سڑک ٹرانسپورٹ اور شاہراہوں کے مرکزی وزیر جناب نتن گڈکری نے  آج ویڈیو کانفرنسنگ کے ذریعے آسام میں ناگاؤں بائی پاس-تیلیا گاؤں، اور تیلیگاؤں-رنگاگارہ کے درمیان 4 لین کے سیکشن کا افتتاح کیا اور منگل دائی بائی پاس اور  دبوکا-پاراکھوا کے درمیان 4 لین  سیکشن کا سنگ بنیاد رکھا۔ اس موقع پر وزیراعلی جناب  ہمنتا بسوا سرما،  رکن پارلیمنٹ جناب  دلیپ سائکیا، رکن پارلیمنٹ جناب پردیوت بوردولوئی، اور   جنگلات اور ماحولیات  ریاستی وزیر جناب چندر موہن پٹوواری  بھی موجود تھے۔ ان  4 پروجیکٹوں کی مالیت  1450 کروڑ روپے ہے جو ریاست کے بنیادی ڈھانچے میں ایک اہم سرمایہ کاری کی علامت ہے۔

ناگاوں بائی پاس-تیلیاگاؤں اور تیلیاگاؤں-رنگاگارہ کے درمیان 18 کلومیٹر طویل 4-لین سیکشن کی مالیت 403 کروڑ روپے ہے۔ یہ چوڑی شاہراہ شمالی آسام اور بالائی آسام کے درمیان رسائی میں اضافہ کرے گی،  جس سے اقتصادی ترقی  ہو گی  اور نئے مواقع پیدا ہوں گے۔

این ایچ  15 پر منگل دائی میں 535 کروڑ کی کل لاگت سے  15 کلومیٹر کے بائی پاس کی تعمیر کے لئے  سنگ  بنیاد رکھے جانے سے  آسام، مغربی بنگال اور اروناچل پردیش کے درمیان رابطے کو مضبوط مے گی، بغیر کسی رکاوٹ کے سفر اور علاقائی یکجہتی کو فروغ ملے گا۔

 این ایچ -29 پر دبوکا اور پاراکھوا کے درمیان 517 کروڑ  کی  کل لاگت سے  13 کلومیٹر طویل بائی پاس کا  سنگ بنیاد  رکھے جانے سے گوہاٹی-دیما پور اقتصادی  کوریڈور کے ساتھ کنکشن مضبوط ہوگا ، میانمار اور تھائی لینڈ سے روابط کو فروغ  ملے گا۔  یہ بائی پاس آسام اور ناگالینڈ کے درمیان بین علاقائی رابطے میں اضافہ کرے  گا۔

۔۔۔۔۔۔۔۔۔۔۔

ش ح۔ا گ۔ن ا۔

U-5836