ঙাকশেল মন্ত্রী, শ্রী রাজনাথ সিংনা মবাই তাংবল লৌদুনা ২০২৩গী জুন ১৬তা কর্নাতকাগী বেঙ্গলুরুদা ‘সেল্ফ-রিলাইন্স ইন দিফেন্স মেন্যুফেকচরিং’ হায়বসিগী মতাংদা ঙাকশেল মন্ত্রালয়গী কন্সল্তেতিব কমিতীগী মীফম অমা পাংথোকখ্রে। মীফম অদুদা পার্লিয়ামেন্তকী হাউস অনিমক্কী কমিতী মেম্বরশিংদা দিফেন্সকী লমদা ‘আত্মানিরভর্তা’ ফংনবা ঙাকশেল মন্ত্রালয় (এম.ও.দি.) লৌখৎলকখিবা অনৌবা থৌরাংশিং অদুগী মতাংদা খঙহনখি অমসুং  মসিগী ফিরেপ অসিনা মরম ওইরগা হৌজিক ফাওবদা ফংখিবা মাইপাকপশিং অদুগী মতাংদা হায়খি।

ঙাকশেল মন্ত্রীনা লৈবাক অসিগী সেক্যুরিতী ফগৎনবা সরকারনা লৌখৎলিবা থবক-থৌরমশিং অদুগী মতাংদা পনখি অমসুং লেপ্পা লৈতনা হোংলক্লিবা মালেম অসিগী ফিভমশিং অসিনা মরম ওইরগা থোরক্লিবা শিংনবশিং অদুগা মায়োক্নবা ঙম্নবা আর্মদ ফোর্সশিংবু তেক্নোলোজীগী লমদা খুমাং চাউশিনহন্নবা হোৎনরিবশিং অদুবু পনখি। দিমান্দ এস্যুরেন্সপু মরোমদোম লেপচবা ঙম্নবগী য়াম্না মরু ওইবা এসপেক্ত অমা ওইনা লৌরদুনা মহাক্না হায়খি মদুদি পান্দম অসি ফংনবা ফিরেপ কয়া অমা লৌখি। লৌরিবা ফিরেপশিং অদুগী মনুংদা কেপিতল আউৎলে য়াওনা দিফেন্সকী বজেত হেনগৎহনবা; ফাইনান্সিয়েল য়িয়র ২০২৩-২৪দা দোমেস্তিক ইন্দস্ত্রীগীদমক্তা দিফেন্স কেপিতল প্রোক্যোরমেন্ত বজেতকী চাদা ৭৫ খাইদোকপা অমসুং পোজিতিব ইন্দিজেনাইজেশন লিস্তশিং থোকপা।

শ্রী রাজনাথ সিংনা হায়খি মদুদি সরকারনা লৌখিবা ফিরেপশিং অদুগী মহৈ য়ানবা হৌরক্লে অমসুং ঙসিদি লৈবাক অসিনা মশাগী ওইবা সবমেরিনশিং, ফাইতর জেতশিং, হেলিকোপ্তরশিং অমসুং খুলাইশিং শারে। মহাক্না মখা তারকখি মদুদি চাউখৎলক্লিবা দিফেন্স ইন্দস্ত্রী অসিনা দোমেস্তিক রিক্বায়রমেন্তশিং অদুবু মপুং ফাহনবদা নত্তনা মরুপ ওইরিবা লৈবাকশিংগী সেক্যুরিতীগী তঙাইফদবশিং অদুবুশু নিংবা থুংহল্লি। “মমাংগী ফাইনান্সিয়েল য়িয়রদা, ঐখোয়গী দিফেন্স প্রোদক্সন অদু করোর লাখ অমা হেনখ্রে অমসুং এক্সপোর্তনা করোর ১৬,০০০ য়ৌখ্রে। মসিনা ময়েক শেংনা তাক্লি মদুদি দিফেন্স সেক্তর অমসুং মপুং ওইনা লৈবাক অসি অচুম্বা লম্বিদা খোং থাংজিল্লি হায়বনি,” হায়না মহাক্না হায়খি।

ঙাকশেল মন্ত্রীনা হায়খি মদুদি ৱাখল্লোন তোঙাঞ্জরবশু, মপুং ফানা মরোমদোম লেপচবা ঙম্নবগী মাইকৈদা ঐখোয়না মাইকৈ খুদিংমক্তগী য়ানিংবা ফোংদোক্নরকখি। “করিগুম্বা ঐখোয়না ভারত অসিবু দিফেন্স ইম্পোর্তরগী মহুত্তা দিফেন্স এক্সপোর্তর ওইহনবা পাম্লবদি, ঐখোয়না ‘নেশন ফর্সত’ হায়বা ৱাখল্লোন অসিগা লোইননা ফিভম খুদিংমক্তা পুন্না লেপমিন্নগদবনি। মতম অদুদা খক্তমকাত্মানির্ভর ভারতকী পান্দম অদু ফংবা ঙমগদৌরিবনি,” হায়না মহাক্না হায়খি।

খন্ন-নৈনবা অদুদা, কমিতী অদুগী মেম্বরশিংনা য়াম্না মমল য়াম্লবা সজেশনশিং পীরকখি, হায়রিবশিং অসি ঙাকশেল মন্ত্রীনা থাগৎপা ফোংদোকখি। সজেসনশিং অসিবু থবক ওইনা ওন্থোক্নবা হোৎনগনি হায়না মহাক্না হায়খি।

শেলগী রাজ্য মন্ত্রী, শ্রী অজয় ভত্ত; চীফ ওফ দিফেন্স স্তাফ, জেনরেল অনিল চৌহন; দিফেন্স সেক্রেতরী, শ্রী গিরিধর অরামানে; সেক্রেতরী (এক্স-সর্বিসমেন ৱেলফিয়র), শহরী বিজয় কুমার সিং অমসুং দিপার্তমেন্ত ওফ দিফেন্সকী আর. অমসুং দি. অমসুং দি.আর.দি.ও.গী চিয়রমেন, দা. সামির ভি. কামতনা মীফম অদুদা শরুক য়াখি।

******