আয়ুশ মন্ত্রালয়গী মখাদা মোরাজী দেসাই নেস্নেল ইন্সতিত্যুত ওফ য়োগ (এম.দি.এন.আই.ৱাই.)না হয়েং মে ২৭, ২০২৩দা এন.এন.সি. পরেদ গ্রাউন্দদা মেগা ‘য়োগ মহোৎসব’ অমা পাঙথোক্লি। থৌরম অসো জুন ২১, ২০২৩দা মধ্য প্রদেশকী জবলপুরদা মালেমগী য়োগ নুমিৎ পাঙথোক্কদৌরিবা অসিগী নুমিৎ ২৫ মাংওইননা পালন তৌগদৌরিবা অসিগী শরুক অমা ওইরি। মসি ঙসি পাঙথোকখিবা প্রেস কনফরেন্স অমদা ৱা ঙাংবদা পোর্তস, শিপ্পিং অমসুং ৱাতরৱেজ অমদি আয়ুশকী কেন্দ্র মন্ত্রী সর্বানন্দ সোনোৱলনা লাউথোকখিবনি।

থৌরম অসিদা ৱা ঙাংলদুনা শ্রী সর্বানন্দ সোনোৱলনা চহি অসিগী আই.দি.ৱাই.গী থিম – ‘য়োগ ফোর বসুধৈব কুতুম্বকম’ হায়বা অসিনা ওইরি হায়না লাউথোকখ্রে। শ্রী সোনোৱলনা চহি অসিগী মালেমগী য়োগ নুমিৎ পালন তৌনবা করম্না থৌরাং তৌবগে অমসুং শেম-শাবগে হায়না ফোঙদোকখি। মহাক্না হায়খি মদুদি ঙাকশেল মন্ত্রালয়, মপাল থৌরম মন্ত্রালয় অমসুং পোর্তস, শিপ্পিং অমসি ৱাতরৱেজ মন্ত্রালয়গী মতেংগা লোয়ননা হীথাংফম কয়াদা, জহাজ কয়াদা জুন ২১দা ওসিন রিং ওফ য়োগ শেমগনি মসিদা লৈবাক কয়ানা শরুক য়ারবা য়ানা লৈ। মন্ত্রীনা হায়খি য়োগ দেমোনস্ত্রেসনশিং অসিদা প্রাইম মেরিদিয়ন লাইন্দা তারিবা নত্ত্রগা মনাকদা লৈরিবা লৈবাকশিং - আর্তিক্তগী হৌরগা আর্তিকাদা পাঙথোক্কনি। য়োগ অসি নোর্থ অমসুং সাউথ পোল রিজনশিংদসু পাঙথোক্কনি। আর্তিক্কী স্বালবার্দতা লৈবা ইন্দিয়ন রিসর্চ বেজ – হিমাদ্রি অমসুং এন্তার্তিকাদা লৈবা অহুমশুবা ইন্দিয়ন রিসর্চ বেজ –ভারতিনা মালেম শিনবা থুংবদা লৈরিবা মীওই করোর কয়াগা লোয়ননা শরুক য়ারবা য়ানা লৈ। মহাক্না মখা তারদুনা হায় আই.এন.এস. বিক্রান্ত অমসুং আই.এন.এস. বিক্রমঅদিত্যানা ফ্লাইৎ দেকশিংদা পুন্না য়োগ দেমোনস্ত্রেসন তৌগনি”।

