মুম্বাইদা মে ২৩-২৫,২০২৩দা অনিশুবা জি-২০ দিজাস্তর রিক্স রিদক্সন ৱার্কিং গ্রুপ (দি.আর.আর.দব্লিউ.জি) মীফম পাংথোক্লগনি। অমাং-অতা থোরকপা মতমদা লাকশিন্নবা অনৌবা পাম্বৈশিং পুথোক্নবা অমসুং তুংকোইনা চৎনবা য়াগদবা চাউখৎ-থৌরাংগী থবকশিং পায়খৎনবা ৱা খন্ননবা লৈবাক ২০ হেনবগী সরকারগী ওফিসিএলশিং, উদোগকী অখঙ-অহৈশিং, প্রাইভেদ সেক্তরগী মীহুৎশিং অমসুং মরী লৈনবা খুদিংমক মীফম অসিদা শরুক য়াগনি। খুদোংচাবশিং মশক খঙদোক্তুনা অমসুং অফবা শেন থাদনবগী খুদোংচাবশিং য়েংশিন্দুনা, খুদোংথিনিঙাই ওইবা কাংলপশিং অমাং-অতা থোকপদগী ঙাকথোক্নবা থবক পায়খৎনবা মীফম অসিনা পান্দম থম্লি।  

নুমিৎ হুম্নি মুম্বাইদা পাংথোক্কদৌরিবা দি.আর.আর.দব্লিউ.জি মীফমদা তেক্নিকেল সেসন মরি অমসুং সাইদ ইভেন্তশিং পাংথোক্কনি। চহি অসিগী মার্চ ৩১দগী এপ্রিল ১ ফাওবদা গান্ধীনগরদা পাংথোকখিবা অহানবা দি.আর.আর.দব্লিউ.জি মীফমদগী ফংখিবা থিমদা য়ুম্ফম ওইদুনা মখা তানা মীফম অসিদা অৱাংবা থাক্কী খন্ন-নৈনবশিং পাংথোক্কনি। খঙজিনবা য়াবদি, দি.আর.আর.দব্লিউ.জি অসি মালেমগী ওইনা অমাং-অতা থোকপা হন্থহন্নবা পান্দম থম্লিবা জি-২০গী সবসিদিয়ারি বোদি অমনি। অমাং-অতা থোরকপা মতমদা লাকশিন্নবা অনৌবা পাম্বৈশিং পুথোক্নবা অমসুং শেন থাদনবা অমসুং লাল্লোংশিং পুথোক্নবা, খ্বাইদগী ফবা থবকশিং পীথোক-পীশিন তৌন্নবা দি.আর.আর.দব্লিউ.জিনা অখঙ-অহৈশিং অমসুং মরী লৈনবশিং অমতা ওইনা পুনশিল্লে।

মে ১৮দগী মে ১৯, ২০২৩ ফাওবা নিউ য়োর্ককী য়ুনাইতেদ নেসন্স হেদক্বাতরদা জেনেরেল এশেমব্লিনা শীন্দুনা পাংথোকখিবা সেন্দাই ফ্রেমৱার্ক ফোর দিজাস্তর রিক্স রিদক্সন ২০১৫-২০৩০গী মিদ-তার্ম রিভিয়ু (এম তি আর) মখা ইন্নবা মীফম অসিনা থৌরাং তৌরে। হিরম অসিদা, সেন্দাই ফ্রেমৱার্ককী পান্দমশিংগা লোয়ন্না পাম্বৈ খুদিংমক্না খন্ন-নৈনবা জি-২০ লৈবাকশিংনা অমতা ওইনা ৱারেপ লৌরে।

জি-২০ লৈবাকশিংদা অমাং-অতা থোকপা অমসুং অইং-অশাগী ফিবম হোংলকপা হেনগৎলক্তুনা, চহিগী ওইনা য়ু.এস দোল্লর বিল্লিয়ন ২১৮ নত্ত্রগা ইনফ্রাস্ত্রকচরদা চহিগী ওইনা থাদরিবা শেনফমগী চাদা ৯ মাঙলে হায়না পানরি। শেন থাদনবা অৱাংবা থাক্তা খন্নরবশু, মীফম অসিনা দিজাস্তর রিক্স রিদক্সন(দি আর আর)গীদমক শেন থাদনবা থবক অমা পায়খৎনবা খন্ননবা খুদোংচাবা অমা পীরে। অমাং-অতা থোরকপা মতমদা থেংন্নবা, মী কন্নবা অমসুং অমুক হেন্না শেমজিন-শাজিন্নবা থবক পায়খৎনবা শেন থাদনবা, খুন্নাইগী ঙাক্লৌ পীনবা, লৌশিং পীথোক-পীশিন তৌন্নবা অমসুং মালেমগী থাক্তা শেন থাদনবা ৱাফমশিং খন্নগনি।

পুম্নমক অসিগী মথক্তা, ইনফ্রাস্ত্রকচর রিক্স এসেসমেন্ত তুল অমসুং দেতা প্লেতফোর্মশিংগী মরুওইবশিং অমুং অকোয়গী ফিবমদা য়ুম্ফম ওইবা লাল্লোংশিং অমসুং লমদম অমগী মীয়াম শরুক য়াহন্নবা থৌরাং পায়খৎপগী মরুওইবশিং খন্ননবা দি.আর.আর.দব্লিউ.জি মীফমদা সাইফ ইভেন্তশিং পাংথোক্কনি। মীফম অদুদা নেসনেল ফ্রেমৱার্ক অমা লিংখৎনবা, লনাই মীওইশিং শেন থাদবা পুক্নিং থৌগৎনবা অমসুং অমাং-অতা থোরকপদা মতেং পাংনবা শেম-শাবদা মতেং পাংনবা ৱাফমশিংসু খন্নগনি।

জি-২০ মেম্বর লৈবাকশিং, চেবাউ পীবা লৈবাকশিং, মালেমগী লুপশিং, ভারতকী মরুওইবা লুপশিং হায়বদি নেসনেল দিজাস্তর মেনেজমেন্ত ওথোরিতি, এক্সতর্নেল এফেয়ার্স মিনিস্ত্রি, নেসনেল ইন্সতিতুৎ ওফ দিজাস্তর মেনেজমেন্ত অমসুং নেসনেল দিজাস্তর রেন্সপোন্স ফোর্স য়াওনা মরুওইবশিং শরুক য়াগনি।

****