কেমিকেল্স অমসুং ফর্তিলাইজর্সকী কেন্দ্র মন্ত্রী, শ্রী বগৱত খুবানা ঙসি “ফ্যুচর হেল্থ ইমর্জেন্সীশিংদা মীৎয়েং থম্বা মেদিকেল কাউন্তরমিজরশিং (দাইগনোস্তিক্স, ভেক্সিনশিং অমসুং থেরাপ্যুতিক্স)শিংদা রিসর্চ অমসুং দিবেলপমেন্তদা গ্লোবেল কোল্লাবোরেসন নেৎৱার্ক মপাঙ্গল কনখৎহনবা” হায়না মীংথোনবা ৩শুবা জি২০ হেল্থ ৱার্কিং গ্রুপ মীফমগী সাইদ-ইভেন্তদা পাঙথোকপা থৌরম অসিদা হৌদোকপগী ৱারোল পীখ্রে। মসিদা নিতি আয়োগকী মেম্বর (হেল্থ) দা. ভি.কে. পোলসু শরুক য়াখি।থৌরম অসিগী পান্দমদি ভারতকী জি২০ প্রসিদেন্সগী অনিশুবা মরু ওইবা হীরম অদু নৌনা চেৎশিনহনবনি, মদুদি ক্বালিতী লৈবা, অফবা, শাফবা অমসুং অহোংবা মেদিকেল কাউন্তরমিজরশিং (এম.সি.এম.) এক্সেস তৌবা অমসুং ফংহনবদা মীৎয়েং থম্বগা লোয়ননা ফার্মাস্যুতিকেল সেক্তরদা তেংবাং পীনবা মপাঙ্গল কনখৎহনবনি। ভেক্সিন, থেরাপ্যুতিক্স, অমসুং দাইগনোস্তিক্স (ভি.তি.দি.) ভেল্যু চেনশিংগী মচাক অমমমদা চপ মান্ননা মরু ওইবা মীৎয়েং চংদুনা ভারতকী জি২০ প্রসিদেন্সীনা এম.সি.এম. ইকোসিস্তেমগী অপস্ত্রীম অমসুং দাউনস্ত্রীমগী তোঙান-তোঙানবা হীরমশিংদা করম্না তেংবাং পীনবা হায়বা অসিগী মতাংদা খন্নরি।

থৌরম অসিদা ৱা ঙাংলদুনা শ্রী ভগৱত খুবানা হৌজিক লৈরিবা হেল্থ আর্কিতেকচরশিং মপাঙ্গল কনহনবা অমসুং মাংদা থোকখ্রবা অমসুং তুংদা থোরক্কদবা লাইচৎশিং লাকশিন্নবা নীংথিনা শেম শাবা মথৌ তাই হায়না ফোঙদোকখি। মহাক্না হায়খি মদুদি “মালেম শিনবা থুংবদা লৈরিবা লৈবাকশিংনা থোরক্লিবা হকশেলগী শীংনবশিং অসিগী নোবেল সোল্যুসনশিং পুথোকপদা রিসর্চ অমসুং দিবেলপমেন্ত খুৎশম্নবা মরু ওই হায়বা খঙলে”।

শ্রী ভগৱত খুবানা হায়খি মদুদি কোল্লাবোরেতিব রিসর্চনা তোঙান-তোঙানবা দিস্সিপ্লিনশিং অমসুং ইন্সতিত্যুসনশিংদগী এক্সপর্তিস অমসুং রিসোর্সশিং পুলিং তৌবা ঙমহন্দুনা লাইনাশিং হেন্না মুন্না খঙবা অমসুং হেন্না ফবা ভি.তি.দি.শিংগী দিবেলপমেন্ত ঙমহল্লি। মহাক্না হায়খি, “রিসর্চ অমসুং দিবেলপমেন্ত কোল্লাবোরেসনগীদমক গ্লোবেল হেল্থ ওর্গনাইজেসনশিং অমসুং স্তেকহোল্দরশিংগা লোয়ননা থবক তৌবনা রিসোর্স এল্লোকেসন তৌবদা মতেং পাংগনি, ফন্দিং, মেদিকেল সপ্লাইশিং, পর্সনেল, অমসুং ইনফোর্মেসন অসিগুম্বা রিসোর্সশিং অসি ফজনা অমসুং নীংথিনা য়েন্থোকপা ঙমহল্লি। প্রাইওরিতীশিং অসি এলাইন তৌদুনা খোঙথাংশিং অসিগী দুপ্লিকেসন মিনিমাইজ তৌবা ঙমহনগনি অমসুং রিসোর্সশিং অসি খ্বাইদগী মথৌ তাবা মফমশিং অমসুং মীওইশিংদা ফংহনবা ঙমগনি”।

