امور داخلہ کی وزارت
مرکزی وزیر داخلہ اور تعاون کے وزیر جناب امت شاہ نے آج احمد آباد، گجرات میں مودی سماج کے قومی کنونشن کا افتتاح کیا
گجرات کے وزیر اعلی ٰ کی حیثیت سے اپنے دور میں عوامی فلاح و بہبود کے کاموں کی بنیاد پر جناب نریندر مودی ملک کے وزیر اعظم بنے اور اب ایک وزیر اعظم کی حیثیت سے وہ دنیا بھر میں بھارت کا وقار بڑھا رہے ہیں
پچھلی حکومتوں نے ہمیشہ او بی سی برادری کو ہراساں کیا اور ان کی تذلیل کی اور انھیں نظر انداز کیا، وزیر اعظم مودی نے او بی سی برادری کو عزت دینے کے لیے بہت سے اقدامات کیے اور او بی سی کی فلاح و بہبود کے لیے بہت سے قدم اٹھائے
وزیر اعظم جناب نریندر مودی کی قیادت والی حکومت نے گذشتہ 9 برسوں میں او بی سی کمیشن کو آئینی حیثیت دی ہے اور پہلی بار او بی سی برادری کے 27 وزراء کو مرکزی کابینہ میں شامل کیا گیا ہے
اس سے پہلے کیندریہ ودیالیہ، نوودیہ ودیالیہ اور این ای ای ٹی امتحان میں او بی سی ریزرویشن نہیں تھا۔ لیکن اب وزیر اعظم جناب نریندر مودی کی قیادت میں حکومت نے غریبوں سے ہمدردی کا اظہار کرتے ہوئے اس کو یقینی بنایا ہے
جناب مودی نے ملک کے کروڑوں غریب لوگوں کو مختلف سہولیات فراہم کی ہیں
جناب نریندر مودی غریب ترین لوگوں کو سہولیات فراہم کرنے کے لیے ٹکنالوجی کا استعمال کر رہے ہیں
وزیر اعظم مودی نے حکومت کی کئی عوامی فلاحی اسکیموں کو ڈی بی ٹی سے جوڑ کر اور ان کے فوائد براہ راست غریبوں کے بینک کھاتوں میں بھیج کر بدعنوانی کا خاتمہ کیا
ملک کی آزادی کے بعد اپوزیشن حکومتوں کے 50 سال کے مقابلے میں وزیر اعظم جناب نریندر مودی کی قیادت میں حکومت کے 9 سال نے کئی اہم کامیابیاں حاصل کی ہیں
جب امریکہ کے صدر کہتے ہیں کہ وزیر اعظم جناب نریندر مودی، آپ امریکہ میں بہت مقبول ہیں، اور وہ آپ کا آٹوگراف چاہتے ہیں، تو ہر بھارتی فخر محسوس کرتا ہے کہ راٹھور، تیلی اور ساہو برادریوں نے ملک کو ایسا وزیر اعظم دیا ہے جس نے دنیا میں بھارت کا وقار قائم کرنے کے لیے کام کیا ہے
بھارتی معیشت جو پہلے دنیا میں 11 ویں نمبر پر تھی، آج پانچویں مقام پر پہنچ گئی ہے اور وزیر اعظم مودی نے ہدف مقرر کیا ہے کہ بھارتی معیشت 2025 تک 5 ٹریلین ڈالر کی معیشت بن جائے گی۔
Posted On:
21 MAY 2023 7:36PM by PIB Delhi
مرکزی وزیر داخلہ اور تعاون کے وزیر جناب امت شاہ نے آج احمد آباد، گجرات میں مودی سماج کے قومی کنونشن کا افتتاح کیا۔
![](https://static.pib.gov.in/WriteReadData/userfiles/image/image001YPFA.jpg)
