প্রধানমন্ত্রীগী লোইশঙ

ওস্ত্রেলিয়াগী প্রধান মন্ত্রীগা লোয়ননা পাঙথোকখিবা প্রধান মন্ত্রীগী মীফম

Posted On: 24 MAY 2023 10:03AM by PIB Imphal

প্রধান মন্ত্রী শ্রী নরেন্দ্র মোদীনা ওস্ত্রেলিয়াগী সিদনীগী এদমিরেলতী হাউস্তা মে ২৪, ২০২৩দা ওস্ত্রেলিয়াগী প্রধান মন্ত্রী, ঐচ.ই. শ্রী এন্থোনী অলবানিজকা লোয়ননা বাইলেতরেল মীফম অমা পাঙথোকখ্রে।

এদমোরেলতী হাউস্তা প্রধান মন্ত্রীনা থুংখিবদা মঙোন্দা সেরেমোনিএল ৱেলকম অমসুং গার্দ ওফ ওনর পীখি।

লুচিংবা অনিমক্না নই দিল্লীদা মার্চ ২০২৩দা পাঙথোকখিবা মখোয়গী মহৈ য়াল্লবা অহানবা এনুএল লীদর্স সম্মিৎ অদু নীংশিংখি অমসুং ইন্দিয়া-ওস্ত্রেলিয়া কম্প্রিহেন্সিব স্ত্রেতেজিক পার্তনরশিপকী লম কয়াদা হেন্না পাকথোক-চাউথোক্নবা অমসুং মরী চেৎশিনহন্নবা মখোয়গী ফিরেপ নৌহৌননা ফোঙদোকখি।

খন্ন-নৈনবা অসিনা দিফেন্স অমসুং সেক্যুরিতী, ত্রেদ অমসুং ইনভেস্তমেন্ত, ন্যু অমসুং রিন্যুএবল ইনর্জী, গ্রীন হাইদ্রোজেন, ক্রিতিকেল মিনরেল্স, এজুকেসন, মাইগ্রেসন অমসুং মোবিলিতী, অমসুং মীয়ামগী মরীদা তেংবাং পীনবদা মীৎয়েং চংখি।

লুচিংবা অনিমক্না ইন্দিয়া-ওস্ত্রেলিয়া মাইগ্রেসন এন্দ মোবিলিতী পার্তনরশিপ এরেঞ্জমেন্ত (এম.এম.পি.এ.) খুৎয়েক পীনখিববু তরাম্না ওকখি, মসিনা ভারতকীদমক অখন্ননা শেম্বা মেৎস (মোবিলিতী এরেঞ্জমেন্ত ফোর তেলেন্তেদ আর্লী প্রোফেস্নেল্স স্কিম) হায়না মীংথোনবা অনৌবা স্কিল পাথৱে অমগী খুত্থাংদা মহৈরোয়শিং, প্রোফেস্নেলশিং, রিসর্চরশিং, একাদেমিক্স অমসুং অতোপ্পা য়াওনা মোবিলিতী হেনগৎহনবদা মতেং ওইরগনি।

মখোয়না ইন্দিয়া-ওস্ত্রেলিয়া হাইদ্রোজেন তাস্ক ফোর্সকী তর্মস ওফ রিফরেন্স ফাইনেলাইজেসন তৌববুসু তরাম্না ওকখি, মসিনা হাইদ্রোজেন ইলেক্ত্রোলাইজরশিং, ফ্যুল সেলশিং লোয়ননা ইনফ্রাস্ত্রকচর অমসুং স্তেন্দর্দশিং অমদি রিগ্যুলেসনশিং সপ্পোর্ত তৌবদা মীৎয়েং চংদুনা ক্লীন হাইদ্রোজেনগী মেন্যুফেকচর অমসুং দিপ্লোইমেন্ত খোঙজেল য়াংখৎহন্নবা খুদোংচাবশিং ফংহন্নবা লমজিংগনি।

প্রধান মন্ত্রী মোদীনা ওস্ত্রেলিয়াবু ব্রিসবেন্দা কন্সুলেৎ জেনরেল ওফ ইন্দিয়া অমা লিংখৎহনবদা মখোয়গী মতেং পীবগীদমক থাগৎপা ফোঙদোকখি।

লুচিংবা অনিনা রুল্স-বেজ ইন্তর্নেস্নেল ওর্দর ঙাক্না চৎপা শান্তি লৈবা, চাউখৎপা অমসুং ইনক্লুসিব ইন্দো-পেসিফিক রিজন অমা ওইহন্নবা মখোয়গী ফিরেপ নৌহৌনা ফোঙদোকখি। মখোয়না য়ু.এন. সেক্যুরিতী কাউন্সিলগী রিফোর্মগী মতাংদসু খন্নখি।

প্রধান মন্ত্রী অলবানিজনা ভারতকী জি২০ প্রসিদেন্সী অমসুং ইনিসিএতিবশিংদা ওস্ত্রেলিয়ানা চাউনা মতেং পাংগনি হায়না ফোঙদোকখি। প্রধান মন্ত্রীনা সেপ্তেম্বর ২০২৩দা নই দিল্লীদা পাঙথোক্কদবা জি২০ সম্মিৎতা প্রধান মন্ত্রী অলবানিজপু তরাম্না ওক্নবা খৌরাংনা ঙাইরি।

*****



(Release ID: 1927984) Visitor Counter : 92