“ঐখোয়গী অমৃত কাল আসিদা ঐখোয়না চাউখৎপা লৈবাক অমা ওইনবগী পান্দম অদুগী খল্লগা ঐখোয়গী নাগ্রিকশিংনা মশা-মউ ফন লৈবা হায়বসি য়াম্না তঙাইফদে। স্বস্থ নাগ্রিক্না স্বস্থ রাস্ত্র অমা শেম্মি, মসিনা সমরুদথা রাস্ত্রা অমা ওইহল্লি।” হায়রিবা ৱাফম অসি কেন্দ্রগী হকশেল অমসুং য়াইফ-য়ুম্বাল মন্ত্রি, দা. মন্সুখ মান্দৱিয়ানা ঙরাং উত্তর প্রদেশকী ঘাজিয়াবাদতা মতম অসিগী খ্বাইদগী নৌরবা ফুদ সেফতী অমসুং স্তেন্দার্দস ওথোরিতী ওফ ইন্দিয়া (এফ.এস.এস.এ.আই.)গী নেস্নেল ত্রেনিং সেন্তর শঙ্গাবদা থমখিবা ৱাফম্নি।  রাজ্য মন্ত্রী (ঐচ.এফ.দবল্যু.), প্রোফেসর এস.পি. সিং বাঘেল, রাজ্য মন্ত্রী (সিভিল এভিয়েশন, এম.ও.আর.তি.ঐচ.), জেনরেল (দা.) ভি.কে. সিংনা  থৌরম অদুদা শরুক য়াখি।

ৱেলনেস অমসুং প্রিভেন্তিব হেল্থকিয়রদা প্রধান মন্ত্রী, শ্রী নরেন্দ্র মোদীনা থম্লিবা অখন্নবা মিৎয়েং অদুবু অমুক হন্না পল্লদুনা, কেন্দ্রগী মন্ত্রী অসিনা হায়খি মদুদি ভারতকী মহৌরোলদগী চৎনরক্লবা ফুদ হেবিতশিং অমসুং পুন্সি মহিং অদুবু ‘ঐখোয়গী চাখুম্না ঐখোয়গী অনা-লাইয়েংশঙনি’ হায়বা অসি এদোপ্ত তৌগদবনি। “অফবা মখলগী মচি লৈবা চিঞ্জাকনা লাইনা-তিন্নাদগী ঙকথোকপদা য়াম্না চাউনা মতেং ওইগনি”, হায়না মহাক্না মরু ওইনা পনখি। দা. মান্দৱিয়না ভারতকী  হেল্থ অমসুং ৱেলনেসকী ফজরবা হেরিতেজ হায়বদি প্রিভেন্তিব হেল্থকিয়রবু ওইরো, মিল্লেতশিং সিজিন্নববু ওইরো, নত্রগা য়োগ শান্নববু ওইরো, হায়রিবশিং অসিগী মতাংদা ঙাংখি। ৱেলনেস অমসুং লাইফস্তাইলগী ভেল্যু অদুবু হকশেল গী মরু ওইবা কমপোনেন্ত আমা ওইনা পল্লদুনা মহাক্না হায়খি, “এফ.এস.এস.এ.আই.গী নে্সনেল ত্রেনিং সেন্তরদা ত্রেন তৌগদোরিবা মীওইশিং অদুনা লৈবাক অসিদা হকচাং ফনা লৈবা নাগ্রিকশিং শেম্বদা য়াম্না মরু ওইবা ধৌদাং লৌগদোরিবনি, মরমদি মখোয়না লৈবাক অসিদা অফবা স্তেন্দর্দকী চিঞ্জাকশিং ঙাক্না ইলহনগনি।”

লৈবাক অসিদা চানবা চিঞ্জাক্তা পোৎয়ান তৌবনা থোকহল্লিবা শিংনবশিং অসিগী মতাংদা পল্লদুনা, দা. মান্দৱিয়ানা হায়খি মদুদি এফ.এস.এস.এ.আই.না রাজ্যগী ওথোরিতীশিংগা খুৎশম্নদুনা অসিগুম্বা ফত্তবা থৌওংশিং তৌরিবশিং অদুবু ফাগৎনবা তীম অমা শেমখ্রে। “চাননবা চিঞ্জাক্তা পোৎয়ান হাপচিনবা কৈদোনুংদা ঙাকপীরোই”, হায়না মহাক্না হায়খি।  লৈবাক অসি শিনবা থুংনা পাক-শন্না তেস্ত টৌবগী থবক পাইকৎলগনি অমসুং মরাল লৈরবশিং অদুগী মায়োক্তা ফুদ সেফতি এন্দ স্তেন্দর্দস  (এক্ত ২০০৬)গী মতুং ইন্না এক্সন লৌখৎলগনি।

