কেন্দ্রগী হোম অমসুং কোওপরেশনগী মন্ত্রী, শ্রী অমিত শাহনা ঙসি কেরলাগী কোচিদা অথোইবা মীথুংলেন ওইদুনা অমৃতা হোসপিতালগী সিলভর জুবিলী চেলেব্রেশনদা ৱা ঙাংখ্রে।

মহাক্না ৱা ঙাংবা হৌরকপদা, শ্রী অমিত শাহনা ওরিশাদা থোকখিবা লাইবক থিরবা ত্রেন এক্সিদেন্ত অদুদা লৈখিদবশিং অদুগী মনুংশিংদা মহাক্না থমোই শোক্না অৱাবা ফোংদোকখি।

কেন্দ্রগী হোম মিনিস্তরনা হায়খি মদুদি মহাক্না কেরলাদা লাকপা খুদিংমক্তা, মহাক য়াম্না শান্তি  অমসুং হারাওবা ফাওই। শ্রী শাহনা হায়খি মদুদি মহাক্না মহাক্কী পুন্সিদা অম্মাবু কয়ারক উনখ্রে অমসুং মহাক্নাউনবা খুদিংমক মঙোন্দগী অনৌবা কন্সিয়সনেস অমসুং ইনর্জী ফংই। অম্মানা মালেম শিনবা থুংনা মী করোর কয়া অমদা মহাক্কী মনুংশি, থৌজাল অমসুং ইনর্জী পীখি হায়না মহাক্না হায়খি। অম্মানা মহাক্কা উনবা মীপুম খুদিংমক্কী পুন্সিদা অশেংবা কন্সিয়সনেস, ইনর্জী অমসুং নুংগী ওইবা শান্তি ফাওহল্লি।  শ্রী শাহনা হায়খি মদুদি আম্মা তৌরম্বা অফবা থবকশিং অদুবু নিংশিংনবা ঙসি মফম অসিদা লাক্লিবনি। দেকেদ মঙাদা রিলিজন, ত্রেদিশন, কলচর অমসুং সর্বিসকী লমদা দেকেদ মঙাদা অম্মানা লৌখিবা থৌদাংশিং অদুনা ঐখোয়গী সনাতন কলচরদা মিংচৎ পুরকখি।  শ্রী শাহনা হায়খি মদুদি অম্মানা মালেম শিনবা থুংনা ভারতকী সনাতন কলচর অমসুং ত্রেদিশনগী অফবা আমসুং ফজবশিং অদুবু উত্থোক্তুনা সনাতন কলচরগী অনৌবা দাইমেন্সন অমসুং অনৌবা শক্তম অমা মশক তাক্নবগী থবক তৌখি।

শ্রী অমিত শাহনা হায়খি মদুদি অম্মা মহাক্কী পুন্সিদা পাংইখৎলম্বা থবক-থৌরম খুদিংমক মতম পুম্নমকতা মাইপাকখি অমসুং মসিগী ইনস্তিত্যুত অসিনশু মদুগী খুদম ওইদুনা তাক্লি। মহাক্না মখা তাখি মদুদি ফমুং ১২৫গা লোইননা হৌদোকখিবা ইনস্তিত্যুত অসিনা ঙসিদি ফমুং ১৩৫০গী মথক্তা কেপাসিতী লৈবগা লোইননামালেমগী ওইনা খ্বাইদগী ফবশিংগী মনুংদা অমা ওইরে। মহাক্না হায়খি মদুদি ইনস্তিত্যুত অসি এক্সেলেন্স, ইন্নোভেশন অমসুং কমপেসনগা লোইননা পেসেন্ত কিয়রদা কত্থোক্লবা ভারতকী খ্বাইদগী হেন্না ফবা হেল্থকিয়র সেন্তরশিংগী মনুংদা অমনি। ইনস্তিত্যুত অসিগী এচীবমেন্তশিং অদুবু পল্লদুনা, শ্রী শাহনা হায়খি মদুদি হেল্থ সেক্তরদা সর্বিসকী অনৌবা য়ুগ অমা হৌরক্লে।  ঙসি আম্মাগি থৌজালগা লোইননা অমৃতাপুরি অমসুং কোচি কেম্পসতা মত অসিগী খ্বাইদগী নৌবা ফেসিলিতী অমা থম্লগনি হায়নশু লাউথোকখ্রে  হায়না শ্রী শাহনা হায়খি।  মফম অদুনা কোল্লিবা চাউবগী চাং অদু স্ক্ব্যার ফীত লাখ ১.৮৫ হেনগনি হায়না মহাক্না হায়খি। শ্রী শাহনা হায়খি মদুদি অমৃতা মল্তি-দিসিপ্লিনরি রিসর্চ ইন্নোভেশন অমসুং ত্রান্সলেশন হব অসিনা মালেমগী ওইনা রিসর্চকী লমদা য়াম্না মমিং লৈবা ইনস্তিত্যুত অমা ওইরক্লে। মহাক্না হায়খি মদুদি মসিগী ইনস্তিত্যুতশিং অসি অমৃতাপুরিদা স্ক্বভার ফীত লাখ ১.৮৫দা, সিকাগোদা স্ক্ব্যার ফীত লিশিং ২০দা, ফরিদাবাদতা স্ক্ব্যার ফীত লাক ৩দা অমসুং কোচিদা স্ক্ব্যার ফিত লাখ ১০গী মফমদা শারগনি।

