কেন্দ্রগী য়ুমলৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি গুজরাতকী এহ্মদাবাদতা নেস্নেল কনভেন্সন ওফ মোদী সমাজ হৌদোকখ্রে।

শ্রী অমিত শাহনা ৱা ঙাংবা মতমদা মহাক্না হায়খি মদুদি চাইথোক্তুনা লৈরিবা ফুরুপশিংবু পুনশিনহন্নবা হোৎনরি অমসুং ফুরপ অনি অসিগীদমক্তা অমসুং লৈবাক অসিগীদমক্তা মসি য়াম্না অফবা খুদম্নি। মহাক্না হায়খি মদুদি মসিগী ফুরুপ অসিনা লেপ্তনা হোৎনবা অমসুং মখোয়গী পাঙ্গল অদুনা মরম ওইরগা খুমাং য়াম্না চাউখ্রে অমসুং মশক তাক্লরগনি। শ্রী শাহনা হায়খি মদুদি মসিগী খুনাই অসি ভগবান শীবা মশামক্না থৌজানবীরে।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি শ্রী নরেন্দ্র মোদীনা গুজরাত্তা লৈরিবা খুঙ্গং খুদিংমক্তা চৎখি অমসুং নহাশিংবু পুক্নিং থৌগৎখি অমসুং  ওর্গনাইজেশন অমা শেমদুনা গুজরাত্তা অহোংবা অমা পুরক্নবা মপালনাইদ্রবা স্ত্রকচর অমা পীখ্রে। মহাক্না হায়খি মদুদি শ্রী নরেন্দ্র মোদীনা গুজরাতকী মুখ্য মন্ত্রী ওইরিঙৈ মতমদা তৌখিবা মীয়ামগী য়াইফনবগী থবকশিং অদুদা য়ুমফম ওইরগা মহাক্নালৈবাক অসি প্রধান মন্ত্রী ওইখি, অমসুং হৌজিক প্রধান মন্ত্রী অমা ওইনা মহাক্না মালেম শিনবা থুংনা লৈবাক অসিবু ইকাই খুম্নবা হেনগৎহল্লি।

শ্রী অমিত শাহনা হায়খি মদুদি হান্নগী সরকারশিংনা মতম পুম্বদা ও.বি.সি. কম্যুনিতীবু তাথি-তাওইনা তৌখি অমসুং ইকাইবা কয়া মায়োক্নহনখি অমসুং মখোয়বু নাথৈদুনা থমখি, প্রধান মন্ত্রী মোদীনা ও.বি.সি. কম্যুনিতীবু ইকাইখুম্ননবগীদমক্তা অনৌবা থৌরাং কয়া অমা পাইখৎখি অমসুং হৌখিবা চহি ৯ অসিদা ও.বি.সি. কম্যুনিতীগী য়াইফ-থৌরাংগীদমক্তা খোংথাং কয়া অমা লৌখৎখি। মহাক্না হায়খি মদুদি ও.বি.সি. ময়াম অমা ঐখোয়গী পার্তীদগী মুখ্য মন্ত্রীশিং ওইহনখ্রে, প্রধান মন্ত্রী, নরেন্দ্র মোদীগী লুচিং মখাদা সরকার অসিনা ও.বি.সি. কমিসনদা কনস্তিত্যুশনগী ওইব আস্তেতস পীখ্রে অমসুং হৌজিক ফাওবদা খ্বাইদগী অহানবা ওইনা ও.বি.সি.ফুরুপতগী মন্ত্রী ২৭ কেন্দ্রগী কেবিনেত্তা য়াওহনখ্রে।

কেন্দ্রগী য়ুমলৈ-কৈরৈ মন্ত্রীনা হায়খি মদুদি হান্নদি কেন্দ্রিয়া ৱিদ্যালয়া, নৱোদয়া ৱিদ্যালয়া অমসুং এন.ই.ই.তি. পরিখাদা ও.বি.সি.গী রিজার্ভেশন য়াওরমদে অদুবু মসি হৌজিক্তি প্রধান মন্ত্রী, শ্রী নরেন্দ্র মোদীগী লুচিং মখাদা সরকার অসিনা য়াওহনখ্রে। মহাক্না হায়খি মদুদি ও.বি.সি.গী নহা ওইরিবআ এন্ত্রপ্রেনরশিংগীদমক্তা অনৌবআ কেপিতল ফন্দ অমা শেমখ্রে। ও.বি.সি. লিস্তকী এমেন্দমেন্ত প্রোসেস অদুসু প্রধান মন্ত্রী, শ্রী নরেন্দ্র মোদীগী লমজিং-লমতাক মখাদা সরকারনা হৌদোকখ্রে। শ্রী শাহনা হায়খি মদুদি হান্নগী সরকারনা চহি ৫৬ পাল্লম্বা মতম অদুদা ও.বি.সি. কম্যুনিতীগীদমক্তা ইকাইখুম্ননিংঙাই ওইগদবা অনৌবা থৌরাং আমত্তা ফাওবা তৌরমদে অদুবু শ্রী নরেন্দ্র মোদীনা হৌখিবা চহি ৯ অসিদা মশিং থিঙমদ্রবা থৌরাং কয়া অমা পাইখৎলমখি, মসিনা মরম ওইরগা ও.বি.সি.কম্যুনিতী অসি চাউখৎলক্লি অমসুং মশাগী ফংফম থোকপা মফম অদু ফংবা ঙম্লে।

