আত্মনির্ভর ওইবা অসি ওপ্সন অমা নত্তে মসি তঙাই ফদবনি, মরমদা ভারতনা মাগী ঙমখৈশিংদা খুদোংথিবা অনি লোয়ননা ঙসিগী খোঙজেল য়াংনা খুমাং চাউশিল্লিবা মালেমদা থোরক্লিবা লান শোক্নবগী অনৌবা দাইমেন্সনশিং মায়োক্নরি। ৱাফম অসি জুন ১৭, ২০২৩দা উত্তর প্রদেশকী লখনৌদা বেতরেনশিংগী ইনিসিএতিব অমসুং মেদিয়া ওর্গনাইজেসন অমা ওইরিবা, স্ত্রাইব থিঙ্ক-তেঙ্কনা শিনবা ‘আত্মনির্ভর ভারত’ হায়বা দিফেন্স দাইলোগ অমদা ঙাকশেল মন্ত্রী, শ্রী রাজনাথ সিংহনা ফোঙদোকখিবনি। 

ঙাকশেল মন্ত্রীনা মপাঙ্গল কনবা অমসুং আত্মনির্ভর ওইবা মিলিতরীনা সোভরেন ওইবা লৈবাক অমগী য়াংলেন শরূ ওইরি হায়খি, মসিনা ঙমখৈশিং ঙাকশেনবগী মথক্তা লৈবাক্কী সভ্যতা অমসুং নাৎ ঙাক্তুনা থম্মি। প্রধান মন্ত্রী শ্রী নরেন্দ্র মোদীগী লুচিং মখাদা সরকার অসিনা আর্মদ ফোর্সশিংনা মীরমগী খুৎশু-খুৎলাইদা মীপাল তাংদনবা হোৎনরি হায়রদুনা মরু ওইনা ইমর্জেন্সী ওইবা ফীভম অমা থোরকপা মতমদা ‘আত্মনির্ভর’ ওইবনা তশেংবা শক্তি অদু উৎপা ঙম্মি হায়না মহাক্না ফোঙদোকখি। 

শ্রী রাজনাথ সিংহনা লান শোক্নবগী মওং-মতৌদা তেক্নোলোজীনা পুরক্লিবা অচৌবা অহোংবা অসিগী মতাংদা মহাক্কী ৱাখল্লোন ফোঙদোকখি। মহাক্না অনৌবা অমসুং থোরক্লিবা শীংনবশিং অসি মায়োক্নবা ঙম্নবা আর্মদ ফোর্সশিংবু শেম-শারিবা ইন্দিজিনস ওইবা স্তেৎ-ওফ-দি-আর্ত ৱীপন অমসুং প্লেৎফোর্ম দিবেলপ তৌবা মথৌ তাই হায়খি।

ঙাকশেল মন্ত্রীনা হায়খি, “ঙসিগী অয়াম্বা খুৎশু-খুৎলাইশিং অসি ইলেক্ত্রোনিক-বেজ সিস্তেমশিং ওইরি মসিনা য়েক্নবশিংদা সেন্সিতিব ওইবা ই-পাউ খঙহনবা ঙম্মি। ইম্পোর্ত তৌবা খুৎশু-খুৎলাইশিং অসিগী অকক্নবা লিমিতেসন লৈবনা ঐখোয়না মসিগী ৱাংমদা চংশিন্দুনা নিচ তেক্নোলোজীশিংদা আত্মনির্ভর ওইবা ঙম্নবা হোৎনবা তাই। ঐখোয়গী লান্মীশিংনা থৌনা ফাবগী মতিক খুৎশু-খুৎলাইশিংসু খ্বাইদগী নৌবা ওইবা অসি চপ মান্ননা মরু ওই। করিগুম্বা ভারতনা মালেমগী থাক্তা মিলিতরী পাৱর ওইবা পাম্লবদি দিফেন্স মেন্যুফেকচরিংদা আত্মনির্ভর ওইবা নত্তনা অতোপ্পা পাম্বৈ লৈতে”।

‘আত্মনির্ভর’ ওইবগী কান্নবশিংগী মতাংদা পল্লদুনা শ্রী রাজনাথ সিংহনা হায়খি মদুদি মসিনা ইম্পোর্তশিংদা চাদিং তৌবা হন্থহনবা খক্তা নত্তনা সিবিল সেক্তরদা মলতি-দাইমেন্সনেল ওইবা কান্নবশিংসু পীরি। মহাক্না মীয়ামগী পুন্সি মহিং ফগৎহন্নবা দিফেন্স সেক্তর মপাঙ্গল কনখৎহনবগী মথক্তা দ্যুল য়ুজ তেক্নোলোজী দিবেলপ তৌনবা ফোঙদোকখি।

