ভারতকী কোম্পত্রোলর অমসুং ওদিতর জেনরেল (সি.&এ.জি.) ভারতকী জি২০ প্রসিদেন্সীগী মখাদা সুপ্রিম ওদিত ইন্সতিত্যুসনস-২০ (এস.এ.আই.-২০) এঙ্গেজমেন্ত গ্রুপকী অধ্যক্ষ ওইরি। এস.এ.আই.-২০ সম্মিত ২০২৩গী জুন ১২দগী ১৪ ফাওবা গৱাদা পাংথোক্কনি। ভারতকী সি.এ.জি. শ্রী গিরিশ চন্দ্র মুর্মুনা ২০২৩গী জুন ১২দা হৌদোক ৱারোল পীগনি।

জি২০ লৈবাকশিংগী এস.এ.আই.শিংগী এস.এ.আই.২০ মেম্বর, মীথুংলেন এস.এ.আই.শিং, বার্তন তৌবা এস.এ.আই.শিং, ইন্তরনেস্নেল ওর্গানাইজেসনশিং, এঙ্গেজমেন্ত গ্রুপশিংগী মীহুৎশিং অমসুং অতোপ্পা বার্তন ফংবশিংনা এস.এ.আই.২০ সম্মিত্তা শরুক য়াগনি। ওস্ত্রেলিয়া, ব্রাজিল, ইন্দোনেসিয়া, রিপব্লিক ওফ কোরিয়া, রসিয়া, সৌদি অরাবিয়া, তর্কী, বঙ্গলাদেশ, ইজিপ, মোরিসস, নাইজেরিয়া, ওমান, স্পেন, য়ু.এ.ই., মোরোকো অমসুং পোলেন্দগী এস.এ.আই.শিংনা মশা লাক্তুনা শরুক য়াগনি।

ভারতকী জি২০গী প্রসিদেন্সীগী লমজিংলিবা ফিলোসোফী বাসুদেব কুতুম্বকম হায়বদি “মালেম অমা, ইমুং অমা অমসুং তুংলমচৎ অমা”গী মখাদা ভারতকী কোম্পত্রোলর অমসুং ওদিতর জেনরেলনা এস.এ.আই.২০ এঙ্গেজমেন্ত গ্রুপকী কোলাবোরেসনদা প্রায়োরিতী এরিয়া অনি – ব্লু ইকোনোমী অমসুং রেস্পোন্সিবল আর্তিফিসিএল ইন্তেলিজেন্স (এ.আই.)দা প্রপোজ তৌরি।

ব্লু ইকোনোমী অসি ঐখোয়গী ইকোসিস্তেমগী হকশেলবু ঙাক্তুনা থম্দুনা ইকোনোমিক গ্রোথ, পুন্সী মহিং ফগৎহনবা অমসুং থবক পীবগীদমক ওসিন রিসোর্সশিংগী সস্তেনেবল য়ুজনি। এ.আই.না গবর্নান্সদা অহোনবা ইনরোদশিং ওইহনবগা লোয়ননা এস.এ.আই.শিংনা এ.আই.দা য়ুমফম ওইবা গবর্নান্স সিস্তেমশিং ওদিত তৌবগীদমক মখোয় মশাবু শেম-শাবা তাই। মসিগা লোয়ননা এস.এ.আই.শিংনা মখোয়গী ইফেক্তিবনেস হেনগৎনবগীদমক মখোয়গী ওদিত তেক্নিকশিংদা এ.আই. এদোপ্ত তৌনবা খুদোংচাবা য়েংবা তাই।

***