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা লাইরবশিংদা মখল মখা কয়াগী খুদোংচাবশিং পীনবা থবক-থৌরম কয়া অমা তৌখি মরমদি শ্রী মোদী মশামক লাইরবা ইমুং অমদা পোকখি অমসুং দেমোক্রেতিক প্রোসেসতা লৈবাক অসিগী প্রধান মন্ত্রী ওইখি। হৌজিক ফাওবদা খ্বাইদগী অহানবা ওইনা অসিগুম্বা লাইর-অনংশিং থেংনরকপা মীশক অমনা লৈবাক অসিগী প্রধান মন্ত্রী ওইরে অমসুং লাইরবশীংগী অৱাবা খঙবা শ্রী মোদীনা লৈবাক অসিগী মী করোর ১৩ রোমদা মখোয়গী য়ুম-য়ুমদা গ্যাস সীলিন্দর পীখি, য়ুম করোর ১০ তোইলেতশিং শাবীখি, মী করোর ৩দা য়ুম পীখি, য়ুম করোর ৩ হেন্না মৈ ফংহনখি, মী করোর ৭০দা লুপা লাখ ৫ ফাওবগী হকশেলগী ওইবা খুদোংচাবশিং লেম্না পীখি অমসুং চহি অনি মখাইগীদমক্ত আমী করোর ৮০ থা অমদা মী  অমমমগী চেং-চাক কিলো ৫ পীখি।  শ্রী শাহনা হায়খি মদুদি কোবিদ-১৯ লাইচৎ মনুংদা , মীপুম খুদিংমকপু চপ মান্নৈ খন্দুনা, প্রধান মন্ত্রী, শ্রী নরেন্দ্র মোদীনআ মী করোর ১৩০দা কোরোনা ভেক্সিন পীখি। মহাক্না হায়খি মদুদি প্রধান মন্ত্রী, শ্রী মোদীনা লাইরবশিংদগী কহবাইদগী হেন্না লাইরবশিংদা খুদোংচাবশিং পীনবা তেক্নোলোজী শিজিন্নরি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা সরকারগী পব্লিক ৱেলফিয়র স্কীমশিংবু দি.বি.তি.গা দাইরেক্ত লিঙ্ক তৌদুনা অমসুং লাইরবা অদুগী বেঙ্ক এলাউন্ততা দাইরেক্ত ওইনা মখোয়গী কান্নবশিং অদুবু থাজিন্দুনা করপ্সন মুত্থৎখ্রে।

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি রাথোর, তেলি অমসুং সাহু কম্যুনিতীশিংনা লৈবাক অসিগীমদক্তা য়াম্না চাউনা শরুক য়াখি অমসুং লৈবাক অসিবু মালেম শিনবা থুংনা ভারতপু ইকাইখুম্নহন্নবা থবক তৌখিবা অদুগুম্বা প্রধান মন্ত্রী অমা  পীবীরে। অমেরিকাগী রাস্ত্রপতিনা প্রধান মন্ত্রী, শ্রী নরেন্দ্র মোদী, নহাক অমেরিকাদা মীয়াম্না য়াম্না পাম্নৈ, অমসুং মহাক্না নহাক্কী ওতোগ্রাফ পাম্মি হায়বা মতমদা ভারতমচা খুদিংমক্না চাউথোকচৈ। মহাক্না হায়খি মদুদি ভারতকী শেনমিৎলোন অসি হান্নদি মালেমগী ওইনা ১১শুবদা লৈরম্মি অদুবু ঙসিদি ৫শুবদা কাখৎলকখ্রে অমসুং প্রধান মন্ত্রী মোদীনা ভারতকী শেনমিৎলোন অসি ২০২৫ ফাওবদা $ ত্রিলিয়না ৫গী শেনমিৎলোন অমা ওইহল্লগনি হায়বা তার্গেত অমা থম্লি। শ্রী শাহনা হায়খি মদুদি ভারতনা স্মার্তফোন শিজিন্নবদা অমসুং পুথোকপদা মালেম অসিগী অনিশুবদা লৈ, এভিয়েশন মার্কেত্তা অহুমশুবদা লৈ, ওতোমোবাইল মার্কেত্তা অহুমশুবদা লৈ, স্তার্তঅপশিংদা অহুমশুবদা লৈ অমসুং রিন্যুৱেবল ইনর্জীগী মতাংদা মালেম অসিগী ওইনা অহুমশুবদা লৈ। মহাক্না হায়খি মদুদি লৈবাক অসিনা নিংখা তম্লবা মতুংদা ওপোজিশনগী সরকারশিং অদুগী চহি ৫০ অদুগা চাংদম্নবদা প্রধান মন্ত্রী, শ্রী নরেন্দ্র মোদীগী লুচিং মখাদা সরকার অসিনা চহি ৯ অসিদা মরু ওইবা, শিংথানিংঙাই ওইবা মাইপাকপা কয়া অমা ফংখ্রে।

**************