ইনফোর্মেসন অমদি ব্রোদকাস্তিং মন্ত্রালয়না ঙসি অন্তরাস্ত্রিয় য়োগ দিবস মেদিয়া সম্মানগি অনিশুবা ইদিসন লাউথোকখ্রে‍।

অন্তরাস্ত্রিয় য়োগ দিবস মেদিয়া সম্মান ২০২৩গী মখাদা, মনা কুন্থ্রাহুমদোই ভারতকী লোল কুননিথোই অমদি ইংলিসতা প্রিন্ত, তেলিভিজন অমদি রেদিও হায়রিবা কাঙলুপ অহুমসিদা মখাগী অসুম্না লান্থোক্কনি

১. ভারতকী লোল ২২ অমদি ইংলিসতা সম্মান ১১ – “বেস্ত মেদিয়া কভরেজ ইন য়োগ ইন নিউজপেপর” হায়রিবা কাঙলুপ অসিদা লান্থোক্কদবা

২. ভারতকী লোল ২২ অমদি ইংলিসতা সম্মান ১১ – “বেস্ত মেদিয়া কভরেজ ইন য়োগ ইন ইলেকত্রোনিক মেদিয়া (তি.ভি.)” হায়রিবা কাঙলুপ অসিদা লান্থোক্কদবা

৩. ভারতকী লোল ২২ অমদি ইংলিসতা সম্মান ১১ – “বেস্ত মেদিয়া কভরেজ ইন য়োগ ইন ইলেকত্রোনিক মেদিয়া (রেদিও)” হায়রিবা কাঙলুপ অসিদা লান্থোক্কদবা

প্রধান মন্ত্রী শ্রী নরেন্দ্র মোদীনা মরম ওইরগা, চহি খুদিংগী জুন ২১দা পাঙথোক্লিবা, ইন্তরনেস্নেল য়োগ নুমিৎ অসিনা মালেম শিনবা থুংনা মশা মউ ফবা অমদি তিঞ্জং কায়জঙদবা পুন্সিরোল অমা থম্নবগী মীয়ামগী ওইবা ইহৌ অমা পোকহল্লে হায়না, ইং ২০২৩গী মনাশিং লাউথোক্লদুনা কেন্দ্র মন্ত্রী শ্রী অনুরাগ থাকুরনা হায়খি‍।

য়োগন ঙমখৈ অমদি নাৎকী পল লান্থোক্তুনা মালেম শিনবা থুংনা মীওই মিলিয়ন কয়াগী পুক্নিং চিংশিল্লি হায়না মহাক্না মখা তাখি‍। মসিনা হকচাঙ, পুক্নিং অমদি ৱাখল ফনা থম্বা হায়রিবা পুম্নমকসি কোনশিন্দুনা চঙশিনবা মতৌসিনা মীয়ামগী পুক্নিং চিংশিন্দুনা মসিবু মালেমগী ওইবা ইহৌ অমা ওইহল্লি‍। হায়রিবা অসি মেদিয়ানা চোকথবা নাইদনা মীয়াম্না পাক শন্না খঙহন্নবা শন্দোকপা অমদি য়োগগি মতিংবু উত্থোক্লিবা অসি য়াওদনা ওইথোকপা ঙম্লম্লোই‍। হায়রিবশিং অসিবু শকখঙদুনা, ইনফোর্মেসন অমদি ব্রোদকাস্তিং মন্ত্রালয়না চহি অসিদা অন্তরাস্ত্রিয় য়োগ দিবস মেদিয়া সম্মানগী ২শুবা ইদিসন পাঙথোক্নবা ফিরেপ লৌরে হায়না ঐনা মীয়ামগী মফমদা লাউথোকচরি‍ হায়না মহাক্না ফোঙদোকখি‍।