কেন্দ্র মন্ত্রীনা গ্লোবেল আর এন্দ দি নেৎৱার্ক  অসি ভারতকী জি২০গী আইদিওলোজী, “বসুধৈব কুতুম্বকম” – ৱান আর্থ, ৱান ফেমিলি, ৱান ফ্যুচরগী ৱাখল্লোনগী মখাদা থবক তৌরি অমসুং মসিগী পান্দম অসি শাফবা, অফবা, ক্বালিতী লৈবা অমসুং অহোংবা মেদিকেল কাউন্তরমিজরশিং (ভি.তি.দি.শিং) এক্সেস তৌনবা কোল্লাবোরেসন য়োকখৎপনি। মহাক্না হায়খি, “থৌশিল অসিনা তঙাই ফদবা মেদিকেল রিসোর্সশিংদা য়ুনিভর্সেল এক্সেস ফংহন্নবা অচৌবা পান্দমগা লোয়ননা ভি.তি.দি.শিংগীদমক গ্লোবেল রিসর্চ অমসুং ইন্নোবেসন্দা লৈবাকশিংগী মরক্তা কোওপরেসন অমসুং পার্তনরশিপশিং হেনগৎহনবনি”।

শ্রী ভবৱত খুবনা হায়খি “জি২০গী ভারতকী প্রসিদেন্সীনা ইকাই খুম্নরবা প্রধান মন্ত্রীনা ফোঙদোকখিবগী মতুং ইন্না থোরক্লিবা গ্লোবেল ইস্যুশিং কোকহন্নবা শীংনবশিংগী সোল্যুসনশিং পুরকপদা লৈবাকশিংগী ইন্তরকন্নেক্তেদনেস অমসুং অপুনবগী থৌদাংশিং শকখঙলদুনা ইন্তর্নেস্নেল কোল্লাবোরেসন য়োকখৎপদা মীৎয়েং চংখি”। ভারতনা লেপ্পা লৈতনা ৱর্ল্দ হেল্থ এসেমব্লী, ৱর্ল্দ ইকনোমিক ফোরম অমসুং জি৭ অসিগুম্বা গ্লোবেল প্লেৎফোর্মশিংদা রিসর্চ অমসুং ইন্নোবেসন্দা অকনবা মীৎয়েং চংখি হায়রদুনা মহাক্না “চংশিন্নবা খোঙথাং অসিগী মপুং ওইবা পান্দম অসি মরু ওইবা লমশিং অমসুং লাইনাশিংদা রিসর্চ অমসুং ইন্নোবেসনগী খোঙথাং হেনগৎহনবনি” হায়না ফোঙদোকখি।

কোল্লাবোরেতিব রিসর্চকী মাইকৈদা লৌখৎপা ভারতকী খোঙথাংশিংগী মতাংদা মহাক্না হায়খি, “কোল্লাবোরেসনগীদমক অফবা খুদোংচাবা কয়া পীরিবা বাইওফার্মাস্যুতিকেল্সকীদমক ঙন্না দিবেলপমেন্ত তৌবদা খোঙজেল য়াংশিন্নবা পান্দম থমখিবা ইন্দস্ত্রী-একাদেমিয়া কোল্লাবোরেতিব মিসন অমা ওইরিবা নেস্নেল বাইওফার্মা মিসনগী খুত্থাংদা নেস্নেল লেনেলদা কোল্লাবোরেতিব রিসর্চ অমসুং দিবেলপমেন্তগী মাইকৈদা মরু ওইবা খোঙথাং অমা ভারতনা পাইখৎলি”। মহাক্না হায়খি, “নেস্নেল কোল্লাবোরেসনগী শীংথাবা য়াবা খুদম অমদা কেন্দ্রগী হকশেল অমসুং য়াইফ য়ুম্বাল মন্ত্রালয়, দিপার্তমেন্ত ওফ বাইওতেক্নোলোজী (দি.বি.তি.), কাউন্সিল ফোর সাইন্তিফিক এন্দ ইন্দস্ত্রিএল রিসর্চ (সি.এস.আই.আর.), অমসুং ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না পুন্না পাইখৎপা ইন্দিয়ন সার্স-কোব-২ জিনোমিক্স কনসোর্তিয়ম (আই.এন.এস.এ.সি.ও.জি.) য়াওরি”।

