সম্মিত অসি ৱাখল-লৌশিং, দি.পি.আই. ইমপ্লিমেন্তেশনগী খ্বাইদগী ফবা প্রক্তিসশিং তাথোক-তাশিন তৌননবগী খ্বাইদগী ফবা খুদোংচাবা অমনি অমসুং মসিনা গ্লোবল দিজিতেল পব্লিক ইনফ্রাস্ত্রকচর পার্তনরশিপশিং অমসুং দিজিতেল ইকোনোমীবু খুমাং চাউশিনহনগনি হায়না ঐহাক্না থাজৈ।

তশেংনমক ঙসিগী দিজিতেলাইজেশন অসিনা মীওইবা খুনাইগী অনৌবা মতমগী পুৱারিদা মমাংদা অমুক্তা উখিদ্রিবা মওংদা অমুক্তা থোকখিদ্রিবা মওংদা খোংজেল য়াংনা দিজিতেলাইজেশন তৌরক্লি হায়বসিদা অখন্ননা খরা খক্তমক তোঙান্না খন্দোকপা য়াগনি। দিজিতেলাইজেশন তৌবা অসিনা সরকারশিং, গোবর্নেন্সতআ অওনবা পুরক্লি, মসিনা বিজনেস অমসুং এন্তরপ্রাইজতা অওনবা পুরক্লি, মালেম শিনবা থুংনা কঞ্জুমরশিং অমসুং নগ্রিকশিংগী পুন্সিদা অওনবা অমা পুরক্লি। গ্লোবল দিজিতেল ইকোনোমীনা চহি খরা অসিদা মরু ওইনা কোবিদকী মতুংদা য়াম্না শিংথানিংঙাই ওইবা মওংদা শাহৌ লাক্লি অমসুং অওনবা লাক্লি। তশেংনা হায়রবদা মসিনা ঐখোয়না থবক তৌবগী মওংদা অহোংবা পুরক্লি, সরকারশিংনা থবক তৌবগী মওংদা অহোংবা পুরক্লি, এন্তরপ্রাইজশিংনা থবক তৌবগী মওংদা অহোংবা পুরক্লি অমসুং কঞ্জুমরশিংনা মতম অসিগী অনৌবা তাইবং অসিদা থম্লিবা থাজবদা অহোংবা পুরক্লি।  

য়ু.এন.সি.তি.এ.দি. ২০২০না পীবা রিপোর্তকী মতুং ইন্না ২০১৯ খক্তদা মালেম অসিগী ই কমর্সকী ভেল্যু অসি ত্রিলিয়ন দোলর ২৭ হেনখ্রে অমসুং ঐহাক্না থাজৈ মদুদি কোবিদ মতুংদদি মসিগী মশিং অসি য়াম্না হেনগৎলম্লগনি।

ঐখোয়না দি.পি.আই. অমসুং দি.পি.আই.গী তুংদা ওইরক্কদবশিং অদুগী মতাংদা ঙাংবা মতমদা ভারত অসি তেস্ত কেসনি অমসুং ইফিকেসী অমসুং ইফিসিয়েন্সীগী শাফু অমসুং দিজিতেল পব্লিক ইনফ্রাস্ত্রকচরগী শাফু অদুগী লমজিং মৈরানি। মালেম অসিগী খ্বাইদগী চাউবা দেমোক্রেসী অমসুং হৌজিক্না মালেম অসিগী খ্বাইদগী চাউবা লৈবাক অমা ওইনা দিকেদ ৬ অমসুং মখাইদা ভারতকী গোবর্নেন্সতা সাইজ, দিস্তেন্স আমসুং অতোপ্পা ফেক্তরশিংগী প্রেসরনা মরম ওইরগা শোত্থদুনা লৈহৌখি।

