ఐఏఎస్/ సివిల్ సర్వీసెస్ ఎగ్జామ్ 2022లో మొదటి 20 మంది ఆలిండియా టాపర్లను మంగళవారం ఇక్కడి నార్త్ బ్లాక్ లోని డిపార్ట్మెంట్ ఆఫ్ పర్సనల్ అండ్ ట్రైనింగ్ (డి పి ఒ టి) ప్రధాన కార్యాలయంలో కేంద్ర సైన్స్ అండ్ టెక్నాలజీ శాఖ సహాయ మంత్రి (స్వతంత్ర హోదా), ప్రధాన మంత్రి కార్యాలయం, అణు ఇంధన శాఖ, అంతరిక్ష, ప్రజా ఫిర్యాదులు, పెన్షన్ల శాఖల సహాయ మంత్రి డాక్టర్ జితేంద్ర సింగ్ సన్మానించారు. ఈ పరీక్ష ఫలితాలను 2023 మే 23న విడుదల చేశారు.

మొదటి 20 మంది ఐఏఎస్/ సివిల్ సర్వీసెస్ టాపర్లలో మొదటి నలుగురు టాపర్లు (టాప్ 20లో 60 శాతం) మహిళలే ఉన్నారని, గత 9 తొమ్మిదేళ్ల ప్రధాని నరేంద్ర మోడీ ప్రభుత్వంలో మహిళా జనాభా పరంగా మార్పుకు ఇది గొప్ప ప్రతిబింబమని, ఇప్పుడు భారతదేశం మహిళల భాగస్వామ్యం నుండి మహిళా నాయకత్వానికి మారుతోందని డాక్టర్ జితేంద్ర సింగ్ అన్నారు. గత ఏడాది కూడా టాప్ త్రీ టాపర్లు మహిళలేనని, 2023 సివిల్ సర్వీసెస్ పరీక్షలో హ్యాట్రిక్ సాధిస్తామని ఆయన ఆశాభావం వ్యక్తం చేశారు.

ఈ ఏడాది టాప్ 20లో కేవలం 8 మంది ఇంజనీర్లు, ఒక మెడికో మాత్రమే ఉన్నారని, మిగిలిన వారు హ్యుమానిటీస్ కు చెందిన వారని, సాంకేతిక పరిజ్ఞానాన్ని సద్వినియోగం చేసుకోవడం ద్వారా సేవలను ప్రజాస్వామ్యీకరించడాన్ని తాను స్వాగతిస్తున్నానని జితేంద్ర సింగ్ పేర్కొన్నారు.

గత కొన్నేళ్లుగా జరుగుతున్న జనాభా మార్పును ప్రస్తావిస్తూ, ఈ అభ్యర్థులు బీహార్, ఉత్తర ప్రదేశ్, పంజాబ్, ఢిల్లీ, హర్యానా, మహారాష్ట్ర, కేరళ, మధ్యప్రదేశ్, రాజస్థాన్ తెలంగాణ రాష్ట్రాలు / కేంద్రపాలిత ప్రాంతాలకు చెందినవారు కాబట్టి వారు పాన్-ఇండియా కవరేజీకి ప్రాతినిధ్యం వహిస్తున్నారని చెప్పారు.

భారతదేశం వంటి వైవిధ్యభరితమైన దేశానికి ఈ లింగ, జనాభా మార్పు శుభసూచకమని ఆయన అన్నారు. కేంద్రీయ విద్యాలయం, నవోదయ పాఠశాల, ప్రభుత్వ పాఠశాలల నుంచి పాఠశాల విద్యను అభ్యసించిన అభ్యర్థులు కూడా ఈ పరీక్షలో ఉత్తీర్ణత సాధిస్తున్నారని, గతంలో ఇది ఎక్కువగా ఉన్నత పాఠశాలలకే పరిమితమైందని మంత్రి గుర్తు చేశారు.

టాప్-20 ర్యాంకర్లు , వారి కుటుంబ సభ్యులను ఉద్దేశించి డాక్టర్ జితేంద్ర సింగ్ తన స్వాగతోపన్యాసంలో, 2022 బ్యాచ్ సివిల్ సర్వెంట్లను "బ్యాచ్ ఆఫ్ చేంజ్ లీడర్స్"గా అభివర్ణించారు, భారతదేశం 25 సంవత్సరాల తరువాత ప్రపంచంలోని ఫ్రంట్ లైన్ దేశాలలో ఒకటిగా 100 సంవత్సరాల స్వాతంత్ర్య వేడుకలను జరుపుకునే నాటికి వీరు పరిపాలనలో కీలక పదవుల్లో ఉంటారని , అన్నారు.

