“આપણે આપણા અમૃત કાળમાં વિકસિત રાષ્ટ્ર બનવાનું લક્ષ્ય રાખ્યું છે, તે જરૂરી છે કે આપણા નાગરિકો સ્વસ્થ હોય. સ્વસ્થ નાગરિક સ્વસ્થ રાષ્ટ્રની રચના કરે છે, જે સમૃદ્ધ રાષ્ટ્ર તરફ દોરી જાય છે. આ વાત ગઈકાલે ઉત્તર પ્રદેશના ગાઝિયાબાદ ખાતે અત્યાધુનિક નેશનલ ટ્રેનિંગ સેન્ટર ફોર ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI)ના ઉદ્ઘાટન સમયે કેન્દ્રીય સ્વાસ્થ્ય અને પરિવાર કલ્યાણ મંત્રી ડૉ. મનસુખ માંડવિયાએ કરી હતી. પ્રો. એસ.પી. સિંહ બઘેલ, રાજ્ય મંત્રી (HFW) અને જનરલ (ડૉ.) વી.કે. સિંહ, રાજ્ય મંત્રી (નાગરિક ઉડ્ડયન, MoRTH) પણ આ કાર્યક્રમમાં હાજર હતા.

સુખાકારી અને નિવારક આરોગ્યસંભાળ પર પ્રધાનમંત્રીએ શ્રી નરેન્દ્ર મોદીના વિચારનો પુનરોચ્ચાર કરતા કેન્દ્રીય મંત્રીએ કહ્યું કે ભારતની પરંપરાગત ખાદ્ય આદતો અને જીવનશૈલીને ‘આપણું રસોડું આપણી હોસ્પિટલ’ તરીકે અપનાવવી જોઈએ. "સારો ગુણવત્તાયુક્ત પૌષ્ટિક ખોરાક રોગોને દૂર રાખવામાં ઘણો ઉપયોગી થઈ શકે છે",એમ તેમણે ભારપૂર્વક જણાવ્યું હતું. ડૉ. માંડવિયાએ ભારતના આરોગ્ય અને સુખાકારીના સમૃદ્ધ વારસા વિશે વાત કરી, પછી ભલે તે નિવારક આરોગ્યસંભાળમાં હોય, બાજરીના સેવનમાં હોય અથવા યોગાભ્યાસમાં હોય. આરોગ્યમાં મહત્વના ઘટકો તરીકે સુખાકારી અને જીવનશૈલીના મૂલ્ય પર પ્રકાશ પાડતા, તેમણે કહ્યું, “જે લોકો FSSAIના રાષ્ટ્રીય પ્રશિક્ષણ કેન્દ્રમાં તાલીમ લેશે તેઓ દેશમાં સ્વસ્થ નાગરિકો બનાવવામાં મહત્વપૂર્ણ ભૂમિકા ભજવશે, કારણ કે દેશમાં અનુસરવામાં આવે છે તે ખોરાક માટે ગુણવત્તાના ધોરણોને સુનિશ્ચિત કરશે.

દેશમાં ખાદ્યપદાર્થોમાં ભેળસેળ દ્વારા ઊભા કરાયેલા પડકાર વિશે વાત કરતાં ડૉ. માંડવિયાએ જણાવ્યું હતું કે FSSAIએ રાજ્ય સત્તાધિકારીઓ સાથે મળીને એક ટીમની રચના કરી છે જેઓ આવી ગેરરીતિઓમાં સંડોવાયેલા છે. "દેશમાં ખોરાકમાં ભેળસેળને સહન કરવામાં આવશે નહીં",એમ તેમણે ભારપૂર્વક જણાવ્યું હતું. તેમણે જણાવ્યું કે દેશભરમાં મોટા પાયે પરીક્ષણ હાથ ધરવામાં આવશે અને દોષિતો સામે ફૂડ સેફ્ટી એન્ડ સ્ટાન્ડર્ડ્સ (અધિનિયમ 2006) મુજબ કાર્યવાહી કરવામાં આવશે.