মমাংদা লাইরবশিং অমসুং প্রজাগী কান্নবগীদমক্তা দিল্লীদগী লুপা ১০০ থাদোকপা মতমদা প্রজাদা লুপং ১৫ খক্তমক য়ৌখি মরমদি গোবর্নেন্স তৌবগী মমল, দেমোক্রেসীগী মমল অসি থাদোকখিবা লুপা ১০০গী মনুংদা লুপা ৮৫ ওইখি।

২০১৫দা হলোঞ্চ তৌখিবা দি.পি.আই.না মরম ওইরগা, মালেম অসিগী খ্বাইদগী চাউবা লৈবাক অমসুং দেমোক্রেসী ওইরিবা ভারত অসিগী মতাংদা ওইরিবআ ৱারি অসি য়াম্না শাথিনা হোংলে, হৌজিক্তি রাজ্যগী রাজধানি নত্রগা কেন্দ্র রাজধানিদগী লুপা ১০০ থোকখ্রবদি কান্নহন্নগদা প্রজাশিংদা কান্নহন্নবা লুপা ১০০ অদুমক য়োখি। হৌখিবা চহি মঙা অসিদা মরক্তা অয়ুবা অমত্তা লৈতনা অমসুং ইন্তিমিদেশন অমত্তা লৈতনা ভারতকী নাগ্রিকশিংদা সরকারগী মাইকৈদগী বিলিয়ন দোলর ৪০০ ত্রান্সফর তৌখ্রে, মসি দি.পি.আই.গী শক্তিনি অমসুং ভারতনা উত্থোকখ্রিবা শক্তি অদুমক্নি। দিজিতেল ইকোনোমী অমসুং ভারতকী অপুনবা ইকোনোমীদা মসিগী পর্সেন্তেজ অসি ২০১৪দা ৩ অমসুং ৩.৫ % ওইরম্মি অমসুং ঙসিদি ১০% ওইরে অমসুং ঐখোয়না ২০২০-২৬ ফাওবদা মসিগী মশিং অসি ভারতকী জি.দি.পি.গী চাউরাক্না ২০% য়ৌগনি হায়না থাজবা থম্লি।

ভারতনা সাইবর লোগী গ্লোবল স্তেন্দার্দশিংগীদমক্তা তোঙান-তোঙানবা ফ্রেমৱার্কশিং শেম্নবা খন্না হোৎনরি। ঙসিদি তেক্নোলোজী অমসুং ইন্তর্নেত অসিনা অফবগী পাঙ্গলনি হায়বসি ঐখোয় ময়াম্না খঙই অদুবু তেক্নোলোজী অমসুং ইন্তর্নেত অসিদা ফত্তবগীশু অদুমক পাঙ্গল ওই অমসুং মরম অদুনা ঐখোয়না ৱাখল তিন্নবা লৈবাকশিংগা পুনশিন্নদুনা তুংগীদমক্তা সাইবর লো ফ্রামৱার্ক অমা শেম্নবা হোৎনরি, হায়রিবা অসিমকশু দি.পি.আই.গী পার্তনরশিপনা পাংথোকপা ঙমহনগদৌরিবনি।