ত্রেনিং সেন্তর অসিবু “লোক স্বাস্থ অর্পন ভৱন” হায়না কৌরদুনা, প্রোফেসর এস.পি. সিং বাঘেলনা হায়খি মদুদি ফ.এস.এস.এ.আই.না মীপুম খুদিংমক্কী পুন্সিগা মরি লৈনহল্লিবালেবাক অসিগী ফুদ স্তেন্দর্দশিং থম্নবগী য়াম্না চাউরবা থৌদাং লৈ। মহাক্না মখা তারকখি মদুদি ঐখোয়না চারিবা চিঞ্জাকশিং অদু মসিগী স্তেন্দর্দশিং অসি ঙাক্না চৎলি হায়বসি ঐখোয়গীশু ইথৌদাং অমনি।

উত্তর প্রদেশকী গাজিয়াবাদতা লৈরিবা ফুদ সেফতী অমসুং স্তেন্দার্দস ওথোরিতী ওফ ইন্দিয়া (এফ.এস.এস.এ.আই.)গী নেস্নেল ত্রেনিং সেন্তর অসি ফুদ সেফতী অমসুং স্তেন্দর্দশিংগী লমদা হৌজিক লৈরিবা লোশিং নত্রগা স্কিলশিং অমসুং  খঙবা পাম্লিবা লোশিং নত্রগা স্কিলশিং অদুগী মরক্তা লৈরিবা গেপ অদুবু মেনশিন্নবা নিংথিনা স্ত্রকচর তৌরবা ইনস্ত্রক্সন, প্রক্তিস অমসুং লর্নিং এক্সপরিবেন্সশিং পীনবগী পান্দম থম্লিবা অদুগুম্বা য়াম্না মরু ওইবা অনৌবা খোংথাংনি। এফ.এস.এস. এক্ত ২০০৬ অমসুং ফুদ সেফতি এন্দ স্তেন্দর্দস রুল, ২০১১না ওথোরিতী পীখিবগী মতুং ইন্না এফ.এস.এস.এ.আই. অসিনা ফুদ নিজনেস ওপরেতরশিং, এমপ্লোয়ীশিং, ফুদ সেফতী ওফিসরশিং অমসুং মসিগা মরি লৈনবা ওফিসরশিং য়াওনা ফুদ বিজনেসতা য়াওরিবা মীপুম খুদিংমকপু ত্রেনিং পীনবগী থৌদাং লৌরি। ওফিসিয়েলশিং, ফুদ বিজনেস ওপরেতরশিং, অমসুং অতোপ্পা স্তেকহোল্দরশিংগীমদক্তা মখোয়গী স্কিলশিং অদুবু লেপ্তনা অপগ্রেদ তৌবগী মরু ওইবা অদু খঙলদুনা , এফ.এস.এস.এ.আই.না মখল মখা কয়াগ ত্রেনিং প্রোগ্রামশিংপীনবা ননেস্নেল ত্রেনিং সেন্তর লিংখৎখি। মসিগী অখন্নবা সেন্তর অসিনা মমাংদা লৈরম্বা অহাংবা অদুবু মেনশিনল্গি, অসিগা লোইননা ভারতকী নাগ্রিকশিংগীদমক্তা সেফ ওইবা অমসুং মপুং ফাবা চিঞ্জাক ফংন্নবা তুংগীদমক্তা নিংথিনা শেম-শারবা ৱার্কফোর্স অমা শেমগৎহল্লি।

থৌরম অসিদা, স্ত্রীত ভেন্দরসিংগীদমক্তা ফুদ সেফতী গাইদলাইনশিংগী মতাংদা লর্নিং অমসুং ত্রেনিং মোদ্যুলশিং, খুদম ওইনা প্রোপর ফুদ হেন্দলিং, স্তোরেজ অমসুং আইজিন প্রক্তিস অসিনচিংবশিং অসি য়াওবা, এফ.এস.এস.এ.আই.না দেবেলপ তৌবা ফুদ সেফতী এন্দ সর্তফিকেশন (এফ.ও.এস.তি.এ.সি.) কৌবা ই-লর্নিং এপ অমা লোঞ্চ তৌখ্রে।

দা. মান্দৱিয়ানা এফ.এস.এস.এ.আই.  পুথোকপা লাইরিক অনি – মিল্লেতস (শ্রী অন্না) রেসিপীজ – এ হেল্থী মেন্যু ফোর মেস/কেন্তীন্স অমসুং হেল্থী গত, হেল্ধী য়ু – ত্রেদিস্নেল রেসিপীজ ৱিথ পোতেন্সিয়েল প্রোবায়োতিক বেনিফিতস হায়রিবা লাইরিক অনি অসি ফোংখি।

থোরম অসিদা হকশেল অমসুং য়াইফ-য়ুম্বাল মন্ত্রালয়গী স্পেসিয়েল সেক্রেতরী, শ্রী গোপালকৃষ্ণন, এফ.এস.এস.এ.আই.গী সি.ই.ও., শ্রি জি. কমলা ৱর্ধনা রাও অমসুং ফুদ সেফতী এন্দ  স্তেন্দর্দস ওথোরিতী ওফ ইন্দিয়াগী অৱাংবা থাক্কী ওফিসিয়েলশিংনশু শরুক য়াখি।

******