখিবা প্রোজেক্তশিং অদুবু উৎপা কোফী তেবল বুক অমা লোক সভা প্রৱাসতা লৈবা কেন্দ্রগী মন্ত্রী, হরদিপ সিং পুরিনা ফোংখি। দা. জিতেন্দ্র সিংনা হায়খি, “উধমপুর-কাথুৱা-দোদা” পার্লিয়ামেন্তরী কনস্তিত্যুএন্সী অসি লৈবাক অসিদা লৈরিবআ পার্লিয়ামেন্তরী কনস্তিত্যুএন্সী ৫৫০গী মনুংদা ভারত্তা খ্বাইদগী হেন্না চাউখৎপা কনস্তিত্যুএন্সীনি, কনস্তিত্যুএন্সী অসিনা পি.এম. নরেন্দ্র মোদীগী মখাদা হৌখিবা চহি মাপলদা য়াম্না শিংথানিংঙাই ওইবা মওংদা চাউখৎলকখ্রে।
দা. জিতেন্দ্র সিংনা মখাতানা হায়খি, “উধমপুর- দোদা-কাথুৱা” পার্লিয়ামেন্তরী কনস্তিত্যুএন্সী অসি কেন্দ্রনা শেন্থং কাইথবা মেদিকেল কোলেজ অহুম লৈবা অমত্তা ঙাইরবা কনস্তিত্যুএন্সীনি অমসুং কনস্তিত্যুএন্সী অসিদা লৈরিবা খ্বাইদগী হেন্না ফরবা ইনফ্রাস্ত্রকচর অসিনা মতম অসিগী খ্বাইদগী হেন্না নৌরবা হেল্থ কিয়র ফেসিলিতীশিং লৈবা ভারতকী খ্বাইদগী হেন্না ফবা কনস্তিত্যুএন্সী অমা ওইহল্লে। দা. জিতেন্দ্র সিংনা হায়খি, কনস্তিত্যুএন্সী অসিনা ভারত্তদা নত্তনা মালেম শিনবা থুংনা ‘পর্পল রিভোল্যুশন’গী হৌরকফম ওইনা মমিং চৎলে, মসিনা মরম ওইরগা জম্মু অমসুং কাশ্মিরদদা নত্তনা ভারত শিনবা থুংনআ এগ্রি-তেক স্তার্ত-অপ ৩০০০ হেন্না লিংখৎহল্লে। পার্লিয়ামেন্তরী কনস্তিত্যুএন্সী অসিদা পি.এম. নরেন্দ্র মোদীনা প্রোমোত তৌখিবা স্তার্ত-অপ মুবমেন্ততা শরুক য়ানবগী মতিক লৈ হায়না দা. জিতেন্দ্র সিংনা মখা তাখি।
কনস্তিত্যুএন্সী অসিদা হৌখিবা চহি কয়াদগী চত্থরকখিবা ইনফ্রাস্ত্রকচর ওইবা চাউখৎ-থৌরাংগী থবকশিং অদুবু পল্লদুনা, দা. জিতেন্দ্র সিংনা হায়খি, আইফেল তাৱরদগী হেন্না ৱাংবা মালেম অসিগী খ্বাইদগী ৱাংবা রেলৱে ব্রিজ, মালেম অসিদা খ্বাইদগী শাংবা তনেল, ভারত্তা খ্বাইদগী অহানবা হাইৱেগী খুঙ্গং, দেভিকা রিজুভেনেশন প্রোজেক্ত, নোর্থ ইন্দিয়াগী অহানবা বায়োতেক পার্ক, নেস্নেল ইনস্তিত্যুত ওফ হাই অল্তিত্যুদ মেদিসিন, রীসিগী আইকোনিক ওইবা মফম ১০ অসি কনস্তিত্যুএন্সী অসিদা লৈদুনা লৈবাক অসিদা ইনফ্রাস্ত্রকচরগী ওইবা অঙকপা মফম অমা ওইরে।
কনস্তিত্যুএন্সী অসিদা রোদ অমসুং হাইৱে দেবেলপমেন্তকী মতাংদা, দা. জিতেন্দ্র সিংনা হায়খি মদুদি, কাত্রাদগী দিল্লী ফাওবগী ৱন্দে –ভারত এক্সপ্রেস, নোর্থ ইন্দিয়াগী খ্বাইদগী অহানবা কেবল-স্তেদ ব্রিজ, অতল সাতু, কীরিয়ন-গন্দ্যালদা জম্মু অমসুং কাশ্মিরগী অহানবা ইন্তর-স্তেত ব্রিজ, কাথুৱা ফাওদুনা দিল্লীদগী কাত্রা ফাওবগী নোর্থ ইন্দিয়াগী খ্বাইদগী অহানবা এক্সপ্রেস রোদ কোরিদোর, ছত্তরগালা তনেল ফাওদুনা লখনপুরদগী-বানি-বাসোলি-দোদা ফাওবগী অনৌবা নেস্নেল হাইৱে, কনস্তিত্যুএন্সী অসিদা থোং ২০০ হেন্না শাবা, কেন্দ্রিয়া ৱিদ্যালয়শিং লিংখৎপা, আর.য়ু.এস.এ.গী মখাদা ইঞ্জিনীয়রিং কোলেজশিং, পাসপোর্ত ওফিসনা কনস্তিত্যুএন্সী খ্বাইদগী হেন্না ফজনা কনেক্ত তৌবা অমা ওইহল্লে, মসিনা মরম ওইরগা লৈবাক অসিদা লৈরিবা অতোপ্পা কনস্তিত্যুএন্সীশিংগা চাংদম্না মসিনা খ্বাইদগী হেন্না চাউখৎহল্লে।
কনস্তিত্যুএন্সী অসিদা লৈবা উধমপুর জিলা অসিনা পি.এম.জি.এস.ৱাই.গী মখাদা লম্বি সাবগী মতাংদা লৈবাক অসিগী খ্বাইদগী মকোক থোংবা ওইখি হায়না দা. জিতেন্দ্র সিংনা মখা তাখি। দা. জিতেন্দ্রনা হায়খি মদুদি কাত্রাদা ইন্তর মোদল স্তেশন (আই.এম.এস.) লিংখৎপনা কনস্তিত্যুএন্সী অসিদা মালেমগী থাক্তা লৈবা আর্ত প্রোজেক্ত অসিনা শ্রী মাতা ৱৈশ্নো দেভিগী মন্দিরদা লাই খুরুম্বা লাক্লিবশিংদা মখোয়গী চংথোক-চৎশিন তৌবদা নুংঙাইবা হেনগৎহনবদা নত্তনা কনস্তিত্যুএন্সী অসিগী মীশিংদা থবক, লাল্লোন-ইতিকনচিবশিংদা খুদোংচাবা কয়া অমা পীরগনি। দি.দি. সি. চিয়রমেন, কর্নেল মহান সিং, ভাইস চেয়রমেন রঘুনন্দন সিং, এক্স এম.এল.এ. রাজীৱ জসরোতিয়া অমসুং কুলদীপ রাজনশু থৌরম অসিদা ৱা ঙাংখি।
***********
(Release ID: 1933341)
Visitor Counter : 132