ইন্দিয়া স্তেক অমসুং ভারত মশামক্কী দিজিতেলাইজেশন রেকোর্দ অসি ২০১৫দা ঐখোয়গী প্রধান মন্ত্রীগী পোলিতিকেল ভিজন অদুদগী হৌরকখিবনি, ৮৫% লীকেজ, গোবর্নেন্সতা চংবআ মমল ৮৫% অমসুং ৮৫% দেমোক্রেসীদা লৈরিবা স্ততস কো অদু য়ানিংলমদে। লৈবাক অসিনা গোবর্নেন্সকী কান্নবা ফাওবা অসি য়াম্না তঙাইফদে। তেক্নোলোজীনা মীয়ামগী পুন্সি ফগৎহনগদবনি। ইন্দিয়া স্তেকনা ইদেন্তিতী লেয়রগা হৌদোরকখি, হায়রিবা অসি আধার লেয়র অদুনি, মসিনা ইদেন্তিতী পী, ইদেন্তিতীবু ওথেন্তিকেত তৌবা হায়বসিনা হৌজিক্তি লেপ্তনা হোংলক্লিবা য়াম্না কমপ্লেক্স ওইবা স্তেক অমা ওইরে অমসুং ঐখোয়না ঙসি খুৎয়েক পীনখিবা পার্তনরশিপকী মতাংদা য়েংলকপা মতমদা ঐখোয়না দি.পি.আই. স্ত্রকচর অসি হোংলকপা উই অমসুং মখাতানা অমুকশু ইন্নোভেত তৌরি অমসুং আর্তিফিসিবেল ইন্তেলিজেন্স, লেঙগ্বেজ মোদেলগুম্বা তেক্নোলোজীশিং অসি থোক্লকপদগী হেন্না খোংজেল য়াংখৎখ্রে অমসুং মরম অদুনা ঐখোয়না পার্তনরশিপকী মতাংদা ঙসি দি.পি.আই.গী মরি লৈননা থাংগৎলক্লিবা ৱাফমশিং অসিনা হৌখিবা চহিশিং অসিদা দিজিতেলাইজেশন ৱাৎপা মালেম অসিদআ লৈরিবা লৈবাকশিংগীদমক্তদি ইতোংদা-তোংবা পার্তনরশিপনি। গ্লোবল তি.পি.আই. ফগরেমৱার্ককী মাইকৈদা থাজিল্লিবা খোংথাং অসি তেক্নোলোজীনা ইনক্লুসিব ওইবা ঙমগনি অমসুং ওইগদবনি হায়বা ৱাফম অসিগী মতাংদা হায়রি অমসুং তেক্নোলোজীনা মালেম অসিগী চাউখৎত্রিবা অমসুং য়াম্না খুমাং চাউশিন্দ্রিবা লৈবাকশিংবু এমপাৱর তৌগদবনি।

দি.পি.আই. ফ্রেমৱার্ক অসি দিজিতেল আসিদদি গোবর্নেন্সকী তুংলমচৎকী মতাংদনি। ভারতকী প্রেসিদেন্সী মনুংদা ওইরক্লিবা মোমেন্তম অসিনা দি.পি.আই. এপ্রোচ অসিগি মশক তাক্লে, ঐখোয়না এস.সি.ও. দিজিতেল মিনিস্তরশিংগী থাক্তা এন্দোর্সমেন্ত তৌবা থেংনখি, হায়রিবা অসি ক্বাদ লীদরশিংগী মীফমগা লোইন-লোইননা ইন্দো-ই.য়ু. ত্রেদ অমসুং তেক্নোলোজী কান্সিল মীফমশিংদশু উবা ফংখি। এন্দোর্সমেন্ত অমসুং সপোর্ত অসিনা দি.পি.আই.গী মরু ওইবা, মতিক অমসুং শক্তি অদুগী খুদম্নি, ঐগী ৱাখল্লোনদদি খুমাং চাউশিন্নবগীদমক্তা দিজিতেলাইজেশন মুবমেন্ত অসিদা শরুক য়ানিংবা অমসুং মসিদা মরু ওইবা থৌদাং লৌনিংবা মেম্বর ওইব আলৈবাকশিংদগী হকথেংননা মসিদা খুৎশম্ননা অমসুং হকথেংননা শরুক য়াবা তঙাইফদে।