কেন্দ্রগী হোম অমসুং কোওপরেশন মন্ত্রীনা হায়খি মদুদি ঙসি অমৃতা হোসপিতাল অসিনা সেবাগী লমদা থোইদোক-হেন্দোক্না শিংথানিংঙাই ওইরবা চহি ২৫ মপুং ফাখ্রে।  ১৯৯৮তগীনা ২০২৩ ফাওবগী খোংচ৭ অসিদা হোসপিতাল অসিদা পেসেন্ত লাখ ২০ হেন্না লেম্না লাইয়েংখি হায়না মহাক্না হায়খি।  লাইরবা কনা লৈজদ্রবা পেসেন্ত লাখ ২০দা লেম্না সর্বিস পীদুনা, অমৃতা হোসপিতাল অসিনা মখোয়গী পুন্সিদা অনৌবা আশাগী মঙাল অমা অমুক পীনবীরে হায়না মহাক্না হায়খি।  শ্রী শাহনা হায়খি মদুদি মীওই লাক কয়া অসিবু লেম্না লাইয়েংবদা চাউরাক্না লুপা করোর ৮০০ রোম তিংখ্রে অমসুং মসিনা ‘সেৱাপারামোধর্মা’গী ওইবা ভারতকী ফিলোসোফী অদুবু অম্মাগী ইনস্তিতভশন অসিনা মপুংফানা থবক ওইনা ওন্থোকখি। অম্মাগী সেবা তৌবগী ৱাখল্লোন অসিনা পুক্নিং থৌগত্তুনা ইনস্তিত্যুশন অসিনা মেদিকেল ফীল্দদা অনৌবা থবক কয়া অমা হৌদোকখ্রে হায়না মহাক্না হায়খি। অমৃতা হোসপিতালনা ভারত্তা খবাইদগী অহানবা মাইক্রো-ব্লদ স্তেম সেল ত্রান্সপ্লান্ত, খ্বাইদগী অহানবা মফুংফানা রোবোতিক ওইবা লিভর ত্রান্সপ্লান্ত অমসুং খ্বাইদগী অহানবা রোবোতিক অমসুং নী রিপ্লেসমেন্ত পাংথোকখি। মহাক্না হায়খি মদুদি ইনস্তিত্যুত আসিদা ভারত্তা খ্বাইদগী অহানবা মেদিকেল ৩.দি. প্রিন্তিং ফেসিলিতীশু ফংহনখি  অমসুং মালেমগী ওইনা খ্বাইদগী অহানবা ওইনা ২০২২, খ্বাইদগী পিকপা আর্তিফিসিয়েল হার্ত পম্প অদু ইনস্তিত্যুত আসি খখ্তদা পাংথোকখি হায়না মহাক্না হায়খি।  