اپنے خطاب میں جناب امت شاہ نے کہا کہ منتشر کمیونٹی کو متحد کرنے کی کوشش کی جارہی ہے اور یہ کمیونٹی اور قوم دونوں کے لیے ایک اچھی علامت ہے۔ انھوں نے کہا کہ یہ کمیونٹی اپنی مسلسل کوششوں اور طاقت کی وجہ سے آگے بڑھی ہے اور اسے نمائندگی ملے گی۔ جناب شاہ نے کہا کہ اس سماج کو خود بھگوان شیو نے آشیرباد دیا ہے۔
مرکزی وزیر داخلہ اور تعاون کے وزیر نے کہا کہ جناب نریندر مودی نے گجرات کے ہر گاؤں کا دورہ کیا ہے اور نوجوانوں کو متاثر کیا ہے اور ایک تنظیم تشکیل دے کر گجرات میں تبدیلی لانے کے لیے ایک بے مثال ڈھانچہ فراہم کیا ہے۔ انھوں نے کہا کہ گجرات کے وزیر اعلی ٰ کی حیثیت سے اپنے دور میں عوامی فلاح و بہبود کے کاموں کی بنیاد پر جناب نریندر مودی ملک کے وزیر اعظم بنے اور اب ایک وزیر اعظم کی حیثیت سے وہ پوری دنیا میں بھارت کا وقار بڑھا رہے ہیں۔
جناب امت شاہ نے کہا کہ پچھلی حکومتوں نے ہمیشہ او بی سی کمیونٹی کو ہراساں کیا اور ان کی تذلیل کی اور انھیں نظر انداز کیا، وزیر اعظم مودی نے او بی سی برادری کو عزت دینے کے لیے کئی اقدامات کیے اور گذشتہ 9 برسوں میں او بی سی برادری کی فلاح و بہبود کے لیے بہت سے اقدامات کیے۔ انھوں نے کہا کہ ہماری پارٹی سے کئی او بی سی کو چیف منسٹر بنایا گیا ہے، وزیر اعظم نریندر مودی کی قیادت میں حکومت نے او بی سی کمیشن کو آئینی درجہ دیا ہے اور پہلی بار او بی سی برادری کے 27 وزراء کو مرکزی کابینہ میں شامل کیا گیا ہے۔
![](https://static.pib.gov.in/WriteReadData/userfiles/image/image002BJCJ.jpg)
مرکزی وزیر داخلہ نے کہا کہ پہلے کیندریہ ودیالیہ، نوودیہ ودیالیہ اور این ای ای ٹی امتحان میں او بی سی کے لیے کوئی ریزرویشن نہیں تھا، لیکن اب وزیر اعظم جناب نریندر مودی کی قیادت میں حکومت نے اس کو یقینی بنایا ہے۔ انھوں نے کہا کہ او بی سی نوجوان صنعت کاروں کے لیے وینچر کیپیٹل فنڈ قائم کیا گیا ہے۔ او بی سی فہرست میں ترمیم کا عمل بھی وزیر اعظم جناب نریندر مودی کی رہنمائی میں حکومت کی طرف سے شروع کیا گیا تھا۔ جناب شاہ نے کہا کہ پچھلی حکومتوں کے گذشتہ 56 سال کے دور حکومت میں او بی سی کمیونٹی کے احترام کو یقینی بنانے کے لیے ایک بھی پہل نہیں کی گئی تھی، لیکن جناب نریندر مودی نے گذشتہ 9 برسوں میں ان گنت اقدامات کیے ہیں۔ جس کے ذریعے او بی سی برادری ترقی کر رہی ہے اور اپنا مناسب مقام حاصل کر رہی ہے۔
