য়ুমলৈ-কৈরৈ মন্ত্রালয়
azadi ka amrit mahotsav g20-india-2023

য়ুনিয়ন হোম মিনিস্তর, শ্রী অমিত শাহনা ময়াই তাংবল লৌদুনা লাক্কদবা নোংজু থা অসিগা মরি লৈননা ফ্লদ মেনেজমেন্তকীদমক্তা কদাইফাওববা শেম-শারবগে হায়বদু য়েংশিন্নবা ঙসি নই দিল্লীদা অৱাংবা থাক্কী মীফম অমা পাংথোকখ্রে


প্রধান মন্ত্রী, শ্রী নরেন্দ্র মোদীগী লুচিং মখাদা, খঙহৌদনা থোক্লপা খুদোংথিবশিং লাকপা মতমদা পুন্সি মাংবা অমসুং হিংননবগী পাম্বৈশিং মাংবা হন্থহনবদা মতেং পাংনবা দিজাস্তর মেনেজমেন্তকী লমসিদা থবক-থৌরমশিং কয়া অমা পাইখৎখ্রে

য়ুনিয়ন হোম মিনিস্তরনা ফ্লদ মেনেজমেন্তপু মখাতানা ফগৎহন্নবা হৌজিক-হৌজিক আই.এম.দি. অমসুং সি.দবল্যু.সি.না পীরিবা নুমিৎ ৫নিগী নোং/ঈশিং-ঈচাউগী ফোরকাস্ত অদু মথাগী নোংজু পান্থাদা ফোরকাস্ত অসি নুমিৎ ৭নিগী ওইনা হেনগৎলগনি হায়না হায়খি

শ্রী অমিত শাহনা ২০২৪গী মার্চ ফাওবদা এম.ঐচ.এ. অমসুং এন.দি.এম.এ.না কমপ্রেহেন্সিব ওইবা সোদৱেয়র অমা পুথোক্নবা খঙহনখ্রে, মসিনা দিজাস্তর মেনেজমেন্ত এজেন্সীশিংদা থাদোক্নবগীদমক্তা অর্লী ৱার্নিং এজেন্সী খুদিংমক্তা খুদক্তা সাইন্তিফিক দেতা ফংহল্লগনি

সরকারগী আপদা মিত্রা স্কীমদা, খুঙ্গংশিংদা লৈরিবা ত্রেদিস্নেল দাইবরশিংদশূ দিজাস্তর রেস্ক্যু ত্রেনিং তম্বীগদবনি

হোম মিনিস্তরনা লৈবাক অসিগী মতম কুইনদগী মায়োক্নরক্লিবা ঈশিং-ঈচাউগী অৱাবশিং অদুবু লাকশিন্নবা মপুং ফাবা পোলিসী অমা শেম্নবগীমদক্তা তুং কোইনগী ওইবা পাম্বৈশিং অদুবু য়েংশিনখ্রে

য়ুনিয়ন হোম মিনিস্তরনা লৈবা

Posted On: 02 JUN 2023 8:21PM by PIB Imphal

য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ময়াই তাংদল লৌদুনা লাক্কদবা নোংজু থা অসিগা মরি লৈননা ফ্লদ মেনেজমেন্তকীদমক্তা কদাইফাওববা শেম-শারবগে হায়বদু য়েংশিন্নবা ঙসি নই দিল্লীদা অৱাংবা থাক্কী মীফম অমা পাংথোকখ্রে। হোম মিনিস্তরনা লৈবাক অসিগী মতম কুইনদগী মায়োক্নরক্লিবা ঈশিং-ঈচাউগী অৱাবশিং অদুবু লাকশিন্নবা মপুং ফাবা পোলিসী অমা শেম্নবগীমদক্তা তুং কোইনগী ওইবা পাম্বৈশিং অদুবুশু য়েংশিনখ্রে।

