রোদ সেফতী হেনগৎহন্নবা, অতেনবা মতমগী থৌরাংশিং পায়খত্তুনা নেস্নেল হায়ৱেশিংদা এক্সিদেন্ত থোক্কনবা মফমশিং শেমদোক শাদোকপগী থবক পায়খৎনবা এন.ঐচ.এ.আই.না থৌরাংশিং পায়খৎলি অমদি চৎন-পথাপশিং থোকখ্রে‍। হায়রিবা চৎন-পথাপশিং অসিগী মখাদা, এন.ঐচ.এ.আই. প্রোজেক্ত দাইরেক্তরশিংদা মশক খঙদোক্লবা এক্সিদেন্ত খোক্কনবা মফমশিং অমদি মরী লৈনবা স্তেতশিংগী পুলিস মকোকশিংনা নৎত্রগা দিস্ত্রিক্ত রোদ সেফতী কম্মিতীশিংনা রিকম্মেন্দ তৌরকপা মফমশিং শেমদোক শাদোকপগী থবক মফম অমমদা লুপা লাখ ১০ ফাওবগী শেনফম থাদদুনা পায়খৎনবা মঙম শিন্নখ্রে‍। লুপা লাখ ১০দগী হেনবা অমদি লুপা লাখ ২৫গী মখাদা লৈগদবা অতেনবা মতমগী ওইবা থৌরাংশিং পায়খৎপগী থৌদাংনা মরী লৈনবা রীজনেল ওফিসশিংদা শিন্নখ্রে‍।

হায়রিবা শেলথুমগী মঙম অসি খঙদোক্লবা ব্লেকস্পোৎশিং লুপা লাখ ২৫ ফাওবগী মনুংদা অতেনবা মতমগী ওইবা থৌরাংশিং পায়খত্তুনা শেমদোক শাদোকপা তৌননবা প্রোজেক্ত দাইরেক্তরশিংদা অয়াবা পীখিবা মমাঙদা এন.ঐচ.এ.আই.না থোকখিবা চৎন-পথাপশিং অদুগী মথক্তনি‍। প্রোজেক্ত অমগা মরী লৈনবা তোঙান তোঙানবা এক্সিদেন্ত থোক্কনবা মফমশিং পুনশিন্দুনা থবক পায়খৎপসু য়াগনি‍।

রোদ ত্রান্সপোর্ত অমদি হায়ৱেজ মন্ত্রালয়না হান্না শেমদুনা লৈরবা পেরামিতরশিংদা য়ুম্ফম ওইরগা ব্লেক স্পোতশিং নোতিফাই তৌবনি‍। অদুম ওইনমক, নেস্নেল হায়ৱেশিংদা রোদ সেফতী অমদি য়ুজর কন্ভিনিএন্স হেনগৎহন্নবগীদমক, এন.ঐচ.এ.আই.না, এম.ও.আর.তি.ঐচ.না নোতিফাইদ তৌরবা ব্লেক স্পোতশিংগী মথক্তা এক্সিদেন্ত থোক্কনবা মফমশিং অতেনবা মতমগী ওইবা থৌরাংশিং পায়খত্তুনা শেমদোক শাদোক্নবা থৌরাং অসি ইচঙ থৌনা পায়খৎলি‍।

অতেনবা মতমগী ওইবা থৌরাংশিংগী মনুংদা খুমাঙ চাওশিল্লবা চেকশিনৱাগী খুদমশিং হাপ্পা জেব্রা ক্রোসিংনচিংবা খোঙনা চৎপা মীওইশিংগী ফেসিলিতীশিং হাপ্পা, ক্রাস বেরিয়র অমদি রেলিং হাপ্পা, জংসনগী ফীভম ফগৎহনবা, সোলার লাইত/ব্লিঙ্কর, লম্বীগী সাইনেজ অমদি ত্রাফিক তপথহন্নবা থৌরাংশিং পায়খৎপনচিংবা য়াওরি‍। নেস্নেল হায়ৱেশিংদা শাফবা ফীভম হেনগৎহনবা হায়বসিনা এন.ঐচ.এ.আই.গী খ্বায়দগী মকোক থোংবা প্রাইওরিতীশিংগী মরক্তা অমনি অদুগা এজেন্সী অসিনা নেস্নেল হায়ৱেশিংদা চৎলিবা মীওইশিংদা শাফগদবা, অপনবা লৈতবা অমদি খুরৌ থাংদবা খোঙচৎকী মহাও পীননবা খোঙফম চেৎনা লেপ্লি‍।

***