মীয়ামগীদমক হেল্থ অমসুং ৱেলনেসকীদমক ‘ইন্তিগ্রেতিব হেল্থ’তা মীৎয়েং চংনবা আয়ুশ মন্ত্রালয় অমসুং হকশেল অমদি য়াইফ য়ুম্বাল মন্ত্রালয়গী ফিরেপ অমগা লোয়ননা নুমিৎ নিনি নেস্নেল আয়ুশ মিসন কনক্লেব হৌদোকখ্রে। অথোইবা মীথুংলেন ওইনা হকশেল অমদি য়াইফ য়ুম্বালগী কেন্দ্র মন্ত্রী, দা. মনসুখ মন্দাবিয়া ওইনা লেংশিন্দুনা কনক্লেব অসি আয়ুশ অমসুং পোর্তস, শিপ্পিং অমসুং ৱাতরৱেজকী কেন্দ্রগী মন্ত্রী, শ্রী সর্বানন্দ সোনোৱালনা কনক্লেব অসি হৌদোকখি।

থৌরম অসিদা আয়ুশ মন্ত্রালয়গী আই.সি.তি. ইনিসিএতিব অনি হৌদোকখি। শ্রী সর্বানন্দ সোনোৱালনা ই-লর্নিং মেনেজমেন্ত সিস্তেম (ই.এল.এম.এস.) অমসুং দা. মনসুখ মন্দাবিয়ানা অপগ্রেদ তৌরবা ই.ঐচ.আর. সিস্তেম, কমপ্রিহেন্সিব এ.ঐচ.এম.আই.এস. লোঞ্চ তৌখি। জম্মু অমদি কাশ্মিরগী মীহুৎশিং য়াওনা উত্তর প্রদেশ, মধ্য প্রদেশ, হরিয়ানা, হিমাচল প্রদেশ, গোৱা, ঝারখন্দ, উত্তরাখন্দ, অসাম, মিজোরাম, নাগালেন্দ, অরুনাচল প্রদেশকী হকশেল অমসুং আয়ুশ মন্ত্রীশিংগা লোয়ননা আয়ুশকী রাজ্য মন্ত্রী, দা. মুঞ্জপারা মহেন্দ্রভাইনা শরুক য়াখি। থৌরম অসিদা আয়ুশকী কেন্দ্র মন্ত্রী, শ্রী সর্বানন্দ সোনোৱালনা ‘লাইফস্তাইল ফোর এনভাইর্নমেন্ত প্লেদজ’ লৌগনি।

থৌরম অসিগী ময়াই তাংবল লৌরদুনা শ্রী সোনোৱালনা হায়খি, “ইকাই খুম্নরবা প্রধান মন্ত্রী শ্রী নরেন্দ্র মোদীনা আয়ুশ অমসুং হকশেল অমদি য়াইফ-য়ুম্বাল মন্ত্রালয়শিংদা হেল্থ অমসুং ৱেলনেসকীদমক পুন্না থবক তৌনবা পুক্নিং থৌগৎখি। ভারতনা লম অসিদা মালেমবু লমজিংগনি। মন্ত্রালয় অনিমক্না পুন্না থবক তৌবনা ঐখোয়গী ফিরেপ অমসুং শক্তি অসি শরুক কয়া হেনগৎলকখি। ইন্দিয়ন ত্রেদিস্নেল মেদিসিন্স সিস্তেমশিংবু শকখঙলদুনা দবল্যু.ঐচ.ও.না জামনগরদা দবল্যু.ঐচ.ও.-জি.সি.তি.এম. সেন্তর অমা ভারত্তা খুদোল তমখি।

ইন্তিগ্রেতিব মেদিসিনদা চাউনা মীৎয়েং চংলদুনা দা. মনসুখ মন্দাবিয়ানা হায়খি ঙসিগী তঙাই ফদবা অসি ভারতকী প্রজা খুদিংমকপু মশা মউ ফনা থম্বনি। মন্ত্রালয় অনিমক্না অথুবদা “ইন্তিগ্রেতিব হেল্থ” পোলিসী অমা শেম্লগনি।

দা. মন্দাবিয়ানা হায়খি ভারতকী ত্রেদিস্নেল মেদিসিন সিস্তেম অসি ঐখোয়গী শক্তিনি অমসুং হৌজিক মালেমনা মসি মপুং ফানা য়াজরি। মহাক্না হায়খি য়োগ অসি ৱেলনেসকীদমক খ্বাইদগী ফবনি অমসুং জপানগী মীশিংগী য়াম্লবা শরুক্না হেল্থ অমসুং ৱেলনেসকী কান্নবশিংগীদমক মখল অমা নত্ত্রগা অমদা য়োগ তৌরি।

আয়ুশকী রাজ্য মন্ত্রী দা. মুঞ্জপারা মহেন্দ্রভাইনা হায়খি, “আয়ুশনা মাগী হোলিস্তিক অমসুং ইন্তিগ্রেতিব এপ্রোচকা লোয়ননা ভারত্তা লৈরিবা লাইনাগী পোৎলুম হন্থহনবদা চাউনা শরুক তমগনি”

আয়ুশ মন্ত্রালয়গী সেক্রেতরী বৈদ্যা রাজেশ কোতেচানা পুম্নমকপু তরাম্না ওকখি অমসুং আয়ুশ সিস্তেমশিং অসিনা মখোয়গী হোলিস্তিক এপ্রোচকা লোয়ননা লাইনাশিং মপুং ওইনা ঙাকথোকপদা মীৎয়েং থম্মিবা সমস্যাশিং লাকশিল্লি হায়না ফোঙদোকখি।