ఆధునిక కాలానికి అనుగుణంగా ఎల్ బి ఎస్ ఎస్ ఎ ఎ పాఠ్య ప్రణాళికలో భారీ, సానుకూల మార్పులు వచ్చాయని, మిషన్ కర్మయోగి, మిషన్ ప్రారంభ్ తో పాటు, యువ ప్రొబేషనర్లకు సంబంధిత రాష్ట్రం లేదా కేంద్రపాలిత ప్రాంతం కేటాయించిన కేడర్ లో చేరడానికి ముందు కేంద్ర ప్రభుత్వంలో 3 నెలల పాటు మెంటార్షిప్ ఉంటుందని డాక్టర్ జితేంద్ర సింగ్ తెలియజేశారు.

సివిల్ సర్వీసెస్ ఎగ్జామినేషన్ (సి ఎస్ ఇ)-2023 తుది ఫలితాలను యూనియన్ పబ్లిక్ సర్వీస్ కమిషన్మే 23, 2023న విడుదల చేసింది. మొత్తం 933 మంది అభ్యర్థులను (613 మంది పురుషులు, 310 మంది మహిళలు) వివిధ సర్వీసుల్లో నియామకాల కోసం కమిషన్ ఈ క్రింది విధంగా సిఫారసు చేసింది:

సివిల్ సర్వీసెస్ ఎగ్జామినేషన్ 2022లో ఇషితా కిశోర్ (రోల్ నెంబర్ 5809986) టాపర్ గా నిలిచింది. ఆమె ఉత్తరప్రదేశ్ కు చెందినవారు. పొలిటికల్ సైన్స్ అండ్ ఇంటర్నేషనల్ రిలేషన్స్ ను ఆప్షనల్ సబ్జెక్టుగా తీసుకుని పరీక్షలో అర్హత సాధించారు. ఇషితా కిశోర్ ఢిల్లీ విశ్వవిద్యాలయం నుంచి బీఏ (ఆనర్స్) పట్టా పొందారు.

గరిమా లోహియా (రోల్ నెం.1506175) సివిల్ సర్వీసెస్ ఎగ్జామినేషన్ 2022లో 2వ ర్యాంకు సాధించారు. ఆమె బీహార్ కు చెందినవారు. కామర్స్ అండ్ అకౌంటెన్సీని ఆప్షనల్ సబ్జెక్టుగా తీసుకుని పరీక్షలో అర్హత సాధించారు. గరిమా లోహియా ఢిల్లీ విశ్వవిద్యాలయం నుంచి బి. కాం పట్టా పొందారు.

ఉమా హారతి ఎన్ (రోల్ నెంబర్ 1019872) సివిల్ సర్వీసెస్ ఎగ్జామినేషన్ 2022లో 3వ ర్యాంకు సాధించారు. ఆమె తెలంగాణకు చెందినవారు. ఆంత్రోపాలజీని ఐచ్ఛిక సబ్జెక్టుగా తీసుకుని పరీక్షలో అర్హత సాధించారు. ఉమా హారతి హైదరాబాద్ లోని ఇండియన్ ఇన్ స్టిట్యూట్ ఆఫ్ టెక్నాలజీ నుంచి బీటెక్ పట్టా పొందారు.

టాప్ 20 అభ్యర్థుల్లో 12 మంది మహిళలు, 8 మంది పురుష అభ్యర్థులు ఉన్నారు.

పరీక్ష లో టాప్ 20 అభ్యర్థుల ఆప్షనల్ సబ్జెక్టులలో - పొలిటికల్ సైన్స్ అండ్ ఇంటర్నేషనల్ రిలేషన్స్, కామర్స్ అండ్ అకౌంటెన్సీ, ఆంత్రోపాలజీ, జువాలజీ, ఎలక్ట్రికల్ ఇంజినీరింగ్, సోషియాలజీ, ఎకనామిక్స్, లా, మ్యాథమెటిక్స్, ఫిలాసఫీ, హిస్టరీ ఉన్నాయి.