মনা অসিনা ভারতকী মনুং অমদি মপান অনিমক্তা য়োগগী মরমদা শন্দোকপদা মেদিয়ানা লৌরিবা মরুওইবা থৌদাংবু শিংথারি‍। ঐখোয়না মালেমগী য়োগ নুমিৎ পাঙথোকপগা লোয়ননা, হায়রিবা অরিবা মতমদগী চৎনরক্লবা থৌওং অমদি মসিগী কান্নবশিংবু শন্দোকপদা মেদিয়ানা লৌরিবা অচৌবা মতিক অমদি থৌদাংবু শকখঙবা হায়বসি মরুওই হায়না শ্রী থাকুরনা মখা তাখি‍।

হায়রিবা পাক শন্না চৎনরিবা থৌওং অসিবু খঙজিনবা, য়ানিংহনবা অমদি লৌশিনবদা মেদিয়ানা পাম্বৈ অমা ওইদুনা লাক্লি‍। মসিবু চহি কাঙলুপ, হৌরকফম অমদি হকচাঙগী ফীভম্না তৌবা ঙম্বগী ফীভমগী খেন্নবা লৈহন্দনা পুম্ননমক্না পাঙথোকপা য়াবা থৌওং অমা ওইনা পুথোকপদা চাউনা মায় পাকহল্লি হায়নসু মহাক্না ফোঙদোকখি‍।

মতিং হাপ্পগী থৌদাং অসি য়াবগীদমক মেদিয়াবু থাগৎলদুনা, শ্রী থাকুরনা হায়খি, “ভারত অমদি মালেম শিনবা থুংনা য়োগগী মরমদা শন্দোকপদা লৌরিবা মমল নাইদ্রবা থৌদাংসিগীদমক ঐনা মেদিয়াবু থম্মোয় শেংনা থাগৎপা ফোঙদোকচরি‍। অদোম্না খোঙফম হোংদনা থৌওং অসিগি মতিকপু শন্দোকপদা লেপ্তুনা য়োগবু মীপুম খুদিংমক্কী ওইবা তিঞ্জং কায়জঙদবা পুন্সিগী পাম্বৈ অমা ওইহনবদা মশক থোকপা থৌদাং য়াখিবনি‍।”

মনা অসি মনিং মখা তম্বা জুরী অমনা রিকম্মেন্দ তৌগদবনি‍। মনা অসিদা অখন্নবা মেদিয়া/প্লেক/ত্রোফী অমা অমদি সাইতেসন অমা য়াওরি‍।

চৎন-পথাপ অসিদা মেদিয়া হাউসশিংনা অপিবা ফোর্মেত্তা অকুপ্পা ৱারোলশিং জুন ১০, ২০২৩ দগী জুন ২৫, ২০২৩ ফাওবগী মনুংদা ফোঙখিবা মরী লৈনবা আর্তিকল(শিং) নৎত্রগা শন্দোকখিবা ওদিও/ভিজুএল মচাকশিংগা লোয়ননা থাজিল্লক্কদবনি‍। এন্ত্রী থাজিনবগী অরোইবা নুমিৎ জুলাই ১, ২০২৩নি‍।

অকুপ্পা ৱারোল প্রেস ইনফোর্মেসন ব্যুরোগী ৱেবসাইত (https://pib.gov.in/indexd.aspx ) অমদি আই.বি. মন্ত্রালয়গী ৱেবসাইত (https://mib.gov.in/ ) তা ফংবিগনি‍।

অন্তরাস্ত্রিয় য়োগ দিবস মেদিয়া সম্মানগী মরমদা

ভারত অমদি মপানদা য়োগগী মরমদা শন্দোকপদা মেদিয়ানা লৌরিবা অচঙবা শক্লোন অমদি থৌদাংবু শকখঙলদুনা, আই.বি. মন্ত্রালয়না অহানবা অন্তরাস্ত্রিয় য়োগ দিবস মেদিয়া সম্মান (এ.ৱাই.দি.এম.এস.) জুন, ২০১৯দা হৌদোকখিবনি‍। অহানবা ইদিসনগী মনাশিং জনুৱারী ২০২০দা লান্থোকখি অমদি মদুগী মতুংদা কোবিদ ১৯ লাইচৎনা মরম ওইরগা মতম খরা লেপ্লুরে‍। ইনফোর্মেসন অমদি ব্রোদকাস্তিং মন্ত্রালয়না মনা অসিবু অমুক হিঙ্গৎহন্দুনা অনিসুবা ইদিসন ২০২৩দা পাঙথোক্নবা ফিরেপ লৌবনি‍।