আয়ুশ মন্ত্রালয়না মখা তারদুনা হায়খি, “য়োগনা ঐখোয় পুম্নমকপু অমত্তা ওইনা পুনশিল্লি অমসুং মসিনা অপনবা পুম্নমক মাংহনবদা মতেং পাংলি। য়োগগী মসিগী গুন অমসুং ঐখোয়গী ফীদম্নফম ওইরবা প্রধান মন্ত্রী শ্রী নরেন্দ্র মোদীজীগী চোকথবা লৈত্রবা খোঙথাংশিংনা য়োগগী শাফু অমসুং মালেমগী মীয়াম্না মসিবু পাম্নবা হেনগৎহনখি। ঙসি মালেম পুম্বনা হোলিস্তোক হেল্থ অমসুং ৱেল-বিংগী অফবা পাম্বৈ অমা ওইনা য়োগবু লৌনরি। হয়েং অয়ুক অঙনবদা মীওই লিশিং কয়ানা হকচাং অমদি ৱাখল ফনা থম্নবা ইহৌঅসিদা য়াওদুনা মখোয়না কম্মন য়োগ প্রোতোকল (সি.ৱাই.পি.) পাঙথোক্কনি অমসুং মীওইবা খুন্নাই মশা-মউ ফনা লৈনবা পাউজেল শন্দোক্কনি। হাইদরাবাদকী মীয়াম্না মখোয়গী খেন্নবা য়েংদনা য়ুনিভর্সেল ব্রদরহুদ অমসুং কামারদেরিগী ৱাখল্লোন অসি শন্দোক্নবা করম্না খুৎশম্নবগে উৎলদুনা চহি অসিগী মোত্তো – য়োগ ফোর বসুধৈব কুতুম্বকম – অদু ময়েক শেংনা উৎলগনি। হাইদরাবাদ মীয়াম্না চাউনা শরুক য়াদুনা জুন ২১, ২০২২দা মধ্য প্রদেশকী জবলপুরদা পাঙথোক্কদবা অচৌবা মালেমগী য়োগ নুমিৎ অসিগীদমক শেম শারগনি”।

প্রেস কনফরেন্সতা ৱা ঙাংলদুনা কলচর, তুরিজম অমসুং দোনরগী কেন্দ্র মন্ত্রী, জি কিশন রেদ্দীনা হায়খি, “য়োগ অসি অফবা পুক্নিং হকচাংগীদমক অমৃতনি। য়োগ পামজবা অতোপ্পা মীওই লীশিং কয়াগা ঐখোয়না খুৎশম্নদুনা ঐখোয়না চহিচা অমদা চংশিল্লি, মসিদা মীওই কয়ানা অফবা পুন্সি মহিং অমা হিংবা ঙমগনি অমসুং প্রধান মন্ত্রী শ্রী নরেন্দ্র মোদীগী অনৌবা, মপাঙ্গল কনবা অমসুং পোজিতিব ইন্দিয়া অমা শেমগৎনবা মরু ওইবা মঙলানশিংদা অমা থুংহনবদা ঙম্লগনি। হাইদরাবাদ অসি লৈবাক শিনবা থুংবদা পাঙথোকপা য়োগ মহোৎসবশিংগী কেম্পেনশিংগী শরুক অমা ওইবা ফংবা লাইবক ফবনি। মসি খক্তা নত্তে মহোৎসব অসিনা মীচম মীয়ামগী মরক্তা য়োগদা থৱায় য়াওনা নৌনা হেনগৎহন্নবা পান্দম থম্বা খক্তা নত্তনা মহোৎসব অসিনা হাইদরাবাদপু রিজন অসিগী য়োগ দ্রিবন তুরিজমগী লিঞ্চপিন ওইহনবা ঙমলগনি”।

প্রেস কনফরেন্সতা নুপী অমসুং অঙাংগী চাউখৎ-থৌরাং অমসুং আয়ুশকী কেন্দ্র রাজ্য মন্ত্রী, দা. মুঞ্জপারা মহেন্দ্রভাইনা হায়খি, “মালেমগী য়োগ নুমিৎতা য়োগ ভারতমালাদা ইন্দিয়ন আর্মী, ইন্দিয়ন এয়র ফোর্স, কোস্ত গার্দ অমসুং বোর্দর রোদস ওর্গনাইজেসনদগী শরুক য়াবা উবা ফংগনি। ভারতকী খুঙ্গং লাখ ২ হেনবদা কম্মন য়োগ প্রোতোকল (সি.ৱাই.পি.)দা মীয়ামবু ত্রেন তৌনবা প্রোবিজনশিং শেমখি”।

য়োগ মহোৎসব অসি কলচর, তুরিজম অমসুং দোনরগী কেন্দ্র মন্ত্রী, জি কিশন রেদ্দী; নুপী অমসুং অঙাংগী চাউখৎ-থৌরাং অমসুং আয়ুশকী কেন্দ্র রাজ্য মন্ত্রী (এম.ও.এস.), দা. মুঞ্জপারা মহেন্দ্রভাই কালুভাই’ লোয়ননা আয়ুশ মন্ত্রালয়গী সেক্রেতরী, বৈদ্যা রাজেশ কোতেচানা শরুক য়াগনি। য়োগ মহোৎসব অসি এম.দি.এন.আই.ৱাই.গী দিরেক্তর, দা. ইশ্বারা বাসাবরাদ্দীনা পাঙথোক্কনি।

*******