ରେଲୱେ ମେ 2023 ରେ 134 ମେଟ୍ରିକ ଟନ୍ ମାଲ୍ ପରିବହନ କରିଛି, ଗତ ବର୍ଷ ମେ ମାସରେ 131.50 ମେଟ୍ରିକ ଟନର ମାଲ୍ ପରିବହନ କରାଯାଇଥିଲା। ଗତ ବର୍ଷ ତୁଳନାରେ ମାଲର ପରିବହନ ପ୍ରାୟ 2 ପ୍ରତିଶତ ଉନ୍ନତି ହୋଇଛି। ମେ 2022 ରେ ମାଲ୍ ପରିବହନରେ 14083.86 କୋଟି ଟଙ୍କା ରାଜସ୍ବ ପ୍ରାପ୍ତ ହୋଇଥିଲା, ଯେତେବେଳେ କି ମେ 2023 ରେ ଏହା ପ୍ରାୟ ଚାରି ପ୍ରତିଶତ ବୃଦ୍ଧି ହୋଇ 14641.83 କୋଟି ଟଙ୍କା ହୋଇଛି। 

ଗତ ବର୍ଷ ଏପ୍ରିଲ୍-ମେ ରେ 253.48 ମେଟ୍ରିକ ଟନ୍ ମାଲ୍ ର ପରିବହନ କରାଯାଇଥିଲା। ଚଳିତ ବର୍ଷ ଏପ୍ରିଲ-ମେ 2023 ସୁଦ୍ଧା ପୌନପୁନିକ ଆଧାରରେ 260.28 ମେଟ୍ରିକ ଟନ୍ ମାଲ୍ ପରିବହନ କରାଯାଇଛି, ଯାହା ଗତ ବର୍ଷ ତୁଳନାରେ ପ୍ରାୟ 3 ପ୍ରତିଶତର ଉନ୍ନତିକୁ ଦର୍ଶାଇଥାଏ। ରେଲୱେ ଗତ ବର୍ଷ ତୁଳନାରେ ଚଳିତ ବର୍ଷ ଆୟରେ 5 ପ୍ରତିଶତର ଉନ୍ନତି କରିଛି। 2022 ରେ ରେଲୱେ 27066.42 କୋଟିର ଆୟ ହାସଲ କରିଥିଲା, ଯାହା ଚଳିତ ବର୍ଷ ବୃଦ୍ଧି ହୋଇ 28512.46 କୋଟି ଟଙ୍କା ହୋଇଛି। 

ମେ 2023 ରେ ଭାରତୀୟ ରେଳୱେ 65.89 ମିଲିୟନ ଟନ୍ କୋଇଲା, 15.23 ମିଲିୟନ ଟନ୍ ଆଇରନ୍ ଓର, 13.20 ମିଲିୟନ ଟନ୍ ସିମେଣ୍ଟର ମାଲ୍ ପରିବହନ କରିଛି। ଏହା ଅତିରିକ୍ତ ଶେଷ ଅନ୍ୟ ବସ୍ତୁ ମଧ୍ୟରେ ରହିଛି 10.96 ମିଲିୟନ ଟନ୍, କଣ୍ଟେନରରେ 6.79 ମିଲିୟନ ଟନ୍, ଉର୍ବରକରେ 4.89 ମିଲିୟନ ଟନ୍, ଖାଦ୍ୟାନ୍ନରେ 4.85 ମିଲିୟନ ଟନ୍ ଏବଂ ଖଣିଜ ତୈଳରେ 4.23 ମିଲିୟନ ଟନ ମାଲ୍ ର ପରିବହନ କରାଯାଇଛି। 

‘‘ହଙ୍ଗ୍ରୀ ଫର କାର୍ଗୋ’’ ମନ୍ତ୍ରର ପାଳନ କରି ଭାରତୀୟ ରେଳ ବ୍ୟବସାୟ କରିବାରେ ସୁଗମତା ସହିତ ପ୍ରତିଯୋଗୀତା ମୂଲ୍ୟରେ ସେବା ବିତରଣରେ ଉନ୍ନତି ପାଇଁ ନିରନ୍ତର ପ୍ରଚେଷ୍ଟା କରିଛି। କୁଶଳ ନୀତି ନିର୍ମାଣ ଦ୍ବାରା ସମର୍ଥିତ ଗ୍ରାହକ କୈନ୍ଦ୍ରିକ ଦୃଷ୍ଟିକୋଣ ଏବଂ ବ୍ୟବସାୟ ବିକାଶ ୟୁନିଟ କାରଣରୁ ରେଲୱେର ଏହି ମହତ୍ତ୍ବପୂର୍ଣ୍ଣ ଉପଲବ୍ଧି ହାସଲ କରିବାରେ ସହାୟତା ମିଳିଛି।

BS