শ্রী অমিত শাহনা মখা তারকখি মদুদি “পেনবা নাইদবা হায়বসিনা খ্বাইদগী অচৌবা লাইরবনি অমসুং অপেনবা হায়বসিনা তশেংবা নুংঙাই-য়াইফবনি” হায়না অম্মানা হায়খি। মরম অসিননি, হান্নগী রাস্ত্রপতি দা. কলামনা হায়খি মদুদি মহাক্না অমৃতাপুরিদগী মীবামগী সেবা তৌবা হায়বসি তমখি।  শ্রী শাহনা হায়খি মদুদি অম্মানা পীরম্বা মসিগী ভেল্যুশিং অসিনা পুক্নিং থৌগৎপদা নত্তনা মীওওই করোর ৪গী পুন্সিদা অনৌবা আশা, থৱায় য়াওবা অমসুং মীনুংশিনা থলহনবীখ্রে। অসিগুম্বা মাইপাকপশিং অসিগা লোইননা চহি ৫০ লেপ্তনা সেবা তৌরক্লবা ফাওবদা অম্মাদা নোল্লুকপা চিং-লেম্বা হায়বসি অদুমক লেংদনা উবা ফংঙি হায়না মহাক্না হায়খি। শ্রী শাহনা হায়খি মদুদি অম্মাগী সেবাগী পাক-চাউবা অসি ভারত খক্তদা লোইবা নত্তে, মসি মালেম শিনবা থুংনা শন্দোক্তুনা লৈ। ২০০১গী গুজরাত অর্থক্বেক্তা, অম্মাগী ফাউন্দেশন্না খুঙ্গং ২ অর্থক্বেক রেজিস্তেন্ত ওইবা য়ুম ১২০০গী মথক্তা শাখি অমসুং ঙসি ফাওবা মসিবু অম্মাগী খুঙ্গং হায়না খঙনরি। অসিগুম্বা খুদম কয়া অমসুং লৈরি কুদম ওইনা ২০১৫গী নেপাল অর্থক্বেক, ২০১৪গি জম্মু অমসুং কাশ্মিরগী ঈশিং-ঈচাউ, ২০১৪ ফিলিপিন্স সাইক্লোন অমসুং ভারত অমসুং স্রি লঙ্কাদা থোকখিবা ২০০৪গী সুনামি, মতম খুদিংমক্তা অম্মানা মহাক্কী সেবোকশিংগা লোইননা মশিদা শোকহল্লবা মীশিংগীদমক্তা য়াম্না থৱাই য়াওনা থবক তৌখি। ভারত্তা স্বচছতাঅভিয়ানবু খোংজেল য়াংখৎহন্নবা, অম্মানা লুপা করোর ২০০ পীখি, মসিগী মনুংদা লুপা করোর ১০০দি গঙ্গা তুরেল খোংবানদা লৈবা খুঙ্গংশিংদা তোইলেত  শানবা পীখি অমসুং লুপা করোর ১০০ অমনা কেরলাদা তোইলেতশিং শানবা পীখি। শ্রী শাহনা হায়খি মদুদি মসিগী মথক্তা, য়ুম ৪৫,০০০ শানবগী অমসুং চহি খুদিংগী লাইরবা করোর ১দা চানবা চেং-হৱাইশিং পীনবগী প্রোগ্রাম অম্মানা পাংথোক্লি।

কেন্দ্রগী ওম মিনিস্তরনা হায়খি মদুদি হৌজিক অসি আজাদিকাঅমৃতমাহোতসবকী চহি নি অমসুং প্রধান মন্ত্রী, শ্রী নরেন্দ্র মোদীগী লুচিং মখাদা, লৈবাক অসিদা হৌখিবা চহি ৯ অসিদা হোলিস্তিক ওইবা খোংথাং অমগা লোইননা হকশেলগী লমদা য়াম্না চাউনা অহোংবা লাকখ্রে।  মহাক্না হায়খি মদুদি স্বচছ ভারত অভিয়ান, ফিত ইন্দিয়া মিসন, ন্যুত্রিশন মিসন, মিসন ইন্দ্রধনুশ, অয়ুশমান ভারত  অমসুং জল জীৱন মিসনগী মখাদা মীশিংবু হকচাং ফনা থম্নবা মোদী সরকারনা অনৌবা খোংথাং কয়া অমা পাইখৎখ্রে। শ্রী শাহনা হায়খি মদুদি অয়ুশমান ভারত স্কীমগী মখাদা লৈবাক অসিগী লাইরবা মীওই করোর ৬০গীদমক্তা লুপা লাখ ৫ ফাওবগী হেল্থ এক্সপেন্দিচর  ফ্রী ওইহনখ্রে। মেদিকেল এজুকেশনগী লমদা ইনফ্রাস্ত্রকচরগী ওইবা চাউখৎ-থৌরাং কয়া অমা পাইখৎখ্রে হায়না মহাক্না হায়খি। মেদিকেল কোলেজশিংগী মশিং অদু ২০১৩-১৪দা ৩৮৭ খক্তমক ওইরম্বদগী ঙসিদি ৬৪৮দা হেনগৎলকখ্রে। এম.বি.বি.এস.কী সীতশিং মশিং অদু ৫১,০০০ ওইরম্বদগী ৯৯,০০০দা হেনগৎলকখ্রে, পোস্ত-গ্রেজুৱেতশিংগী শিতকী মশিং অদু ৩১,০০০ ওইরম্বদগী ৬৪,০০০দা এনগৎখ্রে অমসুং লৈবাক শিনবা থুংনা অনৌবা এ.আই.আই.এম.এস. ২২ লিংখৎখ্রে। কোবিদ-১৯ লাইচৎ মনুংদা, ভারত মচা করোর ১৩০দা করোর ২৩০ হেনবা ‘মেদ ইন ইন্দিয়া’ কোরোনা ভেক্সিনশিং ফংহনবগী থবক অদু  ভারত্তা তৌখি।

শ্রী শাহনা আশা তৌরি মদুদি অম্মাগী থৌজালনা, ইনস্তিত্যুশন অসিগী গোল্দন জুবিলী সেলেব্রেশনশিংগা লোইন-লোইননা সেন্তিনরীবুসু হেন্না চাউবা মওংদা পাংথোকপা ওইরসনু হায়না ফোংদোকখি।

***