দেমোক্রেসী অনিগী মরক্তা বাইলেতরেল মরীশিং মপাঙ্গল কনখৎহন্নবা অমসুং চেৎশিন্নবা পান্দমগা লোয়ননা জুন ১৪-১৭, ২০২৩দা মেম্বর ১০গী পার্লিয়ামেন্তরী গুদৱিল দেলিগেসন অমা পার্লিয়ামেন্তরী এফিয়র্স, কোল অমসুং মাইন্সকী মন্ত্রী, শ্রী প্রলহাদ জোশিনা লমজিংদুনা ওরিয়েন্তেল রিপব্লিক ওফ উরুগ্বেগী পার্লিয়ামেন্তগী হাউস ওফ রিপ্রজেন্তেতিব (লোৱর হাউস)কী প্রসিদেন্তনা পীরকপা চেপাউ অমদা উরুগ্বেদা চৎখ্রে।

মলতি-পার্তী দেলিগেসনদা চেম্বর অনিমক্তগী মেম্বর ওফ পার্লিয়ামেন্ত মাপন য়াওখি; লোক সভাদগী মখোয় শ্রী সঞ্জয় সেথ, শ্রীমতি গোমতি সাই, শ্রী হেমন্ত পতিল, শ্রী সি.এন. অন্নদুরাই, দা. গুরুমুরতী মদ্দিলা অমসুং কুমারি চন্দ্রমনি মুর্মু লোয়ননা রাজ্য সভাদগী শ্রীমতি ইন্দু বালা গোস্বামি, শ্রী দিনেসচন্দ্র অবাবাদিয়া অমসুং শ্রী নীরজ দাঙ্গি য়াওরি। মসিদা পার্লিয়ামেন্তরী এফিয়র্স মন্ত্রালয়গী সেক্রেতরী শ্রী জি শ্রীনিবাসসু য়াওখি। দেলিগেসনশিং অসিবু এম্বেসেদর ওফ ইন্দিয়া তু অর্জেন্তিনা অমসুং  উরুগ্বে, শ্রী দিনেশ ভতিয়ানা জুন ১৪দা ওকখি অমসুং মহাক্না দেলিগেসন অদুদা লৈবাক্কী অমদি ভারতকা লোয়ননা লৈনরিবা মাগী বাইলেতরেলগী মরীশিংগী মরু ওইবা হেনগৎলক্লিবা অসিগী মতাংদা পাউদমখি।

ভারত্তগী ইকোন কোনবা পার্লিয়ামেন্তরী দেলিগেসন্না উরুগ্বেদা ২০১২দা মতম অদুগী লোক সভাগী স্পীকরনা লমজিংদুনা চৎখি। মার্চ ২০২৩দা নই দিল্লীদা লৈবাক অনিগী মরক্তা ফোরেন ওফিস কনসল্তেসনশিং পাঙথোকখি।

খোঙচৎ অসিগী ওফিসিএলগী শরুক জুন ১৫দা দেলিগেসন মেম্বরশিংগা লোয়ননা মন্ত্রীনা হৌদোক্তুনা মোন্তেবিদিওগী কেপিতেল সিতীদা জাতিগী মপা মহাত্মা গান্ধীগী মীতমদা হৈকৎ-লৈকৎ তমখি। তশেংবদা মীতম অসিগী মনাক্তা লৈরিবা কেপিতেল সিতীগী কোস্তেল রোদ, মমিং লৈরবা রমব্লাগী শরুক অসি মহাত্মা গান্ধীগী মমিং লৌদুনা থোনখি।

জুন ১৫দা হাউস ওফ রিপ্রজেন্তেতিবকী প্রসিদেন্ত, শ্রী সেবস্তিয়ন অন্দুজরনা দেলিগেসন অসিবু ওকখি। দেলিগেসন থাক্কী মীফমশিং পাঙথোকপগী মথক্তা উরুগ্বেগী পার্লিয়ামেন্তগী হাউস অনিমক্কী মেম্বরশিংনা য়াওখিবা অদুগী মথক্তা মন্ত্রী জোশি অমসুং অন্দু্জরনা উরুগ্বেগী পার্লিয়ামেন্তদা ইন্দিয়া – উরুগ্বে পার্লিয়ামেন্তরী ফ্রেন্দশিপ গ্রুপ লোঞ্চ তৌখি। খন্ন-নৈনবশিং অসিনা মরু ওইনা পার্লিয়ামেন্তরী দিপ্লোমেসীগী খুত্থাংদা বাইলেতরেলগী মরীশিং চেৎশিনহনবদা মীৎয়েং চংখি।

পার্লিয়ামেন্তরী দেলিগেসন অমগা লোয়ননা ভারত্তা লাক্নবা মন্ত্রী শ্রী জোশিনা শ্রী অন্দুজরদা চেপাউ পীখি অমসুং অন্দু্জরনা মদুবু তরাম্না ওকখি। ২০২৩ লোইদ্রিঙৈদা উরুগ্বেদগী পার্লিয়ামেন্তরিয়নশিংনা ভারত্তা লাক্কনি, তাংশিং অসি দিপ্লোমেতিক চেনেলশিংগী খুত্থাংদা লেপকনি।

