রেলৱেনা ২০২৩গী মে থা মনুংদা মেত্রিক তন ১৩৪গী পোৎ পুথোক-পুসিন তৌখি, মমাং চহিগী মে থাদা মেত্রিক তন ১৩১.৫০গী পোৎ পুথোক-পুসিন তৌখি। মমাং চহিগা য়েংনবদা পোৎ পুথোক-পুসিন তৌবদা চাউরাক্না চাদা ২ হেনগৎখি। ২০২২গী মে থাদা পোৎ পুথোক-পুসিন তৌবগী রেভেন্যু লুপা করোর ১৪০৮৩.৮৬ ওইখিবা অদু ২০২৩গী মে থাদা লুপা করোর ১৪৬৪১.৮৩ ওইদুনা মমাং চহিদগী চাউরাক্না চাদা ৪ হেনখি।  

মমাং চহিগী এপ্রিলদগী মে ফাওবদা মেত্রিক তন ২৫৩.৪৮গী পোৎ পুথোক-পুসিন তৌখিবা অদুগা চাংদম্নবদা ২০২৩গী এপ্রিলদগী মে ফাওবদা মেত্রিক তন ২৬০.২৮গী পোৎ পুথোক-পুসিন তৌদুনা মমাং চহিদগী চাউরাক্না চাদা ৩ হেনগৎলে। রেলৱেনা হৌখিবা চহিদা লুপা করোর ২৭০৬৬.৪২ তানখিবা অদুগা য়েংনবদা লুপা করোর ২৮৫১২.৪৬ তান্দুনা মমাং চহিগী মান্নবা মতমগা চাংদম্নবদা চাউরাক্না চাদা ৫ হেনখি।

২০২৩গী মে থাদা ইন্দিয়ন রেলৱেনা কোয়লাদা মেত্রিক তন ৬৫.৮৯গী পোৎ পুথোক-পুসিন তৌবা ঙমখি, মদুগী মখা তারকপদা আইরন ওরদা মেত্রিক তন ১৫.২৩, সিমেন্তদা মেত্রিক তন ১৩.২০, লেমহৌরিবা অতোপ্পা পোৎ-চৈশিংদা মেত্রিক তন ১০.৯৬, কন্তেনরদা মেত্রিক তন ৬.৭৯, ফর্তিলাইজরদা মেত্রিক তন ৪.৮৯, মহৈ মরোংদা মেত্রিক তন ৪.৮৯ অমসুং মিনরেল ওইলদা মেত্রিক তন ৪.২৩ পুথোক-পুসিন তৌখি।

“হঙগ্রী ফোর কার্গো”গী মন্ত্রা ঙাক্না চৎতুনা ইন্দিয়ন রেলৱেনা লালোন ইতিক তৌবা লাইথোকহনবা হেনগৎহনবগা লোয়ননা কম্পিতিতিব প্রাইসতা সর্বিস দিলিবরী ফগৎহন্নবা লেপ্পা লৈতনা হোৎনরি। এজাইল পোলিসীনা ঙাকলৌ পীবা কস্তমর সেন্ত্রিক এপ্রোচ অমসুং বিজিনেস দিবলপমেন্ত য়ুনিতশিংগী থবক্না রেলৱেবু মশক নায়বা এচিবমেন্ত অসি ফংবদা মতেং ওইরি।

***