داخلی امور اور امداد باہمی کے مرکزی وزیر جناب امت شاہ نے نئی دہلی میں سینٹرل رجسٹرار آف کوآپریٹو سوسائٹیز (سی آر سی ایس) کے دفتر کے کمپیوٹرائزیشن کی پیش رفت کا جائزہ لیا۔ میٹنگ  میں  امداد باہمی کی وزارت کے سیکرٹری،  ایڈیشنل سیکرٹری اور  دیگر سینئر افسران نے بھی شرکت کی۔

وزیر اعظم جناب نریندر مودی جی کے ‘سہکار سے سمردھی’ کے وژن کو عملی جامہ پہنانے کے لیے جولائی 2021 میں اس کے قیام کے بعد سے، کوآپریٹو سیکٹر میں کاروبار کرنے میں آسانی کو فروغ دینے کے لیے امداد باہمی کی وزارت نے متعدد اقدامات کیے ہیں۔ ان اقدامات کے ایک حصے کے طور پر، کوآپریٹو سوسائٹیز کے مرکزی رجسٹرار کے دفتر، جو ملٹی اسٹیٹ کوآپریٹو سوسائٹیز (ایم ایس سی ایس) ایکٹ، 2002 کی انتظامیہ کے لیے ذمہ دار ہے، کو کمپیوٹرائز کیا جا رہا ہے تاکہ ملٹی اسٹیٹ کوآپریٹو سوسائٹیز کے لیے ایک ڈیجیٹل ایکو سسٹم بنایا جا سکے تاکہ ان کی تمام سرگرمیوں کو آسان بنایا جا سکے۔ نئی سوسائٹیوں کی رجسٹریشن سمیت۔ ایک سافٹ ویئر اور پورٹل تیار کیا جا رہا ہے جسے 26 جون 2023 تک شروع کرنے کا ہدف ہے۔

جائزہ میٹنگ کے دوران، داخلی امور  اورامداد باہمی کے  مرکزی وزیر جناب امت شاہ نے ہدایت دی کہ سی آر سی ایس آفس کے ذریعے منعقد کیے جانے والے مقابلوں کے ذریعے پورٹل کے بہتر استعمال اور بہتر تجزیات کے لیے نوجوانوں کو بھی شامل کیا جانا چاہیے۔ کمپیوٹرائزیشن پروجیکٹ نئے ایم ایس سی ایس  کی رجسٹریشن میں بہت مدد کرے گا اور موجودہ ایم ایس سی ایس  کے کام کو آسان بنائے گا۔

کمپیوٹرائزیشن کے  بنیادی مقاصد یہ ہیں:

درخواستوں کو کاغذ کے بغیر جمع کرانا اور کارروائی کو مکمل کیا جانا۔

سافٹ ویئر کے ذریعے ایم ایس سی ایس  ایکٹ اور قواعد کی خودکار تعمیل

کاروبار کرنے میں آسانی کو بڑھانا

ڈیجیٹل کمیونیکیشن

شفاف پروسیسنگ

بہتر تجزیات اور ایم آئی ایس

کمپیوٹرائزیشن کا کام شروع ہو چکا ہے۔ سافٹ ویئر کا ورژن I موجودہ ایم ایس سی ایس  ایکٹ اور قواعد پر مبنی ہے۔ ورژن دوئم  میں ایم ایس سی ایس  ایکٹ اور قواعد میں مجوزہ ترامیم کو شامل کیا جائے گا اور یہ صارف کے تاثرات کی بنیاد پر کسی بھی خلا یا کمی کو دور کرکے ابتدائی ورژن میں اضافہ کرے گا۔

نئے پورٹل میں درج ذیل ماڈیولز کا احاطہ کیا جائے گا:

اندراج

ضمنی قوانین میں ترمیم

سالانہ ریٹرن فائلنگ

اپیل

آڈٹ

معائنہ

انکوائری

ثالثی

سمیٹنا اور ختم کرنا

یہ سافٹ ویئر سی آر سی ایس کے دفتر میں الیکٹرانک کام کاج کی رفتار ذریعے درخواست/سروس کی درخواستوں پر ایک مقررہ وقت میں کارروائی کے قابل بنائے گا۔ اس میں او ٹی پی پر مبنی صارف کی رجسٹریشن، ایم ایس سی ایس  ایکٹ اور قواعد کی تعمیل کے لیے توثیق کی جانچ، وی سی کے ذریعے سماعت، رجسٹریشن سرٹیفکیٹ کا اجرا اور الیکٹرانک طور پر دیگر مواصلات کے انتظامات ہوں گے۔

********

ش ح۔ح ا۔ج۱

(U: 5909)