ঙাকশেল মন্ত্রীনা সরকারনা লমদম অসিগী মথৌ তাবশিং থুংহনবা ঙম্বা খক্তা নত্তনা মরু ওইরিবা লৈবাকশিংগী সেক্যুরিতীগী মথৌ তাবশিং থুংহল্লিবা মপাঙ্গল কনবা দিফেন্স ইকোসিস্তেম অমা শেম্নবা লৌখৎখিবা খোঙথাংশিংগী মতাংদা পাউদমখি। মসিদা উত্তর প্রদেশ অমসুং তামিল নাদুদা দিফেন্স ইন্দস্ত্রিএল কোরিদোর (দি.আই.সি.) লিংখৎপা; শেনবা চহি ২০২৩-২৪দা দোমেস্তিক ইন্দস্ত্রীগীদমক দিফেন্স কেপিতেল প্রোক্যুর্মেন্ত বজেৎকী চাদা ৭৫ (চাউরাক্না লুপা করোর লাখ অমা) রেকোর্দ ওইনা খাক্তুনা থম্বা; স্তার্ত-অপশিং থৌগৎনবা প্রাইবেৎ ইন্দস্ত্রী অমসুং ইন্নোবেসন্স ফোর দিফেন্স এক্সিলেন্স (আই.দি.ই.এক্স) ইনিসিএতিব অঞসুং তেক্নোলোজী দিবেলপমেন্ত ফন্দগীদমক আর এন্দ দি বজেৎকী চাদা ২৫ খাক্তুনা থম্বা য়াওরি।

য়ু.পি. দি.আই.সি.গী মতাংদা শ্রী রাজনাথনা হায়খি মদুদি মিসন মোদতা হৌজিক থবক পাইখৎলি অমসুং হৌজিক ফাওবদা লম হেক্তর ১,৭০০রোমগী ৯৫% ফংবা ঙমলে। মসিগী মনুংদা ইন্দস্ত্রী অমসুং ইন্সতিত্যুসন ৩৬তা লম হেক্তর ৬০০কী ময়া পীখ্রে। লুপা করোর ১৬,০০০ হেনবগী ইনভেস্তমেন্ত ভেল্যু ওইবা এম.ও.য়ু. ১০৯সু খুৎয়েক পীনখ্রে। হৌজিক ফাওবদা তোঙান-তোঙানবা এন্তিতীশিংনা য়ু.পি.সি.আই.সি.দা লুপা করোর ২,৫০০রোমগী ইনভেস্তমেন্ত তৌখিবা লৈরে। কোরিদোর অসিনা স্পিয়র পার্তশিং শাবা খক্তা নত্তনা দ্রোনশিং/অনমেন এরিএল ভেহিকলশিং, ইলেক্ত্রোনিক ৱারফিয়র, এয়রক্রাফ অমসুং ব্রহ্মোস মিসাইলশিং মেন্যুফেকচর অমসুং এসেম্বলসু তৌগনি।

ঙাকশেল মন্ত্রীনা হায়খি হোখিবা চহি খরা অসিদা পাইখৎখিবা সরকারগী খোঙথাংশিংনা মরম ওইদুনা দিফেন্স প্রদক্সন লুপা করোর লাখ অমা হেন্না তৌবা ঙমখি অমসুং শেনবা চহি ২০২২-২৩দা এক্সপোর্ত কুপা করোর ১৬,০০০ তৌবা ঙমখি। দিফেন্স এক্সপোর্তশিং অসি অথুবদা লুপা করোর ২০,০০০ হেল্লগনি হায়না মহাক্না থাজবা ফোঙদোকখি। মহাক্না মখা তারদুনা হায়খি, “প্রধান মন্ত্রীগী ২০৪৭ ফাওবদা লৈবাক অসিনা চাউখৎপা ভারত অমা ওইনবা পান্দম ফংনবা মাইকৈদা ঐখোয়না অমুক্তা ওইখিদ্রিবা খোঙজেলদা মাংদা চংশিল্লি। মসিগী পান্দম অসি শেন্মীৎলোন্দা শক্তি লৈবা অমসুং নেৎ দিফেন্স এক্সপোর্তরসু ওইরিবা মপুং ফানা আত্মনির্ভর ওইবা ভারত অমা শেম্বনি”।

থৌরম অসিদা য়ু.পি. দি.আই.সি.গী চীফ নোদেল ওফিসর, এয় চীফ মার্শেল আর.কে.এস. ভাদৌরিয়া (থবক্তগী পোত্থারবা), আর্মদ ফোর্সেস অমসুং দি.আর.দি.ও.গী ওফিসরশিং অমসুং ইন্দস্ত্রী অমসুং একাদেমিয়াগী মীহুৎশিংনা শরুক য়াখি।

****