તાલીમ કેન્દ્રને "લોક સ્વાસ્થ અર્પણ ભવન" તરીકે ઓળખાવતા, પ્રો. એસ.પી. સિંહ બઘેલે કહ્યું કે FSSAIને દેશમાં ખાદ્ય ધોરણો સ્થાપિત કરવાની મોટી જવાબદારી મળી છે જે દરેકના જીવનને સ્પર્શે છે. તેમણે ઉમેર્યું હતું કે આપણે જે ખોરાક ખાઈએ છીએ તે આ ધોરણોને અનુસરે છે તેની ખાતરી કરવાની પણ આપણી જવાબદારી છે.

ઉત્તર પ્રદેશના ગાઝિયાબાદ ખાતે ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI)નું નેશનલ ટ્રેનિંગ સેન્ટર એ એક આવશ્યક પહેલ છે જેનો હેતુ હાલના જ્ઞાન અથવા કૌશલ્યો અને ઇચ્છિત જ્ઞાન અથવા કૌશલ્યો વચ્ચેના અંતરને દૂર કરવા માટે ખાદ્ય સુરક્ષા અને ધોરણોના ક્ષેત્રમાં માળખાગત સૂચના, પ્રેક્ટિસ અને શીખવાના અનુભવો પૂરા પાડવાનો છે. FSS એક્ટ 2006 અને ફૂડ સેફ્ટી એન્ડ સ્ટાન્ડર્ડ્સ રૂલ્સ, 2011 દ્વારા ફરજિયાત, FSSAI ફૂડ બિઝનેસ ઑપરેટર્સ, કર્મચારીઓ, ફૂડ સેફ્ટી ઑફિસર્સ અને નિયુક્ત અધિકારીઓ સહિત ફૂડ બિઝનેસમાં સામેલ વ્યક્તિઓને તાલીમ આપવા માટે જવાબદાર છે. અધિકારીઓ, ફૂડ બિઝનેસ ઓપરેટરો અને અન્ય હિસ્સેદારો માટે સતત કૌશલ્ય અપગ્રેડ કરવાના મહત્વને ઓળખીને, FSSAIએ વિવિધ તાલીમ કાર્યક્રમો ઓફર કરવા માટે રાષ્ટ્રીય તાલીમ કેન્દ્રની સ્થાપના કરી છે. આ સમર્પિત કેન્દ્ર ભારતના નાગરિકો માટે સલામત અને આરોગ્યપ્રદ ખોરાક સુનિશ્ચિત કરવા માટે પ્રતિબદ્ધ ભાવિ-તૈયાર કાર્યબળના વિકાસને સુનિશ્ચિત કરીને, અગાઉ અસ્તિત્વમાં રહેલી શૂન્યતાને ભરે છે.

આ પ્રસંગે, FSSAI દ્વારા વિકસાવવામાં આવેલી ઈ-લર્નિંગ એપ- ફૂડ સેફ્ટી એન્ડ સર્ટિફિકેશન (FoSTaC) જેમાં સ્ટ્રીટ વેન્ડર્સ માટે ફૂડ સેફ્ટી ગાઈડલાઈન્સ, જેમ કે યોગ્ય ફૂડ હેન્ડલિંગ, સ્ટોરેજ અને હાઈજીન પ્રેક્ટિસ વગેરે વિશે શીખવા અને પ્રશિક્ષણ મોડ્યુલનો સમાવેશ થાય છે,શરૂ કરાઈ હતી.

ડૉ. માંડવિયાએ એફએસએસએઆઈ દ્વારા વિકસિત બે પુસ્તકો - મિલેટ્સ (શ્રી અન્ન) રેસિપીઝ- અ હેલ્ધી મેનુ ફોર મેસ/કેન્ટીન અને હેલ્ધી ગટ, હેલ્ધી યુ - સંભવિત પ્રોબાયોટિક લાભો સાથે પરંપરાગત વાનગીઓનું વિમોચન પણ કર્યું.

આ કાર્યક્રમમાં આરોગ્ય અને પરિવાર કલ્યાણ મંત્રાલયના વિશેષ સચિવ શ્રી એસ ગોપાલકૃષ્ણન, FSSAIના સીઈઓ શ્રી જી. કમલા વર્ધન રાવ અને ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયાના અન્ય વરિષ્ઠ અધિકારીઓએ પણ હાજરી આપી હતી.

YP/GPNP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com