কেন্দ্রগী রোদ ত্রান্সপোর্ত অমসুং হাইৱেজকী মন্ত্রী, শ্রী নিতিন গদকরিনা ভীদিও কনফরেন্সিংগী খুত্থাংদা ঙসি অসামদা মুখ্য মন্ত্রী, শ্রী হিমন্তা বিস্ব সর্মা, এম.পি., শ্রী দিলিপ সাইকিয়া, এম.পি., শ্রী প্রদ্যুত বোর্দোলোই, অমসুং ফোরেস্ত অমসুং এনভাইরনমেন্তকী রাজ্য মন্ত্রী, শহরী চন্দ্র মোহন পাতোৱারীগা লোইননা নাগাওন বাইপাসতগীনা তেলিয়াগাওন অমসুং তেলিয়াগাওনদগীনা রঙ্গাগারাগী মরক্তা লৈবা লেন ৪গী সেক্সন শঙ্গাখ্রে অমসুং মঙ্গলদাই বাইপাস অমসুং দাবোকাদগীনা পরাখুৱাগী মরক্তা লৈবা লেন ৪গী সেক্সনগী উরেপ-উয়ুং তমখ্রে। মসিগী লুপা করোর ১৪৫০ চংবা প্রোজেক্ত ৪ অসিনা রাজ্য অসিগী ইনফ্রাস্ত্রকচরদা তৌরিবা  য়াম্না চাউবা ইনভেস্তমেন্ত অমগী খুদম্নি।

নাগাওন বাইপাসতগীনা তেলিয়াগাওন অমসুং তেলিয়াগাওনদগীনা রঙ্গাপরাগী মরক্তা লৈরিবা কি.মি. ১৮ শাংবা লেন ৪গী সেক্সন অসি লুপা করোর ৪০৩ চংনা শাখি। মসিগী পাক-চাউরবা হাইৱে অসিনা নোর্থ অসাম অমসুং অপ্পর অসামগী মরক্তা এক্সেসিবিলিতী হেনগৎহল্লি, মসিনা শেন্মিৎলোন চাউখৎহল্লগনি অমসুং অনৌবা খুদোংচাবা কয়া অমা পুরক্লগনি।

পুন্না লুপা করোর ৫৩৫ চংনা এন.ঐচ.-১৫গী মঙ্গলদাইদা কি.মি. ১৫ শাংবা বাইপাস শেম্নবগী উরেপ-উয়ুং তম্বা অসিনা অসাম, ৱেস্ত বেঙ্গল, অমসুং অরুনাচল প্রদেশকী মরক্তা লৈরিবা লিঙ্ক অসিবু হেন্না ফংগৎহন্দুনা অথিংবা-অপনবা লৈতনা চত্থোক-চৎশিনা তৌবা য়াহল্লগনি অমসুং রিজনেল ইন্তিগ্রেশনদা মতেং পাংলগনি।

পুন্না লুপা করোর ৫১৭ চংনা এন.ঐচ.-২৯গী দাবোকা অমসুং পারাখুৱাগী মরক্তা কি.মি. ১৩ শাংবা বাইপাসগী উরেপ-উয়ুং তম্বা অসিনা গুৱাহাতি-দিমাপুর ইকোনোমিক কোরিদোরদা কেনক্সন হেন্না কনখৎহল্লগনি, মসিনা ম্যানমার অমসুং থাইলেন্দগী মরক্তা লৈরিবা লিঙ্কশিং অদুবু হেনগৎহল্লগনি। বাইপাস অসিনা অসাম অমসুং নাগালেন্দগী মরক্তা ইন্তর-রিজনেল কনেক্তিবিতী ফগৎহল্লগনি।

*****