وزیر اعظم جناب نریندر مودی کے ویژن سے متاثر ہو کر، تیل اور قدرتی گیس کارپوریشن (او این جی سی) لمیٹڈ جموں کے سدھرا میں نیشنل ڈیزاسٹر مٹیگیشن سینٹر اور یاتری نواس یعنی مسافروں کی رہائش گاہ کی تعمیر کے لیے فنڈ فراہم کر رہی ہے۔ پیٹرولیم اور قدرتی گیس، ہاؤسنگ اور شہری امور کے مرکزی وزیر جناب ہردیپ سنگھ پوری اور جموں و کشمیر کے لیفٹیننٹ گورنر جناب منوج سنہا نے آج جموں میں اس مرکز کا سنگ بنیاد رکھا۔

ہر سال لاکھوں سیاح سری نگر اور امرناتھ کا رخ کرتے ہیں۔ سیاحوں کی بڑی تعداد کی آمد نے، ایک طویل عرصے سے، خاص طور پر ضرورت مند سیاحوں اور زائرین کے لیے رسد کے مسائل پیدا کیے ہیں۔ یہ یاتری نواس، جسے او این جی سی کی مالی اعانت فراہم کی گئی ہے، ایک سال میں تقریباً 30,000 سیاحوں کو رہائش فراہم کرکے ان لاجسٹک مسائل کو بڑے پیمانے پر حل کرے گا، جس سے سیاحوں اور زائرین کی نقل و حرکت میں مزید اضافہ ہوگا۔

او این جی سی ڈیزاسٹر مینجمنٹ سینٹر ضروری سہولیات جیسے رہائش، صفائی اور پینے کے صاف پانی کی فراہمی میں اہم کردار ادا کرے گا۔ یہ اہم معلومات کو پھیلانے اور ہنگامی حالات کے دوران امدادی اقدامات کرنے کے لیے ایک اہم مرکز کے طور پر بھی کام کرے گا۔ مزید برآں، یہ ٹریفک کے انتظام میں اپنا حصہ ڈالے گا اور ضرورت مند سیاحوں/حاجیوں کے لیے بورڈنگ اور قیام کی سہولیات پر خصوصی توجہ کے ساتھ بغیر کسی رکاوٹ کے سیاحوں/حاجیوں کے تجربے کو یقینی بنائے گا۔

اس کے علاوہ، مقامی آبادی، بشمول غیر ہنر مند، نیم ہنر مند اور ہنر مند کارکن، کاریگر، دستکار، یومیہ اجرت پر کام کرنے والے، سڑک پر خوانچہ لگانے والے اور بنکر، بھی ان او این جی سی کی تعمیر کردہ سہولیات کے نتیجے میں سیاحوں کی بڑھتی ہوئی نقل و حرکت کے مثبت اثرات کا تجربہ کریں گے۔

نیشنل ڈیزاسٹر مٹیگیشن سینٹر اور یاتری نواس 1.84 ایکڑ (8378 مربع میٹر) کے پلاٹ پر تعمیر کیے جائیں گے، جس کا تعمیر شدہ رقبہ تقریباً 1.875 ایکڑ (8500 مربع میٹر) ہوگا۔ او این جی سی ، اپنے کارپوریٹ انفراسٹرکچر گروپ کے ذریعے، پراجیکٹ کے نفاذ کی نگرانی کرے گا، تاکہ کارپوریٹ سماجی ذمہ داری (سی ایس آر) کے تئیں اپنی وابستگی کو برقرار رکھتے ہوئے مرکز کی تعمیر بروقت اور موثر انداز میں مکمل ہو۔

اپنی جامع کارپوریٹ سماجی ذمہ داری (سی ایس آر) پہل کے ایک حصے کے طور پر، او این جی سی نے اس پروجیکٹ کی حمایت کے لیے 51 کروڑ روپے فراہم کرنے کا فراخدلانہ عہد کیا ہے۔ انڈیا انرجی مہارتنا او این جی سی کی طرف سے مالی اعانت فراہم کرنے والا یہ اہم اقدام، قوم کی خدمت کے لیے او این جی سی کی غیر متزلزل عزم کی بھی عکاسی کرتا ہے۔

اس تقریب میں مسٹر ارون کمار سنگھ، چیئرمین اور سی ای او، او این جی سی اور دیگر معززین کے ساتھ ساتھ جموں و کشمیر کے مرکز کے زیر انتظام علاقے اور او این جی سی کے سینئر حکام نے شرکت کی۔

*****

ش ح۔   ش ت۔ج

Uno-5879