প্রধান মন্ত্রী, নরেন্দ্র মোদী জীগী লুচিং মখাদা সরকার অসিনা লৈবাক অসি শিনবা থুংনা তোইনা উৎখ্রেমদুদি দি.পি.আই.শিং অসি খুমাং চাউশিনবা পাম্বা অমসুং চাউখৎপা পাম্বা মীশিংগী ফোর্স মল্তিপ্লায়রনি।হন্দক্তা অনেম্বা অমসুং মবাই ওইরপ তৌবা ইনকম লৈবা লৈবাকশিংদা দি.পি.আই. শিজিন্নবশিংনা চাউখৎ-ধৌরাংগী মতিক য়াম্না এন্না উৎখি। মরম অদুনা ঐখোয়না ত্রান্সপরেন্সীগী মতাংদা ঙাংবা মতমদা, ঐখোয়না এফিকেসি অমসুং রেসপোন্সিবনেসকী মতাংদশু ঙাংই। ঐখোয়না কাওরদবদি দি.পি.আই. শিজিন্নরিবা লৈবাক অদুগী দিজিতেল ইকোনোমী নত্রগা কম্যুনিতীগী দিজিতেল ইকোনোমীদা কাতলাইতিক ইফেক্ত লৈ। মখোয়না লৈবাকসিংগী মরক্তা লৈরিবা দিজিতেল দিভাইদ অদুবু কোকহনবদা লেবাকশিংবু এমপাৱর তৌরগনি, কনেক্তিবিতী হেনগৎহল্লগনি,  মখোয়গী নাগ্রিকশিংগীদমক্তা খুদোংচাবশিং পীরগনি। মরম অদুনা জি.২০.গী মীহুৎ অমা ওইনা, গ্লোবল জি.দি.পি.গী ৮৫% শরুক বাবগা লোইনা গ্লোবল ত্রেদকী ৭৫%দা শরুক য়াবা অমসুং মালেম অসিগী অপুনবা মীশিংগী শরুক ৩ থোকপগী ২ ওইবনা মথৌ তাবশিংগী মতেং পাংবা হায়বসি বাম্না তঙাইফদে, দি.পি.আই.দা ময়াম পুন্না ইনভেস্ত তৌবনা দিজিতেল ইকোনোমিশিং অমসুং সোসাইতীশিংদা খোংজেল বাংনা চাউকৎহনবদা য়াম্না চাউবা মল্তিপআলয়র ইফেক্ত অমা পীরগনি।  

মালেম অসিগী খ্বাইদগী য়াংনা চাউখৎলক্লিবা ফিন্তেক ইকোসীস্তেম ইন্দিয়াগী খ্বাইদগী মরু ওইরিবা য়ু.পি.আই. অসি ঙসিদি নাগ্রিকশিংদা সবসিদিশিং পীবদা সরকারনা মায়োক্নরম্লিবা  অদুগী সোল্যুশননি।

দি.পি.আই.দগী থোরকপা য়াম্না শক্তি লৈবা অফবা পাম্বৈশিং লৈ অদুবু মসিমদি ঐখোয়না খন্থবদা য়াম্না মরু ওই মদুদি তেক্নোলোজীনা অফবা পুরক্লিবা অদুগুম্না মসিনা শোকহনবা অমসুং ফত্তবা থবক কয়া অমসু থোরক্লি অমসুং ঐখোয়গী জি.২০ দিজিতেল এনভাইরনমেন্তকীদমক্তা কোওপরেশন পীনবা অসি পোইন্ত ৩দা য়ুমফম ওই।

অহানবদা ঐখোয়না খল্লি মদুদি ইন্দসত্রী অসিদা হান্নদগী লৈরম্লিবা অদুবু সরকারনা ফোর্মেল ওইবা মওংদা মশক কঙবীবা হায়বসি য়াম্না মরু ওই, ইন্নোভেশনদা অপনবা পীগদবা সেকভুরিতী থ্রেদশিং, তঙাইফদনা মরু ওইবা সর্বিসশিংদা থাজবা থম্বা অমসুং কম্জুমরশিংগী থজবা হেনগৎহনবা।  