য়ুনিয়ন হোম মিনিস্তরনা হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা, খঙহৌদনা থোক্লপা খুদোংথিবশিং লাকপা মতমদা পুন্সি মাংবা অমসুং হিংননবগী পাম্বৈশিং মাংবা হন্থহনবদা মতেং পাংনবা দিজাস্তর মেনেজমেন্তকী লমসিদা থবক-থৌরমশিং কয়া অমা পাইখৎখ্রে। ফ্লদ মেনেজমেন্তপু মখাতানা ফগৎহন্নবা হৌজিক-হৌজিক আই.এম.দি. অমসুং সি.দবল্যু.সি.না পীরিবা নুমিৎ ৫নিগী নোং/ঈশিং-ঈচাউগী ফোরকাস্ত অদু মথাগী নোংজু পান্থাদা ফোরকাস্ত অসি নুমিৎ ৭নিগী ওইনা হেনগৎলগনি হায়না মহাক্না হায়খি। শ্রী অমিত শাহনা ২০২৪গী মার্চ ফাওবদা এম.ঐচ.এ. অমসুং এন.দি.এম.এ.না কমপ্রেহেন্সিব ওইবা সোদৱেয়র অমা পুথোক্নবা খঙহনখ্রে, মসিনা দিজাস্তর মেনেজমেন্ত এজেন্সীশিংদা থাদোক্নবগীদমক্তা অর্লী ৱার্নিং এজেন্সী খুদিংমক্তা খুদক্তা সাইন্তিফিক দেতা ফংহল্লগনি। মহাক্না হায়খি মদুদি মসিগী সোফৱেয়র অসি শানবগীদমক্তা ফোরেন এক্সপর্ত এজেন্সীশিংগী মতেং লৌগদবনি। মহাক্না মখাতানা হায়খি মদুদি  সরকারগী আপদা মিত্রা স্কীমদা, খুঙ্গংশিংদা লৈরিবা ত্রেদিস্নেল দাইবরশিংদশু দিজাস্তর রেস্ক্যু ত্রেনিং তম্বীগদবনি।

য়ুনিয়ন হোম মিনিস্তরনা লৈবাক অসিগী মরু ওইবা কেচমেন্ত জোনশিং/এরিয়াশিংদা ঈশিং-ঈচাউ অমসুং ঈশিংগী থাক ৱাংখৎলকপশিং অদুবু ফোরকাস্ত তৌনবগীদমক্তা পার্মেন্ত সীস্তেম অমা লৈহন্নবা কেন্দ্র অমসুং রাজ্যগী এজেন্সিশিংগী মরক্তা মখাতানা কোওর্দিনেশন হেনগৎনবা ওফিসিয়েলশিংদা খঙহল্লকখ্রে। হন্দক্কী ঈশিং-ঈচাউগী পান্থাদা, হৌজিক লৈরিবা অসমুং ফোরকাস্ত তৌখিবা তুরেলগী ঈশিংগী থাকশিং অদু পুং খুদিংগী মোনিতর তৌগদবনি অমসুং এমবেঙ্কমেন্তশিং, এভাক্যুৱেশন, তেম্পোররী শেল্তর অসিনচিংবশিং অসি য়াওনা মরি লৈনবা স্তেকহোল্দর খুদিংমক্না লাক্কদৌরিবা ঈশিং-ঈচাউশিং অদুবু মায়োক্নবা ঙম্নবা মতিক চাবা পাম্বৈশিং অসি লৌখৎকদবনি।

