وزیر اعظم نریندر مودی کے یہاں امتیازی سلوک روا نہیں، وہ ووٹ کی سیاست سے اوپر اٹھ چکے ہیں اور ’سب کی مساوی ترقی‘ کے منتر پر یقین رکھتے ہیں: ڈاکٹر جتیندر سنگھ

سائنس اور ٹیکنالوجی کے مرکزی وزیر مملکت (آزادانہ چارج)؛ پی ایم او، عملہ، عوامی شکایات، پنشن، ایٹمی توانائی اور خلائی امور کے مملکتی وزیر ڈاکٹر جتیندر سنگھ نے آج کہا کہ ووٹوں کی سیاست سے بالا تر ہو کر وزیر اعظم نریندر مودی نے گزشتہ 9 برسوں میں ہر علاقے کی مساوی ترقی اور سب کے ساتھ انصاف کو یقینی بنایا ہے۔

یہاں ایک زبردست عوامی ریلی سے خطاب کرتے ہوئے ڈاکٹر جتیندر سنگھ نے کہا کہ انہوں نے بھی اسی جذبے کی پیروی کی ہے اور اپنے پارلیمانی حلقہ ادھم پور-کٹھوعہ-ڈوڈا میں اسی ثقافت کی تقلید کرنے کی کوشش کی ہے اور اس کی بہترین مثال کیڈیان-گڈوال پل ہے جسے ڈیڑھ پنچایتوںکی ضروریات کو پورا کرنے کے لیے 150 کروڑ کی لاگت سے تعمیر کیا گیا تھا۔ پنچایتیں کئی دہائیوں سے اس کا مطالبہ کر رہی تھیں۔ وزیر موصوف نے کہا کہ یہ وہ جگہ ہے جہاں ڈاکٹر شیاما پرساد مکھرجی کو ان کی پراسرار موت سے پہلے گرفتار کیا گیا تھا۔

اس موقع پر مرکزی وزیر ہردیپ سنگھ پوری نے ایک کافی ٹیبل بک ریلیز کی جس میں ڈاکٹر جتیندر سنگھ کی طرف سے پچھلے 9 برسوں میں ایم پی کے طور پر شروع کردہ بڑے پروجیکٹوں کی تصویر کشی کی گئی ہے۔  ڈاکٹر جتیندر سنگھ نے کہا کہ ’’اُدھم پور-کٹھوعہ-ڈوڈا‘‘ پارلیمانی حلقہ ملک کے 550 پارلیمانی حلقوں میں ہندوستان کا سب سے زیادہ ترقییافتہ حلقہ ہے جس نے وزیر اعظم نریندر مودی کے دور میں پچھلے نو برسوں میں زبردست ترقی کی ہے۔

ڈاکٹر جتیندر سنگھ نے مزید کہا کہ 'اُدھم پور-ڈوڈعہ-کٹھوا' پارلیمانی حلقہ ہندوستان کا واحد انتخابی حلقہ ہے جس میں تین مرکزی مالی اعانت سے چلنے والے میڈیکل کالج ہیں اور اس حلقہ میں موجود بہترین بنیادی ڈھانچہ اسے صحت کی دیکھ بھال کی جدید سہولیات کے ساتھ ہندوستان کا بہترین انتخابی حلقہ بناتا ہے۔ ڈاکٹر جتیندر سنگھ نے کہا کہ اس حلقے نے ہندوستان اور دنیا میں  'ارغوانی انقلاب' کی جائے پیدائش کے طور پر اپنا نام کمایا ہے جس نے نہ صرف جموں و کشمیر بلکہ پورے ملک میں 3000 سے زیادہ ایگری ٹیک اسٹارٹ اپس کو وجود بخشا ہے۔ ڈاکٹر جتیندر سنگھ نے مزید کہا کہ اس پارلیمانی حلقے میں اس اسٹارٹ اپ تحریک میں اپنا کردار ادا کرنے کی تمام صلاحیتیں موجود ہیں جسے وزیر اعظم نریندر مودی نے فروغ دیا ہے۔

اس حلقے میں پچھلے کئی برسوں سے ہونے والی مختلف بنیادی ڈھانچے کی ترقیاں گنواتے ہوئے ڈاکٹر جتیندر سنگھ نے کہا کہ اس حلقے میں واقع ایفل ٹاور سے اونچا دنیا کا سب سے بکند ترین ریلوے پل، دنیا کی سب سے لمبی ڈاکٹر شیاما پرساد مکھرجی سڑکی سرنگ،  یندوستان کا پہلا ہائی وے ویلیج، دیویکا ریجوونیشن پروجیکٹ، شمالی یندوستان کا پہلا بائیو ٹیک پارک، نیشنل انسٹی ٹیوٹ آف ہائی ایلٹی ٹیوڈ میڈیسن، 10 مشہور مقامات اسے ملک میں ایک بنیادی ڈھانچہ کا معجزہ بناتے ہیں۔

اس حلقے میں سڑک اور شاہراہ کی ترقی کے معاملے میں ڈاکٹر جتیندر سنگھ نے کہا کہ کٹرہ سے دہلی تک وندے بھارت ایکسپریس، شمالی ہندوستان کا پہلا کیبل پر کھڑا پل اٹل سیتو، کیریان-گنڈیال پر جموں و کشمیر کا پہلا بین ریاستی پل، دہلی سے کٹرہ براستہ کٹھوعہ شمالی ہندوستان کی پہلی ایکسپریس سڑکی راہداری، لکھن پور-بنی-بسوہلی-ڈوڈا سے براہ چترگلہ ٹنل نئی قومی شاہراہ، حلقے میں 200 سے زائد پلوں کی تعمیر، آر یو ایس اے پاسپورٹ آفس کے تحت کیندریہ ودیالیوں، انجینئرنگ کالجوں کا قیام، ملک کے دیگر حلقوں کے مقابلے میں اس حلقے کو اب تک کا سب سے بہترین طور پر مربوط حلقہ بناتا ہے جس کی وجہ سے اس کی زبردست ترقی ہوئی ہے۔

ڈاکٹر جتیندر سنگھ نے مزید کہا کہ اس حلقہ میں واقع ادھم پور ضلع پی ایم جی ایس واءی کے تحت سڑکوں کی تعمیر کے معاملے میں ملک میں پہلے نمبر پر ہے۔ ڈاکٹر جتیندر نے کہا کہ کٹرا میں ایک انٹر ماڈل اسٹیشن (آئی ایم ایس) کا قیام جو اس حلقے میں ایک عالمی معیار کا اسٹیٹ آف دی آرٹ پروجیکٹ ہے، نہ صرف شری ماتا ویشنو دیوی کی زیارت کرنے والے یاتریوں کے سفر کے تجربے کو بہتر بنایا جائے گا بلکہ اس سے اس حلقے کے لوگوں کے لیے روزگار، تجارت وغیرہ کے حوالے سے بے شمار مواقع کھلیں گے۔ ڈی ڈی سی کے چیئرمین کرنل مہان سنگھ، وائس چیئرمین رگھونندن سنگھ، سابق ایم ایل اے راجیو جسروٹیا اور کلدیپ راج نے بھی اس موقع پر خطاب کیا۔

************

ش ح۔ر ف۔س ا

(U: 6257)