কেন্দ্রগী মন্ত্রীনা হায়খি ভারতপু মালেমগী ফার্মাসী ওইনা শকখঙবা হায়বা অসি মালেম শিনবা থুংবদা অফবা হেল্থ আউৎকমশিং পুথোকপদা মাগী ফার্মাস্যুতিকেল কম্পনীশিংনা লৌরিবা মরু ওইবা থৌদাংবু শকখঙবনি। মহাক্না হায়খি “ভারতকী ফার্মা কম্পনীশিংনা মখোয় মশাবু মালেম শিনবা থুংবদা হেল্থকিয়র এক্সেস তৌবা হেনগৎহন্নবা চাউনা শরুক তমদুনা থাজবা য়াবা অমসুং অহোংবা হায়-ক্বালিতী দ্রগশিংগী সপ্লায়রশিং ওইনা লেপ্পা ঙমখি”। মহাক্না মখা তারদুনা হায়খি “ভারতনা গ্লোবেল ভেক্সিন সপ্লাইগী চাউরাক্না ৬০% পীরি, মসি জেনরিক এক্সপোর্তশিংগী ২০-২২% ওইরি অমসুং মাগী ফার্মা এক্সপোর্তশিংগী খুত্থাংদা লৈবাক ২০০ হেনবগী শেবা তৌরিবা ফার্মাস্যুতিকেল্সকী মরু ওইবা এক্সপোর্তর ওইবা ঙমহনখি”। “লৈবাক অসিনা এফ্রিকাগী জেনরিক্কী মথৌ তাবশিংগী ৪৫% হেন্না, য়ু.এস.তা জেনরিক দিমান্দগী ৪০%রোম অমসুং য়ু.কে.দা জেনরিক মেদিসিন পুম্নমক্কী চাউরাক্না ২৫% সপ্লাই তৌখি”।

মহাক্না হকশেলগী শীংনবশিং কোকহনবদা মালেমগী খোঙথাংশিং মপাঙ্গল কনখৎহনবদা লৌরিবা ভারতকী থৌদাংগী মতাংদা ফোঙদোকখি। মহাক্না হায়খি “ভারতকী অহানবা ইন্দিজিনস ভেক্সিন, শেল চংদবা অমসুং ক্বালিতী লৈবা খক্তা নত্তনা লোকেল পোপুলেসনগী অখন্ননবা মথৌ তাবশিংগীদমক শেমখিবা অসিনা মালেমদা রিলাইএবল অমসুং এক্সেসিবল সোল্যুসন অমা পীখি”। মহাক্না হায়খি “ভারতনা তঙাই ফদবা মেদিকেল সপ্লাইশিং অমসুং ‘ভেক্সিন মৈত্রি’ থৌশিলগী খুত্থাংদা ভেক্সিনশিং দেলিবর তৌদুনা লৈবাক ৯৬ হেনবদা তেংবাং পীরি”।

শ্রীমতি এস অপর্নানা হায়খি ক্লাইমেৎ চেঞ্জ অমসুং লাইনা শন্দোরকপগী মরক্তা ইন্তরপ্লেনা অওনবা পুরক্লিবা ফীবম অসিদা মরু ওইনা শাফবা, অফবা, ক্বালিতী লৈবা অমসুং অহোংবা মেদিকেল কাউন্তরমিজরশিংগী আর এন্দ দিগী ইন্নোবেস য়োকখৎপা অমসুং মপাঙ্গল কনখৎহনবা হায়বা অসি খুদক্কী ওইবা তঙাই ফদবা অমনি। মহাক্না হায়খি “কোল্লাবোরেতিব রিসর্চ নেৎৱার্কশিংগী খুত্থাংদা রিসোর্সশিং অমসুং এক্সপর্তিস পুলিং তৌদুনা ঐখোয়না দিস্কোবরী অমসুং ইন্নোবেসনগী খোঙজেল য়াংখৎহনবা ঙমগনি অমসুং কোল্লাবোরেসন য়োকখৎপনা ঐখোয়না গ্লোবেল হেল্থ থ্রেতশিং নীংথিনা রেস্পোন্দ তৌবদা মথৌ তাবা অপুনবা এক্সপর্তিস অমসুং রিসোর্সশিং শীজিন্নবা য়াগনি”।

