জি20 ইন্দিয়া প্রসিদেন্সীগী শরুক ওইনা অহুমশুবা হেল্থ ৱার্কিং গ্রুপ মীতিং হায়দ্রবাদতা পাংথোক্লগনি। মসিদা জি20 হেল্থ ত্রেক্কী মরুওইবা প্রায়োরিতী অহুমদা মীৎয়েং থমগনি। অহুমশুবা হেল্থ ৱার্কিং গ্রুপকী নাকলগী থৌরমশিংদা ফার্মা, ভেক্সিন, থেরাপ্যুতিক অমসুং দাইগ্নোস্তিক্স য়াওনা হেল্থ সেক্তরদা রিসর্স অমসুং ইনোভেসন হায়লাইত তৌগনি। ৱাফম অসি শ্রী লব অগ্রৱাল, এদিস্নেল সেক্রেতরী, মিনিস্ত্রী ওফ হেল্থ এন্দ ফেমেলী ৱেলফেয়রনা হায়দ্রবাদতা হয়েংদগী হৌগদৌরিবা নুমিৎ হুমনি পাংথোক্কদবা থৌরমগী মাংওইননা মীদিয়াদা থমখিবা ৱাফমদা ফোংদোকখিবনি।

মেদিয়াদা ৱা ঙাংলদুনা এদিস্নেল সেক্রেতরীনা ফোংদোকখি মদুদি 2022গী দিসেম্বর 1দা ৱান আর্থ, ৱান ফেমিলী, ৱান ফ্যুচর, বসুদেব কুতুম্বকমগী থীমগা লোয়ননা জি20 প্রসিদেন্সীগী চার্জ লৌদুনা ভারতনা পুৱারী অমা শেমখ্রে। জি20দা ভারতকী প্রসিদেন্সীগী ওইবা প্রধান মন্ত্রীগী মীৎয়েং অদু ফংদোক্লদুনা মহাক্না হায়খি মদুদি “মসি ইনক্লুসিব, এম্বিসিয়স, এক্সন ওরিয়েন্তেদ, অমসুং দেসিসিব ওইগনি।”

জি20 হেল্থ প্রায়োরিতীশিংদা পল্লদুনা শ্রী লব অগ্রৱালনা ফোংদোকখি মদুদি ভারতকী জি20 প্রসিদেন্সীনা প্রায়োরিতী অহুমদা মীৎয়েং থম্লি মসিদা হেল্থ ইমার্জেন্সী প্রিভেন্সন, এন্তি-মাইক্রোবিএল রেজিস্তেন্স অমসুং ৱান হেল্থ ফ্রেমৱার্ক, সেফ, ইফেক্তিব, ক্বালিতী অমসুং এফোর্দেবল মেদিকেল কাউন্তরমীজর (ভেক্সিন, থেরাপ্যুতিক্স অমসুং দাইগ্নোস্তিক্স)দা এক্সেস অমসুং এবাইলেবিলিতীদা মীৎয়েং অমগা লোয়ননা ফার্মাক্যুতিকেল সেক্তরদা কোওপরেসন হেনগৎহনবা, অমসুং য়ুনিবর্সেল হেল্থ কবরেজ তৌনবা অমসুং হেল্থকেয়র সর্বিস দেলেবরী ফগৎহন্নবা দিজিতেল হেল্থ ইনোবেসনশিং অমসুং সোলুসনশিং য়াওরি। 3শুবা হেল্থ ৱার্কিং গ্রুপ মীফমনা মসিগী নাকলগী থৌরমদা রিসর্স অমসুং দিবলপমেন্ত অমসুং ইনোবেসন্দা মীৎয়েং থমগনি।

পাংথোক্কদৌরিবা হেল্থ ৱার্কিং গ্রুপ মীতিংদা ৱা ঙাংলদুনা শ্রী লব অগ্রৱালনা হায়খি মদুদি পাংথোক্কদৌরিবা মীফম অসিদা মেম্বর 180, বার্তন তৌবা লৈবাক 10 অমসুং ইন্তরনেস্নেল ওর্গনাইজেসন 22না শরুক য়াগনি। মরুওইবা থৌরমগী মথক্তা নাকলগী ওইবা থৌরমনা মালেম পুম্বদা এক্সেস লিবরেজ তৌগদবা নেতৱার্ক শেম্নবগীদমক রিসর্স দিবলপমন্ত অমসুং ইনোবেসনগী ফ্রেমৱার্ক পুথোকপদা মীৎয়েং থমগনি।

মসিগী মথক্তা গ্লোবেল ভেক্সিন কোলাবোরেতিবদা কো-ব্রান্দেদ থৌরম অমসু লৈগনি লোয়ননা রিসর্স অমসুং দিবলপমেন্ত অমসুং ফার্মাক্যুতিকেল মেনুফেকচরিংদা ভারতকী শক্তি উৎলিবা জেনোম ভেল্লীসু চৎকনি।

দা. মনিশা ভর্ম, এ.দি.জি. পি.আই.বি. দিল্লী অমসুং শ্রী বালকৃষ্ণ, জোইন্ত দাইরেক্তর, পি.আই.বি., হায়দ্রবাদসু থৌরমদুদা শরুক য়াখি।

****