ঙসি উপ রাস্ত্রপতি শ্রী জগদিপ ধানখারনা ঈশিং তুংশিনবা অসি নোংমগী পুন্সিগী থাদোক্নবা য়াদ্রবা শরুক অমা ওইহন্নবা মীয়ামদা তকশিনখ্রে অমসুং মসিনা মীয়ামগী ইহৌনা জল অন্দোলন য়াংখৎহনগনি হায়না ফোঙদোকখ্রে।

ঙসি নিউ দিল্লিগী বিজ্ঞান ভাবন্দা পাংথোকপা ৪শুবা নেসনেল ৱাতর এৱার্দশিং য়েন্থোকপা থৌরমদা ৱা ঙাংবদা উপ রাস্ত্রপতিনা হায়খি রিদক্স, রিয়ুজ অমসুং রিসাইকলগী আর অহুমগী খুৎথাংদা মমাংঙৈদগী লৈরক্লবা ঈশিং য়োকশিন্নবা মফমশিং  হায়বদি পুখ্রিশিং অমুক হন্না শেমগৎকদবনি।

ঈশিং তুংশিনবগী মতাংদা ফিদম্নফম ওইবা মখোয়গী থবকশিংগীদমক মনা ফংলবশিং হরাওবা ফোঙদোক্লদুনা উপ রাস্ত্রপতিনা হায়খি পঞ্চায়ত, রাজ্য অমসুং জাতি থাক্কী মীয়ামগী মীহুৎশিংনা ঈশিং য়োকশিনবা অসি মরুওইবা থবক অমা ওইনা লৌনগদবনি অমসুং খুদম  ওইনা উৎকদবনি।

ঈশিং য়োকশিন্নবা অমসুং অকোয়বগী ফিবম ঙাক-শেন্নবা সংবিধানগী প্রোভিজনশিং হায়বদি দাইরেক্তিপ প্রিন্সিপাল ওফ স্তেৎ পোলিসি অমসুং ফন্দামেন্তেল দিউতিশিং পল্লদুনা উপ রাস্ত্রপতিনা হায়খি সরকারগী থবকশিং হায়বদি জল জিবন মিসননা মীচম মীয়ামগী পুন্সিশিংদা অওনবা কয়া পুরক্লে।

উপ রাস্ত্রপতিনা হায়খি ঈশিং য়োকশিনবা হায়বসি ভারত সভেত্যগী চৎনবীশিংগী থাদোক্নবা য়াদ্রবা শরুক অমনি।  মহৌশাগী খুদোলশিং হৈশিংনা শীজিন্নবা হায়বসি নাগরিক খুদিংমক্কী থৌদাংনি। ঐখোয়গী দরকার মতুংইন্না, মহৌশাগী লনশিং শীজিন্নগদবনি।

৪শুবা নেসনেল ৱাতর এৱার্দ য়েন্থোকপা থৌরমদা, উপ রাস্ত্রপতিনা জল কালাস থৌরম অমা হৌদোক্তুনা কাংলুপ ১১দা মনা ফংলবা ৪১দা মনাশিং য়েন্থোকখি।

নেসনেল ৱাতর মিসনগী মাস্কোত ওইরিবা এনিমেতদ করেক্তর পিকু য়াওবা অতেনবা ফিচর ফিল্ম অমা উপ রাস্ত্রপতিনা হৌদোকখি, ফিল্ম অসি মীয়ামদা ঈশিং য়োকশিন্নবা পাউজেল পীনবা দুরদর্সন্দা শন্দোক্কনি।

মনা য়েন্থোকপা থৌরম অদুদা জল শক্তিগী য়ুনিয়ন মিনিস্তর শ্রী গাজেন্দ্র সিংহ সেখাৱাত, জল শক্তিগী রাজ্য মন্ত্রী শ্রী প্রাহলাদ সিংহ পতেল,  জল শক্তি অমসুং ত্রাইবেল এফেয়ার্সকী রাজ্য মন্ত্রী শ্রী বিশ্বেশ্বর তুদু, জল শক্তি মিনিস্ত্রিগী সেক্রেতরি শ্রী পঙ্কজ কুমার অমসুং জল শক্তি মিনিস্ত্রিগী অতোপ্পা  সেনিয়র ওফিসারশিংশু শরুক য়াখি।

****