হোম মিনিস্তরনা ইন্দিয়া মেতিয়োরোলোজিকেল দিপার্তমেন্ত (আই.এম.দি.) অমসুং সেন্ত্রেল ৱাতর কমিসন (সি.দবল্যু সি.)গুম্বা অখন্নবা ইনস্তিত্যুশনশিংনা হেন্না মরিক চুম্বা ৱেদর অমসুং ফ্লদ ফোর্কাস্তশিং তৌনবগীদমক্তা মখোয়গী তেক্নোলোজিশিং অদু মখাতানা অপগ্রেদ তৌননবা তাকলকখ্রে। মহাক্না এস.এম.এস., তি.ভি., এফ.এম. রেদিও অমসুং অতোপ্পা মেদিয়মশিংগী খুত্থাংদা মীয়ামদা লাইতনিং স্ত্রাইকশিংগী মতাংদা আই.এম.দি. ৱার্নিংশিং মতম চানা পীনবা হায়রকখ্রে। শ্রী অমিত শাহনা আই.এম.দি.না পুথোরকপা ৱেদর ফোরকাস্তিংগী মোবাইল এপশিং খুদম ওইনা ‘উমঙ’, ‘রেন এলার্ম’ অমসুং ‘দামিনি’গী কান্নবশিং অদু তার্রগেত তৌরিবা মীয়ামদা য়ৌহন্নবা পব্লিক্সিতী য়ারিবমখৈ পীগদবনি হায়না হায়খি।  ‘দামিনি’ এপনা লাইতনিং স্ত্রাইকশিংগী মতাংদা পুং অহুম মাংজৌননা চেকশিন্নবা খঙহল্লি, মসিনা পুন্সি অমসুং পোৎ-চৈ মাল-চাং মাংবা হন্হল্লি। ২০২২গী জুন ২দা পাংথোকখিবা মমাংগী ঈশিং-ঈচাউ য়েংশিনবগী মীফমদা য়ুনিয়ন হোম মিনিস্তরনা পীরকখিবা য়াথং অদু ঙাক্না চত্তুনা, মসিগী এপ অসি হৌজিক্তি ই-পা্ লাইনআ শন্দোক্নবগীদমক্তা লোল ১৬দা ফংহল্লে।

য়ুনিয়ন হোম মিনিস্তরনা খঙহল্লকখি মদুদি তোঙান-তোঙানবা এজেন্সীশিংনা পাংথোকপা কম্যুনিতী এৱেয়রনেস প্রোগ্রামদা ময়াম পুল্লপকী ওইবা মওংদা পাংথোক্কদবনি অমসুং কম্যুনিতীনা খ্বাইদগী ইহান হানবা রেস্পোন্দর ওইবনা মসিবু খ্বাইদগী হেন্না কানগদবা মওংদা পাংথোকপা ঙম্নবা পুনশিনগদবনি।

মীফম অদুদা ইন্দিয়ন মেতিয়োরোলোজিকেল দিপার্তমেন্ত (আই.এম.দি.), সেন্ত্রেল ৱাতর কমিসন (সি.দবল্যু.সি.)গী চেয়রমেন, এম.ও.আর.তি.ঐচ., দি.ও.দবল্যু.আর.অমসুং জি.আর., রেলৱে বোর্দ, দি.জি., এন.দি.আর.এফ. অমসুং এন.আর.এস.সি. (আই.এস.আর.ও.)গী দাইরেক্তরনা প্রেজেন্তেশনশিং তৌখি। মখোয়না মমাংগী চহিদা পাংথোকখিবা ফ্লদ রিভ্যু মীতিংদা য়ুনিয়ন হোম মিনিস্তরনা পীরকখিবা য়াথং অদুগী মতুং ইন্না লৌখৎকদবা / লৌখৎখ্রবা এক্সনশিং অমসুং হন্দক্কী নোংজু পান্থা অসিগীদমক্তা পাইখৎকদবা থবক-থৌরমশিংগী প্লানগী মতাংদা খঙহনখি।

মিফম অদুদা মন্ত্রালয়শিংগী সেক্রেতরীশিং/য়ুমলৈ-কৈরৈগী দিপার্তমেন্তশিং; ৱাতর রিসোর্স, রিভর দেবেলপমেন্ত অমসুং রিভর রিজুভনেশন; এনভাইরনমেন্ত, ফোরেস্ত আমসুং ক্লাইমেত চেঞ্জ; রোদ ত্রান্সপোর্ত অমসুং হাইৱেজ; এন.দি.এম.এ.গী মেম্বর আমসুং সেক্রেতরী; এন.দি.আর.এফ.কী দাইরেক্তর জেনরেল; সি.দবল্যু.সি., এন.ঐচ.এ.আই.গী চেয়রমেন (শিং) অমসুং মরি লৈনবা মন্ত্রালয়শিং, আই.এম.দি. অমসুং রেলৱে বোর্দকী অতোপ্পা সেনিয়র ওফিসরশিংনা শরুক য়াখি।

*****



(Release ID: 1929843) Visitor Counter : 60