কেন্দ্রগী ফার্মা সেক্রেতরীনা হায়খি “গ্লোবেল আর এন্দ দি নেৎৱার্ক অমা শেম্বা মতমদা লাইনা, প্রদক্ত অমসুং তেক্নোলোজীগুম্বা ভেরাইএবলশিংদা মরু ওইবা লমশিং খঙদোক্তুনা অচুম্বা কনতেক্স শেম্বা তঙাই ফদে”। মহাক্না হায়, “গ্লোবেল হেল্থ ইক্বিতী প্রমোৎ তৌনবা কমপ্রিহেন্সিব অমসুং বেলেন্স স্ত্রেতেজীদা য়ুম্ফম ওইবা অফবা আর এন্দ দি নেৎৱার্ক অমা শেম্বগী মাইকৈদা প্রাইওরিতাইজেসন অসি তঙাই ফদবা খোঙথাং অমা ওইগনি”।

শ্রী রাজেশ ভুশন্না ভারতকী জি২০ প্রসিদেন্সীগী মখাদা প্রপোজ তৌখিবা গ্লোবেল এম.সি.এম. কোওর্দিনেসন প্লেৎফোর্মগুম্বা কোল্লাবোরেতিব প্লেৎফোর্মশিংগী মরু ওইবা থৌদাংগী মতাংদা ফোঙদোকখি। মহাক্না হায়খি , “গ্লোবেল এম.সি.এম. কোওর্দিনেসন প্লেৎফোর্ম অসি মেদিকেল কাউন্তরমিজরশিংগী দিবেলপমেন্ত অমসুং দিস্ত্রিব্যুসন্দা কোওর্দিনেসন অমসুং কোল্লাবোরেসন মপাঙ্গল কনখৎহন্নবা মরু ওইবা মেকানিজম অমা ওইনা উখি। প্লেৎফোর্ম অসিনা পুম্নমক্কীদমক প্রিবেন্তিব, সর্ভিলেন্স অমসুং ত্রীৎমেন্ত কাউন্তরমিজরশিংগীদমক ভাইএবল অমসুং রেস্পোন্সিব সোল্যুসনশিং পীবা ফোকস তৌবা মওং অমদা আর এন্দ দিদা অচৌবা খোঙথাংশিং লৌখৎপা অদু কোনশিনবা তঙাই ফদে”। মহাক্না রিসর্চ অমসুং দিবেলপমেন্তগী খোঙথাংশিংদা “ৱান হেল্থ” এপ্রোচ” ইন্তিগ্রেৎ তৌবগী মরু ওইবা অদুসু থমখি।

থৌরম অসিদা দিপার্তমেন্ত ওফ হেল্থ রিসর্চকী সেক্রেতরী অমসুং দি.জি.-আই.সি.এম.আর., দা রাজিব বাহল; ফুদ সেফতী এন্দ স্তেন্দর্দস ওথোরিতী ওফ ইন্দিয়া (ফসাই)গী সি.ই.ও. শ্রী জি কমালা ভর্ধনা রাও; হকশেল অমসুং য়াইফ য়ুম্বাল মন্ত্রালয়গী এদিস্নেল সেক্রেতরী, শ্রী লব অগর্ৱাল; মপাল থৌরম মন্ত্রালয়গী এদিস্নেল সেক্রেতরী অমসুং ভারতকী জি২০ প্রসিদেন্সীগী সৌস শেরপা শ্রী অভে থাকুর অমসুং কেন্দ্র সরকারগী মকোক থোংবা ওফিসিএলশিংনা শরুক য়াখি।

****