মালেমগী য়োগ নুমিৎ ইং ২০১৫দগী হৌরগা চহিগী ওইনা জুন ২১দা পাঙথোক্তুনা লাক্লি‍। মালেমগী য়োগ নুমিৎকী ৱাখল্লোন অসি সেপ্তেম্বর ২৭, ২০১৪দা পাঙথোকখিবা য়ুনাইতেদ নেসন্স জেনেরেল এসেমব্লী (য়ু.এন.জি.এ.)দা ৱা ঙাঙবদা ভারতকী প্রধান মন্ত্রী শ্রী নরেন্দ্র মোদীনা অহানবা ওইনা হৌদোকখিবনি‍।

ৱাখল্লোন অসিবু হৌদোক্লদুনা প্রধান মন্ত্রীনা থমখিবা ৱাফমদি:

“য়োগ অসি ভারতকী অরিবা চৎনবীগী মমল নাইদ্রবা খুদোল অমনি‍। মসিদা পুক্নিং অমদি হকচাঙ; ৱাখল অমদি থবক; ফাজিনবা অমদি নিংবা থুংবগী অপুনবা; মীওইবা অমদি মহৌশাগী অপুনবা; হকচাঙ ফবা অমদি তিঞ্জং কায়জঙদবগী অপুনবা থৌওংশিং য়াওরি‍। মসি শাজেলগী ৱাফম নত্তে, অদোম ইশাগা, মালেম অমদি মহৌশাগা অমত্তা ওইবগী ৱাখল্লোনবু থিননবা পাম্বৈনি‍। ঐখোয়গী পুন্সি মহিং হোংদোক্তুনা অমদি ইশানা ইশাবু মশক খঙজদুনা, মসিনা তিঞ্জং কায়জঙদবা ফীভম পুরকপদা মতেং পাংগনি‍। ঐখোয় মালেমগী য়োগ নুমিৎ অমা পাঙথোক্নবগী মায়কৈদা থবক পায়খৎমিন্নসি‍।”

অহানবগী ৱাহৌদোক অসিগী মতুংদা, য়ু.এন.জি.এ.না ওক্তোবর ১৪, ২০১৪দা “ইন্তরনেস্নেল দে ওফ য়োগ” হায়না মমিং থোনবা দ্রাফ্ত রিজোলুসন অমদা ইনফোর্মেল ওইনা খন্ন-নৈনখি‍। খন্ন-নৈনবা অদু ভারতকী দেলিগেসন্না শিন্দুনা পাঙথোকখিবনি‍। দিসেম্বর ১১, ২০১৪দা ভারতকী পর্মেনেন্ত রিপ্রেজেন্তেতিবনা য়ুনাইতেদ নেসন্স জেনেরেল এসেমব্লীদা দ্রাফ্ত রিজোলুসন অসি পুথোকখি‍। দ্রাফ্ত অদু স্পোন্সর তৌখিবা মেম্বর স্তেত ১৭৭দগী ঙাক্লৌ ফংদুনা, ভোত তৌনদনা লৌশিনখি‍। থৌরাং অদুদা মালেমগী লুচিংবা অয়াম্বদগী ঙাক্লৌ ফংখি‍। পুন্না লৈবাক ১৭৭না রিজোলুসন অদুবু কো-স্পোন্সর তৌদুনা, অসিগুম্বা মখলগী য়ু.এন.জি.এ. রিজোলুসন অমা হেক্তদা খ্বায়দগী মশিং য়াম্বা কো-স্পোন্সর ফংবা ওইখি‍।

****