জল শক্তি মন্ত্রালয়
জল জিবন মিসন্না তোতি ঈশিং করোর ১২ শম্বা ঙম্লে
লৈবাক শীনবা থুংনা স্কুল লাখ ৯.০৬ অমসুং অঙ্গনৱাদি লাখ ৯.৩৯দা তোতি ঈশিং ফংহল্লে
আর্সেনিক/ফ্লুরাইদ য়াওবা খুঙ্গং ২২,০১৬ জল জিবন মিসনগী মখাদা হৌজিক অফবা থক্নবা ঈশিং ফংলে
Posted On:
16 MAY 2023 6:22PM by PIB Imphal
অজাদি কা অমৃত মহোৎসবকী মখাদা, জল জিবন মিসন্না লৈবাক অসিগী খুঙ্গংগী য়ুমথোং করোর ১২ হেনবদা তোতিগী খুৎথাংদা অফবা থক্নবা ঈশিং ফংহনবা ঙম্লে। ওগস্ত ১৫,২০১৯দা লাল কিলাদগী প্রধান মন্ত্রী শ্রী নরেন্দ্র মোদীনা জল জিবন মিসন লাউথোকপা মতমদা, খুঙ্গংশিংদা শুপ্নগী য়ুমথোং করোর ৩.২৩(চাদা ১৬.৬৪) তোতি ঈশিং ফংখি।
ঙসি ফাওবদা, রাজ্য ৫(গৱা, তেলঙ্গানা, হরিয়ানা, গুজরাত অমসুং পঞ্জাব) অমসুং য়ু.তি অহুম(পুদুচেরি, দি অমসুং দি অমসুং এ অমসুং এন ইথৎশি) চাদা ১০০ তোতি ঈশিং ফংলে। হিমাচল প্রদেসনা চাদা ৯৮.৩৫ অমসুং বিহারনা চাদা ৯৬.০৫ তোতি ঈশিং ফংলে। গৱা, হরিয়ানা, পঞ্জাব, এ অমসুং এন ইথৎশিং, পুদুচেরি, দি অমসুং এন.ঐচ অমসুং দি অমসুং দি হর ঘর জল সর্তিফাইদ রাজ্যশিং/য়ু.তিশিং ওইরে, হায়বদি গ্রাম সভাশিংগী খুৎথাংদা হায়রিবা রাজ্যশিং/য়ু.তিশিংগী য়ুমথোং খুদিংমক অমসুং সরকারগী লোইশঙ খুদিংমক অফবা থক্নবা ঈশিং চাং নাইনা ফংলে।
কেন্দ্র অমসুং রাজ্য সরকারশিংগী থবকশিংনা মরম ওইদুনা লৈবাক অসিগী স্কুল লাখ ৯.০৬(চাদা ৮৮.৫৫) অমসুং অঙ্গনৱাদি লাখ ৯.৩৯(৮৪)দা তোতি ঈশিং ফংহল্লে। মিসন অসি হৌদোকপা মতমদা, লৈবাক অসিদা এস্পিরেসনেল দিস্ত্রিক ১১২ লৈবদা, য়ুমথোং লাখ ২১.৬৪(চাদা ৭.৮৪) তোতি ঈশিং ফংখিবা অদু হৌজিক করোর ১.৬৭(চাদা ৬০.৫১)দা হেনগৎলে।
তেলঙ্গানাগী এস্পিরেসনেল দিস্ত্রিক অহুম ( কোমারাম ভিম অসিফাবাদ, জয়সঙ্কর ভুপালপালি অমসুং ভাদ্রাব্রি কোথাগুদেম), গুজরাতকী জিলা অনি(দাহোদ অমসুং নর্মাদা) অমসুং পঞ্জাবগী জিলা অনি( মোগা অমসুং ফিরোজপুর) অমসুং হরিয়ানা(মেৱাত) অমসুং হিমাচল প্রদেস(চম্বা)গী জিলা অমমম চাদা ১০০ তোতি ঈশিং ফংলে। মখা তানা তোতি ঈশিং ফংহনবগী থবক য়াংনা পায়খৎনবা রাজ্যশিং/য়ু.তিশিংগা লোয়ন্না ভারত সরকারনা থবক পায়খৎলি।
জল জিবন মিসন্না খুঙ্গংগী মীয়ামদা শেন-থুমগী অমসুং খুন্নাইগী কান্নবশিং পীরি। তোতি ঈশিং চাংনাইনা পীবদগী নুপীশিং অমসুং অঙাং নুপীমচাশিং নোংমগী দরকার ওইবা ঈশিং ফংনবা ঈশিং বালতিন কয়া পুবগী অৱাবা কোকপা ঙম্লে। ঈশিং শোকপদা চঙলম্বা মতম অদু শেন-থুম তান্নবা থবকশিং, অনৌবা লৌশিং তানশিন্নবা থবকশিং অমসুং অঙাং লাইরিক-লাইশু তম্বদা শীজিন্নবা য়ারে।
স্কিমশিং মতম শাংনা মাইপাক্না পায়খৎনবা খুঙ্গংগী ঈশিং পীনবা স্কিমশিং থৌরাং তৌবা, থবক ওইনা পায়খৎপা, ওপরেসন অমসুং মেন্তেনেন্সকী থবকশিংদা মীয়াম হকথেংন্না শরুক য়াহল্লে। লৈবাক অসিদা ভিলেজ ৱাতর এন্দ সেনিতেসন কম্মিতি/পানি সম্মিতি লাখ ৫.২৪ হেন্না শেম্লে অমসুং খুঙ্গংগী ঈশিং পীনবা স্কিমশিং ফগৎহন্নবা অমসুং চাংনাইনা থবক তৌনবা ভিলেজ এক্সন প্লান লাখ ৫.১২ শেম্লে।
জল জিবন মিসন হৌদোকপা মতমদা, খুঙ্গং ২২,০১৬গী মীওই করোর ১.৭৯ থক্নবা ঈশিং ফংফমশিং আর্সেনিক অমসুং ফ্লুরাইদনা শোকহনখি। রাজ্যশিং/য়ু.তিশিংদগী ফংবা পাউগী মতুংইন্না, হায়রিবা আর্সেনিক অমসুং ফ্লুরাইদনা শোকহল্লবা খুঙ্গংশিংদা অফবা থক্নবা ঈশিং ফংলে।
Tweet
সবকা সাথ, সবকা বিকাস, সবকা বিশ্বাস ঔর সবকা প্রায়াসগী ৱাখল্লোন্দা থবক তৌদুনা, এস.দি.জিগী পান্দমশিং ফংনবা মাইকৈদা জল জিবন মিসন চঙশিল্লি অমসুং খুঙ্গংশিংগী য়ুমথোংশিং, স্কুলশিং, অঙ্গনৱাদিশিং অমসুং মীয়ামগী লোইশঙশিংদা অফবা থক্নবা ঈশিং ফংহল্লে।
*****
(Release ID: 1925721)
Visitor Counter : 104