మొత్తం 933 మందిలో 41 మంది శారీరక వికలాంగులు, 14 (లోకోమోటివ్ డిజేబిలిటీ అండ్ సెరిబ్రల్ పాల్సీ, ఎల్డీసీపీ), 07 మంది దృష్టి లోపం ఉన్నవారు (వీఐ), 12 మంది వినికిడి లోపం (హెచ్ఐ), 08 మంది మల్టిపుల్ డిజేబుల్డ్ (ఎండీ)) ఉన్నారు.

సివిల్ సర్వీసెస్ ప్రిలిమినరీ పరీక్ష 2022ను 05.06.2022న నిర్వహించారు. ఈ పరీక్షకు 11,12,318 మంది అభ్యర్థులు దరఖాస్తు చేసుకోగా, 5,13,192 మంది అభ్యర్థులు హాజరయ్యారు.16.09.2022 నుంచి 25.09.2022 వరకు జరిగిన రాత (మెయిన్) పరీక్షకు 13,090 మంది అభ్యర్థులు అర్హత సాధించారు. వీరిలో 2529 మంది ఇంటర్వ్యూ/ పర్సనాలిటీ టెస్ట్ కు అర్హత సాధించారు.

టాప్ 20 అభ్యర్థుల విశ్లేషణ ఇలా ఉంది.

విద్యార్హతల విశ్లేషణ

టాప్ 20 అభ్యర్థుల అటెంప్ట్ ల వారీ విశ్లేషణ

వయస్సు వారీ విశ్లేషణ {01-08-2022 నాటికి}

రాష్ట్రాలు/కేంద్రపాలిత ప్రాంతాల వారీగా కేటాయింపు

ఈ సందర్భంగా డాక్టర్ జితేంద్ర సింగ్ ఐఏఎస్ సివిల్ లిస్ట్ 2023ను విడుదల చేశారు. ఇ-బుక్ ఐఏఎస్ సివిల్ లిస్ట్ 2023 ప్రచురణతో భారీ ఐఏఎస్ సివిల్ జాబితా ముద్రణలో సంప్రదాయ పద్ధతిని తొలగించడానికి సిబ్బంది, శిక్షణ శాఖకు వీలు కలిగింది. ఇ-బుక్ ఐఏఎస్ సివిల్ లిస్ట్ అనేది భారత ప్రభుత్వ డిజిటల్ ఇండియా చొరవకు దోహదపడటానికి డిపార్ట్మెంట్ చేసిన ప్రయత్నం. ఈ చర్య పౌర జాబితా ప్రచురణకు వ్యయాన్ని తగ్గించడం ద్వారా వనరులను ఆర్థికంగా ఉపయోగించుకోవడానికి దోహద పడుతుంది. ఈ ఇ-బుక్ ఐఏఎస్ సివిల్ లిస్ట్ 2023లో అన్ని రాష్ట్రాలకు చెందిన ఐఏఎస్ అధికారుల ఫొటోలతో పాటు పూర్తి సమాచారం ఉంది.

దేశవ్యాప్తంగా వివిధ స్థాయిల్లో పనిచేస్తున్న ఐఏఎస్ అధికారుల సివిల్ జాబితాను డి ఒ. పి అండ్ టి ప్రతి ఏటా విడుదల చేస్తుంది. వివిధ పోస్టులను నిర్వహిస్తున్న ఐఏఎస్ అధికారులకు సంబంధించి సంబంధిత భాగస్వాములతో పాటు సాధారణ ప్రజానీకానికి సివిల్ లిస్ట్ అందుబాటులో ఉండటం ఎంతో ముఖ్యమైనది. ఇది సివిల్ లిస్ట్ 68 వ ఎడిషన్ . పిడిఎఫ్ లో ఇ-బుక్ మూడవ ఎడిషన్, ఇది 2023 లో ప్రారంభించ బడింది, ప్రత్యేకమైన శోధన సౌకర్యాలు , విషయాల హైపర్ లింకింగ్ తో బటన్ క్లిక్ ద్వారా సమాచారాన్ని సులభంగా యాక్సెస్ చేయవచ్చు. ఈ కార్యక్రమం లో డి ఒ పి టి కార్యదర్శి ఎస్. రాధా చౌహాన్ , డి ఎ ఆర్ అండ్ పీ జీ కార్యదర్శి వి.శ్రీనివాస్ , డి ఒ పి టి ఉన్నతాధికారులు పాల్గొన్నారు.

*******