অনিশুবদা দিজিতেল ইকোনোমীদা সেক্যুরিতী ৱাফম অসি দোমেস্তিক খক্কী ওইদ্রে অদুগা লমনা খাইদোকপশু য়াদ্রে। সাইবরক্রাইম অমসুং সাইবরসেক্যুরিতীগী মতাংদা লাকপা মতমদা মরাল লৈবা মীশক অদুনা জুরিসদিক্সন অমদা অমসুং ভিক্তিম অদুনা অতোপ্পা জুরিসদিক্সন অমদা অমসুং ক্রাইমথোক্লিবা মফম আদুনা অতোপ্পা জুরিসদিক্সন অমদা ওইবা য়াই। মরম অদুনা মসিদা মালেমগী ওইবা ফ্রেমৱার্ক অমসুং কোলাবোরেশন মথৌ তাই। দি.পি.আই. ফ্রেমৱার্ক অসিনা, ৱান ফ্যুচে এলাইন্স অসিনা পার্তনরশিপকী মতাংদা লৈরিবা ইশুশিং অদুবুশু য়েংশিল্লবা য়াই অমসুং সাইবরসেক্যুরিতী মতাংদা ঐখোয়গী আপ্রোচ্ অদুগি তুংলমচৎ অদুবুশু শেম্লবা য়াই।

স্কিলিং তৌবা অসি য়াম্না মরু ওই মরমদি এখোয়না এখোয়গী দিজিতেল ইকোনোমী শেমগৎপগী অমসুং চাউথোকপগী মিৎয়েং থম্বা হাববসি য়াম্না মরু ওই অমসুং মসিগী লম অসিদা ঐখোয়না মরু ওইবা থবক কয়া অমসু তৌখ্রে।

দিজিতেল ইকোনোমী অসি বাম্না শক্তি লৈরবা খুদোংচাবা অমনি অমসুং দি.পি.আই.শিং অসিনা মদুগী শক্তি লৈরবা খুদোংচাবশিং অদুবু ওইথোকহল্লিবনি। ইন্দিয়া স্তেক অমসুং গ্লোবল দি.পি.আই সম্মিত অমসুং মসিগী মতাংদা শানরিবা ৱারিশিং অদুনা ভারতকী প্রেসিদেন্সী অসিগী ভিজন ৱাসুধবা কুরুম্বাকাম অসিগা মান্নৈ, মসিদা ঐখোয়না ইমুং অমত্তা ওইনা তেক্নোলোজীশিং অমসুং মরু ওইনা দি.পি.আই.শিং শিজিন্নদুনা ঐখোয় মবামগী তুংলমচৎপু এন্না ফ্ন্নবগীদমক্তা থবক তৌরি। মসিদা চাউখৎলবা অমসুং চাউখৎলক্লিবা লৈবাকশিং অনিমক্না দিজিতেল ইকোনোমিশিং অসিনা পীরিবা খুদোংচাবশিং অসিবু শিজিন্ননবা হোৎনরি, মসিদা লৌবা য়াবা য়াদবগী ৱাফম অমত্তা লৈতে।

লাক্কদবা দিকেদ অসিবু তেকেদ হায়না কঙনরগদবনি, তেক্নোলোজীগী ওইবা খুদোংচাবশিং অমসুং পার্তনরশিপকী দেকেদ ওইনা খঙনরগনি অমসুং অসিগুম্বা মখলগী পার্তনরশিপ অসিনা ফাওগৎলক্লিবা দিজিতেলগী খুদোংচাবশিং অসিবু তান্নবদা লৈবাক কুদিংমকপু অয়াবা পীগনি। দিজিতেল ৱার্কিং গ্রুপ অসিনা মসিদা শরুক বারিবা মেম্বর খুদিংমক্তা কান্নহনগদবা ফলশিং অদু ফংবা ঙম্না য়াম্না নক্না কুৎশম্নদুনা থবক তৌগনি।  ঐখোয়না পুন্না থবক তৌমিন্নবনা হেন্না ফবা তুংলমচৎ অমা শেম্বা ঙম্নগনি, মসিদা ঐখোব পুম্নমক্কী অমসুং ঐখোয় মীশিংগীদমক্তা হেন্না ফবা দিজিতেলগী ওইবা তুংলমচৎ অমা শেম্লগনি।

*****