দেলিগেসন অমসুং এম্বেসেদর ভাতিয়াগা লোয়ননা মন্ত্রীনা উরুগ্বেগী ভাইস প্রসিদেন্ত অমসুং সিনেৎ (অপ্পর হাউস)কী প্রসিদেন্ত, মিস বিএত্রিজ অরগিমোন, ফম অসি পাইবা অহানবা নুপী ওইরিবা অসিগা উন্নখি। প্রসিদেন্ত লুইজ লাকাল্লে পোনা তানফম অসিদা লৈবাক অসিগী মপান্দা চৎখিবনা মহাক্না রিপব্লিক অসিগী এক্তিং প্রসিদেন্ত অমসু ওইরি। অমরোমদা দেলিগেসন অসিবু তরাম্না ওক্লদুনা মহাক্না চহি খরগী মমাংদা ভারত্তা চৎখিবগী মহাক্কী কাউঙমদ্রবা খোঙচৎ অদু নীংশিংখি। মহাক্না অচৌবা দেমোক্রেসী অনিগী মরক্তা মরীশিং ফগৎহনবা মথৌ তাই হায়নসু ফোঙদোকখি।

মীফম অনিমক্তা মন্ত্রী শ্রী জোশিনা মরু ওইনা ইকাই খুম্নরবা প্রধান মন্ত্রী শ্রী নরেন্দ্র মোদীজীগী সরকারনা পাইখৎখিবা তোঙান-তোঙানবা পোলিসীগী থৌশিলশিং মরম ওইদুনা ভারতকী খোঙজেল য়াংনা চাউখৎলক্লিবা সোসিও-ইকনোমিক দিবেলপমেন্তগী মতাংদা পাউদমখি।

উরুগ্বেদা লৈরিবা ভারত মচাশিংগী এসোসিএসন, ইন্দিয়ন কলচরেল এসোসিএসন ওফ উরুগ্বেনা শিনখিবা ইন্তর্নেস্নেল দে ওফ য়োগগী পালন থৌরমদা দেলিগেসন্না শরুক য়াখি। লোকেল উরুগ্বে য়োগ ওজা অমনা লমজিংবা মেদিতেসন সেসন অমগী মথক্তা পালন থৌরম অসিদা উরুগ্বেদগী লোকেল আর্তিস্ত অমনা ক্লাসিকেল ওদিসিগী জগোই অমা উৎখি। তোঙান-তোঙানবা ভারতকী য়োগ অমসুং স্পিরিচুএল ইন্সতিত্যুসন কয়ামরুমগী ফোলোৱর কয়াগা লোয়ননা ইন্দিয়ন কলচর, ফিলোসোফী, স্পিরিচুএলিজম, য়োগ অমসুং মেদিতেসন্দা পাকশন্না পাম্নবা উবা ফংই।

মন্ত্রী অমসুং দেলিগেসন্না মোন্তেবিদিওদা লৈরিবা ইন্দিয়ন কম্ম্যুনিতী অমসুং ভারতকী মরুপশিংগা লোয়ননা ৱারী শান্নবা খুদোংচাবা লৌখি। উরুগ্বেদা ভারত মচা ৮০০ হেন্না লৈ।

উরুগ্বে XXI, উরুগ্বে সরকারগী মখাদা লৈরিবা এক্সপোর্তশিং, ইনভেস্তমেন্ত অমসুং কন্ত্রী ইমেজ প্রমোৎ তৌনবগী থৌদাং লৌরিবা এজেন্সী অসিনা বাইলেতরেল ত্রেদ, ইনভেস্তমেন্ত অমসুং ইকনোমিক্কী মরীশিং থৌগৎনবা পান্দমদা জুন ১৬তা অপুনবা দেলিগেসন্দা প্রজেন্তেসন অমা পীখি। দেলিগেসনশিং অসিনা উরুগ্বেদা লৈবা তাতা কনসল্তেন্সী সর্ভিসেস (তি.সি.এস.)কী ওফিস্তা চৎখি, ২০২২দা হায়রিবা অসি ওপরেসন তৌরকপা চহি ২০ মপুং ফাখ্রে। ঙসি তি.সি.এস. উরুগ্বে অসি লৈবাক অসিদা মেপাৱরদা খ্বাইদগী চাউবা প্রাইবেৎ সেক্তর এমপ্লোয়র ওইরি।

নাকল অমরোমদা ভারত অমসুং উরুগ্বেনা ২০২০দা দিপ্লোমেতিক রিলেসনশিংগী চহি ৬০ মপুং ফাবগী পালন তৌখ্রে অমরোমদা বাইলেতরেল ত্রেদ অসি হৌখিবা চহি খরা অসিদা চাউনা শাহৌ লৈবা উবা ফংখি, ২০২২-২৩দা য়ু.এস.দি. ৩৫০ মিলিয়ন হেন্না রেকোর্দ তৌখি। দেমোক্রেতিক ওইবা লৈবাক অনিমক্না ত্রেদ অমসুং ইনভেস্তমেন্ত থৌগৎনবা ফিরেপ লৌখি।

সেক্রেতরী, জি, শ্রীনিবাসনা খোঙচৎ অসি চাউনা মাইপাকপনি হায়খি মরমদি মসিনা লাপ্নরবসু মরু ওইরিবা লৈবাক অমদা ভারতকী ইকনোমিক সুপ্রিমেসীগী মথক্তা মাগী দাইভর্সিতী অমসুং ফজরবা কলচর প্রোজেক্ত তৌখি। অম্বেসেদর ভতিয়না হায়খি মন্ত্রীগী থাক্তা মশামক্না লমজিংখিবা গুদৱিল দেলিগেসনগী খোঙচৎ অসি লেতিন অমেরিকন রিজনগী খক্তা নত্তনা উরুগ্বেগী রুতিন এফিয়র অমা নত্তে। মহাক্না অসিগুম্বা একচেঞ্জশিং অসি বাইলেতরেল মরীশিং চেৎশিনহন্নবা হেন্না পাইখৎনবা অপাম্বা ফোঙদোকখি।

****