جناب امت شاہ نے کہا کہ وزیر اعظم جناب نریندر مودی نے غریبوں کو ہر طرح کی سہولیات فراہم کرنے کی کوشش کی ہے کیونکہ جناب مودی خود ایک غریب گھرانے میں پیدا ہوئے تھے اور جمہوری عمل کے ذریعے ملک کے وزیر اعظم بنے تھے۔ پہلی بار ایسی غریبی دیکھنے والا شخص ملک کا وزیر اعظم بن گیا اور جناب مودی جنھوں نے غریبوں کی تکلیف کو سمجھا، ملک کے تقریباً 13 کروڑ لوگوں کے گھروں میں گیس سلنڈر پہنچائے، 10 کروڑ گھروں میں بیت الخلا بنائے، 3 کروڑ لوگوں کو گھر دیے، 3 کروڑ سے زیادہ گھروں کو بجلی فراہم کی، 5 کروڑ لوگوں کو 70 لاکھ روپے تک کی صحت کی تمام سہولیات مفت فراہم کی گئیں اور 5 کروڑ لوگوں کو ڈھائی سال تک ہر ماہ 80 کلو گرام اناج مفت فراہم کیا گیا۔ جناب شاہ نے کہا کہ کووڈ 19 وبائی مرض کے دوران سب کو برابر سمجھتے ہوئے وزیر اعظم جناب نریندر مودی نے 130 کروڑ لوگوں کو کورونا ویکسین فراہم کی۔ انھوں نے کہا کہ وزیر اعظم مودی نے دکھایا ہے کہ کس طرح سماج کے ہر طبقے کے لیے ٹکنالوجی کا استعمال کیا جاسکتا ہے۔ انھوں نے کہا کہ وزیر اعظم جناب نریندر مودی غریب ترین لوگوں کو سہولیات فراہم کرنے کے لیے ٹکنالوجی کا استعمال کر رہے ہیں۔ انھوں نے کہا کہ وزیر اعظم مودی نے حکومت کی کئی عوامی فلاحی اسکیموں کو ڈی بی ٹی سے جوڑ کر اور ان کا فائدہ براہ راست غریبوں کے بینک کھاتوں میں بھیج کر بدعنوانی کا خاتمہ کیا ہے۔
![](https://static.pib.gov.in/WriteReadData/userfiles/image/image003S5SB.jpg)
مرکزی وزیر داخلہ اور وزیر تعاون نے کہا کہ راٹھور، تیلی، ساہو برادری نے ملک کے لیے بہت بڑا تعاون کیا ہے اور ملک کو ایسا وزیر اعظم دیا ہے جس نے دنیا میں بھارت کا وقار قائم کرنے کا کام کیا ہے۔ جب امریکہ کے صدر کہتے ہیں کہ وزیر اعظم جناب نریندر مودی، آپ امریکہ میں بہت مقبول ہیں، اور وہ آپ کا آٹوگراف چاہتے ہیں، تو ہر بھارتی فخر محسوس کرتا ہے۔ انھوں نے کہا کہ بھارتی معیشت جو پہلے دنیا میں 11 ویں نمبر پر تھی، آج پانچویں مقام پر پہنچ گئی ہے اور وزیر اعظم مودی نے ہدف مقرر کیا ہے کہ بھارتی معیشت 2025تک 5 ٹریلین ڈالر کی معیشت بن جائے گی۔ جناب شاہ نے کہا کہ اسمارٹ فون کے استعمال اور پیداوار میں بھارت دنیا میں دوسرے، ہوا بازی کی مارکیٹ میں تیسرے، آٹوموبائل مارکیٹ میں تیسرے، اسٹارٹ اپ میں تیسرے اور قابل تجدید توانائی میں دنیا میں تیسرے نمبر پر ہے۔ انھوں نے کہا کہ ملک کی آزادی کے بعد اپوزیشن کی 2025 سالہ حکومتوں کے مقابلے میں وزیر اعظم جناب نریندر مودی کی قیادت میں 50 سال کی حکومت نے کئی اہم کامیابیاں حاصل کی ہیں۔
**
(ش ح – ع ا – ع ر)
U. No. 5362
(Release ID: 1926156)
Visitor Counter : 166