কেন্দ্রগী হোম আমসুং কোওপরেশন মন্ত্রী, শ্রী আমিত শাহনা প্রধান মন্ত্রী, শ্রী নরে্দ্র মোদীবু কোওপপরেতিব সেক্তরদা মালেম অসিগী খ্বাইদগী অহানবা গ্রেন স্তোরেজ প্লানগীদমক্তা ইন্তর-মিনিস্তেরিয়ল কমিতী (আই.এম.সি.) শেম্বগী অয়াবা পীবগীদমক্তা থাগৎপা ফোংদকখি।

মহাক্কী ত্বীতশিংদা, শ্রী অমিত শাহ হায়খি মদুদি “ঐহাক্না প্রধান মন্ত্রী, শ্রী নরেন্দ্র মোদীবু কোওপপরেতিব সেক্তরদা মালেম অসিগী খ্বাইদগী অহানবা গ্রেন স্তোরেজ প্লানগীদমক্তা ইন্তর-মিনিস্তেরিয়ল কমিতী (আই.এম.সি.) শেম্বগী অমসুং এমপাৱর তৌবগী অয়াবা পীবগীদমক্তা থাগৎপা ফোংদোক্লি”

মসি ভিজনরি ওইবা ফিরেপনি, মসিনা মরম ওইরগা নুংঙাই-য়াইফবা, মীপাল তাংদনা মরোমদোম লেপচবা ঙম্বা অমসুং হাৱাই-চেংৱাই মরাং কাইনা লেবা ভারত অমগী য়ুমফম শেম্লগনি। এগ্রিকলচরেল স্তোরেজ কেপাসিতীগী অৱাৎপা লৈবনা ফুদ গ্রেনশিংগী অমাং-অতা থোকহল্লি অমসুং লৌমীশিংবু মখোয়গী মহৈ-মরোংশিংবু অনেম্বা মমলদা নমফুদা য়োনবা তাহল্লি। মসিগী ফিরেপ অসিনা মরম ওইরগা লৌমীশিংনা মখোয়গী গ্রেনশিং অদুগীদমক্তা মতিকচাবা মমল ফংবা ঙম্নবা, প্রাইমরী এগ্রিকলচরেল ক্রেদিৎ সোসাইতীজ (পি.এ.সি.এস.)গী খুত্থাংদা লৌমীশিংনা হৌজিক্তি মখোয়গী ব্লোকশিংদা মতম অসিগী অনৌবা গ্রেন স্তোরেজ ফেসিলিতীশিং ফংলগনি।

পি.এ.সি.এস. অসি রুরল ইকোনোমীগী মরু ওইবা য়ুম্বি অমনি, মসিগী প্লান অসিগী মতেংনা লেবাক অসিদা ফুদ সেক্যুরিতী লেরগনি অমসুং কোওপরেতিবশিংগা মরি লৈনবা লৌমী করোর কয়া অমা মসিদগী কান্নবা ফংলগনি, মসিনা পি.এ.সি.এস.বু স্তোরেজ ফেসিলিতীশিং পীহনবদা নত্তনা অতোপ্পা থবক-থৌরমশিং খুদম ওইনা ফেয়র প্রাইস শোপ অমসুং কস্তম হায়রিং সেন্তরশিং কয়া অমসু হাংদোকপা ঙমহল্লগনি

মসিগী পুৱারি ঔইরবা ফিরেপ অসিনা লৌমীশিংবু মখাদা পীরিবা কান্নবশিং অসি ফংলগনি:-

১.  লৌমীশিংনা মখোয়গী মহৈ-মরোংশিং অদুবু মিনিমম সপোর্ত প্রাইস (এম.এস.পি.)দা এদভান্স পেমেমন্ত লৌদুনা পি.এ.সি.এস.দা য়োনবা য়ারগনি অমসুং পি.এ.সি.এস.না ফুদ গ্রেনশিং অদুবু মার্কেত্তা য়োল্লবা মতুংদা অৱাৎপা শেল অদু ফংলগনি, নত্রগা   

২.  লৌমীশিংনা মখোয়গী মহৈ-মরোংশিং অদু পি.এ.সি.এস.না শেন্নবা ৱেয়রহাউসতা থম্বা য়াগনি অমসুং মথংগী ক্রোপ সাইকলগীদমক্তা শেলগী ওইবা মতেং লৌবা য়াগনি অমসুং মখোয়গী মহৈ-মরোংশিং মখোয়না অপাম্বা মতমদা য়োনবা য়াগনি, নত্রগা

৩. লৌমীশিংনা মখোয়গী মহৈ-মরোং পুম্নমক পি.এ.সি.এস.তা মিনিম সপোর্ত প্রাইসতা য়োনবা য়াগনি।  

****