হৌদোকপগী সেসনগী হেক মতুংদা নেস্নেল আয়ুশ মিসনগী খুত্থাংদা লৈবাক অসিদা আয়ুশ সর্ভিসেস মপাঙ্গল কনখৎহন্নবা রাউন্তেবল দিস্কসন অমা পাঙথোকখি। শরুক য়ারিবা রাজ্যশিং অমসুং য়ু.তি.শিংগী মন্ত্রীশিং অমসুং খ্বাইদগী মকোক থোংবা হকশেলগী ওফিসিএলশিংনা ভারতকী পব্লিক হেল্থ দেলিবরী সিস্তেমদা ঐচ.দবল্যু.সি.শিংনা পীরিবা কান্নবা অসি শকখঙখি। খন্ন-নৈনবা অদুদা মন্ত্রীশিংনা মখোয়গী রাজ্যশিংদা আয়ুশ সিস্তেম করম্না শেমগৎলি অমসুং থবক পীবগে হায়বগী মতাংদা ফোঙদোক্নখি। আয়ুশ মন্ত্রালয়গী জোইন্ত সেক্রেতরী, কবিতা গার্গনা নেস্নেল আয়ুশ মিসনগী শম্লপ্পা ৱারোল অমা পীখি।

নেস্নেল আয়ুশ মিসন (নাম) অসি রাজ্যশিং অমসুং য়ু.তি.শিংগী সরকারগা খুৎশম্নদুনা আয়ুশ মন্ত্রালয়না পাইখৎপা ফ্লেগশিপ প্রোগ্রাম অমনি; মসিনা রাজ্যশিংদা লৈরিবা হেল্থ অমসুং ৱেলনেস লেন্দস্কেপতা অওনবা পুরক্লি। নুমিৎ নিনিগী কনক্লেব (মে ১৮ অমসুং ১৯, ২০২৩) অসিনা স্তেকহোল্দরশিংগী মরক্তা হেন্না ফবা কোওর্দিনেসন পীনবা অমসুং এ.ঐচ.দবল্যু.সি.শিং মথৌ তৌবা হেনগৎহন্নবা লম্বী য়াৎকনি।

নুমিৎ নিনিগী কনক্লেব মনুংদা শরুক য়ারিবা রাজ্যশিংদগী সবজেক্ত এক্সপর্তশিংনা নামগী মখাদা বজেৎ এবজোর্পসন্দা ইফিসিএন্সী হেনগৎহন্নবা অমসুং স্কিম অসি নীংথিনা একজিক্যুসন তৌনবগী ইন্সতিত্যুস্নেলাইজেসন তৌবা, আয়ুশ হেল্থ ফেসিলিতীশিংদা হীদাক লাংথকশিং নীংথিনা সপ্লাই তৌবা ঙমহন্নবা, আয়ুশকী কেপাসিতী বিল্দিং তৌবা অমসুং আয়ুশ হেল্থ ৱেলনেস সেন্তরশিং অপগ্রেদ তৌবা, আয়ুশ পব্লিক হেল্থকিয়রদা রিসর্চ অমসুং ক্বালিতী এস্যুরেন্সকীদমক পব্লিক হেল্থ অমসুং তেক্নোলোজিকেল ইন্তিগ্রেসন তৌবা মপাঙ্গল কনখৎহন্নবা আয়ুশতা এজুকেসন ইকোসিস্তেম মপাঙ্গল কনখৎহন্নবা মীৎয়েং থম্মিবা নেস্নেল আয়ুশ মিসন (নাম)গী তোঙান-তোঙানবা হীরমশিংদা খন্ন-নৈনগনি।

ফ্লেগশিপ প্রোগ্রাম নেস্নেল আয়ুশ মিসন অসি ২০১৪দা হৌদোকখি অমসুং মসিনা ভারতকী হীদাক-লাংথক্কী ত্রেদিস্নেল সিস্তেমশিং ঙাকশেনবা অমসুং চাউখৎহনবা অমসুং মেনস্ত্রীম হেল্থকিয়র সিস্তেমদা মখোয়বু ইন্তিগ্রেসন তৌবদা মরু ওইবা থৌদাং লৌখি। মসিনা ভারত সরকারগী আয়ুশ্মান ভারত স্কিমগী শরুক ওইনা আয়ুশ হেল্থ ৱেলনেস সেন্তরশিং (এ.ঐচ.দবল্যু.সি.শিং)গী খুত্থাংদা লৈবাক শিনবা থুংবদা আয়ুশ হেল্থকিয়র সর্ভিসেসকী এভাইলেবিলিতী, এক্সেসিবিলিতী অমসুং ক্বালিতী হেনগৎহন্নবা পান্দম থমখি।

কেন্দ্রগী মন্ত্রী-মন্দলনা রাজ্য/য়ু.তি. সরকারশিংনা সেন্ত্রেলী স্পোন্সর্দ স্কিম মোদকী খুত্থাংদা অমসুং তাঙ্কক নাইবা মওং অমদা নেস্নেল আয়ুশ মিসন (নাম)গী অমব্রেল্লাগী মখাদা হান্না লৈরবা আয়ুশ দিস্পেন্সরিশিং/ হেল্থ সব-সেন্তর অপগ্রেদ তৌদুনা আয়ুশ ঐচ.দবল্যু.সি. ১২,৫০০ ওপরেস্নেলাইজ তৌবদা অয়াবা পীখি। হৌজিক ফাওবদা এ.ঐচ.দবল্যু.সি ৮৫০০ হেন্না ভারত শিনবা থুংবদা লিংখৎখি অমসুং মীয়ামগী শেবা তৌরি।

****